|
[حبيبتي][!] لـ [طلآل الرشيد] × قصآئدهم بـ [الحـرف] + [الصوت] |
 |
|
|
خيارات الموضوع | طريقة العرض |
01-08-2010, 02:34 PM
|
#1 | |||||||||||||||||||||||
|
وردة بيضاء
المستوى : 45
|
المشاهدات: 1301 | التعليقات: 47
[حبيبتي][!] لـ [طلآل الرشيد] × قصآئدهم بـ [الحـرف] + [الصوت]بسم الله
مســـاء[  ]الشعر[]وصبآحه ، بصرآحه سمعت بعض بدآيآت القصآئد الرآئعه لبعض الشعراء ولكن  عند اختي وجتني فكرة اني احط لكم الصوت والابيآت مآدريت انهآ قديمه شوي الا يوم بحثت  آهم شي تدرون اني مانقلت الفكره<اهم شي النيه  لكن ولآ يهمكوم بيكون فيه اختلآف لآن هذآ الموضوع بيكون مثبت وان شآء كل فتره وفتره اضيف عليه مقطع وابيآت جديده عشآن تصير موسوعة ابيآت شعرية+مقآطع صوتيه وسوف اضيف عنوآن آخر قصيده لـ عنوآن الموضوع  الين يخلصون الشعرآء ويندثر الشعر<رددوآ يآليييييل من دون كهرب  ،  ، فـ بسم الله نبدآ واسمحولي أفتتح هـ الفكره بهذه المجموعه / 1 [المدينه و الغريب]
جا يشوف الحال كيفه بعد ماهزه حنينه=قبل يسألني سألته كيف حالك يالحبيب؟ قال أنا كني غريب ضيع دروب المدينة=قلت أنا كني مدينه تنتظر رجعة غريب. قال أجل وش فيك تلعن سيرة الحب وسنينه؟=قلت أنا وشلون ما العن سيرته دامك تغيب أنت لا من غبت حتى مرايتك صارت حزينه=كيف ما تبغاني أحزن وانت لي حظ ونصيب الهدايا والرسايل والمكاتيب الثمينة=الليالي والقمر والريح والكون الرحيب كل ماتبعد تجيب الشعر ليه من يدينة =وتقعد جروحي تودي فالمتاهات وتجيب يابعد كل القصيد ونزوة حداه وانينه=لاذكرتك لاح بيت وطاح ورد وفاح طيب وان نسيتك مانساني صوتك المبحوح لينه=ياخذ لجرحي بثاره من خطاياك ويطيب وبعد هذا جاي ترمي ذنبك بوجة المدنية=مادريت ان المدنية كلها شمعة غريب لـ فهد المسآعد  ، 2 [مابيننا فرق]
الله خلق عبده عشان العباده=ما هو عشان مفاخر العرق بالعرق صح أن فالدنيا عبيد و ساده=لكن عند الله ما بينهم فرق خلك بسيط الكبر ما هو بعاده=لا تسرقك دنياك عن خلقتك سرق خلك صبور وخل عندك اراده=ولا صرت راعي ضو اصبر على الحرق لولا الصبر و المعرفة و الركاده=ما تجرح العشاق ترنيمة الورق و اذا بتسيد فالمراجل سياده=خل المراجل باب و سيادتك طرق خلك ذكي و أخذ الامور بهواده =و لا صدت و ثق لا تجيب صيدتك زرق و اليا عشقت أعشق من الحور غاده=حورية في بحرها يحيي الغرق ان زعلت زانت بعينك زياده=و ان ضحكت كنها تنافس مع البرق و اذا تدور فالحياة السعادة=أسجد لربك سيد الغرب و الشرق لـ سعد علوش ، 3 [احيآآآآن] أحيان أحس إني وسط خافقك ذبت!=وأحيان أجي بالبال لاصرت فاضي يا صاحبي ليه أكره الناس لاغبت=وأقول خذ قلبي معك .. منت راضي كم ضاقت الدنيا علي وتعذبت=وكم جيت لك قاضي وعوّدت قاضي لا إنت الذي قدرت حالي وقربت=ولاإنت الذي خليتني لإفتراضي داخل عليك إن شفتني ليلة السبت=خلك عن الوجه العبوس امتغاضي ولاتسأل شلوني .. تراني تقلبت =حتى بياض الوجه ماهو بياضي لاتلومني .. كم شفت ناس وتغربت=وكم دست بإحساسي ديار وأراضي وإن كان حسيت إنك بوصلك أذنبت=فالله .. ولا حب ٍ شقوقه عراضي ولو أسألوك أهل الشماته .. وجاوبت=قل : سيرته مايسمعه غير واضي بآغيب أحبك وأذكرك .. وإنت لاغبت=غيب بسلامة رب العباد راضي لـ عبد الله البكر ، 4 [بآخذك بيدي] نامي .. مثل ماينام البرد بـ ضلوعي =واصحي بعد مثل ماتصحى ... تناهيدي ماكان بيدي .. تطيح لـ حزنك دموعي=ولاكان بيدي ..أروح .. وتتركك إيدي ! ماقلت لك لو يخاف الخوف من جوعي=يمديه يشبع من اللهفة ... بـ أناشيدي ويمديه يشعل أساي ويطفي شموعي= ويمديه يذبح حمامة غنّت .. بـ عيدي ياشمعة الحب لاجل الحب .. لاتموعي=خليني أضوي على نورك .. مواعيدي منهو يهدّي بعد فرقاك ... من روعي = والحزن اشوفه نوى للناس ترديدي ! ياطفلتي جفّ بعد الوصل .. ينبوعي != يزيد همّي ( كفّاني هم ).. لا تزيدي !! هِنا تعالي ونامي بآآخر ... ضلوعي != بشويش مابي تصحّي بي .. تناهيدي ! وإذا على الحزن والأشواق .. ودموعي != بدفن حبيبك معاهم ..... وآخذك بيدي ! لـ بركآت الشمري ، 5 [مسك الختآم] يفز من غصني اليابس حمامة سـلام !=وتطيب نفسي من الشكوى .. وكثر العتب مرات أحس الزمن .. ما يستحق الملام ..=وآحيآن .. يصعب علي أحزن بليا سبب !! ياحآدي العيس عجل قبل جنح الظلآم=درب النوى طآل والممشى جهاد وتعب! ماعاد يسوى اعيش الهم في كل عآم=غرس العمر هزه الغربي وطآح الرطب! يمرني لآ غفى جفني بوقت المنآم=ذكرى احسب انهآ تبتعد وهي تقترب! واعد كل الوجيه الغآيبه بالزحآم=وآقول من يوفي بوعده عشآن ارتكب كن التنآسي خطية عبد خآف الحرآم=قآل اتذرى عن المآضي قبل لآ يهب! الصمت حكمه وبعد الصمت قل الكلآم=والفآيز اللي وطى نآره قبل لآ تشب! كن التنآهيد في صدري ترد السلآم=وتقول يا غيبة الاحبآب طآح الحطب! لو تدري النآس عن حزني بمسك الختآم=كآن وقفت الف دمعه بألف رمش وهدب! لـ عبد الله البكر ، 6 [بنآت الريح] تعلمنا الفروسية وشاقتنا بنات الريح=إلى جت ماتقول إلا خلقها الله مختاله لها عشق قديم يقوم فعيون العرب ويطيح=ولها عزٍ نهار السبق كلٍ وده يناله رماح تعبر المضمار بين الصوت والتلويح=حشا ماكنها الا كل رمح يسابق ظلاله الى بان المذهب من يبين بحزة الترجيح=وايادي من من اهل الخيل بعد شوي تشتاله ماهيب أية فرس من كثروا في فوزها الترشيح=وحصان من نشد عنه لقاه من اطيب سلاله الى مرت نواصيها المنصة والجموع تصيح=خطير يطوح الرجال بشماغه وبعقاله وش انعم بالبلد عقب الهجاد وكثرة التصبيح=سوى حرٍ وراه الصافنات تنومس رجاله على صهواتها كمل معزي دعوة التصيحيح=مع قطعة حرار من هل التوحيد خياله وانا احب الفروسية وتغريني بنات الريح=واشوف الخيل جات وفي ظهور الخيل خياله لـ ناصر القحطاني ، 7 [ممكنه] وقف ولا ترمي وداعك بالأعيان=محتاج أنا لذرة أمل في سنيني هذي تفاصيل العمر وسط الأجفان=واصور واماكن في عيوني تجيني والله من تطري وسط عمر الأحزان=كل الفرح مــن لــــون وجهك يجيني مثل المطر يركض على الأرض ولهان=هـــذا إنت دايـــم بالـــوله محتويني يكبر غيابك لو كبر وسط الأشجان=يكبر معه في شوق عمري حنيني الماي في قلبي من الشوق كثران=صبيت دمعي وشفت قلبك بديني قلت أحضنه في وسط اديني على شان=مايلمس أطرافه حزن من ونيني حتى ولو أخترت فرقاك عنوان=يكفي بديني قلب عمرك يبيني ماهي حكاية إنت رابح وخسران=أو هي حكاية ياأبيك وتبيني المسألة روحين في داخل انسان=شفتك رحلت وشفت روحك في عيني غمضت أرد الروح من خلف الأجفان=عشان أصدق كذبة إنك تجيني لـ سآم سيّار ، 8 [ارفع جروحك!] إرفع جروحك عن نصال الخناجر=نزفك عزيز ومثلك النجم لاطاح ولاتنحني للريح والذل فاجر =والخوف ساس الذل والغبن ذباح مادام لك عن خفضة الهام زاجر=إما إنكسر ولا تعداك الارياح ماإنته بعشب نابت وسط حاجر=ولا إنته شراع التيه والوقت ملاح إنت الذي باسمك تضيق الحناجر=لو إنطقوا بك همس سمعوا بك صياح تقفي وكن الحرف للحرف هاجر=وتقبل وقلب الصخر بالشعر بواح ولا من رمى صبحك عباة الدياجر =ثم إنتهض ما شع بالنور مصباح إرفع جروحك عن تراب الخناجر=نزفك عزيز ومثلك النجم لاطاح لـ بدر بن عبد المحسن ، 9 [فدوة عيونك] فدوة عيونك لو غدت روح مغليك=وش عاد لو راحت لعينك عشاير ابيع ما يغلى على الكون و اشريك=و اسوق لَى جتني علومك بشاير و ازعّل جميع الناس بالحيل و ارضيك=و اصبر ولو دارت علَيّ الدّواير و آخذ من ايّامي لك ايام واعطيك=وان راح عمري لك فلا هو خساير احب انا شوفك و صوتك و طاريك=دايم وفكري فيك هايم وحاير بالصمت اهوجس بك و بالصوت اناديك=و الله عليم البيّنه و السّراير انا و قلبي و الهوى بين اياديك =عندك مفاتيح الهنا للضماير من روحي احبك ومن روحي افديك=يامن غرامه و الحسن فيه ثاير لـ خالد الفيصل ، 10 [الثريّا] ليه تطعني وانا ميت بليّا؟=ما كفآك اللي حصل لي قبل سآعه!! كن بين همومي وبينك حميّا=جيتكم وآحد وجيتكوني جماعه! انت منا والمصآيب من هنيّآ!=كلكم ضدي ترا مآهي شجآعه! مابشع من جروح طعنآت القفيّا=غير سكينٍ تصيب بهآ البشآعه! لا تتوب وتذوب ولا تريّا=جرحهآ جرح وفضآعتهآ فضآعه! ترتوي من فيض دمي واتفيّا=وصآر قلبي مثل آخوهآ بالرضآعه! وانت ليل لو ضويته ما يضيّا=ضعت فيه وشفت نفسي في ضيآعه! اتهيآ وين ماشوفه تهيّآ=وارسي بمرسآه وشرآعي شرآعه! من عرفته والمحيآ فالمحيّآ=ومايروح الا ذرآعي في ذرآعه! ان رضيت ارضيه وان عيت عيّآ=وان طلبني قلت له سمعٍ وطاعه! ماعشقت من النجوم الا [الثريّا]=وما ملكت من الكنوز الا القناعه! وانت وجيوش الموآدع والجفيّآ=كيف اوقف ضدكم وانتم جمآعه! لو بجيكم بالشجآعه والحميّآ=البلا ان الكثره اتغلب الشجاعه! لـ حآمد زيد ، 11 [لحظه[!]بوآدعك] لحظه بـوادعـك قـبـل انك توادعني=ماني من الي تروح ويمـشـي خلافك لي عـزه يا وليد الناس تمنعني=لو قلت مابيك تمزح خاطري عافك قد قلتها لك قـبل ماكنت تسمعني=واليوم فعلك هو الي حطـم اهدافـك يابن الاوادم نصيحه واخذها طعني=ماكل شخص يذل النفس لا شافك صحيح زينك في بعض الاحـيان شجعـني=لكن زود الكرم زودت بسرافك ماهو بنا الي تنزلني وترفعني=لو درت في نيتك كسرت مجدافـك تبي الصراحه تصـدد لا تـطالعني=اخاف من دمعتك ولا انت ما اخافك ماغـير واحد ولا مخلوق ولعني=الـحب يجرف ولا تختار جرافك لو قـلت لحد تـحب وقالك يعني=خله وبعد مدام الـوقـت ماطافـك اصارع النفـس والدنيا تصارعني=والفرق من مغرافي لمغرافك ياخي ترى الـقـلب عـيا يطاوعني=يابن الاوادم تـوكل خاطري عافك! لـ عبدالكريم الجباري ، 12 [خذني بـ حضنك] خذني افحضنك ابغفى يااااه مبطي ماغفيت=وان لمحت دموع عيني سو نفسك ما لمحت خذني افحضنك وبعثر في جروحي وان قضيت =هزّ لي كتفي وقل لي عيب تبكي لو سمحت إضحك وعلّم زماني من على ومن وين جيت=طقّ باب الحزن واصرخ فيّ لامني فتحت وضمّني يمك وكمّل ضحكتك لامن بكيت=ودّي اذكر كيف كانت ضحكتي لامن فرحت! لـ فهد المسآعد ، 13 [اهل مكه] يالمدرسـه والحـزن مالـه مـراسـي=والدمـع ماعـادت مراسـيـه الأهــداب برد الصفوف ,, الطاولات ,, الكراسـي =صوت الجرس ,, جوع الشبابيك ,, الأبواب هناك كـن السـور ابـو قلـب قاسـي =يبكي من الوحشـه علـى فقـد الأحبـاب وهنا الدروج تصيـح : طـوّل نعاسـي =علـى يديـن توقـظ الصـمـت لكـتـاب وهنـاك طفلـه جنـب لـوح ٍ نحاسـي=ترسـم عليـه عيـون ووجـيـه غـيّـاب وهنـا رمـاد ٍ كـان منهـج دراســي=في كـف ٍ بنـت ٍ ضمهـا طيـن وتـراب ياهـل الحـرم والله ماجيـت اواســي=جيت ارتـدي مـن رعشـة ايديكـم ثيـاب أنتـم هلـي وأنتـم ربوعـي ونـاسـي=خـوات وأخـوان وعجـايـز وشـيّـاب مكه .. وأهـل مكـه جبـال ٍ رواسـي =لكـن حناجرهـم بهـا غصّـة عـتـاب : يـاريّـس التعلـيـم وش هالمـآآآسـي =فنّـد لنـا كــل الـدوافـع والأسـبـاب مـادام ابـو فيصـل ابونـا السيـاسـي=ينفـق علـى التعليـم مايحسـب حسـاب ودام الحكومـه عندهـا شـي اساسـي =العلـم والصحـه .. أجـل كـبّ الألقـاب وأجلـس وصارحنـا اذا كنـت ناسـي=بـس لاتحـط الذنـب فـي حلـق بـواب لـ فهد المسآعد ، 14 [ياهيه إلتفت لي] يا هيه إتلفت لي وإسمع دعاي لك يا هيه=ترى عادك بتشبع من البعد وتواجه دعيتك بصوتٍ ياصلك ليه ما توحيه =وأنا أسمع ضلوعك من صدى الصوت لجاجه عليك الفؤاد إخلاجه مصمخ راعيه =خف الله في راعيه ما تسمع إخلاجه ترى العفو قد جاك أوله وإغتنم تاليه=وترى الحلم بحرٍ غير لا تآمن أمواجه وترى الود ليلٍ مظلمٍ جيتلك ساريه =سراجه وصالك والجفا ينفخ سراجه وترى قصرنا اللي كم سنة نجمع ونبنيه=هوى العذل طيح بابه العود وسياجه لي أيام مدري وين دارك ولا أدري ليه=وأنا خابر إني باب شفك ومزلاجه غيابٍ بلا سبة هجادٍ بلا تنبيه=وجفا أغلى العرب نارٍ على الكبد وهاجة نضج قلبي من البعد وش حاجتك تكويه=جفاك الجمر والصبر في بعدك الصاجه إنطبع حبك بقلبي والأيام ما تمحيه=هذا هجرك يحاول يموجه ولا ماجه يموت الأمل لكن ظنون الغلا تحييه=وعروق الوفا فالروح والقلب وجاجة خبرتوا حدٍ يبكي على واحدٍ يبكيه=وخبرتوا حدٍ مسجون ما يبقي إفراجه أحبه ولا أبغضته على شيٍ يسويه =ولا زالت رقاب الرجا فيه معاجة عسى منزلٍ ضمه حقوق الوسم تسقيه=وتضحك له الدنيا وهو يضحك حجاجه فقد خاطري شي من الضيقة مسليه=وغدت روحي من الناس والليل هجاجة أروح لمكانٍ خابره .. خابره تآتيه=أسوق القدم صوبه وهي مالها حاجة مكانٍ نزيه وأول مواجهي له فيه=وأنا خابرٍ ما رجل مثله بدواجة لعل وعسى ما حدني للمجي يدعيه=وأشوفه وأنا ما ودي أسبب إحراجه يحب الجريح آخر دروب اللقى ويجيه=وتحب القدم جية مكانٍ أول مواجه لـ محمد بن فطيس ، 15 [اسمعك ياللي تنآديني] اسمعك يا اللي تناديني يا بو قلب (ن) خلي=بس انا ماني خلي القلب لجل اسكت واجيك !! الخلي ما هو بقلب (ن) من هيامك ممتلي=الخلي قلب آدمي شافك ولا هام فيك !! انت زعلان لجفاي؟؟ ما دريت ان زعلي =يوم قلبك ما يبيني قد ما قلبي يبيك !! حتى لو عيت همومك من غيابي تنجلي=كل هذا ما يساوي لهفتي يوم احتريك كان ما صدقت هرجي طيب اسمع ما يلي:=يا حبيبي يا عسى ربي يحفظك ويهديك جايز انك في غيابي تقلب الدنيا علي =بس انا من قبل اعرفك قالب الدنيا عليك، لـ فهد المسآعد ، 16 [الأسرآر] يارفيف الما..وفجر العيد...واحزان المواني=يا أكثر أهل الأرض طيبـة قلـب .. وأسـرار دفينـه المكان اللـي هنـا .. مليـان ضحكـات ، وأغانـي=والكلام اللـي بغيـت أقـول .. يحتـاج لسكينـه ! شوفي الركن البعيـد هنـاك .. كنـه صـدر حانـي=هـذا هـو اللـي يليـق بشاعـر وبنـت حزينـه! أنسـي الشـارع ، وعتمـات الزوايـا، والمبـانـي=هاتـي يدينـك نلـف الغيـم ونشـكـل مديـنـه !! عنـدي الليلـة كـلام وصمـت .. وأخـاف الثوانـي=تظلمه .. أو تظلم اللـي فيـه كـم ضاعـت سنينـه بـس لازم تسمعـيـن الـلـي أبــي ولا تـرانـي=لو بأعيده لك .. نسيت .. ورحت أقول اللـي تبينـه شي واحد قبل ما أبـدأ .. مـا أبـي أي شـي ثانـي=يخطر فـبالك .. وأنا أكشف لك شعـور تجهلينـه ! إن أنا ..وبكـل مـا تحملـه "أحبـك"مـن معانـي=كنت،وراح أبقى أحبك .. لين .. مدري وش هو لينه !! بـس والله ماقـدرت أنسـى .. ولا همـي نسـانـي=لا ذكـرت إنسـان .. فيـه أسـرار مابينـك وبينـه كـل مـا تطـري علـي فكـرة هـواك الأولانــي=أشعـر إنـي أنطعـن مليـون مـره مـن يديـنـه! أ شعـر إن عيونـك.. الله مـا خلقهـا إلا عشـانـي=كيف كانت تبتسم لـه؟!.. قولـي إنـك تخدعينـه !! صورة إنه كـان يمسـح دمعـك .. تزلـزل كيانـي=وكيف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلله .. حظـي رمانـي=بنفس الاسم اللي يقـول .. بذمتـك ماهـي غبينـه !؟ وكنـي اللـي .. كـل مـا أناديـك بالاسـم الفلانـي=أطلـب النسيـان .. يتـرك منـه شـي تذكرينـه !! لا تظنينـي أنانـي .. لا .. أنـا مانـيـب أنـانـي=لو سلمت من الغرق . بأموت فـي ظهـر السفينـه! يا إني ما أكمل وأعانـي .. أو أكمـل ثـم أعانـي=كل ما اسمع طاري اسمه .. أو تجي عيني في عينـه! أينا كان الضحيـه ؟.. وأينـا اللـي كـان جانـي ؟=مـدري !.. ولكـن قـراري لازم إنــك تقبليـنـه مثـل مـا أكـره فكـرة إنـه واحـدٍ ياخـذ مكانـي=ما أقدر أجلس في مكـان إنسـان.. كنتـي تعشقينـه لـ فهد المسآعد ، 17 [أدور وجه يشبه لي!] وأدوّر وجه يشبه لي !!= تغيب الناس مثل الناس != ولايبقى حزن غافل معاهم .. ماتنبّه لي = وينده صوت= وأحس انه يناديني= وكان .. الموت !!= وأثاري كان ينده لي != وأجيه أمشي= وأجيه أمشي= وأجيه أمشي .. على مهلي ....!!!!= != هنا وأرحل بلاي ولاأعرف لـ وين ؟!=هنا وأفتش بصدري عن أحلامي ويذبل في دروب الحالمين / التين=وتيبس ضحكتي في وجه أيامي وحيد ومامعاي الا ثلاث سنيـــن= تنام بـ حضن ذاكرتي وأنسامي وأروح أفتح درايش وحدتي للبين= من آلامي وبآخذني على آلامي ! يابنت أحلامي / أحلامي بكتني لين!=شعرت ان الدروب تضيق بـ اقدامي ! وراميني العطش عند العطش ..للحين= أنادي .. والظمى يطرد ورا الظامي ! قريتك نور في دفتر هوى المسكين= ولمحتك أول الضحكات في الهامي!! أنا المطعون من ياسي بلا سكين= يبست .. ومابقى مني سوى عظامي ! ياطفله كلنا في هالعمر ماشين= أشوفك .. بس أشوف الموت قدامي ! قبل تدري الجروح وقبل لا تدرين =بأن دروب حلمي... خانت أقدامي ! انا ماقلت نامي في حضن هالـ عين != أنا قلت لعيوني فـ حضنها ... نامي ! =! =وطفلك نام ..! =تعب يلقاك في الدنيا وقال: القاك في الأحلام =تعب يزرعك في عيونه .. =علشان الأمل قداااااام !! =تعب يلمحك في صوته .. ! =وفي موته.. ! =تعب يقراك للأوهام ! =نساك انتي !! =نسى نفسه !! =نسى الدنيا !! =ونسى لاينام ..! لـ بركآت الشمري  ، 18 [ولكني آحبه][!] تنام الذكريـات الموجعـة فـي صـدري الليلـة=و تصحى ذكريات الماضي اللي راح .. وأحبابـي كثر ما بي من طعون الحبيب إشتقت أحكـي لـه=عن ( الماء ) في يديه و ( وردة الأشواق ) بترابي عسى باقي حبيبـي يمسـح الدمعـة بمنديلـه !!=أخبره لا بكى .. يطـري عليـه شكثـر سوابـي على باب الرجا كنـت أنتظـر رحمـة مراسيلـه=إلين الله رحمني من قسـاه .. ومـوت أعصابـي تحملـت الحيـاة البـاردة مـن قلـة الحيـلـة=وأنا أدري هالغياب اللي حصل كله مـن أسبابـي عطيته كل ما يطـري عليـه .. وزاد حبـي لـه=إلين إتساهل دروب الجفـا وإتساهـل غيابـي !! يقول إن الظروف اللـي بـدت تاكـل محاصيلـه=وأنا أشوف الظروف اللي يقـول تـزود أتعابـي أنـا كنـت أكرمـه بمحبتـي وأرضـى بتقليلـه=وهو يقسى كثير .. ويرضي غروره على حسابي ولكنـي أحبـه .. لـو بـدت تطفـى قناديلـة !!=شعلت النار بالصدر وبقى .. لو شبـت ثيابـي .. لقيتـه بعـد مـا صـك القـدر آخـر مداهيلـة=ولا ظني غلطـت بعشقـي اللـي راح وعتابـي على ذكـراه كانـت ليلـة البـارح .. وهالليلـة=ولا أدري لو بعد طول غيابه ويـش يجرابـي !؟ لـ عبد الله البكر ، 19 [سيف العشق] كيف أطفي الريح بثيابك وكيف اشعلك=كيف أنتثر على جمـرك وكيـف احتويك نقضت ليل الحرير وجيت ما انت لهلك=سمّيت باللي فتني بـك وقلت ابتديـك هذا أول الدرب أو هذا الطــريق أولك=جيت آتوقّا عذابات المدى 00 وأهتديك شوقـي مسافـة وهمساتـك مـدار وفلك=إن ماظميتك غلا ,, ياعلّني ما ارتويك إيه أعرفك وأعرف إني من غلاك أجهلك=مرات أضمّـك وأخـاف إني مشبه عليك مـرات أشوفـك بنفس الوقت وأتخيّـلك=وأنشد كفـوفي عن آخر سالفه من يديك أعـنّ لك لـو تصّـب المـوت 000وأتهيّلك=وأجـوع لـك وآتمـنى خنجـرك وأشتهيـك ماقلـت لك عمر سيـف العشق مايقتلك؟=ماتشوفني حي قدامك وأنا أمـوت فيك !! إشتقت لك قبل أجيك وجيت وإشتقت لك=البارحة طول ليلي بين هذي 00وذيـك مليت جمـر انتظارك وإستحيت أسألـك=وحسبتني ما بعد جيتك وفكرت اجيـك أثرك بقلبي من البارح وانا استعجلك=وأثري نسيتك من الفرحة وقمت أحتريك لـ مساعد الرشيدي ، 20 [وانتهينآ][!] وإنتهينا ! والزمن يضحك علينا لا بكينا ! والوداع اللي دريت إنه نصيبي .. ياحبيبي .. مو بيدينا !! ماعلينا .. أدري ظروفك قوية ياحبيبي . يا حبيبي . يا حبيبي . وأكثر اللي بأفقده كلمة حبيبي !! كانت شفاهك تهجاها علي كنها قصيدة مب جديدة بس مامرت علينا الغدير مصدر هدير الماء .. نشف الزفير .. صوتي وأنا أتنفس .. وقف وضاعت أنفاسي مابين الريح واللي صار فينا صرت قاسي صرت أصب أحلامي الحلوة بكاسي .. وأكسره ! صرت أخاف أتذكره وقبل ميلاد الظروف اللي احصلت لك بعت ناسي ! صرت مثلك صرت قاسي ! ما أحس برقة القمرا وهي تضوي جبينك أو أحس برقة القمرا ولا أدري إنت وينك ! ياحبيبي . ظنك الدنيا تنسينا بعضنا ! لك معي بأكثر تفاصيلي ملامح إمسح أبياتي من الدنيا وأنا والله مسامح ! من زمان أتخيل إحساسي وأنا أودعك راحل للحنين .. لآخر حدود المدينة والسواحل للسنين .. اللي مثل جسمي وأنا ناحل حبيبي . يا حبيبي ! يا حبيبي ! يا أعز انسان يطعني وأنا راضي عليه يا أحن أحضان ضمتني وأنا غارق بعيبي ! قول ليه .. ليه أحس إنك تحاول من زمان وآخر أيامك قدرت لين بان ! نظرة الواقع بعينك صورتي وآنا أدور عنك وينك ! قللي بس وش صار فينا وين كل وعودنا ! وين آثار البكى بخدودنا وين حلفك لي إذا طاري على الهجران على طاري ما تصد ! تحكي أعذارك .. وانا والله مسامح ! ما علينا .. يمكن العشق القديم يظل فينا أو يموت إليا بكينا ! المهم . إنا إنتهينا ! والزمن يضحك على باقي حكينا ! والوداع اللي دريت إنه نصيبي يا حبيبي مو بيدينا ! لـ عبد الله البكر ، 21 [صآحبي][!] لو ماعنالي صاحبي بعنيله=بقطع علشانه طوال المسافات ماني بدور في البدايل بديله=وماهو بيسمع فيّ حاسد وشمات لاطاح من جور الزمان ارتكي له=ارسم على مبدأ مطيحه نهايات صاحب هناء وشلون ما احتال اشيله=وانا وحيد وقاهرن لي عصابات عبّادت الشهرة هوات الكحيله=اللي ضمايرهم بشلقه ريالات إكتب على ايدين الزمان البخيله=إن البخل ماهو بشح الكرامات البخل حرمان اليدين الطويله=من كسبة الافعال في عصر الاصوات أيّست من هذا الزمان وحصيله=لاني تعبت اثور واستبشر الآت الماضيات من الليال الهزيله=لايمكن انها تصنع المستجدات تمويت الاحياء فالعيون الذليله=صدقني انه مثل تمويت الاموات لو يرفعك وقت الرخاء والرذيله=سبع الاراضي فوق سبع السماوات حنا خلقنا للرذيله فضيله=نصّلح اغلاط الزمن بإبتسامات اليا تجملنا خذينا الاصيله=واليا ابتلينا بالخطا نصبح آفات رجّالنا يسوى لحاله قبيله=استغفر الله لو بقول إننا آيات إن كانت اغلاطي بعمري قليله=مجرد اني اكلمك عشر غلطات حرام بك صرف الحروف الجزيله=وحلال فيمن خصني له وبالذات اللي ملايكة الحلا تنحي له=عليه من ملح الطفوله علامات في نظرتي كل الوجيه الجميله=مخلوقه تسوي لوجهه دعايات ملامحه من غير حكي تحكي له=تفرض علىّ اللي تقوله و بسكات لو قالت ان الدايرة مستطيله=قلت الدواير كلها مستطيلات يا آخّاذ لبات العقول الثقيله=اخذتني كلي ولا قلت لك هات ليه ارتجي عطفك وليه اشتكي له=ولهات في قاموس عشرتك هيهات حببتني قربك وذاب تعبي له=في جمر عقبه بعد عقبه وعقبات ختمت قلبي عن عشاشيق جيله=ختم المصلي بالدعاء والتحيات الين جت ليله عن ألفين ليله=وصارت حكايه غير كل الحكايات ذوبتني بين الدماث النحيله=وعلمتني فن الرسم والقياسات وفجأة كذا بار الخليل بخليله=كله لعين مجمعين العلاقات شحيت بي دمع الرموش الضليله=ووقفتني بين الأمل والمحاتات و وجدي على قلبي وياعزتي له=دقات تيّس به وتملاه دقات ينشّد لك حيله وينهد حيله=الحزن خطوة والغرابيل خطوات اذا الأمل رمز القلوب النبيله=أنا ميّس منك في كل الاوقات إن كان شوفة غرتك مستحيله=أكيد لمسك سابع المستحيلات لـ سعد علوش ، 22 [حبيبتي] حبيبتي كل العواذل تشابه=قلبٍ ظلام ووجه يشبه للأصحاب ولا ما غدى لك صاحبٍ ينحكى به=لا تسمعي أن كان لك قلب وأحباب إلى مشيت الدرب يلهث سرابه=وإلى سكنت الدار ناداني الباب وشلون أنام وهم قلبي صوابه=والشوك ينبت بين جفنين وأهداب تعبت امني .. الأسئلة بالاجابة=وانطر شروق الشمس والشمس بغياب وتعبت أناظر والمعنى عذابه=أنك بعيده والملا دونك حجاب اجمع كلام وما أعرف الإجابه=وعندي شعور صدق والوقت كذاب كل النجوم اللي امطرت من سحابه=حبيبتي دمعك جرح قلب واتراب واللي وقف ما بين بابي وبابه=قلبٍ ظلام .. ولابس ثوب الأصحاب لـ طلآل الرشيد الله يرحمه ، .. ـيتبعـ .. ان شآء الله  والحين فـ أمآن الله  ، | |||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!]  مآفي |شي| يقدر يعبّر! ، آخر تعديل بواسطة فيه أمل! ، 01-16-2010 الساعة 10:30 PM | ||||||||||||||||||||||||
|
|
01-08-2010, 03:30 PM
|
#2 | |||||||||||||||||||||||||
|
روحاني متمرس
المستوى : 19
|
::
الله فكررره خطيييره  .. من وحده اخطر يسلمووووووووووو اموول مآيعدمنآك الهي متآآبعه اكيد امسكي  :: | |||||||||||||||||||||||||
|
________________________________________
 ~ .. السكوت اصبح ألم , والعمر مثل الحلم منهو فينا اللي كان ظالم منهو فينا اللي انظلم ,! والحقيقه في ضياع والليالي في صراع دنيا يحكمها الطمع , صاروا العالم جياع والسراب اللي نشوفه صار يوهمنا بحروفه والوفا فينا تبعثر , كل شخص يعيش خوفه ياموانينا الحزينه يا امانينا الرهينه =( كلنا نبغي السعاده كلنا بنفس السفينه . . : (
 آخر تعديل بواسطة فيه أمل! ، 01-08-2010 الساعة 06:12 PM | ||||||||||||||||||||||||||
|
|
01-08-2010, 03:47 PM
|
#3 | |||||||||||||||||||||||||
|
đίғғέяέηт
المستوى : 61
|
امول
دائم انتقائاتك قمة في الروعه ماشاء الله عليك ياشمعة الحب لاجل الحـب .. لاتموعـي خليني أضوي على نورك .. مواعيـدي منهو يهدّي بعد فرقاك ... مـن روعـي والحزن اشوفه نوى للنـاس ترديـدي ! ياطفلتي جفّ بعد الوصل .. ينبوعـي ! يزيد همّي ( كفّاني هم ).. لا تزيـدي !! هِنا تعالي ونامي بآآخر ... ضلوعـي ! بشويش مابي تصحّي بي .. تناهيـدي ! وإذا على الحزن والأشواق .. ودموعي ! بدفن حبيبك معاهم ..... وآخذك بيدي ! لفت انتباهي بشده (L) لاهنتي | |||||||||||||||||||||||||
|
________________________________________
 اسألني هنا [[ رحمك الله يا أبي وأسكنك فسيح جنّاته ]]
اللهم أغسله بالماء والثلج والبرد ونقه من الذنوب والخطايا كما ينقى الثوب الأبيض من الدنس | ||||||||||||||||||||||||||
|
|
01-08-2010, 03:47 PM
|
#4 | |||||||||||||||||||||||||
|
مشرفة كن صديقي
المستوى : 68
|
أمول الله يسلم لنآ هالرآس اللي تطلع منه هالافكار اللي تفتح النفسس
من جد فكره روعه .. ومتابعين لك اكيد .. هذي مشاركه وجدانيه مني  ( ليـه !! ) : هذا هو اللي تبيه .؟ اني ارحل من حيآتك .. واشعل عيوني بـ (ليه ! ) بس خلاص هذا هو اللي قدرته وقدرك ربي عليه بذمتك هذا كلام ! اني ارجع من جديد ارجع افرش كل تعب عمري وانام زين لحظه ! لآسألوني الناس وينك ! وان درو ضحكة عيونك عن عيوني سافرت ردت لعينك بذمتك قول وش اقول ! قول قول قول قول الله يخرب بيت بيتك توني يادوبي بديت بعت عمري واشتريتك خطوه خطوه واشتريت توني بـ أطراف البدايه مدري وشلون انتهيت يا خي حس والله عيب الي تبيه اني ارحل من حياتك واشعل عيوني بـ ( ليه ! ) لـ سآلم سيآر :
| |||||||||||||||||||||||||
|
________________________________________
| ||||||||||||||||||||||||||
|
|
01-08-2010, 06:13 PM
|
#5 | ||||||||||||||||||||||||||
|
وردة بيضاء
المستوى : 45
|
 حيآآآك ربي يالمزيونه  وهلآ بك وبـ متآبعتك يآ بعدددي ، | ||||||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | |||||||||||||||||||||||||||
|
|
01-08-2010, 06:26 PM
|
#6 | ||||||||||||||||||||||||||
|
وردة بيضاء
المستوى : 45
|
المزوء ياخويه مشكور يا مشهور عليه ، | ||||||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | |||||||||||||||||||||||||||
|
|
01-08-2010, 06:27 PM
|
#7 | ||||||||||||||||||||||||||
|
وردة بيضاء
المستوى : 45
|
يييييآجعلك تسسلمين على هالموشآركه اللي تقعد الرآآآآس وحيآك ربي في كل وقت يالغلآ ، | ||||||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | |||||||||||||||||||||||||||
|
|
01-08-2010, 07:51 PM
|
#8 | |||||||||||||||||||||||||
|
مشرفة منتدى الملتميديا
المستوى : 41
|
يعطيك العافية أموله..
بس تكفين لاتنسين شاعر الأندلس/ ناصر القحطاني.. الله يحفظه.. ربي يسعدك.. درر | |||||||||||||||||||||||||
|
________________________________________
كل عام وأنتم إلى الله أقرب.. | ||||||||||||||||||||||||||
|
|
01-10-2010, 02:50 PM
|
#9 | ||||||||||||||||||||||||||
|
وردة بيضاء
المستوى : 45
|
وابششري من عنوني والحقيقه كنت مجهزه له وحده بس ليتني شآيفه ردك قبل ماحطهآ احطهآ بكرآ ان شآء الله او بعده بالكثير حيآك ربي يالغلآ تنورين ، | ||||||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | |||||||||||||||||||||||||||
|
|
01-11-2010, 07:58 PM
|
#10 | |||||||||||||||||||||||
|
وردة بيضاء
المستوى : 45
|
لعيون دردر
الصرآحه دورت يآ بعدي عن شي بدون موسيقى ومالقيت بس ولآ يهمك بدور مرآت اخرى ، | |||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | ||||||||||||||||||||||||
|
|
01-11-2010, 09:39 PM
|
#11 | ||||||||||||||||||||||||||||
|
مشرفة منتدى الملتميديا
المستوى : 41
|
يالبى قلبك وروحك وكل شيء فيك... تسلمين يا عمري ... يالله ننتظر البقيه<<طماعة..  ربي يحفظك.. درر | ||||||||||||||||||||||||||||
|
________________________________________
كل عام وأنتم إلى الله أقرب.. | |||||||||||||||||||||||||||||
|
|
01-12-2010, 08:03 AM
|
#12 | ||||||||||||||||||||||
|
روحاني مميز
المستوى :
|
متميزه دائماً يأفيه أمل
ودمتي بود واحترام | ||||||||||||||||||||||
|
________________________________________
كثير من هو قال ياروح روحي=وقليل من هو جاد لروح بالجود
احدٍ يجي للروح كنه يروحـي=واحدٍ يروح وكنه الحين موجود نآس عطآهآ نبع صآفي قروحي=تبدع وتعطي بالخفا كل مجهود مثل الذي بالروح صمته يبوحي=على المسمى دايم(ن) فنه يسود | |||||||||||||||||||||||
|
|
01-12-2010, 08:53 AM
|
#13 | |||||||||||||||||||||||
|
روحاني جديد
المستوى : 1
|
قصائد جميلة ويعطيك ألف عافية
| |||||||||||||||||||||||
|
|
01-13-2010, 10:45 AM
|
#14 | ||||||||||||||||||||||
|
مشرفة منتدى الإبداع والتصاميم
المستوى : 36
|
امووووووووووول
 يعطيكي العافيه موضوووع رآآآئع من جد... تم اضااافته الى مفضلتي فوراً  وتم تقيييمك عليه  لي عوده ان شااء الله بمشااركه ببعض القصااائد الصوتيه بإذن الله .. عوااافي يا الغلا
| ||||||||||||||||||||||
|
________________________________________
سبحان الله وبحمده
سبحان الله العظيم | |||||||||||||||||||||||
|
|
01-14-2010, 07:30 AM
|
#15 | ||||||||||||||||||||||||||
|
وردة بيضاء
المستوى : 45
|
ومشكور يآخوي على مرورك وكلمآتك الطيبه ، | ||||||||||||||||||||||||||
|
________________________________________
، أنا لي [قلب] ما يحقدْ ولا يحسدْ ولا يغتابْ............... ...............لأن الناس من تخطي لها [رب] يجازيها ولا اندمْ على البايع ولا احزنْ على اللعاب............... ...............ونـاسٍ مـا تقـدّرني اطنشها واجافيها[!] مآفي |شي| يقدر يعبّر! ، | |||||||||||||||||||||||||||
|
|
| مواقع النشر (المفضلة) |
| الكلمات الدليلية (Tags - تاق ) |
| [الحـرف][&][الصوت], قصآئدهم |
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
| خيارات الموضوع | |
| طريقة العرض | |
النمط المتتابع
|
جميع الأوقات بتوقيت مكة المكرمة. الساعة الآن » 12:33 PM.
