[مساعد]

:

السلام عليكم ورحمة الله وبركاته
يسعدلي ايامكم بالخير و المسرات جميعاً ...

بين الحين و الآخر يكون لي انا وصديقتي canon 60 D
بصمات وشخابيط فلاشية نحاول من خلالها التعبير عمّا يجول في الأعماق

اليوم جايب لكم مجموعة صور حطيتها تحت مسمى " ومضات " وان شاء الله بين كل فتره وفتره بنزل منها اجزاء لعلها ترتقي لذائقتكم
الصور في اوقات مختلفه واجواء مختلفه ف العذر و السموحه اذا كان فيها تقصير

الاستسيون

( مبنى الاستسيون في المدينة المنوره وهذا احد المباني المشهوره واللي كان محطة لسكة الحديد ايام الدولة العثمانيه )

طال انتظاري !!

طال انتظاري وين صرت !!
( الصورة هذي من ينبع وكان بجواري اخوي الغالي غريب )

مطر

( من خلف زجاج الأماني ب أكماني )

شموخ الكويت

( من اهم معالم مدينة الكويت )


انت و ضميرك

ابتركك للوقت انت وضميرك !
( الصورة في بيتنا بالديره )

اتصل بي

اتصل بي دامني اقدر سماعك
( اللي ماسك الجوال سميي )

نافورة جده

معلم مشهور في مدينة جدة
( طبعاً صورتها وبرفقتي اخوي الغالي مضيع دليله عسى الله يذكر ذيك الايام بالخير )

لحظة خوف!

( هذا مشول الله يصلحه كان خايف من سياره جي ام سي قديمه شغلها اخوي سعد وكان صوتها مرعب بالنسبه له وكان يصيح يبي سعد ينزل لأنه خايف لا على سعد لا تآكله السياره )

غروبكـ!!

لا تطول في غروبك .. اخاف يتعبني السهر
( من شاطيء الجبيل )

جده غير

جده غير حتى في الغروب

صديق نفسه

ببقى صديق النفس لو كان ما كان
( هذا فواز ولد خالتي شخص مهايطي بالدرجة الأولى ايام رحلة روضة خريم اصر الا ويكون صديق نفسه وكان نتاج اصراره هذي الصورة )


فواز

هو ذاته صديق نفسه

احرقني ..!

أحرقني في عالمك ما يهم .. اللي يهم اني في عالمك ( ابقى ) ولو كنت محروق
( هذي الصورة من ايام اندونيسيا كان فيه عرض في انجل وصورت مجموعة صور وهذي منها )

خيالكـ !!

تدري انك في خفوقي تجاوزت الخيال ؟
( الصوره هذي صورتها البارحه وانا راجع لرياض وبالتحديد بعد مادخلت الدايري الشرقي كان قدامي سطحه راعيها مزبرقها ب انوار زرقاء وطول الوقت يمشي قدامي قلت يله على الاقل استفيد من مشيته قدامي ب صورة بوكيه والحمد لله طلعت حلوه )

طبعاً اضغط على الصورة لتشاهدها بحجمها الطبيعي
ولنا لقاء مع ومضات قادمه

ارق التحايا
اخوكم - مســاعد

..

[تمنيت لقياك]

:


حــيــآك آلله

آخي \ مســآعد

. . . . آرحـب يآلله حـيــه

ي مـآل آلعـآفيه وش هـآلزين تسلم إيـديـآتك
صور آحترآفيه رآئـع جـدآ

فيه من بعض الصور لفـت نظري لهـآ وعجبتني ككثير



طال انتظاري !!

..

غروبكـ!!


صـور جمميله ..

تـم زرف بعض من الصصـور < شف ترى صرقـت ..


بـآرك آلله فيــك 3 ..



:

[أطيآف]

حيآآك الله

مآشآء الله تبآرك الرحمن روعه قليله في حقهم

التقآطآتك إبداع الله يحفظك.’

يعطيك العآفيه .,’

[توليب]

ومضآت رآآآآآآئعه جداً

من الأستسيوون الى خيآآلك ابددددعت

ماشاء الله عليك مبددددددع ودآئماً لقطاتك مميزه


متشوقيين للمزيد من ومضااات كام وفكررر مساااعد الجمييييل

[المجروحه]

مساعد ,..

ومضات ابداعيه فريده من نوعهـا

ماشاء الله كل الصور ماعليهم كلام بالفعل


يعني لو نمشي صورة صورة بنطول

و مع ذالك حرام نقلل من جمالية الصوره فخلني اتكلم بمنتهى الحريه خخخخ


الصورة الاولى احس لو خذتها بمساحه اكبر بتكون احلى امم مجرد راي يعني
لكنها رهيبه ,, الا ان الليت اللي ع اليسار ماحبيته

الصورة الثانيه ابداااااااااااااااع حبيتها من قلب ,,, ألزاويه الملتقطة منها الصوره
قمه قمه قمه والالوان في الصورة شي ثاني ( متاكد انه هالمكان في السعوديه ,, ماشاء الله لا اله الا الله )
احسه مكان رومانسي هههه
ولكن الضباب او الشي الابيض من فوق هو اللي احسه مخرب ع الصورة شوي
ولكنها تبقى جميله جدا جدا

الصورة الثالثه ,.. صوره جميله واحس بشعور متجمد عندهـا ,,

الصورة الرابعه التقاطه جميله لأبراج الكويت ,, وصفاء الجو اجمل ,,

الصورة الخامسه رائعه بكثر المهـا ,..

الصورة السادسه العزل اللوني رهيييييييييب سلّم قلبه النونو ربي يحفظه لكم يارب

الصورة السابعه جميله ولكن احس استعمالك للادت و الفلتر هذا خربها شوي !! . =)

الصورة الثامنه ربي يحفظه ويخليه لكم يارب ,.., لاعاد تخوفونه
حبيتها لانها صدق عفويه بكل معنى الكلمة

الصورة التاسعه بما اني من عشّاق البحر ,, اقدر اقول انه الصور قمه في الروعه واكثر
لكن اعترف هل مستخدم فيها فلتر ولا انا عيوني اشلقت ؟؟!!

لانه احس البحر متجمد فيها ,, و هل انت معاي لو كان سرعة الغالق بطيئه بيكون تموج البحر طالع بشكل افضل؟؟

مجرد راي يعني

الصورة العاشره جميله
ولكن مادري ليش مصر على انه تكون الصوره مجمده اتوقع مستخدم فلتر توباز ...؟؟! او شيء من هذا القبيل

اذا كان هيه فعاده هالفلتر اغلب الاحيان يخرب على عفوية الصورة ,,

الصورهـ الـ11 ,. بلا شك صديق نفسه ابدع الصراحه والجلسه اهنا غييييييييييير ههههه
يعني دعايه بوك خليجيه ميه ميه
وتاكد اني انتظر منك تعلمني طريقة هالتصوير ^_*

الصوره الـ12 .. سلم عليه وقوله يبتسم في وجه العدسه احلى ههههه .,

الصورة الـ13 هذي غييييير ,, جد جد ابدعت فيهـا العزل اللوني هنا رهييييييييييييب حيل
والنار طالعه بشكل يجنن توفقت فهالصورة كثير =)

الصوره الـ14 اهم شي انك تستفيد من اللي قدامك هههههههه والبوكيه طالع حلو
والحمدلله انه جاك ع الجاهز ماتعبت عمرك



,..
و بس

السموحه ع الاطاله احس اطول رد اكتبه من فتره هههه

ولكن بعض ملاحظاتي ممكن تكون صحيحه وممكن لاء ,,

ولكنك ف النهايه ابدعت

ومضات ولا احلى يا استاذ, , وبنتظار الجديد بكل تاكيد ,,

لاتحرمـنـا

احترامـي

جوجو

[abdulmoHsen ..~]

ما شاء الله تببببارك الله

قسسم بالله يا مسساعد انا من عادتي ابتل اقرق بردودي .. بسس هالمره ابكتفي بكلمة

" مُببببدع "

لآن الصصدز ما ودي اشوه الموضوع بكثرة هرجي

هههههههههههههههههههههههههههههه

يعطيك الف الف الف الف عااااااافيه يا خلفهم

دررررررررررررررررعم بالتصوير يا ببببطل

[مساعد]

:

تمنيت لقياك

الله يبقيك اختي ويرضى عليك
والله يعافيك من كل شر وابد ازرفي اللي تبين ماحطيتها في الروح والا وانا سامح لزرف

.

نورتي

..

[مساعد]

:

أطيآف

الله يبقيك ويسلمك والاروع طبعاً حضورك وتواجدك الجميل
لا هنتي



..

[مساعد]

:

توليب

الله يجزاك خير وان شاء الله وبحول الله بيكون القادم اجمل واتمنى بالفعل انها نالت الرضى
وبالطبع حضورك وتشجيعك وتشجيع الجميع بيكون دافع للأفضل

دمتي

..

[مساعد]

:

المجروحه



الحين وراك ما تقولي عنوان الصوره كل شوي اروح اطلع فوق اشوف وش الصوره اللي تقصدين
المهم كلامك صحيح وبالعكس يسعدني نقدك بس بعض الصور راح اوضحها لك واقولك ايش سويت معها بالضبط

الصورة الأولى هذي المساحة الممكنة صح اللي وراي فضى واقدر ارجع لكن للأسف كان فيه ناس وكان فيه اطفال يلعبون كوره ف ما اقدر آخذ راحتي بالشكل المطلوب فحاولت بقدر الامكان اطلع المبنى وهو الهدف الاساسي غير كذا المبنى من الاساس مو ذاك الكبر

الصورة الثانيه في ينبع وشاطيء ينبع من اجمل واروع الشواطيء ولا تستغربي عندنا في السعوديه امان روعه لكن قل الاهتمام ما يخلي الناس تروح لها وطبعاً ينبع فيها اماكن جميله وشواطيء رائعه لكن انا ما جلست فيه الا حدود الساعتين على شان كذا ما بحثت كثير
وان شاء الله في الجايات بيكون لي رحله خاصه له
والضباب اللي فوق ليته ضباب للأسف غبار وانا حضي كذا ما اروح لمكان الا ويجيه غبار


الصوره السابعه ما استخدمت فيها اي فلتر بالعكس استخدمت غالق بطيء وفتحة عدسة ضيقه تقريباً 22 وسرعة الغالق 30 ثانيه
وماسويت فيها الا اني عدلت في الحدة شي بسيط وما جاها اي استخدام لا من فلتر او غيره


الصورة التاسعه ما استخدمت غالق بطيء لأنه رفض يضبط لأن الصورة تصير عالية الإضاءه ومع اني قللت الايزو لكن مانفع ف اضطريت اصور بغالق سريع وفعلاً انا استخدمت فلتر في الفوتوشوب اسمه Viveza 2
وفعلاً لا يفوتك الفلتر لأنه فلتر جبار بمعنى الكلمه ومخصص للمصورين .. اما سرعة الغالق اتفق معك بس عاد ما جت على الكيف


الصوره العاشره ,, واللي يقول لك انه ما يعرف فلتر توباز بتصدقينه انا ماني خبره في الفلاتر ولا احمل الا اللي اقتنع اني محتاجه فقط
الصوره فقط عدلت على الالوان والحده وطبعاً استخدمت زوم وسرعة غالق بطيئه وللمعلومية الصورة كانت بعد صلاة المغرب مباشره

الصوره 11 ابشري قريب بسوي لها شرح وتراها سهله مره لكن ابشري من عيوني بسوي لها شرح قريب

الصوره 14 فعلاً صور البوكيه تحتاج الى إضاءه ملونه حتى تطلع الصورة حلوه وربي جاب هـ الدنه في طريقي واستغليت وجودها اجل تمشي قدامي على الفاضي


بس ثاني مره حطي العناوين احولت عيوني وانا كل شوي اروح اشوف اي صوره
لكن بجد انا يهمني النقد اكثر من الثناء وتأكدي ان نقدك وكلامك على عيني وراسي وبحول الله الجايات بتكون افضل واحسن

لا هنتي

..

[مساعد]

:

abdulmoHsen

الله يجزاك خير اخوي والابداع في حضورك وطلتك على اخوك
عسى ربي يسعدك ويعافي قلبك

خلك حولنا وبحول الله بتشوف اللي يسرك

..

[جروح الوفا]

وعليكم السلآأم والرحمة

مآأشـآأأء الله تصويرررك رووعه
عجبوني طآأل آأنتظـآأري
ومـــطـــر
وآأنت وضميـــرك
و آأحرقنـي
كلهم حلوووووين
ربي يعطيك العـآأأفية ويسلمك ع هـكآأآ تصويررر

[ع ـذبة الروح]

..

الصمت في حرم الجمآل جمآل
ماشاء الله كل وحده فيها شيء يميزها ,
عجبتني صورة " مطر و احرقني و خيآلك و غروبك ولحظة خوف ياملحه ماشاء الله واكيد اتصل بي تجنن دامها يدين رجلي و صديق نفسه مرره بطله وابد مو باين انهم واحد
وانت وضميرك ابدااع , كلهم قسم تجنن ماشاء الله

كل مره امتعنا بمثل هالصور , تستاهل اطلق تقييم

..

[المسافر]

مساعد


ماشاء الله تبارك الله أبدعت بهاللقطات الحلوة الله يعطيك العافية
أعجبتني صورة الأيفون الله يصلح قلبه ويخليه لكم يارب
أمتعتنا بو مشل وبإنتظار جديدك يالغالي



إحترامي

[بنت العناد]

مساعد

ماشاء الله تبارك الله

على هالابداع وهالومضات

وبصراحة أحترت اختاااار شي منها وعشان كذا كلها فن

وتسلم الايادي

وانا في أنتظار مزيد من الومضات يالمبدع

لك ورودي

أختك

بنت العناد