[جوري]

تزوجت = حملت = أجهضت

الماستر لي الان اربع سنوات وانا اركض ورآه وهو يركض ورأي
كل مامسكته انفك.

[مساعد]

:


اول شي الحمدلله على سلامتك ويعوضك ربي خير ان شاء الله
اما الماستر وش اللي مأخرك فيه؟!


..

[مساعد]

:


اذا حسيتي انه مايبيك اجهضيه



..

[جوري]

تخيل هذا حمل أربع سنوات تبي اجهضه
باقي لي نتيفه بس عجزت امسكها

ايوة إنتوا شخباركم؟
شعلومكم؟
شمسوين بهالدنيا؟

[مساعد]

:


اجل الله يعينك تشدي حيلك وان شاء الله ربي بيسهلها عليك

الحمدلله كلنا بخير من فضل ربي ، اغلب الاعضاء تزوجوا وبعضهم ماشاء الله صار عندهم عيال وبعضهم على ماهم عليه
لكن الحمدلله كلهم بخير .. انتي علومك وعلوم نجد؟ عساها بخير؟


..

[جوري]

اختي حبيبتي تزوجت ولديها أبناء وبنات
الحين ميب عندي والا كان عطيتكم اخبارها عشان تلخني بكف اقصد ببوسة


الا قبل كم يوم راجعين ع طريق الوادي وطلع لي ملف الفرشه هذي ديرتكم صح ؟

[مساعد]

:


اذا جايه من الوادي ديرتنا بعد الافلاج ب ١٠٠ كيلو
على نفس الطريق
وبالماريه بعدها تحويله ناشبه لها سنه والظاهر بتسوي معنا سوات الماستر حقك


..

[مضيع دليله]

السلام عليكم .. مساء الخير ..

الحمدلله ع السلامة جوري .. الله يعوضكم خير .. 4 سنوات ماستر ليه تخصصك وش ؟

الله يعينك ويقويك ويوفقك وتكون أقل طموحاتك

[مساعد]

:


وعليكم السلام ورحمة الله
مساء الخيرات مضيع

جوري اذا كلمتي نجد سلمينا عليها ، والله يوفقها ويخلي لها عيالها وبناتها


..

[جوري]

ايه هي اثرها بعيده مرة مرة وانا احسبها نتفه حصا
ياشين ذاك الطريق مخيس وشمس حارة

مضيع دليلك
الله يسلمك من كل شر ..
ابد أجلت سنة عشان الزواج ، ويوم شفت معي فرصه تأجيل رحت وأجلت ، ويوم أجلت خمدت ونمت هالنومة
لا وأبشرك الحين أدور لي واسطه محاضرة بجامعه هذا لا قالوا لك معنى الغباء

[جوري]

مساعد
ان شاء تجي الجمعه واسلم لكم عليها

[مساعد]

:

دامها شمس اجل ماهي هي ، لان الحين علينا ثلوج
الله يرحمنا برحمته السنه ذي حرها متميز صح

..

[مساعد]

:


تجي بالسلامه ان شاء الله


..

[جوري]

اشوى احسبكم هناك لان واضح ان اللي فيها محترقين

احنا الحين عندنا الجو مرة مرة واااااااااااااو
تجمد ما تقدر تتحرك من الجمدة

[مساعد]

:

في النهار حرقه لكن بالليل الجو حلو وعلى الاقل ازين من الرياض

وينك فيه يالمتجمده؟


..