[حلاها مبتليها]

بسم الله الرحمن الرحيم

ها انا اطل عليكم من جديد وفي جعبتي الكثير < تسمع بالتشويق

الموهم جديدي اليوم هو مالتقطته كاميرتي المصون خلال رحلتي الى ماليزيا للمرة الثانية
غادرنا المملكة يوم الاربعاء الموافق 8 \ 12 \ 1430 هـ
الساعه 12 ليلاً
ووصلنا بحمدالله الساعه 1 ظهرأ بتوقيت ماليزيا أي الساعه 9 صباحا بتوقيت السعوديه
وصلنا يوم عرفة اخذنا فندق في كوالا لمبور ونزلنا العفش وريحنا
بالليل طلعنا محطة الباصات ( بودارايا ) وحجزنا تذاكر الى ( كاميرون هاي لاند )
في الساعه الواحده من يوم الجمعة اللي هو كان عيد الاضحى المبارك انطلقنا الى كاميرون هاي لاند
الان اترككم مع الصور

محطة بودارايا



الطريق الى الكاميرون











هذا باصنا خلال محطة استراحة

باص اخر اثناء الاستراحة

اثناء مغادرة الاستراحة



هذا فندقنا
اسمه rainbow
رايق صراحة ومررريح ووسط البلد واحلى مافيه ان مافيه مكيف
من شدة البرودة مايحتاج تكييف

وهذا الرسبشن تبع الفندق



وصلنا وقت اذان المغرب وهذي صور لبلدة الكاميرون هاي لاند








وحنا نمشي لقيت لكم هالسيارة عندهم كامري وعندنا اوريون ( فيس منصوب عليه)




ولقيت لكم بعد هالتاكسي اللي وش ملحه



هذي شوكولاته اشتريتها من متجر قريب من الفندق صراحة قمة الروعة




الصباح صحينا وبدلنا وطلعنا
اخذنا تاكسي على اساس جوله في مزارع الشاهي

اترككم مع الصور















هذا مقهى وسط مزارع الشاهي
رحت للموظفه وقلت ابي اطلق شاهي عندكم
عطتني شاهي بحليب !!




نكمل







اطلالة من المقهى







رجعنا قبل المغرب بعدها ريحنا ونزلنا نتعشى في ماري براون


اليوم الثاني
برضه اخذنا تاكسي ورحنا جوله على مزارع الفراولة

ومن ضمنها زارعين اشياء كثيره مو بس فراولة
عموما الكاميرون مشهورة بمدينة الفراولة لانها المكان الوحيد في ماليزيا اللي تزرع فيه الفراولة
وذلك نظرا لبرودتها




متجر الفراولة
يع كل شي يخص الفراولة
مربى – عصير – ملك شيك – مركز الفراولة – ايسكريم





صور متفرقه


























اليوم الثالث في الكاميرون صحينا بدري
وطلعنا للشلالات

[حلاها مبتليها]

بعد مارجعنا رحنا ننتظر باص للعودة الى كوالالمبور
صورت هالصور خلال الانتظار





كشك مدري وش يبيع
تكرم النعمة




تنور في مطعم صورته عالطاير


تحف في محل تحف وهدايا تذكاريه
هذا البوذا حقهم .. هع هع ..




نكمل

باصنا جاء

وغادرنـــا بلدة كاميرون هاي لاند الرائعة

مقتطفات عن الكاميرون
• الكاميرون بلدة متوسطة ليست مدينة كبيره ولكن تعتبر من اهم مدن ماليزيا واكثرها شعبية .
• هي بلدهـ هادئة جدا ولا يوجد فيها أي نوع من انواع الصخب واهلها ينامون بدري يعني حدهم 10 او 11 بالكثير .
• بلده باردة نوعا ما يعني بالليل لازم تتدفى.
• هي من اروع الاماكن في ماليزيا والتي لابد من زيارتها وشراء الشاي والشوكولاته وتذوق الفراولة اللذيذة الطازجة.
• لا يوجد مولات للتسوق فقط اكشاك ومحلات صغيرهـ ولكن رائعة .


اتمنى تكونوا قد استمتعتم بتقريري المتواضع
وانتظروني قريبا جدا باذن الله في تقرير اخر جديد

ام عبدالعزيز

[المسافر]

أم عبدالعزيز

ماشاء الله تبارك الله تقرير رائع وتصوير أروع

لكن من جد تجار هالسيارات لاعبين علينا
أنا سمعت عن أوريون لكن ما صدقت إلا من شفت صورتك

الله يهنيكم ويسعدكم يارب

إحترامي

[حلاها مبتليها]

”	المشاركة الأصلية كتبت بواسطة المسافر أم عبدالعزيز ماشاء الله تبارك الله تقرير رائع وتصوير أروع لكن من جد تجار هالسيارات لاعبين علينا أنا سمعت عن أوريون لكن ما صدقت إلا من شفت صورتك الله يهنيكم ويسعدكم يارب إحترامي

اهلين بالمسافر
مشكور عالمرور الطيب
ومن ناحية لاعبين والله لاعبين بقوة .. حتى السيارات اللي تشبه اللي عندنا فيه ديكورات خياليه من برا واظافات حلوة مو موجوده بسياراتنا
وحتى الاسامي كثير تختلف

الله يسعدك اخوي المسافر
لا هنت

[هدهود]

سبحان الله

ماشاء الله تبارك الرحمن

طبيعة رائعة وتقرير وتصوير اروع

سلمت يمناك على هالموضوع المميز

[حلاها مبتليها]

”	المشاركة الأصلية كتبت بواسطة هدهود سبحان الله ماشاء الله تبارك الرحمن طبيعة رائعة وتقرير وتصوير اروع سلمت يمناك على هالموضوع المميز

هلا هدهود

الله يسلمك حبيبتي ومشكوره عالمرور الرائع

[درر]

ماشاء الله تبارك الرحمن..
يالله الجنة بس ..
صراحة خضرة توسع الصدر وتجيب العافية ..


ياليت من يتسدح ويتردح هنا..

يا حلو طماطهم .. مثل مزرعتنا

أم الشيخ عبدالعزيز..
الحمدلله على السلامة..
رحلة موفقة مع رفيق دربك..
وننتظر قادمك..
حفظك الباري.
لاهنت
درر

[حلاها مبتليها]

”	المشاركة الأصلية كتبت بواسطة درر ماشاء الله تبارك الرحمن.. يالله الجنة بس .. صراحة خضرة توسع الصدر وتجيب العافية .. ياليت من يتسدح ويتردح هنا.. يا حلو طماطهم .. مثل مزرعتنا أم الشيخ عبدالعزيز.. الحمدلله على السلامة.. رحلة موفقة مع رفيق دربك.. وننتظر قادمك.. حفظك الباري. لاهنت درر

درر
الله يسلمك يالغلا
وتسلمين عيوني عالمرور الطيب

[M a S h H o R]

أم عبد العزيز


والله صور روعه ماشاء الله كله كوم وشاهي بالحليب كوم احس وجهك وقتها راح علامة تعجب كبر عيون الماليزيه لاهنتي ع الصور ماشاء الله عليك

[حلاها مبتليها]

”	المشاركة الأصلية كتبت بواسطة غيــرالبــشــر أم عبد العزيز والله صور روعه ماشاء الله كله كوم وشاهي بالحليب كوم احس وجهك وقتها راح علامة تعجب كبر عيون الماليزيه لاهنتي ع الصور ماشاء الله عليك

غير البشر

اي والله عطتني ابريق شاي مر وسكر وابريق ثاني صغير لما رحت للطاولت وشفته
قلت استغفر الله شاهي بحليب !!
عاد انا ماطيقه اذكر امي تغصبني عليه ايام ابتدائي

الف شكر اخوي على طلتك المميزة

[مساعد]

ماشاء الله تبارك الرحمن
صور تفتح النفس وطبيعه خلابه توسع الصدر وبجد تغري الواحد يروح لها
وماشاء الله انتقاءك لـ الصور اكثر من رائع


السياره هذي شفت نفسها في جاكرتا من جد قهر يلعبون علينا في كل شي والله يعين


اما الورد شي ثاني

ماشاء الله تبارك الله شي خيالي من جد


اختي حلاها
من جد منطقه اكثر من رائعه وانتي مشاء الله ابدعتي بالتصوير وبنقلها لنا
واهم شي انكم انبسطتوا في هـ الديره الرائعه

لا هنتي اختي وفي انتظار المزيد من الرحلات المميزه

[حلاها مبتليها]

”

المشاركة الأصلية كتبت بواسطة مساعد ماشاء الله تبارك الرحمن صور تفتح النفس وطبيعه خلابه توسع الصدر وبجد تغري الواحد يروح لها وماشاء الله انتقاءك لـ الصور اكثر من رائع السياره هذي شفت نفسها في جاكرتا من جد قهر يلعبون علينا في كل شي والله يعين اما الورد شي ثاني ماشاء الله تبارك الله شي خيالي من جد اختي حلاها من جد منطقه اكثر من رائعه وانتي مشاء الله ابدعتي بالتصوير وبنقلها لنا واهم شي انكم انبسطتوا في هـ الديره الرائعه لا هنتي اختي وفي انتظار المزيد من الرحلات المميزه

مساعد
اي والله منطقة روووعة وانصحك تروح لها مستقبلا مع المدااام .. عزووووبي لااااا ماسمح لك < وش تصيرلك الاخت !!

ومن ناحية الوناسة وربي كل شبر فيها يخليك مبسوط ومفتون باللي تشوفه

الف شكر لك اخوي عالمرور

[روح المنتدى]

ماشاءالله..صور الطبيعه..آخاذهخاصه الشلالات..

بس وراك مستعجله كذا ماخليتيها على حلقات كعادتك

ههههههههه

اول ماقريت العنوان على بالي كاميرون افريقيا

يعطيك العافيه ام عبدالعزيز..

وننتظر تقاريرك ورحلاتك القادمه

[حلاها مبتليها]

”	المشاركة الأصلية كتبت بواسطة روح المنتدى ماشاءالله..صور الطبيعه..آخاذهخاصه الشلالات.. بس وراك مستعجله كذا ماخليتيها على حلقات كعادتك ههههههههه اول ماقريت العنوان على بالي كاميرون افريقيا يعطيك العافيه ام عبدالعزيز.. وننتظر تقاريرك ورحلاتك القادمه

روح


مين قال اني مستعجله وماخليتها حلقات ؟؟
هذا اول جزء ويخص الكاميرون هاي لاند بس

نفسي اعرف وين الشي اللي خلاك تحكم اني مستعجله ولا ابي احطها حلقات ..
عموما
الف شكر عالمرور الطيب

[مشاعل**]

ماشاء الله,
الطبيعة عندهم شئ

تسلمين ع التقرير الممتع