[H A I F A]

انا ودي اليوم نبدع ماودي تنتهي المبارات ع 1 - 0
بس لو تنتهي ع كذا فهي خير وبركه

اما بالنسبه لشراحيلي اذا كنت ماني واهمه
اهو اللي حارس لما جبنا عليهم 5 وجابو علينا 3
يعني هو صحيح ركيك ف المرمى ،، بس لو ساعدوه اللاعبين وجابو اهداف كثيره
ماراح نخسر .. اما يامساعد لو نجيب 1 - 0 ابشر بـ 3 ع مرمى شراحيلي :O

[ع ـذبة الروح]

أكد الجهاز الطبي للفريق الكروي الأول عدم قدرة الثلاثي (ياسر القحطاني وحسن العتيبي وعبد الله الزوري) على المشاركة الليلة أمام النصر بسبب معاناتهم من إصابات مختلفة، وسيكون بدلاؤهم في التشكيل الأساسي (عيسى المحياني وخالد شراحيلي ومحمد نامي) .


يعني التشكيله بتكون ..

شراحيلي
لي يونق. - مرشدي. - هوساوي. - نامي
الغنام. - رادوي
الشلهوب - نيفيز - ويلي ( الفريدي )
عيسى المحياني ..


بالتوفيق للهلال ..

[مساعد]

هيفاء تذكرين اهداف النصر وقت الخمسه !! كانت اهداف سخيفه ومع ذلك جت
مع اني اذكر انه العتيبي والله اعلم

على العموم العتيبي افضل خاصه الفتره الأخيره تذكرين مباراة الغرافه الأولى لو لا الله ثم العتيبي كان الهلال مهزوم وكذلك مباراة الهلال والايراني الأولى في ايران بدع العتيبي
العتيبي حارس عملاق بس للأسف الدعيع حطمه السنوات اللي راحت

[مساعد]

ب العكس عذبة التشكيله حلوه بس الحارس هو اللي يخوف
من الأفضل ما يلعب ياسر المباراة هذي وكان المفروض هوساوي بعد مايلعب لإن ردة الجمهور ( اذا حضر جمهور ) بتكون عكسيه عليهم بعد آسيا

[H A I F A]

وبعد هذي تشكيلة النصر " حسب موقعهم "

العنزي
عيد - ماكين - الدوخي - عبدالغني
غالب - بيتري
فيقاروا
قحطاني - الزيلعي
ريان بلال


الغيابات : برناوي - السهلاوي
الكروت الصفراء : العنزي - الدوخي

الحمدلله برنآوي غايب
والا كان نشوف مجزره
ولا يهونون اللاعبين البقيه
بالتوفييييق للهلال ^^



مساعد والله مدري
صحيح العتيبي حارس حلو بس لا نحطم شراحيلي
ان شاااااء الله ربي يوفقه اليووم

[امنتك الله]

الدربي = فريقين من مدينه وحده والكلاسيكو عكس


نطالب المدرب باشراك اللاعب الخطير محمد نامي عشان يجيب هدف بالنصر ويقعد يرقص بالملاعب

مباراه االخمسه على النصراويين كوووم وهدف محمد نامي كووم

[Mo5maliah]

يارب اني فاهمه ان الديربي كذا بس كنت اقصد ماعاد فيه ديربي مثل العالم النصر مايستاهل نقول ديربي مات النصر ماعاد فيه حياه اصلا

[امنتك الله]

قصدك ان الدربي راح مع يوسف الثنيان يوم كان كل مباراه يعلق مضحي ولاالخوجلي بالشبكه

[مساعد]

هيفاء ان شاء الله شراحيلي فيه الخير والبركه وان شاء الله بيثبت للجميع انه حارس كبير


امنتك الله
نامي لاعب جيد ب الرغم ان عليه هفوات مالها داعي لكن يبقى لاعب مفيد للفريق ورقصته شي ثاني

[مساعد]

لا معليش الديربي الى الآن موجود وكلكم تذكرون آخر مباراة الموسم اللي راح كانت من اقوى المباريات واجملها وكان حصيلتها ثمان اهداف

[M a S h H o R]

< بيروح منتدى الحالمي ويرمي رابط الموضوع هناك وينفلتون على مساعد النصراويه

[مساعد]

عادي خلهم يجون الله يحييهم

[حلم حياتي]

اتمناها هلاليه لكن.......

الهلال لو انهزم عاادي معذور يالزعييم بسبب خروجك من اسيا

صحيح مالي نفس في المباره واحس اني ما راح اتحمس بس بشوف المبارة

[مساعد]

ي هلا فيك اخوي حلم حياتي


نورت الروح برجعتك
الجد اخوي انا متوقع فوز النصر مع اني اتمناها للهلال لكن لو انهزم الهلال ماراح اتضايق
ومن جد ماعاد لنا نفس

[المجروحه]

لي مكان ولا اطلع

انا عن نفسي ,,<<

اتمناها هلاليهـ قولوا ليييييييييش

بس لاني احبهم



ان شاء الله الفوز للهلال ., صحيح يمر بظروف صعبهـ الفتره هذي بسبب خروجه من الاسيويهـ

بس الجمهور والمتابعين محتاجين فوز يقويهم ويردهم للمدرجات مره 2

وخروج الهلال من بطولة آسيا ,,.. رغم الصدمهـ لكن لابد من الفوز البديل

اللي يعدل الموازيين

الله يوفقهم .. وبنتظار النتايج وعقبال ماتسوون موضوع خاص للعين عاشن احوط فيه على راحتي

.,

..

احترامي

جوجو