|
أدوات الموضوع | انواع عرض الموضوع |
|
: ... آل الروح الكرام ، طبتم وطابت لياليكم بالخير والسعد والمسرات ... ... اليوم سـ أفتح لكم نافذة بريئة من سياج الطفولة إقتطفتها ... " ... مشكلة لما يكون أول حفيد في العائلة ولا كمان الوحيد ، إستقبال وترحيب ، حفلات وتصوير ... ... يعني لو يطلب القمر ينزل له ، من زود الغلا طبعا ... ... هذا المخلوق يحمل كل هذه الصفات ، غريب الأطوار ، يدعى / فارس < ولد أختي المصونة ... ... مافي حاجة في الكون ترضية غير الجوالات واللعب فيها خصوصا جوال خالته أثر ... ... عشان لعبة القطة الناطقة ماشاء الله من الجُمل الفصيحة اللي يقولها عشان القطة تنطقها صح ... ... ما يعرف غير " إخ / تعني أسلوب تخويف ،، ياااتي / أسم الخدامة ،، دده / أسلوب نداء يستخدمة لجميع الخلق ... ... صغير كان ام كبير ، ذكر أم أنثى المهم أنه يناديك بـ دده وإنت وإسمك مع ألف سلامة ... ... أبغض شيء عنده في الحياة النوم لازم تقوم حرب أهلية عشان ينام ومستحيل ينام قبل الفجر ... ... سهر منذ الصغر إذا كبر مدري متى ينام أحيانا أمه تاخذه عشان تنومه ، ينومها ويجي وكأن مافي شيء صار ... ... يعشق الببسي بالضرب نفك الكأس من ايده ولما يشوفه يرمي كل شيء بيده أول الضحايا الرضاعة [ الننه ] عدوته اللدودة في الحياة ... ... آخر شيء يفكر فيه او يهتم له الأكل تصير أفلام وقصص عشان يأكل لكن تنتهي بخيبة أمل ...!! ... أي شيء بيدك لازم يقول ( هاتيه هاتيه ) حتى لو شيء مايخصه المهم أنه يلقي نظرة عليه وما تمر الحاجة مرور الكرام من عنده ... ... بالقوة أقنعته بالتصوير أعطيته معقم يحط منه عشان أصوره ... !! ... توه صاحي من النوم يدور أمة ومستغرب تصويري في هالوقت كأن يقول إنتظري شوي ...!! ... هذه حكاية كنت فاتحه الفلاش في جوالي وهو يلعب قدامي .. وفجاءه الفلاش يطفي ويشتغل ... ... وإستغرب حضرته الشغلة وجا عشان يشوف المشكلة وتم التصوير بنجاح ... ... طبعا تخاصمت معاه عشان أصوره بالقوة جلس ، سمع صوت الكاميرا هرب وكأنه طالع من سجن ... " ... مخلوق غريب ، أخر الخلق ينام وأولهم يصحى ، يتابع مباراه في سن مبكرة يلحق يتدرب ممكن يصير لاعب الله أعلم ... ... لكن قد ما أقول [ مجنون كورة ] ما أوفي في كل شيء كورة طبعاً ينطقها [ كوتي كوتي ] ... ... المهم أننا ما نستغني عن وجوده بـ الرغم من الأذى والإزعاج اللي محترف فيه .. لكن عسل على قلوبنا ... ... الله يحفظة ويخليه لوالديه ويقر عيونهم فيه .. ويجعله من حفظة كتابه الكريم .. اللهم أمين ... ... لكم من القلب أرقى تحية ... ... دمتم بخير لا ينضب ... :
|
|
|
ما شاء الله
الله يصلحه ويحفظه ويجعله قرة عين لوالديه ولخالته |
|
|
|
||
|
ماشاءالله عليه ربي يحميه
بالصوره الاولى والثالثه طالع كأنه بنوته بسم الله عليه الله يحميه ويخليه لكم احلى مافي الاطفال برآئتهم وعفويتهم دمتي بسعاده تاركه اثر لقلبك |
|
سبحان الله وبحمده سبحان الله العظيم
|
|
||
|
ما شاء الله تبارك الرحمن ربي يخليه ويحفظه
وجد اول حفيد له مكانه وحب سبشل وكل الاطفال الحين يحبون السهر وتعلموا على هالاشباس و البيبسي وربك يعين |
|
|
شيء طبيعي الحفيد الأول بالعيلة له جو غير وحضور غير وكل الحب لعيونه غير
ربي يحفظه لأمه وابوه ويسعده طول العمر التقاطات مميزة والأخيره غير مستسلم ومعصب بنفس الوقت يسعدك ربي |
|
:: أحبك مـــوت كلمة مالها تفسييير }
|
|
اختي العزيزة
بارك الله لكم فيه وصانه من عين الحسود واكرمكم الله به وجعله الله زخرا لكم في الدنيا والاخرة |
|
|
بسم الله عليه الله يحفظه يــــارب ..
متى أكون خاله .. / هذا طلالي .. يطاق أختي على الأيباد علشان لعبة القطة ولعبه ثانيه مدري وش أسمها .. وأنا ماأدري إلا منحاش وفاض في جوالي .. عاد جوالي جديد يعني بدايه كنت مهتمه فيه ماخليته يلمسه .. فجأة وبدون سابق إنذار .. ألقاه معه مقص وماسك جوالي وحايس شاشة جوالي .. طبعًا الصمت وقتها يكون أبلغ من الكلام .. جد عيال تكنولوجيا .. الله يخلف على ماضينا بس ..
تصير أفلام وقت الأكل .. كأننا بزران .. وماننسى ( جت الطيارة الطيارة ) ..
ياليل المشاركة بس .. أنا صرت لاشريت لي شيء ولارحت أجيب شيء من المطبخ .. أجيب اثنين .. واحد لي وله .. حتى فنجال القهوة .. صرت احسبه .. عاد هذا الشيء معودته أنا ومو صحي .. بس لاجلست أنا واياه اقهويه معي علشان ماأكون لحالي ..
واحلى من العسل يكونون .. جنة البيت .. ضحكة البيت .. هم الوحيدين اللي يجبرونك على أنك تبتسمين لو كان عندك ضغوط الدنيا كلها .. / والله يخليه لك ولأهله .. ويحفظه .. وتشوفينه لاكبر في أحسن حظ .. |
|||||||||||||
|
ماشاء الله تبارك الرحمن..
الله يحفظه ويخليه لكم ويعين أهله على تربيته.. .... |
|
ربي احفظ لي ولدي
|
|
:
بسم الله ماشاء الله تبارك الرحمن الله يصلح قلبه ويخليه لكم ويقر عيونكم فيه اول حفيد شي ثاني اذكر مشول بهذلناه من كثر ما ندلعه احس حامت كبده منا فارس ان شاء الله يكون اسم على مسمى , وعقبال ما نشوفه في الروح ويحوس مشاركات خالته كلها الف شكر اختي تاركة اثر على هـ الطلة الرائعة من فارس .. |
|
|
ما شاء الله تبارك الرحمن
الله يصلحة يارب ويخليه لاهله ويحميه من كل مكرووه التقاطات جميله استمري وننتظر كل جديدك |
|
لست مجبوراً أن أفهم الآخرين من أنا 00! فمن يمتلك مؤهلات العقل و الإحساس سأكون أمامه كالكتاب المفتوح 00 وعليه أن يحسن الإستيعاب 00
|
|
||
-
أحلامُنآ ، وديارنآ ، وحياتنآ .. ليست هُنآ ! ~ لبيكَ إن العيش عيش الآخرة ~ صبراً سُوريــآ .. فَ النصر قآدم بإذن الله ..‘ - |
الكلمات الدليلية |
...!, للحبيب, الأولِ, الحب |
يتصفح الموضوع حالياً : 1 (0 عضو و 1 ضيف) | |
تاركة أثر |
أدوات / ملاحظات | |||
|
|