[فستآن]

حياكم الله أخواني .. وحيا الله عشاق ( القطاوة ) ..





وحده من بنات عمي عندها قطوة اسمها ( لوســـي ) ..

ماحبيتها ومن أشوفها أقوم أدعي عليها .. ولااتحلطم ..


بس غصب عني تقبلتها .. بحكم انها قطوة بنت عمي ..

سببت لي ازمه في بيتهم .. في كل مكان اشوفها ..

وأنا عيوني تدور في المكان إللي انا أجلس فيه .. وأوقات أذني مع بنت عمي وعيوني مع قطوتها

خوف إنها تقرب ولا شيء ..



وطبعاً .. ماتقصر قطوتها في المواقف ..

مره طبت على بيت الجيران .. وتجلس تصيح بصوتها .. تبي تطلع ..

وطبعاً ماقصر المنقذين عمي وولده ..جابوها بالسلم ..

( كانوا أهل البيت مسافرين ) ..



والموقف الثاني ..

رايحه لبنت عمي .. وطلعنا لنا دجاجه وحطيناه في المطبخ ..

لما ( تلين ) .. وبعدها بنصلح أكلنا ..


جلسنا في الصالة الخارجية ..

مادرينا إلالوسي تركض وفي فمها الدجاجة ..

وتروح للصالة الداخلية .. أنا وبنت عمي عيونا وصلت للأرض ..

مصــدومين .. وبعد الصدمه ضحكنـا ..




عاد زوجة عمي تقول إن لوسي حامل ..

بس بنت عمي ماصدقت .. مادرت إلا وهي تولد ..


من الساعة ( اربع ) إلى ( سبع ) ..

كل شوي مطلعه واحد .. تقول بنت عمي يوم طلع الثالث .. قلت خلاص معاد بقى شيء ..

إلى يوم جاء الساعة سبع تطلع واحد ..




عاد قبل بـ أسبوع تقريباً ..

لعبنا فيها لعب .. نغطي رأسها بشراب ..

وتقوم تفحط .. ومن التناحه فيها صارت تمشي على ورا ..

ثمن تهجد كأنها ميته .. وأنبني ضميري لأن لو كنت اعرف انها حامل ماسوينا كذا ..





وبعد ماولدت ..

دقت علي بنت عمي .. ومارديت ..


وترسل رسالة ..

( فستاااااان ابشررتس قطوتي ولدت جابت اثنين يهبلون واحد اسود والثاني ابيض ..

واخيراً صرت جده >>> تصرخ من الوناسه ) ..

قبل ماتكمل ولادتها .. وتجيب الباقي ..




وسمت قطاوتها ..

( دندوش >>> ذكر .. وآنوشه وآموشه وميشا >>> إناث ) ..

طبعاً حبيت دندوش وميشا ..

أما إللي شكلهم نفس بعض .. ماحبيتهم ..



/




وهذي صورهم ..

















فاصل / الأمومه حتى في الحيوانات موجوده ..

خذت بنت عمي وحده من عيالها .. وجت تجلس عندي .. والقطوة تصيح بصوت واطي ..

ماشفت إلا لوسي تركض وتدور برأسها على بنتها ..

وتجي تأخذ بنتها وتروح بها ..


سبحان الله العظيم ..

[هدهود]

معني اكره القطط بس هنا طالعين حلوين كثيييييير
ليه واحد اسود واحد بني مو ابيض

ايه واحد على الام واحد على الابو

وكل كوم واسمائهم كوم ثاني بس حلوين
كل حرف الشين

والله يحفظهم ويكبرهم ويوم التخرج والزواج <<فاهمه غلط

عادي مايصير قطوا تتخرج وتدرس وتزوج يصير

ربي يسلمك فس فس وسعتي صدري مع موضوعك

[فستآن]

واحد رصاصي غامق .. واثنين بيج فاتح ..

وواحد .. جامع كل الألوان .. يرضي الجميع ..


وايه طالعين على الأبو .. تقوله بنت عمي ..


...


وإلا يصير يدرسون وحتى يكملون دراستهم خارج المملكة ..

قطاوة حمايل هذول .. مايعيبهم شيء ..





والله يوسع صدرك دوم يارب ..

[هدهود]

حلوه واحد جامع كل الالوان يرضي الجميع

والله يوفقهم وان شاء الله اذا كبروا جيبي لنا صورهم بعد

[فستآن]

أبشري .. مع إني أتوقع إذا كبروا كبروا ..

بيصيرون قطاوة شوارع .. لان أبوهم قطو شارع ..

مو مثل أمهم .. أحس كأنها بنت عز ..

[ع ـذبة الروح]

وععععععععع

ههههههههههههههههههه اما اسمائهم حفله من جد ,
ماشاء الله عليها شلون ماتخاف منهم ,
اكره القطاوه , حامت كبدي يوم شفت صورهم
عوآفي فستآن

[آلمحمدّية]

مآشآء آلله عليهآ آربعه يآسلآم
تسلفني وآحد
حنا عندنا قطوة سودآء .. بس شكلهآ مآتطيح إلآ ع بساس خوقاق
لإن عيآلهآ حلوين موب طالعين عليهآ <~ آلتفكير بس .

يسلمو فستآآآآن
ويتربون في عزهآآ .

..

[فيه أمل!]

ماااشااء الله الحمد لله على سلآمة لوسسي

بسس ورآ عيآلهآ من كل بستآن قطوه

يعني كم ابو لهذولي القطآوه

<قآمت تشكك باخلاق القطوووه

عآد نجي للحق هي حلوه بس عيآلهآ الله يستر عليهم

والله يخليهآ لبنت عمك هي وعيآلهآآآ

ومشكوره ع الصورررر


،

[درر]

فستان...
يعطيك العافية على هذه الصور..
لاهنت
درر

[فستآن]

عذبة الروح ..


مدري والله شلون ماتخاف ..

بس شكل حبها للقطاوة وراثته من أمها ..


تسلمين ..



...



دلوعه ..


مو بنسلف بنعطيك إياها نجاحه لك ..

ويمكن في قطوتكم عرق سوري ..

ابحثوا عن أصلها ..


..



...



فيه أمل ..


الله يسلمك ..

صادقه من كل بحراً قطره ..

وطبعاً إللي الوانهم بيج ماحبيتهم ..


وايه امهم .. حلوه ..

وأحسها دلوعه .. وغبيه ..

وإن شاء الله العيال يلحقون أمهم .. وترضين على أشكالهم ..


وتسلمين على تواجدك ..



...



درر ..


الله يعافيك يارب ..

[مشاعل**]

ماشاء الله

مزاج ع بنت عمك متحملة مسؤلية

أشكالهم حلوهوالله يخليهم لها


تسلمين فستانه

[صياد السعلوة]

ما احب القطط <<احب السعالوا

ويتربوا في عزها

[المجروحه]

يالبي قلبهم والله انهم كلابيسو هههههههه


حلوين والله مع اني اخاف منهم حيل بس احب اشكالهم كيووووووووت



الله يخليهم لهــا,,, ويحفظهم...


فستان

يسلمو ع الطرح الحلو حبوبه,.,

جوجو

[توليب]

وحيااك فوفو

<< من عشااق القطااوه


^^
مسكينه بايين عليها التعب والارهاق من الساعة ( اربع ) إلى ( سبع ) وهي تولد


فستان انا اول ما ينولدو ما احب اشكالهم بس بعد شهر تقريباً لما يبدأ يطلع عندهم الشعرر ويغطي
جسمهم يطلعوو يجننوو واشكاالهم تهببل << خبرره في البسااس

يعطيك العافيه فستان

كالعاده تقريرمصوور حلوو وخفييف وظرييف

[دًحِـِوِوِمَي]

ياربي رباااااه كلش الا هالقطاوه يكش جسمي بسببها

لكن الله يخليهم لك ويبعدهم عن قطاوه الشوارع لوووووول