[zayzom]

”	دام ماهو عاجبك التصوير وراك راد ابو يزيد

شف ياحمد الموضوع أنا مارديت إلا على ساس يخص ولايتنا
الغاليه الفرشه وانا ماقلت إن تصويرك فاشل من عبث أو كره فيك لا خل
عقلك كبير

أنت الله يخليك لهلك تتحدث عن الفرشه وتنقل لناس صورة عن الفرشه
لكنك مع الاسف الشديد مانقلت وصورت إلا أشين الصور وأسوأها
بالله مصور لي وايت الماء و زريبه العجوز أم حاجونه وخرابة ابوفهد
وسلقة ابوياسر وتقولي ليه ترد يوم الموضوع ماعجبك ؟ ! ! !
الان ماحصلت إلا هذه الصور ؟ ضاقت عليك الوسيعه يامال ام اجنيب

خذ لك دوره في مهارة التصوير بس لا تقرب صوب الفرشه وتطلع
ابداعاتك يامصور الجزيره على غفلة ثم لحرش عليك بزارين الفرشه
يفلقونك اذا رحت توطوط عندهم حدك توصير الكبسات وقواطي الببسي
..

[مساعد]

السلام عليكم ورحمة الله وبركاته

حياك الله اخوي الوسام
تقرير جميل لكن انا اتفق مع ابو يزيد لأنك ما صورت الأماكن اللي تستاهل التصوير يعني مثلاً المركز تقول عنه ( يستقبلك مركز الاماره وبجانبه بيت الشعر ) طيب ليه ما صورته من الجهه المقابله لبيت الشعر مو راح تكون الصوره احلى !!
ومصور لي البيوت من جهة المطعم ليه ! يعني رايح تدور اسوء مكان ؟؟ ليه ما صورتها من جهة المحطه ترى المقدمه دائماً احسن من المؤخره
ليتك علمتني انك بتسوي تقرير كان عطيتك الأماكن اللي يكون معها التصوير شي

على العموم انت ما قصرت وجهدك تشكر عليه الله يعطيك العافيه وان شاء الله دائماً وابداً نشوف طلتك في الفرشه


ابو يزيد وسع صدرك يالغالي الموضوع هذا ما صور لروح مصور لعيون اقلاع جعلهم ما يبكون ابو 99 فلقه

[أبو نواف]

يآآآآآآآآآآآآآآآآآآآآآآآآآآآآهـ على ايامك يالفرشه
استعدت ذكرياتي من البدايه حتى يوم الوداع

والله ما كان الفراق اختياري ***ولا عمري تمنيت الوصال ولقيته

حمد شوقتني بجد اني اطلع للفرشه وان شاء الله قريب
ولكن بعد التخرج اذا شاء الرحمن

[الوسام]

خلاص المره الجايه بصور مطيلق والورعان الطخمان اللي عندكم

اختصر مساعد علي كثر الكلام

[فيه أمل!]

اجل تقآرير وادهآر خآرج اسوآر الروح

يا عضو يا صآيع ليه ان شآء الله

مالقيت منتدى يلمك

<تمززززح لآ تصدق طططيب

بس من جد احسك نذل ومآلك خآتمه

<<للحين تمززززح

برآ جدآر الحقد اللي انبنى يوم شفت التقرير مبلط هونيك

اقولك تقرير لطيف وتعليق دمه خفيف

،



اجل بآيسن يالمرآهق



وين بيت الشعر الظآهر انك تحلم

،

الصرآحه فيه صور حلوه خصوصآ المزرعه

وسمآهآ قسسم تهوس

<<تحب الطبيعه والزروع الطبيعيه والمزروعه

من جديد مشكور يا خوي على هالتقرير الامور

وحيآكـ ربي خيو والتقرير الجآي حطوه بذآ قبل لا توديه بذآك

<<كنهآ تهدد


،

[فيه أمل!]

نسسسيت

اشكررررررررك على الاهدآآآآء:3thbh6:








مع اني ادري انه موب لله

بس ولو مشكوووور ماقصررررت


،

[الوسام]

العفو العفو جميعاً احرجتوتي يا ستات ورجال

فتره وبرجع عليكم بتقرير جديد بالحيل يخلي فيه امل

تهذر انجليزي في المنتدى

[توليب]

وعليكم السلام ورحمة الله وبركاته

يعطيك العافيه اخوي الوساام على التقرير الجميل

اجوااء القرى جميله دآئماً

فيها هدوء وبساطه وراحه مو زي ضجة المدن وزحمتها وصخبها ..


ياليتك في ذي الصوره قربت الكاام من الغنمه الصغيره اللي جالسه على اليسار تطالع الكاميرا
شكلها يجنن ياحبي للغنم الصغاار يدخلو القلب



ما كأن اللي جوات كاسة الشاي بالحليب مصااص ولا انا غلطانه
معقووول تشربووه بالمصااص



عوااافي الوساااااام

وفي انتظااار تقاااريرك القادمه من غير محد يكفشك ويسحبك هوون

[المسافر]

الوسام


ماشاء الله تبارك الله تقرير رائع جدآ للفرشة
لكن ولو يلزمنا زيارة لها والله لايهينك راح تكون مرشد سياحي لنا



برايفت لتوليب
وش مصاص بالحليب هذا الله يسلمك ملعقة البلاستك
بعد إذن الوسام


إحترامي

[مضيع دليله]

لحظه!!! لحظه!!!
أي ولد الفرشه؟
ولد الفرشه والله مساعد..
يمكن هذي ثاني مره يجي للفرشه..

على فكره!!
ماجانا العج والغبره ألا يوم جانا الوسام..
الوسام تصويرك لك عليه مثل ماقال ابو يزيد ولازم تاخذ دوره مكثفه (تأسيسيه ومتقدمه)

عند مساعد..

ووش معنى ما صورت من بيوت الفرشه ألا بيتنا؟؟؟

بس وش رايك في سيارتي ملبقه تحت المكيف قدام البيت؟؟؟

عموما يعطيك العافيه

ولاتتعودها مره ثانيه

لاتزعل

مضيع دليله

[zayzom]

^^^^

:36_11_6:

ياويلك ياحميدان من ضيعوووووه ماعنده إلا توطي بالبطن

.. ..

مضيييعوه

لا تلوم الضعيف كل من دخل وشارك وقام يرقص به يعطيك العافيه على الطرح وحسن التصوير وقاموا يخفون به وهو ضاع في العجه لكن جعل والله سلقة ابوياسر تنهش عرقوبه الاشهب


حميدووووه

جهز نفسك نهاية الاسبوع واسرق كاميرا مساعد بروح انا وياك لصمان عند ابل رجال شرواي وصور الذود والحيران وهي مفليه وانت عاد مجنون الصبوح والغبوق وبصورك وانت على ظهر الركبي منها تعلم التصوير ومنها تسج النفس وتعلم اعلوم الشقرديه وتشرب من حليب عطايا الله وتترك عنك ذالحققه المصنقه

..

[مضيع دليله]

هلا ابو يزيد

والله لو كلب ابو ياسر ينهش عراقيب الوسام ان يغمى على الكلب

أو ينسعر هههههههههههه

أما آخر الاسبوع هذا فما أقدر لأن عندي غداء يوم الخميس في الفرشه

والله يحييكم جميع

”	وتعلم اعلوم الشقرديه

والله ماهقيتها منك (واحد قلب على خويه)

الحمدلله متعلمها لدرجة اني صرت معلم فيها

والا تنكر الشيء هذا؟؟؟

تراني أحترمك وأقدرك وأعتبرك قدوتي

عموما حصل خير وكل واحد يصلح سيارته

وتحياتي لك وللوسام وجميع أعضاء الروح

اللي أعتبرهم كلهم اخواني وأخواتي الكبار

و.......د.......ي

مضيع دليله

[روح المنتدى]

تقرير جميل ..

بس غريب هذا اللي يربي نعام؟؟

لحمها زين ولا البيض

ولا صوتها

يعطيك العافيه اخوي

[zayzom]

”

المشاركة الأصلية كتبت بواسطة مضيع دليله هلا ابو يزيد والله لو كلب ابو ياسر ينهش عراقيب الوسام ان يغمى على الكلب أو ينسعر هههههههههههه أما آخر الاسبوع هذا فما أقدر لأن عندي غداء يوم الخميس في الفرشه والله يحييكم جميع والله ماهقيتها منك (واحد قلب على خويه) الحمدلله متعلمها لدرجة اني صرت معلم فيها والا تنكر الشيء هذا؟؟؟ تراني أحترمك وأقدرك وأعتبرك قدوتي عموما حصل خير وكل واحد يصلح سيارته وتحياتي لك وللوسام وجميع أعضاء الروح اللي أعتبرهم كلهم اخواني وأخواتي الكبار و.......د.......ي مضيع دليله

فين عقلك ياولدي ؟
فين تشتغل انت هاااه ؟

اقووول الله يصلح قلبك بس وش هذه الخطمه اللي مالها سنع ^^^
خليت حميدان تشمت علينا . . . .اقول رح اقرأ الرد زين 43 مرة ثم اعرف الكلام منهووووو له

اجل العزيمه الى الخميس اللي بعده حتى اجيب حميدان بأذنه نطلقه في دشة المحيوي ونطلق عليه
سلقة ابوياسر تنهشه

..

[خعاخع]

ابو يزيد
حايله لين يجى هم بنروحبة في الحدبــــة وخابر لك حاجــــونة في كرفــــاجة ابو حاجونة الي
اول ماتدخل في خنـــدريستها تلقاها في انحرك هم ابمـيدنــة اميــدن لين ايعــــيف ويتروع
له عكس وتنزيل العكـــوس