[مساعد]

الســلام عليكم ورحمة الله وبركاته
:
:


اليوم نبدأ اول فعاليه من فعاليات الروح الصيفيه و اللي اتمنى ان تنال الرضى والأستحسان من قبل الجميع
طبعاً بدأنا التسجيل من خلال الموضوع السابق ( هنا )
واللي ما اطلع على الموضوع الى الآن يمكن له التسجيل معنا هنا لأن الفعاليه مفتوحه لحد ما نصل لآخر مشترك
في البداية بشرح لكم شرح مبسط لكيفية التسجيل على الكمبيوتر وعمل تأثير الصدى على القصيده

نحتاج لتسجيل الى مايك وسماعه وطبعاً الأنواع كثيره وافضلها طبعاً ( bose ) من سوني
لكن مش الحال بأقرب سماعه من اقرب محل كمبيوتر حتى لو كانت صينيه بس الأهم نجربها في المحل لأن بعض السماعات تكون نتائجها سيئه وانصح تاخذ الآبتوب معك للمحل لتجربه


البرامج المستخدمه في التسجيل كثيره اهمها وافضلها في نظري البرنامج العملاق Audio Studio
ويمكن تحميله مع التعريب من ( هنا ) لكن البرنامج مؤقت لمدة 30 يوم ويحتاج لـ كراك او سريل
لكن الأخ زمن ما قصر جعل عمره طويل جابه عبر هذا الرابط ( هنا )
والبرنامج يحتاج تمرس نوع ما على شان كذا بجيب لكم برنامج آخر يؤدي الغرض وفي نفس الوقت نتائجه رائعه وحجمه صغير وسهل الأستخدام

برنامج Internet Audio Mix


يمكنك التحميل من هنا
InternetAudioMix1.34.zip

وهذا السريل نمبر

54445820

طريقة التسجيل من برنامج Internet Audio Mix
نفتح البرنامج
ثم بعد ذلك نضغط على زر التسجيل واللي تلاقيه في القائمة العلويه باللون الأحمر

راح تفتح لنا النافذة التاليه

ونضغط على Record
الآن نبدا بالتسجيل وبعد الأنتهاء منه نضغط على stop

تظهر لنا النافذة التاليه

نضغط على Play للأستماع و Save للحفظ
طبعاً الحفظ بيكون بصيغة wav

احفظ العمل اللي سجلناه ويمكن لك إضافة الصدى من خلال برنامج مسجل الصوت والموجود البرامج الملحقه


من ملف نختار فتح
ونضيف الملف الصوتي اللي حفظناه ومن ثم نقوم بالتالي


الآن خلصنا من التسجيل وإضافة الصدى وعلى شان يكون الحجم مناسب ودقة الصوت مناسبه نقوم بتحويل المقطع لـ صيغة mp3 وعاد برامج التحويل كثيره واللي ماعنده البرنامج يقولي وانا اجيبه له


الموضوع بيكون عنوانه استلم المايكـ | ... | وفي كل مره بيكتب اسم المشترك يعني بيكون بالشكل هذا
استلم المايكـ | مساعد |
ومثل ماقلنا لكل عضو 3 ايام العضو الأول له السبت والأحد والأثنين والعضو الثاني بيكون له الثلاثاء والأربعاء والخميس ويوم الجمعه بيكون استراحه
طبعاً القصيده بتوضع من خلال هذا الموضوع والمشترك عليه ينزل القصيده اذا انتهى منها في موضوع مستقل في منتدى الملتميديا وله الحريه بوضع العنوان المناسب له وبالتالي نكون اثرينا هذا القسم بأعذب الأصوات الروحيه

وبكره بالليل بيتم الأعلان عن اسم المشترك الأول من خلال العنوان وبيتم وضع القصيده في رد عبر هذا الموضوع

بالتوفيق للجميع

[مساعد]

الأعضاء المشتركين الى الآن 11 وهم
مساعد
غير البشر
مشاعل
النورس
دلوعه
مطلق محمد
ام الغالي
فارس
عباث الحربي
عذبة
المسافر
زمن

[درر]

وعليكم السلام ورحمة الله وبركاته...

ماشاء الله تبارك الرحمن..

شرح وافي وكافي..

مساعد...

يعطيك العافية ..

وبالتوفيق للجميع..

لاعدمتك..

درر..

[آلمحمدّية]

مسآعدْ
كفيت ووفيت ..
بس ليش نسوي كل ذآ ..
خلينآ نسجل عآدي بالمسجل ونرفعهآ .
لإني مآ آعرف ابربس كذآ

وبإنتظآر آلقصآيد آللي رآح تجينآ

..

[مساعد]

حياك الله اختي درر وان شاء الله يستفيد منه الجميع

المحمديه مسجل الصوت المرفق في الجهاز مدته فقط 60 ثانيه وهذا عيب كبير فيه على شان كذا نستخدم برامج اخرى . جربي وراح تشوفي بنفسك

[هدهود]

وعليكم السلام ورحمة الله وبركاته

ماشاء الله تبارك الرحمن

شرح مميز وواضح ..جزاك الله كل الخير

جزاك الله كل الخير والله ولي التوفيق

[آلمحمدّية]

طيب مسآعدْ آنآ حملته وخلصت ..
وحآولت آسجل بالبرنآمج آلجديد.. طيب!
بس كيف بعد مآ آسجل وآسوي حفظ .. آروح آرجع
آضيف للي حفظته صدى !!!!!
كيف ؟؟

..

[مساعد]

هدهود .. بارك الله فيك وجزاك الله خير اختي
المحمديه .. لمجرد انك تسوين حفظ راح ينتقل التسجيل للبرنامج على شكل تموجوات تقصين من خلالها اللي تبين وتضيفين عليها مؤثرات مثل صوت بحر او عصافير او اي شي تبينه يعني تدمجين معها اصوات ثانيه
بس انا انصح تسوين صدى لصوت اول لأنك لو سويتي الإضافات لها قبل ثم سويتي صدى بيصير لها هي بعد صدى وبيطلع المقطع مو حلو

المشكله في العمل ماعندي مايك والا شرحتها لك اكثر بالصور

[مساعد]

البداية بتكون مع اخوي غير البشر

القصيدة بعنوان يفداك من شافك
لـ الأمير عبدالعزيز بن سعود ( السامر )

يفداك من شافك على مرّ الايام= ياتاج راسي في ليال الشدايد
إن رحت زارتني هواجيس وأوهام= وإن جيت راح الهم عنِّيْ بدايد
وإن زرتني بالطيف والاّ بالأحلام =كتبت فيك أجمل حروف وقصايد
في حرب حب عيونك السود من عام =ماعاد للغالين قبلك شرايد
فيك أنت قلبٍ منك ياصاحبي هام= لأجل الغلا ياطا على كلّ كايد
ولا يبيع الشوق لعيون من سام =من غير حبّك مايريد الفوايد
حبٍّ عظيم بالغلا يلزم إلزام =الخافق اللِّي بالهوى له عوايد
إهدْ المنام لعاشق ٍ مابعد نام= روس الأصابع له فراش ووسايد

طبعاً القصائد ننزلها صباح الأثنين والجمعه والعضو المشارك ينزلها في موضوع مستقل قبل الساعه 12 ليلة الثلاثاء او ليلة الجمعه

بالتوفيق

[غيــرالبــشــر]

إن شاء الله ابييض الوجه وعسى اللهجه ماتخوني
ههههههههه
خبركم حجازي من مكه وزحلطن اللسان لابد منه

لي رجعه باذن الله

[آلمحمدّية]

”

اقتباس من مشاركة مساعد هدهود .. بارك الله فيك وجزاك الله خير اختي المحمديه .. لمجرد انك تسوين حفظ راح ينتقل التسجيل للبرنامج على شكل تموجوات تقصين من خلالها اللي تبين وتضيفين عليها مؤثرات مثل صوت بحر او عصافير او اي شي تبينه يعني تدمجين معها اصوات ثانيه بس انا انصح تسوين صدى لصوت اول لأنك لو سويتي الإضافات لها قبل ثم سويتي صدى بيصير لها هي بعد صدى وبيطلع المقطع مو حلو المشكله في العمل ماعندي مايك والا شرحتها لك اكثر بالصور

إي وآلله يآليت تشرحهآ
وخصوصآ حركة آلدمج حتى آنآ وغيريْ ونستفيد
وآلله يعطيك آلعآفية

..

[مساعد]

غير البشر .. يعطيك العافيه اخوي وان شاء الله بيطلع شي حلو بس اهم شي اي كلمه توقف معك قل لنا عنها ونوضحها لك على شان ما يصير فيه خلل ويقل تقييمك

المحمديه .. ابشري الحين اشرحها لك بالصور .. بس ثواني

[مساعد]

لمجرد حفظ العمل بعد التسجيل راح ينزل داخل البرنامج بالشكل التالي


نضغط على الإيقونة التاليه لدمج مقطع صوتي آخر واللي يفترض انه يحتوي على مؤثرات

ونختار المقطع اللي نبي من المكان اللي هو موجود فيه

راح يظهر لنا المقطعين بالطريقه التاليه

طبعاً المده الزمنيه ماراح تكون متساويه وانت تبي المؤثرات تمشي مع صوتك حتى النهايه كل اللي عليك تسوي الآتي
تروح حتى نهاية المقطع الأقصر وتضع الماوس وتلمسه بالماوس وراح يتضلل بالأسود

ضع الماوس على نهايته حتى يظهر لك الماوس على شكل سهميين متعاكسين كـ التالي


اسحبه حتى يصل الى نفس طول المقطع الآخر


طبعاً صوت المقطع الثاني يمكن يكون عالي وماتسمع صوتك زين المطلوب منك تحط الماوس على الخط اللي يجي بالنص

وتسحبه للأسفل الى الدرجه اللي انت تبي


الآن تحفظ العمل والتسجيل على صيغة mp3 بالطريقة التاليه

File < Save As a < MP3 File

وسلامتكم

[آلمحمدّية]

مسآعد:
آلله يجزآك كل خير ..
بنجرب وان شاء الله يزبط معآي

تسلم

..

[المسافر]

ماشاء الله تبارك الله أخوي مساعد
جهد تشكر عليه ولا يهون زمن جعل عمره طويل
وبالتوفيق لأخوي غير البشر
ونسأل الله التوفيق

إحترامي