|
أدوات الموضوع | انواع عرض الموضوع |
|
السلام عليكم ,’ شفت هالموضوع بموقع ثاني وحبيت اطرحه بأسلوبي حتى ما يقولون زرفته كله < حرامي ذوق طيب ياشباب الموضوع هذا مفتوح عشان نحط فيه مواقف المزح الخفيف تبعنا < اقص يدي لو خفيف ان شاء الله يكون الموضوع خفيف على الكل وما يجيب الا وسعة الصدر =) ببدا لكم بموقف حصل معي < ما يحب المزح الثقيل ابداً الابعض دائماً < ترقيعه موقفي ماهو طويل لكن مثل ما تقولون [ شيطنة خفيفه ] كنّا انا ومحمد ولد اخوي الي هو العضو [ كاواجوتشي ] صديقي الصدوق منذ نعومة الاضافر كنا في منطقة الطائف ومستاجرين بأحد المجمعات واسم المجمع [ منتزه الحدبان ] هالقصه لها سنين لكن لازلت اذكرها وكذلك كاوا ما ينساها ابداً كان واحد من الجيران المستأجرين بجنبنا واحد على نياته مسكين وكان معه دباب ابو اربع كفرات انا وكاواجوتشي تعرفنا عليه عشان الدباب بس نبي نلعب فيه لان الدبابات اجارها كان بـ 10 او 50 ريال وكان عمرنا ماهو كبير وقتها عاد تعرفنا ع الرجال وكل يوم نلعب معه بعد فتره خططنا تخطيط جهنمي نبي ناخذ الدباب انا وكاوا ونلعب فيه بعيييد مره <~ يعني ناخذه ونرجعه له بس متأخر < ما يبي يقول نسرقه شوي ونرجعه الحاصل اننا خذينا الدباب وكان كاوا يسوق وانا راكب وراه نزلنا مسرعيين مره ونظرات الشيطنه تتطاير من عنوننا وتوونا بناخذ لفه يصير ننحش بعيد الا نشوف ابو الولد جاي بسيارته بالصدفه كاوا رجع طريقه كأننا ما سوينا شي أعطينا الولد الدباب وقلنا نمزح معك هذا الموقف < كان بيقول موقف كايد سواه بخوياه بالبر لكن الحمد لله جت سليمه أنتظر أحد من الشباب يجي يحط لنا موقف ,’ امسكو |
|
|
ههههههههههههههههههههههه حراميه
الموضووع فله يصلح نقول مواقفنا معكم والا هنا بس مزح الصعايده حق الشباب غير البشر يعطيك العافيه عالموضوع الخطير |
|
|
لا يالصروووووق
يعني الخوي الجدييد حبيب بس ماكفااااك قسسسم يبي لكوم نهآيه طفل مشآكس اجل يعطيكوم ادوآر بـ بلآش وآخرتهآ تطمعووون ، موقف ظريف وكآد ان يودي بكوم الى موقف مخيف بس ربكوم سسسستر يله عطونا موآقف لاحد ينتظر احد ، |
|
، ” اقتباس: الحياة مهزلة لمن يعيشها بعقلهـ ، ومأسآة لمن يعيشها بقلبهـ [!] ،
|
|
ههههههههههه
احلى شي لما تكبر وتضل فاكر مواقف من هالموقف ويش تحس فيه ههههههه ربي يسلمك |
|
|
السلام عليكم
,’ فيه موقف حصل وتذكرته قبل شوي الموقف سدحني ضحك لدرجة اني كل ما اسمع اسم الشخص اضحك من قلبي ودموعي تقوطر تقوطر المهم فيه صديق عزيز على قلبي جداً اسمه خالد وهذا الانسان تحفه بكل ما تعنيه الكلمه رهيب مرره رهيب الحاصل انه فيه واحد من الشباب اسمه عوض هذا الانسان عنده قدره رهيبه بتغيير الاصوات وكانت له مواقف كثير انه يسحب باللي يغازلون بالاسواق ينتظره لين يرمي رقمه وياخذ الرقم ويجلس يقلد عليه وياخذ من ظهره بطايق شحن ويتونس بعدين يصدمه بالحقيقه المره عوض هذا جات براسه فكره قال ليش ما اطلع رقم جديد واتصل على خالد اقلد عليه عوض راح وطلع شريحة جديده وجلس يدق على خالد ويقوله هذا جوال سناء خالد قال لا جوال حسنين وسكر رجع عوض يتصل وطلب اسم ثاني وخالد طنش وسكر بعدين دق على خالد رنه وسكر خالد جاله الشيطان ورجع اتصل وكان بيستخف دمه ويقول لعوض انا احب اطفّش الي يدقون علي بالغلط < نصاب خاق على صوت البنت المهم الحين عوض قال لخالد <وهو يقلد عليه صوت طبعا قاله بتعرف عليك قال لخالد وش اسمك خالد قال تبي الدلع والا الكذبي والا الحقيقي < على فكرة خالد نلقبه بـ(قشطه) قال عوض لا ابي الدلع خالد قال اسمي شوشو عوض سكر بوجهه وجلس يضحك من قلبه كنت مع خالد وقت ما هو يقول اسمي شوشو ويهايط قدامي انه يكلم بالجوال انا سمعت الصوت بالصدفه اثناء ما خالد يكلم عوض قلت في نفسي ياولد خالد بياكلها على راسه من رجعنا انا رحت لعوض على طول قلت له وش مسوي انت ؟ قالي السالفه وقالي اسكت لا تعلمه انا بصراحه خفت من خالد يزعل واقنعة الشباب يصارحوه بالحقيقه في اليوم الثاني جا خالد وسحبني قبل اسحبه على جنب وكنت انا ودي اقوله ان عوض يلعب عليك ترا وهذي مزحه الا خالد سبقني وقال مشهور فاكر الي تدق علي وانا معك بالسياره قلت ايه قال ضبطّها انا بصراحه ما قدرت استحمل طحت من طولي من الضحك قلت لاااااااااا ياخالد هذا عوض يمزح معك وانت خاق راح يطارد ورى عوض وكلنا متسدحين ضحك ومعاد نقوله الا شوشو لي رجعة بمواقف ثانيه ,’ |
|
|
السلام عليكم
امس بالكليه وبوقت محاضرة الثقافه الاسلاميه حصل موقف طريف ومفجع بنفس الوقت كان الاستاذ يشرح ومسترسل بالشرح وكالعاده انا الطالب الدافور بالصف الاول كنت منسجم شوي الا فيش الكهرب تبع المكيف المركزي طرطع وطلع شرار ودخان كان بجنبي طالب حط رجله مدري وين ذلف وانا اناظر الفيش ببرود تام ولا تحركة الا كم سانتي الاستاذ يقول للطلاب واحد فيكم يقوم يسكر الفيش وحط عينه علي قلت له معلييييييش يا ايستاذ ~> يعني تنقزها والله يا استاذ < ياروح ما بعدك روح جا الاستاذ يحاول يسكره بعدين عصب وسكره بيده قال شغله هي بس ردي عليه يوم قالي سكره خلاه يضحك وهو خايف |
|
آخر تعديل بواسطة M a S h H o R ، 12-21-2009 الساعة 05:36 AM
سبب آخر: بدليه ..:.
|
|
ههههههههههههههههههههه اما موقف شوشو
كثير اولاد يحبون حركات التسحيب مدري ليه الله يسعدك |
|
|
الشقاوه حلاوة ~> مثل من مخيخي الابليسي كاوا لو اذكره بالموقف لا يموت علينا ضحك بس اشوه مادخل للحين كنت عنده قبل كم يوم وتناقرة معه وحددنا يوم نهج فيه للديره ولي رجعه ان شاء الله بتقرير رهيب تشكرات ع الحضور تعالي كل يوم |
|||
|
||
الكلمات الدليلية |
مواقف, مسوي, وتروح |
يتصفح الموضوع حالياً : 1 (0 عضو و 1 ضيف) | |
لم تتم مشاهدة الموضوع |
أدوات الموضوع | |
انواع عرض الموضوع | |
أدوات / ملاحظات | |||
|
|