[مساعد]

الشوارع و المدينه

استفزيت الشوارع وزعلت مني المدينـه=وجرحت قمرا مكاني واتركتني بلا مسافه
واقفلت باب الأماني واتركتها بي سجينـه=آه من ظلم المدينه مـا تعاملنـي بلطافـه
ما قبلتني بالضجيج ولا قبلتنـي بالسكينـه=عافت جروح المسافر والمسافر من يعافه
جيتها كلي طموح وفي طموحي مستهينـه=اعشق الأول وغيري ينتظر بعدي الوصافه
جيتها شاعر يغني ضم طيفه مـع حنينـه=يبتسم لـشروق بكره والامل نفحات قافـه

قصيدة من كلماتي نزلتها في يوم 1 - 7 - 2005 ( هنــا )

:
:

اليوم انا واخوي زمن كنا نتمشى في شوارع الرياض البهيه وسبحان الله شوارع الرياض ماتعرف الزحمه ابد
المهم وقفنا على طريق الملك فهد على جسر مشاة بجنب هيئة التحقيق والأدعاء العام . بس جسر خايس بمعنى الكلمه .. واللي صممه اغبى مصمم على وجه الأرض اول شي الجسر حديد واذا طلعت عليه تحس بدوخه ولا تحس بالأمان لأنه يهتز من الزحمه ثاني شي الجسر على الشارع العام اما الخدمة مافيه جسر يعني الله يعينك تلطع لك ساعه على شان تقطع الخدمه وتوصل للجسر

وطبعاً فيه حديد طالع يمين ويسار على شان كذا الصور جت محصوره في اماكن معينه لأن الحديد يطلع في كل مكان والله يعين وان شاء الله المره الجايه نختار اماكن احلى

:
:



:


( ملاحظه : اضغط على الصورة لمشاهدتها بحجمها الطبيعي )


ارق التحايا
اخوكم - مســاعد

[ع ـذبة الروح]

الللللللللللللللللللللللللللللللللللللللللللله خطيييره الصور من جد ..

الرياض صايره كأنها باريس .. < خانها التعبير :3thbh4:

يالبى الريااااااااض بسس < من باب المهايط لا اكثر والا هي الجد ماتنبغى ولآ بريآل :3thbh4:



ماشاء الله خلاص يآمسآعد شهادتنا فيك مجروحه .. مصور مبدع ومحترف الله لايضرك .,
وصح لسآنك .. قصيدة اكثر من رائعه


الله يصبرنا ع الرياض وزحمتها

[أطيآف]

تسلم يمينك

بس بصراحه

شدتني الابيات أكثر من الصور بصراحه أبدعت ماشاء الله

كنت احاول اقتبس بعض الابيات بس كلها على بعضها مسكته

يعطيك العافيه

[فيه أمل!]

الصفاء ماعليه كلآم

بس ودي ان المبآني مآ طلعت

<ممكن تتطلعين على سطح المملكه وترمين روحك

،

الله يعطييييييييك العوآفي يامسآعد على هالتصوير الخطيير

ومن اييييد ما نعدمهآآآآش


،

[هدهود]

ماشاء الله تبارك الرحمن

خمسه وخميسه بعين العدو

تجنن الصور والأبيات روعة

الله يبارك فيك وتسلم يمناك

واعطيك الاوسكار العالمي لتصوير والابداع والشعر

يعطيك العافية

[رِفَــاءَ]

صَبَاحُكُمَ هُدوءٌ يُلْجِمُ ثَغْرَ تِلكَ المَدِينةِ الثَرثَارةِ




فِي الخَيالِ رَسمتُ ذاكَ الخلوَ
لِـ أُعَانِقَ أطيَافَاً لوَ خَيالاً
لَكنَ ضَجِيجُها شَمْرَ سَواعِدَهُ
لِـ تَتَعثَرَ خَيالاتِي فِيه
وَيحُولُ بينِي وَبين تِلكَ الأطَيافِ بِـ إفاقةٍ

رَائِعةٌ تِلكَ الصُورة
ليتَنِي أمتَلِكُ زَاوِيةً فِي فَضَاءاتِهَا لأقبعَ فِيها

”	المشاركة الأصلية كتبت بواسطة مساعد ما قبلتني بالضجيج ولا قبلتنـي بالسكينـه=عافت جروح المسافر والمسافر من يعافه جيتها كلي طموح وفي طموحي مستهينـه=اعشق الأول وغيري ينتظر بعدي الوصافه جيتها شاعر يغني ضم طيفه مـع حنينـه=يبتسم لـشروق بكره والامل نفحات قافـه

تَجَسَدَ لَهِيبُ تِلكَ الطَاغِيةِ فِي هذِهِ الأحرُف
غَايةُ التَصوِيرِ الحِسِي وَالحُسنِ إكتَملا هُنَا


أخِي
أبدعتَ فالشُكرُ لكَ وافِرٌ

[يســودالصــمت]

مساعد

ابدعت في الكلمات وفي التصوير

اختيار موفق وجميل

صح لسانك اخي العزيز

كل الود

[M a S h H o R]

ياحبي لهالقصيده يا استاذ مساعد احد قصائدي شابهتها بالعنوان فقط اما بخصوص التصوير والله ابداع وهذه الطريقه بالتصوير متمييزه اذكر ان انا وكاوا كان يوريني كيف يسويها بس عقلي لا حياة لمن تنادي اتوقع انه مل وقالي يالا بس مشينا




لاهنت اخوي مساعد ابداع ماشاء الله عليك

[المسافر]

أبو مشل


ماشاء الله تبارك الله تصوير رائع وقصيدة أروع

عيني عليك باردة ...


تصدق أمس وربي بتصل بك أقولك تبي نروح نصور لكن ما أدري
وش اللي ألهاني قلت الحين ما يمدي أكيد مايمديه
لكن الجايات أكثر

إحترامي

بإنتظار روحة القصيم

[المجروحه]

مــسـاعد

كعادتك دائما متألق ومتميز.,وتتحفنا بجديد ابداعك

الصورة الثانيه راقت لي اكثر ,,,,

بنتظار كل جديد .,

احترامي
جوجو

[عبدالخالق]

أخوي مساعد
ماشاء الله تبارك الله..
مبدع بكل ماتحمله الكلمة كم معنى..

وخطوات تقدمك نحو الأمام سريعة..
>>> من زمان وهو بيشتري [ ستاند ] للكام حقته. :3thbh2:

وانت محترف بالفطرة.. والصوره كذلك احترفية.. لكن.. خانك المكان فقط.
وفي المرة القادمة.. جرب تاخذ صورة لـ برج الأميره العنود من أقصى يسار الجسر.

[توليب]

ماشاءالله تبارك الرحمن

قممة الابدااع الصووور

والقصيده حكايه ثانيه في منتهى الجماال

مبددددددع اخوي مساعد

وفي انتظاار المزيد من ابداعك .

[اميرة الورد]

الابيآآت روووعه
صح لسآآنك..

والصووور مرررة حـلوووة ..

حـلووة الريآآض بالليل

[درر]

مساء الخير.. أخوي مساعد..

=استفزيت الشوارع وزعلت مني المدينـه
=وجرحت قمرا مكاني واتركتني بلا مسافه
=واقفلت باب الأماني واتركتها بي سجينـه
=آه من ظلم المدينه مـا تعاملنـي بلطافـه
=ما قبلتني بالضجيج ولا قبلتنـي بالسكينـه
=عافت جروح المسافر والمسافر من يعافه
=جيتها كلي طموح وفي طموحي مستهينـه
=اعشق الأول وغيري ينتظر بعدي الوصافه
=جيتها شاعر يغني ضم طيفه مـع حنينـه
=يبتسم لشروق بكره والامل نفحـات قافـه

أعشق هذه القصيده..
سلمت يمناك يامساعد..
والله يعينا ع الرياض وقلقها..
حفظك الباري أينما كنت...
لاعدمتك..
درر..

[فستآن]

( قلبي تولع بالرياض .. حبـــاً ورثته من الجــدود )


/


مهما قلنا .. ومهم كان في الرياض من زحمه وغيره ..

تبقى الرياض .. حبــنــا الأول .. الله يحفظها لنــا ..

و يكفينا هي نبض المملكــة وعاصمتهــا ..



...




الصورة الثانيــة .. ماشاء الله تبارك الله ..

إبداع .. فــن ..

الله يسعدك .. ويحفظ لك بلادك ..