[درر]

أتوقع أن أم خعاخع مغربيه وأبويزيد تأثر به كثير ..

صراحة مافهمت إلا كلمة الغمار ...والباقي على الدنيا السلام...
والله من وراء القصد

[zayzom]

هههههههههههههههههههههههههههههه

خعاخع

ابدعت . . . يالله كان فيهم خير يردوووووووون . . . رهييييييييبة ( اضرب بمصبحة الارض ) هههههههههه


.. ..


عذبة

قايلك انثبري ومالك ومااااالك ومال لسااان خعاخع بس ماتطيعين الشور
يالله كان فيك خير ردي عليه ورينا جودك كان فيك خير

هههههههههههههههههه بس صراحة اعماااااك خعاخع افضل شي لك
هو الانسحاب حتى هذا الموضوع لا عاااد تقربين منه

..


مساعد

طيب انا بعطيك عدة اختيارات لتعديل اسم القباني لأني صراحة
من المعترضين بقوووه على تسميته بهذا الاسم

كيف يحمل اسمي واسمك وهو بعيد كل البعد عن هذا الاسم
يأخي فشلنا في خلق الله يالله شف جوري وش تقول ؟
طلعنا طروش بحر طلعنا والله العالم ياصفووين أو اشاعره

الاسماء المقترحه

زمة غليص
سملقي
طارد ضيفانه
مضروب جنبه
( ابوقوز ) هع هع هع
( الضرماوي ) خخ هه

وش عاااد وش عندك من اقتراح انت وخعاخع ولا تمالونه غير من عندك دايركت
هذا اذا ماليته منتب معين منه عز ولا معزه بيضيعك حسبي الله على عدوينه
ما ارتفع ضغطي إلا يوم قال ولا تنزلون من سيارتكم عطوني غرضي ومع السلامه

ذالحين طاقين لنا 900 كيلو يالشين ولا هان عليك حتى تقهوينا تسقينا لو شربة ماء
صالبين في ظهر ذالموتر من فجر واخرتها ماتقلطنا

.

[خعاخع]

وشرايكم لو نقلعه لشعبان الدريعي
وتخلية ينثبر في هالشعبان ويشرب غثاريب الورهيه
الي كلها دغاليب وأم عوينة ويطرح الهمل ويشرب من حليبها
وياكل من الحبل والعشرق ومن الحماط
ولا ضواه الليل يدور له صلــة ولاحدا الدحول ويمسي فيها لأن الأرض مسكونة
ويحوف الليل والنهار لين يطيح في ربعـــة ومهوب من واجهة تقول له عن اسمك
لأن اكثر ربعك مطلوبين في الدم وبيعطيك زيزوم كلمة الســـر وهي عبارة عن عزوة تعتزيبها
وبعد مايدور عليه الحول انكانة تغير طبعة ضمنيها ومنحناة اسم العائلة وصار منا وفينا
هذا مجرد اقتراح والراي راي الجميع

انت يالمهشول يالمعثور هذي الصور للمكان الي بتنثبر فيه ان كان ودك تذب الريع
وتفلح مع المطاليق ولارجع الجائزة وعدل اسمك ودق عربيات



وها الصور لعيال عمك لاصرة قباني قول وفعل






الشيخ طرباخ وولد اخوة وذراعه اليمين زهيم




انكان الي علي بالنا هالربع اقرب مالك



ان افلحة وذبية الريع وخلية من الخنبقة خطبنــا لك هالمنعورة



ونشاء الله بعد سنة بتصير مثل عجيج ملخج القباني

[zayzom]

خعاخع

انت مدرسه وراعي مفهوميه واقتراح طيب بس ياخوفتي يغدي قلبه مراعه
في ذالصفره ونتوثم فيه وتقعد عجيزه تدعي لنا

كانه بيفلح انعومك حبها وخشها لكن ياخوفتي يسركل مع الجرفه ولا يجيه
ذيب وياكله

تخيل يجيه سكني ابومساعد اللي لابس ردون ويوم العيد يغني ( ياهل السامري )

.

[بنت الوادي]

أحمد ربك على 100 عيدية حلوة

[zayzom]

”	المشاركة الأصلية كتبت بواسطة درر أتوقع أن أم خعاخع مغربيه وأبويزيد تأثر به كثير .. صراحة مافهمت إلا كلمة الغمار ...والباقي على الدنيا السلام... والله من وراء القصد

هههههههههههههههههههههههه

اما مغربييييييييييييييه خخخخخخخخخخخخخخ قصدك من الطوارق

وتحمدي ربك عرفتي لك كلمه وحده غيرك ماعرف ولا كلمه ويقلب
راااسه على عماها

ترى ابوخعخعه ماشاف كلمة مغربية وإلا كان بيردسك ماعنده تفاهم
بس هذا ترى من حظك الطيب >>>كأنه يقول تعاال ياخعاخع.

[القباني]

ياجماعة اهم شي في الدنيا الأخلاق ..

انا اللحين اخاف من حمار القايلة يجيني ذيب و سكني و يسركل ..

أخوي خعاخع ترى الي ما يعرفك يجهلك وانا يا اخوي مادري وش انت خعاخع قالوا لي إنه انسان متوحش يدينه مثل يدي الضب ورجليه مثل الوبر يقصدون قوته بس ماهو شكلاً ماشاء الله عليه ،،

وإنه إذا جاء العشاء اخذ عشاه وطلع الضلع " اخذ اكله وذهب به إلى أعلى الجبل "

وإنه يأكل بيدينه الثنتين

وشعره طويلة منتشر يمين يسار حتى إنه حاط السكين في وسطها ..

هذا الي قالوا لي عنك لكن اشوفك عكس إنسان مثقف مثل اخوك زيزوم .. وعلى فكرة كلامكم الي تقولونه أنت وزيزوم اكتشفت إنها لغة عربية اصيلة فصحى وكان يتحدث بها قوم طسم وجديس القديمة والان انتم تحييون هذه اللغة من جديد فجزاكم الله خيراً ..


وثاني شي بخصوص أني اعيش في الصحراء فهذا يشرفني ان اعيش في الصحراء واتعلم مثلكم ومثل ثقافتكم الطيبة وياليت أجد بيت شعر فيه باب من حديد لاني ما احب البرد وياليت لو فيه بعد تلفزيون ودش ستايلات من اجل مشاهدة ماذا يحصل في العالم من احداث وخاصة في فلسطين وباكستان ..

وكذلك لو يوجد انترنت حتى استطيع الدخول للمنتدى ..

بخصوص الأسم ابد غيروا اهم شي رضاكم .. والقهوة انا من زود حرصي إني اخدمكم في محلكم مادوي تتعبون وتنزلون يمكن سمتعوا عن خدمة السيارة ،، هذه طبق الأصل..

[جوري]

خعاخع..
من هي عصاقيله هذي اللي وشسمه طالعة

..

[خعاخع]

الدعوى كلها عصاقيل ياجوري
قصدك الي في المــزودة ولا الي واقفن علي الأرض الي شخـاقيقة ظاهره

[مضيع دليله]

السلام عليكم ورحمة الله وبركاته

اسمحولي بالمشاركه
ولو انها متأخره لكن توه جايني اتصال فزعه

المهم مالكم بالطويله

بالنسبه للمصطلحات كلها مفهومه بالنسبه لي
بس اللي يقهرني ان خعاخع متحدث اللغة الانجليزيه بطلاقه!!!

أما القباني تراه قباني أبا عن جد ومن قبابنة نجد بعد واللي يعترض على هالشيء
غلطان سمعت ياخعاخع ويازيزوم ويامساعد والا لا؟؟؟

الرجال فاز بالجايزه يستاهلها ومن حقه يستلمها والا يقدم شكوى وياخذها غصب عنكم

القباني ان عطوك الجايزه والا ابشر بالعوض يابن عمي وأرق سنود....

وان كانهم على قولتهم راحوا للحجاز علمني آآخذ معي كم تكروني من جده واستقبلهم

واخليهم يشوفون القصعه على اصولها

ما بقا الا هم يجحدون ابن عمهم ويشككون في اصله؟؟؟

وان كانك مافهمت بعض المصطلحات علمني أترجمها لك

مساعد

انتبه لنفسك ترى الكرسي اللي انت عليه في خطر ولاراح ينفعك خعاخع ولا زيزوم

اللي يسبونك من تحت لتحت وانت ساكت عنهم

زيزوم

انا خابرك حبيب ولاتحب الغلط لكن العفن خعاخع منتب صايدن منه خير


اخيرا انتم يالثلاثه ارجعوا لصوابكم احسن لكم وعطوا الرجال جايزته

لازم المنتدى يكون فيه قاضي

والله الشياطين رجعت بقوة وحماس بعد رمضان

تحياتي

[zayzom]

أبن أخت الوسيم والابظااااا ي

والله منتب سهل ياولد جاي مفتل شواربك
ومتنفذ من يديك ومتفخه لغابيبك

ياحظك يالقباني جاء من ينقذك ويفزع
لك

شوف ياوليدي المناذخي <<احسها قويه عساه يتحملها بس
حكاية الغلط إن شاء الله مابه غلط على أحد

وأنا فديتك رجال مسالم مررررره ابرى مع الساس ودوبي في حالي
يغافل لك الله مادريت اساساً عن هذا الموضوع إلا يوم حنا في الدكه
وخبرنا عن الموضوع مساعد وخعاخع ويوم جيت إلا والناس قدهم
في الصفحة ال 3 ويوم قريت الموضوع إلا والله اسمي يلوح وش
تبيني اسوي ؟

يا فلفلفلف ماحد خلاني في حالي ولا عاد دون الحلق إلا اليدين
وإبن عمك هذا القباني صاير مثل الحاشي الاجرب يتمرغ بجنوبه
الكبار على خلق الله ولا عاد لنا إلا دربنا بنطلاه لين يسلم

اسمع

اذا انت مسوي راعي مقطع حق وتعرف السلوم فأنصح ابن عمك
وعلمه اعلوم الجماعه ولا يوهقك ويسحب عليك وتجيني تنقب
خشمك يابالفيت مسوي فيها

.

[ع ـذبة الروح]

”

المشاركة الأصلية كتبت بواسطة خعاخع إيش الي قبلها ياغذبة الروح واردين ورادينك من القلمة سافحين الحياض في وجية جهامكم متعطلين ولأسعفناكم ولاجبنا اصلاح لكم هجتونا توالي الليول ولا استلفينا كم الله يرحم رشومن جابوس انتي تخبطين ونتي كنتى عندنا من السنافيات الي مرقطاتن في رفة البيت ودايمآ محجوب ذراها وتالي قمتي تلاوحينا وتنقفيــنا بالحسي وماتقولين لرعد يكريم لايدهدمونس منبثة الجحاره ولاتقومين اتشالعين وتلاوحين مع الفسر المعنطرات على الجثجاث فوق الشبرم والله ان لس حشمة عندنا ياثنين بش طرتي في العجة وعارضتي شعفآ مشتبكن مع ابو رابض ولد بطرس من يوم هجدنا والشر جاينا مير انقاله الله يافريصتة ان غير انهشمها ثم خليه تنفعه الجواير ان مامسك الجادة وقام ايخدد قدامنا تقولين ورعين في اوخيتة جايتة بين الصفرتين

يعني ماكفاكم الكلام اللي قلتوه عن الاعضاء جايين تسبون في مساعد وانتو تقربون له
وتسبني انا بعد
الله يسامحكم بس .




> بيجلدونها

خعاخع وش تقول بالله احد يترجم لأني من جد عجزت القى احد يفهم هالطلاسم والشعوذه اللي فوق

[مساعد]

انتم الى الحين تتناقشون والجائزه وصلت بالسلامه قبل قليل

[هدهود]

القباني منك البحث ومنه النتايج خخخخخخخخخ

وتقطعه بالعافية ويعطيك خيره ويكفيك شره

والله يسلم من سلم الجائزة

وشكرا محدثتكم هدهود

[القباني]

الحمد الله وصلت ..

الجائزة ومغلفة بشكل رائع جميل وإليكم الصورة .. ومعها طيب المقابلة والمشاعر الصادقة من منتديات الروح ..







وانقهر يا خعاخع .. و ارجع إلى كهفك في أعلى الجبل ..