[حلاها مبتليها]

”

المشاركة الأصلية كتبت بواسطة mooooooooooooooon ^^^ صح لسآآنك صح انآآ تقهرني ذآ الدعآآيآآت وخآآصه حقت دووووووو اذآآ جت قفلت الاف ام اقوول ذا الي مسويه الدعآآيه وشلون ترضآ لنفسهآآ بس اللهم لك الحمد يالله لآتبلآنآ الفلوس تعمي النفوس :/ ومآنحكم عالشعب كله بس هالفئه المريضه اللي تفكر كذآ حلآآهآآ ..’ يعطيك العآآفيه عالطرح ..’ ::

هلا والله مووون
ياعيوني انا ما احكم على الشعب
انا اتكلم من ناحيه ان الدعايات دائما على حساب الشعب السعودي
يرتدون الزي السعودي الرسمي والمرأة ترتدي الحجاب والاشخاص من جنسيات مختلفه بما فيهم مواطنين سعوديين
ويهينون كرامتهم وكرامة الشعب من اجل حفنة من المال !!

الله يعافيك يالغلا على تعليقك
الف شكر لك

[طبيب الروح]

أم عبد العزيز
تابعت كل ردودك بس ودي أعرف ليش أنتي متنرفزه وشاده على أعصابك ..
كل مافي الأمر إختلاف وجه النظر لا أقل ولا اكثر ..

وبعدين في خلاف الموضوع من يقولك أن الكويتين مايعملون مثل هذي الدعايات ..
أنا شايف دعايتهم بعيني لو كنتي تتذكرين شي اسمه ( مسرحيات 2000 ) اللي إخرجها نواف الشمري .
شوفي الفواصل اللي كل شوي اقسم بالله انواع المصخره والأستهبال .

وبعدين أختي الله يحفظك أنا أتحدث بما أعرفه ..
لو لا حظتي ردي السابق أنا أتجاهل الشعب الإماراتي بمثل هذه الأمور لأنه ليس لدي أي معلومه عنهم .

نقطه مهمه : أنتي الأن أختي تقفين لجانبي في الرأي بأن الذين يعملون بمثل هذه الدعايات السخيفه
غير سعوديين الأصل ..

صح .. أكيد صح

طيب ليش معصبه علي

[فيه أمل!]

والله ياااانتم متابعين التلفزيون آآآخر موتابعه

انا ماذكر الا هذاك الدبدوب اللي يقول انه مسيطر ع الوضع تمام

،

بس تدرين وش لفت انتبآهي بالموضوع

7

7

7

7

7

7

7

7

7

7

7

7

”	بقلم / امـ ع ــبــد العـــ زيــ ز

يالببببببببببببى قآآآآآلبك يام العز كله

،

بس تعالي وشو له هالحماس والزعل كله

ياختي امسحيها بخشتي

تراااا كلش ولا زعلك يالغآليه يام الغآلي



لا جد ابي مبرررر اذا امكن

،

”	ليش عمرنا ماشفنا دعاية استهبال باللبناني !! او بالسوري ؟ على اقل تقدير ليش ماشفنا هالحركات مع اخوانا الكويتيين او الاماراتيين ؟ ليش هم مستواهم فوق وحنا تحت ليش هم راقين بتفكيرهم وحنا واطين مستهدفين من قبل الشركات ونقبل بدون ادنى كرامة!

- شوفي على الحقاره والطفاره حنا فينا اللي مكفينا

فيه ناس تمثل تبي فلوس وناس تبي تشتهر لو تمثل دور عنز

- والفئات اللي ذكرتيها كأقل تقدير

جايييينك مع الوقت هم لاحقين ملاحيقنا بس اصبري عليهم

المسأله مسألة وقت وكلو يحصل بعضو

يعني ترانا كنا اخذين اخوانا المصاريه مطنزه في كلش ومانسيت سالفة الشئه

والحين اتحدى واحد يتزوج ويسكن بملك

يعني وحده وحده وتنهل السبحه

- وبشكل عام المواطن -العربي/ الغربي- مستهدف من جميع الشركات والمؤسسات

ودهم يتبلونه باللي هو به عشان ياخذون منه كم هلله

يعني هدي اعصااابك وانتبهي لا تجين بعد فتره نشوفك وانتي تقولين

3 بـ 1

نظافه

ريحه حلوه

توفير



وفالنا الرقي الخُلُقِي

والى الأمآآآآآآآآآآآآآآم مع تحريك العقول والاقلآآآآآآم


































فيه أمل!(ورده بيضاء)

[داماس**]

”	المشاركة الأصلية كتبت بواسطة حلاها مبتليها ما الومك اخوي داماس شي فعلا يقهر ! الكل بينظر لنا من خلال صورتنا اللي ينقلونها عن في القنوات حسبي الله ويكفي

الله يهديك
انا بنيه وش ملحي وتقولين اخوي

[ساميوواا]

هي تبقى وجهات نظر .... انتي يا اخت حلاها رايتي للاعلانات من زاويه ... وغيرك رآاها من زاويه اخرى

بالنسبه للاعلانات .... او الشي اللي صاير هذا موجود بكل بلد

وانا اتفق مع الاخوان طبيب الروح وهذا فيما قالوه

يعطيك العافيه على الطرح

[درر]

اللهم لكـ الحمد..ع نعمة العقل
بعض الإعلانات ترفع الضغط..
والله بعد حتى الإعلان السخيف ماأدري وش أسمه..يتكلمون سعودي<<إذا ذكرته رجعت..
يعطيكـ العافية أم الشيخ عبدالعزيز..

[حلاها مبتليها]

”

المشاركة الأصلية كتبت بواسطة هذال السلام عليكم ورحمة الله وبركاته اشكر الاخت على طرحها والنابع من غيرتها التي تشكر عليها ولكن ارجع واقول ليش الحساسية الزايدة نحن مجتمع مثل باقي المجتمعات فيه الزين والشين وفيه الشهم والنذل وفيه الغيور والديوث فيه من كل بحر قطره ولكن نضل مجتمع بشري اي مجتمع ليس مجتمع ملائكة نعم فيه سعودي يغير الحفايض وفيه سعودي تمشيه مرته زي ماودها وفيه سعوديات زي الدجاج لازم مانكون حساسين ونأول كل شي ضدنا . صحيح ان الرسائل الي يرسلها التلفزيون غاية في الخطورة بس الاخطر انا ندعي النموذجية والكمال وافضل حل هو من خلال زيادة الوعي لدى الاطفال وترسيخ القيم الاسلامية مهيب القبلية الاسلامية وصدقوني بنكون بخير وبنصنع حصن يحمي شبابنا وشاباتنا وتقبلوا تحياتي هذااااااااااااااااااااااااااااااااااااال

هذال
انا ما ادعي النموذجيه
انا اقصد ان اللي يمثلون هالشعب من جنسيات اخرى
بس يظهرون بمظهر السعوديين .. وهذا اللي استنكرهـ .. ليش مايسوون الدعايه بطريقتهم وبلهجتهم!

الف شكر على تواصلك اخوي

[حلاها مبتليها]

”

المشاركة الأصلية كتبت بواسطة سواليف طفله هذاال طبيب الروح.. كفيتو وفيتو.. لاكن نقطه مهمه .. داماس , {لانكون نظام العسكريه} احنا السبب احنا شعب يحقر نفسه ويقلل من شأنه ليس لدينا أي ثقه بأنفسنا ودائما نرى غيرنا افضل منا والأعظم من ذلك اننا نرى غيرنا يسخر ويستهزىء بنا ونضحك .... الى اخره ليش كل هذا طيب ليش ماقلتي أهم السبب اهم احتقرو انفسهم بأنفسهم هم ماعندهم ثقه بأنفسهم. لو لاحظتو فيه فرق بين الكلام الاول والكلام الثاني.. ليش دايما الشر يعم..خلينا نكون صريحين. الشعب اللي تكلمتو عنه ماطلع حفظه ماطلع علماء ماطلع أئمه يدعون للخير وينهون عن الشر.. مو معنى كلامي انهم على صح طبعا لا اهم على خطا وخطاكبير لاكن الكل يعطى حقه مو تعمين بالشعب كله.. هذي وجهة نظر واتمنى ماكون ثقلت عليكم لانها اراء لا راحت ولاجت .. ومشكوره اختي

المشكله ان حفظة كتاب الله والدعاة مالهم اي توجه اعلامي بارز
والظهور للاجانب المتسعودين المستهزئين بانفسهم على حساب الجنسيه السعوديه
اتمنى اننا نظهر امام الدول بمظهر اخلاقي سامي
المشكله ام بي سي وطقتها من القنوات دعاياتها كلها على حسابنا
اضيفي الى ذلك مناحي المتخلف و 37 درجة
قمة الاستهتار !

[حلاها مبتليها]

”	المشاركة الأصلية كتبت بواسطة ¤ الــ غلا ـــــروح ¤ نسيتي اللي يغسل الصابون عن زوجته وقام من نص نومه علشان فيري شر البلية مايضـــــــــحك يبوننا نضحك وبالفعل ضحكنا بس عليهم وعلى هبالهم اللهم لا شماته

هلا باختي

وشلون انسى بس ههههههههه

زين انه ماغسل بالثوب والشماغ خخخخخخخخ

[zayzom]

ام عبدالعزيز

اللي أنا مستغربه حتى في القنوات العربية الاخرى دعاية فلوسهم بالريال السعودي ! ! !
والسبب هذا اراه يعود الى سببين
يأنهم يرون أن قيمة الريال السعودي قوية امام باقي العملات ومن هذا الاساس حطو الدعاية بالريال السعودي
أو انهم يقصدون لفت نظر المشاهد العربي عندما يسمع دعاية بمليون ريال سعودي فغصب عليه ينشد انتباهه
سبحان الله هذه الدوله وشعبها مستهدفين في كل شي وعلى سبيل المثال في خارج المملكة
* السائح السعودي مستهدف من ناحية استغلاله وخداعه والنصب عليه
* اي سعودي يرتكب مخالفه في بلد ما تعالوا شوفو صحف تلك الدول وش يكتبون عن السعوديه
*عندما يرتكب مقيم عربي جريمة كبيرة في السعودية شوفو اعلام تلك الدوله واخرها قضية الاطباء المصريين في الغربية قامت الدنيا وقعدت في وسائل الاعلام المصرية من صحف وقنوات ومظاهرات في مصر من أجل الهجوم العنيف على السعودية وشعبها ودستورها ونسوا كرم وطيبة الشعب السعودي واخرها باخرتين هدية من الوالد ابومتعب لشعب مصر بقيمة مليارين ريال وعارف بيجحدونها مثل ماجحدو غيرهم أكثر واكثر
واللي فاقع مرارتي السعودي اللي قبل سنة مضروب لين عض الارض ومصور في اليوتوب في مصر وهو يعذب وربعنا والله ماحركو ساكن ! ! !
* البنت السعودية اللي قبل ستة شهور صدمت وهي سكرانه في القاهرة شفتو وش سوو ؟
.. .. ..
هذا الشعب مادري ليه مستهدف من الجميع حتى من قبل اشقائنا اللي نصفهم بالاخوه واقرب الناس لنا في الشدة والمحنه..
واسف على الاطالة والمداخلة الحشرية لكن فقعو مرارتي من بعض التصرفات
..