[كاواجوتشي]

آراءكم وإنتقاداتكم محل تقدير عندي .. حياكم الله .

[Mo5maliah]

الصوره مررره روعه

بس احس فيه مساحه بيضاء كبيره بالموضوع اقصد الخلفيه

ولو الخلفيه غامقه بعد تطلع احسن


وتبقى صوووره رووووعه والتقاطه مميزه

لا تحرمنا جديدك

[كاواجوتشي]

مخملية

صح عليك والله , بس لأن الصورة أبيض وأسود , ظهرت مساحة البياض كبيرة جدًا , مع إن الثوب لونه بيج أو مختلف شوي
ومع ذلك البيج قريب من الأبيض يعني كنك يابو زيد ما غزيت هههههه حتى المثل لايق , المراد انه مفروض بلون أغمق .

بس عشان تكون الصورة أكثر بداوة , وأكثر وصف للفكرة جبنا الثوب فاتح لأنها الوان مشهورة في البادية العربية .
ملاحظتك دقيقة ورائعة , و أتشرف بوجودك يا مخملية , وان شاء الله أنتبه لها في المرات القادمة , شكرًا لك .

[هدهود]

ماشاء الله الفكرة حلوة كثير

بس لو باين الثوب بيج بكون افضل

بس جد ابداع ..سلمت يمناك

[فيه أمل!]

ابو زيد الهلالي

والله صوره رآهيبه باسمهآ وبكآمل تفآصيلهآ

من شمآغوعقآلوسيفوالربآط اللي مربط فيه صدرك<مآدري وش اسمه

حتى الخلفيه بعد جآيه بقوه مع اللوك الهلآلي

ولو خلفية ثوبك هذآ خيمه بيكون آحلى

وبعد لو مصور مع خيل وفي بر كآن تطلع صوره مهبوله

الموهم احتفظ في الاكسسوآرآت هذي عشآن تصور لنآ مع خيل

بس المره الجآيه إمتن شوي عشآن تصير شكلآ ابو زيد الهلآلي

وبعد لآ تحط شي مدور في جيب الثوب الامآمي <شكلهآ عدسه

وصح نسيت امدح الوقفه وكذلك النظره<معبرآت الصرآحه

كآوآ الله يعطيك العوآفي يآخويه على الصوره الآكثر من طيبه

والى الامآآآآم والآحترآآآآآف يآ كآوكآوآآآآآ

وفي انتظآر ابو زيد مع حصآنوووه


،

[مساعد]

كاواجوتشي

:

ماشاء الله تبارك الرحمن ..
الصورة في نظري معبره بشكل كبير وبالعكس البياض اعطى الصوره طابع انيق خصوصاً ان اتجاه نظر ابوزيد بنفس الإتجاه
ابدعت اخوي الغالي من خلالها , لأن الصور بالفعل معبره بكل ما تحتوي
بس لو ابو زيد شال الخاتم اللي في يده


بأمانه صوره رائعه ومميزه
بس ماقلت لنا وش الكام المستخدمه والعدسه !

رائع وفي انتظار المزيد والمزيد

[كاواجوتشي]

هدهود

أهلا ً وسهلاً , الثوب لونه بيج فعلاً , بحاول أنزل الصورة الملونة خلال هذه اليومين بنفس الموضوع إن شاء الله

[ع ـذبة الروح]

ماشاء الله الصورة روعه والفكره مره تجنن

بس لو كآن اللي ف الصوره اسمن شوي علشآن يطلع من جد ابو زيد

لاهنت ي مبدع

[كاواجوتشي]

أبلة أمل

يا حياك الله , اللي بصدري اسمه حزام , وبعضهم يقول له محزم , وهذا ينحط فيه الرصاص , أول البدوي لا جا يحارب
يقول لربعه : تحزّموا خخخ يعني إلبسوا اللي بالصورة , ومع التطور السكاني صارت كلمت تحزّموا تعني استعدوا فقط

بخصوص الخلفية والله صراحة هذا المتوفر مع الأسف الشديد , ولو كان فيه فرصة إني أخلي الخلفية بيت شعر أو خيل ما توانيت
لكن المشكلة ان الإمكانيات ضعيفة للأسف , حتى العقال اللي تشوفينه بالقوة جبته من محل واشتريته عشان هاللقطة اللي تشوفينها

وبخصوص المدور اللي بالجيب هذا غطى العدسة ههههههههههه ملاحظة دقيقة

ألف شكر وحياك الله ابلة أمل .

[كاواجوتشي]

مساعد

يا مرحبتين يا مساعد ,أسعدني تواجدك ودعمك المتواصل يالغالي , وبخصوص الخاتم والله ياكثر اللي نقدوا عليه , بس ياخي وش اسوي
والله اني لابسه في طبيعتي خلقة وأنسى أنزله , وتراني راعي خواتم بعيد عندك , بس مو خواتم ابو فصة مدري كيف , لا أرتب شوي

أما الكاميرا يا غالينا فهي : Canon 400D Eos
والعدسة : 55-18 اللي تجيك مع نفس الكاميرا

حياك الله مساعد

[كاواجوتشي]

عذبة الروح

حياك الله يا خية , والله مشكلة الوزن مشكلة صراحة , ومشكلة الموديل بحد ذاتها أكبر مشكلة عندي
لأني اضطر دائمًا أكون موديل لأفكاري وصوري , مافيه أحد يساعدني بذا الموضوع قهر قسم بالله

أوعدكم أزود أكلي خخخخ

[بــنـــ الأصول ـــت]

ماشاءالله تبارك الله ,,

لقطة راااائعه اخوي كاوا ,,

بس ليه ماتصور ملون ؟
الاحظ كثير تستخدم الابيض والاسود بالصور
وهذا شي حلو ,, لكن نبي ملون بعد ولا عليك امر


الله لايضرك

وبانتظار المزيد من ابداعات صورك

[المجروحه]

كاوا,,

ماشاء الله تباركـ الرحمن في قمة الابداع والله,,,

حبيت الصوره كثر من نايحة التعـبير والفكرة.,, ابداااع عن جد,,,

وحسيت لو عملت ع الصورة العزل اللوني بالفوتوشوب بتطلع رهيبه

صحيح المساحة البيضة فيهـا فضاوة كبيرهـ ولكن ,, لو كان هناك استغلال لهـا بشكل افضل بتكون الصوره احلى و احلى

وتوظيفكـ العدسهـ بهالطريقهـ ابرز جمااال الصوره بشكـل كبير واتوقع لو استخدمت عدسة البورتريت بتطلع بشكل ثاني

,,,

كل كلامي مايقلل من جمالية الصورة وفكرتهـا الغريبه والفريده من نوعهـأ, ,

..
وانتقادي لبعض الاشياء من الممكن يكون في محلهـ او لا ,,,

واصل وربي يوفقكـ وبنتظار كل جديد وجمـيل,,


تستحق التقييم,,


احترامي

ميلاد جرح

[مشاعل**]

ليه عاد زيد الهلالي لبسك يذكرنى بـ القناة الأولى والملك عبد العزيز


حلوووه الحرركة وراايقة


وتسلم يمينك

[كاواجوتشي]

بنت الأصول

أنا من عشاق الأبيض والأسود , أحس إنه يعطي للصورة هيبة ويطلعها بشكل ممتاز وطابع قديم , وانا احب القديم بصراحة .
بس عندي كمية صور ملونة أكثر بكثير من الأبيض والأسود , وطلعت بها هنا في الروح أكثر من مرة , آخرها صورة السحب

ألف شكر لك بنت الأصول , وحياك الله .

المجروحة

يا هلا ومرحبا , ملاحظاتك حلوة وأفادتني كثير , وجبت الصورة الملونة المعزولة لأني مسويها من أول بس لقيتها قبل شوي
طبعًا مو أنا اللي سويتها عشان أكون صادق , لي صديق دايم أرسل له صوري وهو يضبط العزل , ويضبط الحقوق دائمًا .



ألف شكر على التقييم والنصائح يا مجروحة .

مشاعل

يا هلا ويا مرحبا , ولا عاد تجيبين طاري التلفزيون السعودي رجاءً ( فيس مزيد السبيعي )

ألف شكر يا مشاعل على حضورك ودعمك