[فستآن]

صور لرحلتي الأخيرة " لبيت الله " ..

قضيت فيها ثلاثة أيام .. وجلست مع شخصيات من مختلف الدول ..

والمضحك فيها .. إني ماأفهم كلامهم ..

فقط إبتسامه .. وفهم الطلب من حركات اليد والرأس ..


/


وصلنا للميقات الساعة 12 تقريبًا ..

ومن حسن حظي " جدتي وخالي " .. كان وقت سفرتهم معنا ..

أحرمنا .. وأنطلقنا لمكة .. هنا شعور لايوصف .. وأنا ننتظر نوصل لمكة ..


وعلى الساعة ( 2 ) على ماأعتقد ..

وصلنا لمكة .. أخواني اعتمروا قبلنا .. وكان الطواف خفيف ..

وأنا أعتمرنا بعد الفجر وكان زحمه .. مادخلنا الشقة إلا الساعة 9 ..

والحمد لله أنتهينا ..

وبعد العمرة اليوم الثاني والثالث ..

يكون النظام .. نطلع كلنا قبل المغرب بقهوتنا ..

ونجلس في الساحة .. ونتقهوى ..

وكان جنبنا أحد قهويناه معنا ..

واللي يجمل مكة هذا الشيء .. الكل يعطي الثاني ..

يعني مثل مايقولون ( في مكة محد يجوع ) ..


ونصلي المغرب والعشاء .. ونروح نتمشى ..

ولاجت الساعة 11 الليل رجعنا للشقة طبعًا مو بعيده عنا ..

نروح لها مشي ..

نأخذ معنا عصير لارجعنا او أي شيء خفيف .. ومرة أنا رجعت بموز ..

شفت العالم تشتري شريت معهم ..


أكل عشاء حارمه نفسي هناك ..

مع أن المطاعم كثيرة .. لكن على كثر العالم .. مايساعد الواحد يأكل ..


نرجع نرتاح إلى الساعة 2 أو 3 ..

نجدد الوضوء .. واللي يبي يروح يطوف يطوف ..

واللي يصلي يصلي ..


في هذا الوقت نجلس في مكان مكيف داخل الحرم ..

نجلس بدون غطاء .. ونقرأ قرآن .. ونصلي لما يأذن الفجر ..

نجلس بعدها لما الإشراق .. ثمن نرجع للشقة ..

وقريب من الشقة كافتريا .. نشتري منه شاهي وخبز وجبن ..

ونفطر عليه .. أنا وأمي وأختي فقط ..


أخوي لأنه رجالنا يرجع نفس وقتنا ولا الثاني مايرجع إلا عشر

أجلس أنتظره لما يرجع .. وبعدها ننوم ..

وهذا نظامنا في البيت الحرام ..





/




( بعــض من الصــور ) ..



هذا الشايب كل مارجعت للشقة أشوفه ..

وكنت وقتها حاطه كاميرتي على الوضع التلقائي ..

أصور صور عشوائيه .. يوم شفته صورته وهو مايدري ..




الكعبة قبل أذان الفجر ..




هنا خذت الصوره وقت الصباح ..




آخر يوم في مكة ..

كنا جالسين تحت ولأول مرة ..

لأننا طفنا بعد صلاة الفجر .. وجلسنا عند الكعبة ..




نفس الشيء آخر يوم ..




قبل الفجر ..

ضايقت العالم وضايقوني .. لأن مكاني كان عند اللي يطفون ..




بوابة الملك عبدالعزيز الصباح وأنا راجعين للشقة ..




هنا كنت جالسه قبال الكعبة بعد ماخلصت الطواف ..

أمي في مكان وأنا في مكان ..

أنسجمت مع التصوير ونسيتها المسكينة ..

تظن فيني شيء .. والجوال يرن ويرن ولاحياة لمن تنادي ..







/



ختامًا ..

( من لم يزر مكة / شخصٌ محروم ) ..

[مساعد]

:

فستآن

ماشاء الله تبارك الرحمن
صور في غاية الروعه .. ابدعتي فيها عسى ربي يقويك ويعطيك الف عافيه



الصورة هذي حكاية مؤلمة لرجل يبحث عن لقمة العيش ببيع اشياء بسيطة تغنية عن مد يدة للآخرين


الزاوية هذي جداً رائعه بس تمنيت لو تقدمتي عند الحاجز بحيث ما يطلع في الصورة


في هذي ابدعتي ماشاء الله
بس ماجربتي التصوير بالحامل ! او اي مكان ثابت ؟ وتكون الكاميرة ثابته


وهذي رائعه ماشاء الله


فستآن
صورة رائعه بمعنى الكلمة و الله يجعلها عمرة مقبولة والشهر عليك مبارك



..

[موجة حزن]

ماشاء الله صور رائعه
ما أجمل الأجواء ببيت الله الحرام
كل سنه وانتى بخير ورمضان كريم

ماشاء الله رائعه

[نهر الوفاء]

ما شاء الله عليك فستان

بصراحة صور ولا اروع اعجبتني كثير كلهم بدون اي مجامله
وكل صوره لها معني مختلف .. ماشاء الله تبارك الرحمن الله يزيك ويحفظك

وكمان اعجبني الجدول اللي مشيتو فيه .. يعني بعد المغرب وبعد العشا وبعدين العوده للفندق
وبعد الفجر وقهوة ... من جد عشت الجو ..

تقبل الله سعيكم وان شاء الله ماتكون اخر عمره..

شكرا لك مره اخري على الصور الاكثر من روعه

[إكليل الروح]

:

ماشاء الله تبارك الله
صور روعة .. يكفي أنها لَأطهر بقعة على وجه الَأرض

الله يتقبل منا ومنكم .. وعقبالنا نروح لمكة قريب ..



..

[السنيورآ]

السلام عليكم و رحمة الله و بركااته


فستآآن
الصور رآآآئعه ما شااء الله عليك غلاتي
تسلم الأيادي على هذي اللقطآآت

أحلى رحله هي لما تكون الوجهة لمكة او المدينة المنورة
الله لا يحرم منها اي مسلم


عمره مقبووله ...تقبل الله طاعتكم
دمتِ متألقه

[رذاذ حلم,,~]

عمره مقبوله

الصور مرررره حلوه

اعجبتني لقطاتات كثيره
خاصه صورة الشايب حلووووووه مررره اعجبتني

يعطيك العافيه

تصوير حلو
تسلم ايديك

[فستآن]

مساعد ..


الحمد لله أنها نالت على القليل من إعجابك ..

للأسف أثناء التصوير مافيه مكان يساعد أثبت فيه الكاميرا ..

وفي نفس الوقت اعدادات الكاميرا ماساعدتني ..

لذلك دقتها ماكانت جيده .. قبل وبعد التعديل ..


والحاجز الموجود في الصوره

ببحث في باقي الصور يمكن ألقى وحده بدون حاجز وبنفس الشكل ..



/



شكرًا لملاحظاتك .. ثم ثنائك ..

والله يتقبل منا ومنك ..

[إسـتفهام]

مشاءالله . تبارك الله

تقبل الله

والصور أكثر من رائعه خصوصا صورة الشايب

[تاركة أثر]

:

... فستان يا نقية ...
... رعاك الله وجعل الجنة مثواك ...

... إطلالة بهيه تنبثق بالطهر والنقاء كيف لا وهي من أطهر بقاع الأرض ...
... ألتقاطات جميلة من مبدعة أنهمر عطاؤها بسخاء ومن روح ملؤها الأيمان ...

... هذه فاقت حدود الجمال والروعه والبقية لا تقل قدرا عنها ...
... إستمري رعاك الخالق وزادك من فضلة ...
... سلمت أناملك وجزيتي خيرا ،، شكرا لك ملء السماء ...
... دمتي بخير لا ينتهي ...
... لك مودتي ...

:

[فيه أمل!]

انآ السنه المآضيه محرومه والسنه هذي كذلك والله اعلم

مآكتب الله لي اروح لهآ

الله يكتب لي عمره وكل مسلم ومسلمه هذآ الرمضآن

صور مكه دآئمآ لهآ نكهتهآ الخآصه

لكن اذآ شفتهآ في رمضآن يصير عندي انطبآع ثآني

,التقآطآتك كآنت جميله الله يسعدك ويتقبل منكم يآآآآرب



احب الشيبآن مآدري ليه

الله يررررزقه وكل مسلم

فستونه آبدعتي يآبعدي الله يجعلك من جميل لآجميل


،

[هدهود]

ماشاء الله تبارك الرحمن صور روعة لأجمل بقاع الارض
الله يتقبل منا ومنكم صالح الاعمال
ويجدد زيارتكم لبيت الله في كل عام

[فستآن]

موجة حزن ..

أجواء بيت الله من أجمل الأجواء ..

راحه وطمأنينه ..

/

وأنتِ بصحه وسلامه ..



...



نهر الوفاء ..

الله يجبر بخاطرك ويسعدك ..

وجدولنا من عامين وأنا نمشي عليه ..

مرضي الجميع ومرتاحين له ..


وآمين يارب ..

شكرًا لك ..



...



إكليل الروح ..

صدقتِ يكفي أنها لأطهر بقعة على الأرض ..

والله يكتب لك زيارتها عاجلًا غير آجل ..

[سمو المجد1]

ما شاء الله تبارك الرحمن
الله يتقبل منك يبارك لك وعقبالنا يارب
وما شاء الله صور احترافيه ما احلاها
كلها احلى من بعض ومكه وما ادراك ما مكه
بمبانيها واجواءها وروحانيتها وساكنيها
بصراحه غ ي ر

جزاك الله كل خير وتسلم ايدينك

[مضيع دليله]

ماشاء الله تبارك الرحمن

العمرة مقبولة إن شاء الله وتقبّل الله منا ومنكم صالح الأعمال

صور إيمانية ترقّ لها القلوب سبحان الله

بيت الله الحرام مجرّد ما تطبّ رجلك فيه تحسّي بعالم ثاني أجواء إيمانية تبعث الطمأنينة والأمان

فستان صور رائعة أبدعتي فيها

وحمداً لله على سلامة العودة وننتظر صور العروس ( جدة )

يعطيك العافية