[M a S h H o R]

السلام عليكم




عيدكم مبارك ان شاء الله مثل وجه هالمكدش ضاحكاً متبشبشاً وضروسه كنها درج مدرسة ابتدائيه دهسو فيه بزارين الابتدائي لين طلعو له ضرس عقل مشلول شلل نصفي




الحمد لله صرت ادمي وتركت الدخان < يمديكم بس ترى كنت ادخن LM خفيف يعني لامانع لو تمدون سجاره ماقولكم لا < خبركم الاخ توهق اساساً بسالفة ترك الدخان ولكن خيره



كنت جالس اعسل في السطح يقالي الحين بروق والمعسل ماهو حقي قسم اني بريء المعسل حق جارنا صالح (القُصُبْ) والمراد وانا داخل في الجو ومستكن الا خالة امنه تطب علي ياولد وش تسوي !!


وانا الي احاول ادس لي المعسل ولكن بلا نتيجه قلت والله يايمه اني بوقف ادخن وهالبكت < كان بكت الدخان جنبي > قلت يايمه وقسم بالله اخر بكت لي ثمن شهقت شهقت واحد توهق انه حلف مير قلت خيره وجعلها سبب في ترك الدخان وكان انطلق من ذاك اليوم ووقفت دخان والحمد لله ثمن مرضة وتمددت كمن يوم وقمت زي الحصان وبعدها بفتره صغيره شوي الي هي الحين < لا تعبر تكفى مريض شويتين ونص ورحت للدكتور امس قالي انت مافيك ولا ضربه يالمهبول لكن وش كنت تسوي !! قلت له تركت الدخان قالي ايه كويس بس وش كنت تسوي قلت ايه تركت الدخان !!المراد انه قال لخويي خذه بس خويك مهبول كان مدمن دخان وهذي اعراض مدري وشو وخويي كل شوي يناظرني بنص عين ويقول اخص يامدمن


المراد البشاره الثانيه

اول شي واحد يصب لي قهوه ويجيب لي ربابه ويعزف لي اغنية انا واخويه سعد مسرع الله لايهينه
الوكاد اني توظفت وظيفة زينه وباذن الله بباشر دوامي في الايام القليله القادمة باذن الله
وفيه بشاره ثالثه لكن تبطون قسم ما اقول لين اخلصها



يالا الله لا يهينكم كل واحد يقوم ويحب راسي ويعطيني خمس ريال عشان اعوض خسائر بكتات الدخان اول

[أنثـــ المطر ـــى]

محال قلبي ينجرح من وداعه .>> الدخان يعني .؟؟
.
.
مشهور مبروك عليك ترك التدخين لأن بصراحه ريحته تصرع تجيب ألم بالراس وتمسك بالملابس ..
و الاهم مبروك عليك الوظيفه الجديدهـ وعساك تتوفق فيها يارب ..
ومن احسن لأحسن ..
بس لو انك مكمل البشارهـ الثالثه كان انبسطنا لك ..
.
.
بس ماتوقع ترضا انك تعوض خسايرك القديمه من أهل الروح ,,
لأنهم بيذبحون لك ذبيحه .. لتركك التدخين ..
بس عسى ماترجع تدخن بعد الوجبه الدسمه ..
.
.
ربي يوفقك وين ماكنت يارب



أنثـ المطر ـى

[M a S h H o R]

اي والله محال قلبي ينجرح من وداعه
محال اقصد يعني مستحيل



ماني راجع ان شاء الله ولاني مقرب منه جعله القطيعه قسم طفرني وعصقلني ملعون الجدف لكن ترى القطه فيكم فيكم
والبشاره الثالثه فوقتها ان شاء الله

[أنثـــ المطر ـــى]

ادري انه محال يعني مستحيل
ولا تبي تعلمني عربي بعد ؟؟
.
.
طيب أحسن شي تكون معصقل
اجل دامك تركت الدخان بتصير دب ..
.
.
لالا بجد .. الحمدلله أنك تركته يكفي انه الموت البطيء
و ضياع للفلوس ..


أنثـ المطر ـى

[M a S h H o R]

كنت عصقول ويوم متنت شوي بس قلت اتركه عشان اترك العنان اني اصير ادمي ما يطيره هوَا < ابد ما يبي يسمّع فيه امل انه متن

[ت ب ع ث ر]

"
:
وعليكم السلام والرحمة،‘

غير البشر

ما شاء الله خبرين كلّها تفرّح
مدري وشلون كنت مستحمل هالسم مير الحمد لله أن ربي فكّكـ منه وإن شاء الله ما عاد ترجع له..
والله يعوضكـ باللي صرفته عليه

:

ومبروكـ عليكـ هالوظيفة
الله يطعمكـ من خيرها ويكفيكـ شرّها، وإن شاء الله ترتاح فيها وما تسحب عليهم

[هدهود]

عليكم السلام ورحمة الله وبركاته

وعيدك مبارك

والحمدلله انك تركت هالسم
مناعتك اندمرت من هالتدخين
والله ريحتها بشعة تلوع الجبد شلون تشربونها ما أدري

انفر من الشخص إلي يشربها حدي

المهم ألف مبروك أن شاء الله ماترجع لها أبداً
ومبروك الوظيفة تكسرك بالعافية
أقصد الله يعطيك خيرها و يكفيك شرها

طيب والثالثة ويش نرد عليك موفق ولا عقبال العاوزين ولا ألف مبروك


وآخر دعوانا لك أن تنعم بالصحة والعافية دائماً

[ғ ’]

عليكم السلآم ورحمةة الله

يآمآشآء الله

ينكسر على رآسك عودٍ خضر وآنآ آختك

وعقبآل اللي عندي يتركونهه


ويومك تركته آبعطيك عشر طعش ريآل<آحسبهآ عآد

ومبروك الوظيفه مير لآتنسآنآ من آول رآتب


مير الثآلثةة هقوتي آنهآ خطبه ولآ عرس ولآشيء من ذآ القبيل<وش دخلك


وربي يمتعك ب الصحة والعآفية دوم

ولآيغير عليكك

[( نادر )]

شي جميل انك قدرت تترك الدخان لأنه مرض والادمان عليه مشكله يعني صعب تتركه الا بعد معاناة
مبروك انك تركته والله يثبتك وبعدك عنه وانتبه لا ترجع تتدخن ترى الانتكاسه مشكله يعني بعدها ما عاد راح تتركه
ثانيا مبروك الوظيفة والله يوفقك واول راتب ترى بالنص خل يتبارك
الله يوفقك ويسعدك اخوي
وبالنسبة للبشارة الثالثة ما حنا مستعجلين عليها وننتظرك تفرج عنها
بالتوفيق اخوي

[الطائرالحزين]

العنوان قصيدة
كنت فيه يا أبو الهش
البحر والقافية
آلاء التبريك لـِ/ترككِ الموت
وسراديب التهنيئة لـِ/جمال الوظيفة
والثالثة ثابتة
بس الله الله
قاعة سهرتي بالعوالي
أكون أول المعازيم

.
.
بس سؤال
كيف قدرت تترك التدخين؟؟
بأسوي مثلك
عندي عادات مش حلوة بأتركها
بأيش تنصحني
يا مشهور


.
.
طاطا

[إكليل الروح]

:

ماشاء الله .. مبروك التدخين والوظيفة وإنك خطبت < عرفت الثالثة
تصدق عاد أحب ريحة الدخان .. وعلى طاريه بسألك
الحين السيقارة إذا طوّلت عندي بـ الدولَاب وجلست كم شهر .. تضر ولّا ماتضر ؟!
فيه عندي وحدة سارقتها من أوّل ولَا لقيت لي فرصة اجربها

..

[أنثـــ المطر ـــى]

أكليل الروح .. يوهـ ياسسراقه ,,
..............
مابي اتفلسف .. بس اتوقع يبللونها بمويه من الجوانب
وتصير كويسه
الله يستر لاتسوينها ويصير فيك شي واصير انا السبب



أنثـ المطر ـى

[فيه أمل!]

مشمش

وووووووووووووووتركت الحركآآآت البطآآآآآآآآآآله يآبطططططططل طل

الف مبروك الف مبروك الف مبروك الف مبروك الف مبروك الف مبروك الف مبروك الف
مبروك الف مبروك الف مبروك الف مبروك الف مبروك الف مبروك الف مبروك الف مبروك
الف مبروك الف مبروك الف مبروك الف مبروك الف مبروك الف مبروك الف مبروك الف
الف مبروك الف مبروك الف مبروك الف مبروك الف مبروك الف مبروك الف مبروك الف
مبروك الف مبروك الف مبروك الف مبروك الف مبروك الف مبروك الف مبروك الف مبروك
الف مبروك الف مبروك الف مبروك الف مبروك الف مبروك الف مبروك الف مبروك الف
الف مبروك الف مبروك الف مبروك الف مبروك الف مبروك الف مبروك الف مبروك الف
مبروك الف مبروك الف مبروك الف مبروك الف مبروك الف مبروك الف مبروك الف مبروك
الف مبروك الف مبروك الف مبروك الف مبروك الف مبروك الف مبروك الف مبروك الف

مآشآء الله تبآرك الله الله يجعل تركته وش السعد عليك يآبني

الآ بذكرك

ترآ التدخين تندرج تحته الشيشه وملحقآتهآ

،

ومبآآآآآآآآآآآآآآرك مليون الوظيفه

يقول لك من ترك شي لوجه الله عوضه الله خير منه

يعني احتسب تركة التدخين لوجه الله والله بيكرمك

والثآلثه<مبآركه من الحين

جد جد جد فرحت لك قوووووه

الله يثبتك على الخير والحق ويرزقك الصحبة الصآلحه

ويكتب لك التوفيق والنجآح في كل امورك وكل مسلم

،

[العنود الحربي]

>>>>>>>> أكيد الثالثة عرس

اشغلتنا بالثالثة ليتك قايلها ومريحنا ياراقل

الله يوفقك ويبارك لك مقدماً بالنسبة للدخان ايش السبب اللي خلاك تتركه غير أنه طفرك
بالنسبة للوظيفة الله يعطيك من خيرها ويكفيك شرهااا



بالتوفيق

[فــارس]

مشهور

كل عام وانت بخير

وابرك ساعه يوم خليت شرب المخزي لا بارك الله فيه

التتن هذا بلوى ابتلى فيها المجتمع حريم ورجاجيل

انتبه وانا اخوك لا يهزك الشوق له اذا شميت ريح الزقاره

قام ابليس يلعب فيك وهواجيسك تروح وتجي أو اذا طفشت

بكره من شي تقبع الزقاره على بالك بتفرج لك وهي دمار

في دمار


الله يثبتك على طاعته

.