|
أدوات الموضوع | انواع عرض الموضوع |
|
:
اهلين اميره هذي طلباتك .. برنت لقائمه الصور عندك .., تقريباً 80 % الصور اللي في جوالي هي نفسها صور فلكر الخاص بي وبعضها من الملفات التعريفيه الخاصه ببعض جهات الاتصال خاصه اللي تعجبني صورهم الصورة رقم 10 نبيها الغريب اختي اميره ان الصورة رقم 10 هي نفسها الصورة اللي حطيتها لأخوي جرح الوفا ( صورة مشول ) ملف تعريف لشخص موستحيل تسوي له ديليت مع ان مافيه احد مستحيل ما اسوي له ديليت لكن هذا واحد من المهمين في المسن عندي .. |
|
|
جيت :
مساعد استلم , - برنت لـ التنزيلات نبي نشوف البرآمج اللي عندك + وش اكثر برنآمج تستخدمه ؟ - صف حالتك في اول يوم شريت فيه البلآك بيري عرفت كل شيء والا تنحت وجبت العيد وساعه تستكشف فيه يعني تكلم عن تجربتك معه اول ماشريته -اول شخص اضفته لقائمة جهاز الاتصال مين ؟ - برنت لنكته حلوه + برنت لنكته سامجة ؟ - وش رايك فالسماجات اللي كل فتره يطيحون فيها مره عزيزي مره النمله مره هندي يبيع .. الخ هل تحب هالنوع من البرودكاست وتحب ترسلهم او لا - نوع البرودكاست اللي تفضل " اشعار , نكت , اختار من 1-10 , حكم , روابط , " ؟ - بما انك ايفوني وبلاك بيري وش تفضل اكثر ؟ وش الميزه اللي موجوده في البلآك ومالقيتها بالآيفون ؟ - متى تكره البلاك بيري ؟ - شخص يومياً لازم تسولف معه بمسن البلاك بيري ؟ - محد ينكر أنه استفآد من الـ بي بي يعني أحتآج شي أو عرف شيء مآكآن يعرفـه .. وش الموقف اللي محد أسعفك فيه إلا البلآك وحمدت ربك أنه معك . - فيه احد اقنعك تشتري بلآك بيري ؟ والا انت من نفسك فكرت فيه ؟ وليه اشتريت تورش وتركت الكيرف ؟ - ملف تعريف شخص من الروح سو له برنت - وش ردة فعلك لو حاكيت أحد في البي بي مسن وشفت حرف الاّر ولا رد عليك ابدن ...? ووش شعورك لو تكرر هالشي أكثر من مره .. ؟ < ياشين هالحركه - كيف ردة فعلك بعد مايحذفك شخص في البيبي بدون ما يقول لك ؟! - انت من النوع اللي يجلس يوم كامل مايفتح المحادثه ؟! - ماتحس ب انك مششتت بين الجوالينَ , من ناحية الخدمات البرامج ؟ - أفضل شركة ل مستخدمين البي بي ب النسبة لك موبايلي او Stc ؟ - وش كان شعورك يوم قرروا إيقاف خدمة البلاك بيري ..؟ - وش رايك فالعالم اللي يرسلون برودكاست بررب نووم بررب اكل , استراحه تايم , لعب تايم .. الخ لايكون انت تسوي مثلهم بس ! - هل تعتبر نفسك مدمن بلاك بيري ؟ وهل مره طاح وجهك عند احد بسبب فهاوتك عالبلاك بيري ؟ - وش رآيك باللي يرسل حملات استغفار واللي يكتب ان لم ترسلها سوف تموت ؟ تعبت لي عوده |
|
|
:
خيييير !!! والله لو ان جهازي جهاز الملك عبدالله هذي الحين كيف انفذها !! كلها لكن ابشري بالليل ان شاء الله اجيب كل ذا الطلبات والله يكون ب العون .. |
|
|
توك ماشفت شيء ترا هذي اغلبها اسأله مهوب طلبات دامك بتجاوب فالليل اجل بكمل الحين قبل لاينتهي الوقت لأن 12 الليل ينتهي وقت الأسأله |
|
|
:
يا بنت الحلال اذكري الله وقومي سوي غدا اهلك لكن لا تشيلي هم بيجي لك دور ووقتها مافيه يمه ارحميني .. |
|
|
888 يمممممممممه ياعذبة خلآص مآعآد عندي أسألة الله يكون في عونك مساعد عذبة: فوكرة حلوة تسلمين عليهآ لولآ التعذيب القآئم .. |
|
..
قولو معي : يارب وفق سحآب و أسعدها تذكروا الملآئكة ستقول ولك بالمثل .. |
|
يؤ يؤ
عذبه والله كأنه دااخل في تحقيق هع وش هالأسئله كلها هههههههههههههههههه الله يعينك من جد مساااعد ع الأسئله |
|
|
|
قسم اني رحمته مع انه يستآهل<عشآن يفوز البآرح علي وآحمد ربي الف ان مآعندي هالجهآز عشآن مآتجيني هالمصآيب العظآآآآم ، |
||||
، ” اقتباس: الحياة مهزلة لمن يعيشها بعقلهـ ، ومأسآة لمن يعيشها بقلبهـ [!] ،
|
|
والله أنا عندي بلاك بيري بس ابببد للمكالمات والرسائل فقط
يعني من جد الله يعينك وش فيك طووولت <<<معااك حق تطووول كل ذي الأسئله هههههههههههههه عذببه احذفي نصهم <<<رحمته هههههههههه |
|
|
|
عذبه وش خليتي لنا انا بقط مع عذبه نفس الاسئله هذا كلي يبيك اول ماشفته ظنيته ولد خالي حاط نفس الصورة |
|
.,
سبحآن الله وبحمده,,سبحآن الله العظيم ., |
|
هههههههههههه حسافه رحت استراحه والا كان ناوية اكمل
خلاص انتهى وقت الأسألة والطلبات لحد يسأل ننتظر التنفيذ |
|
|
:
استلمي اجاباتي ياعذبة - برنت لـ التنزيلات نبي نشوف البرآمج اللي عندك + وش اكثر برنآمج تستخدمه ؟ - صف حالتك في اول يوم شريت فيه البلآك بيري عرفت كل شيء والا تنحت وجبت العيد وساعه تستكشف فيه يعني تكلم عن تجربتك معه اول ماشريته اول يوم شريت في البلاك بيري اذكر كان وقتها بعد صلاة العشاء شريه من شركة كلم في مبنى كارفور على طريق خريص , الصراحه في البداية تنحت وجيت ب ظيف واحد ولا عرفت وارسلت له البن حقي وظافني هو والظاهر اني بدل لا اقبله رفضه ومع عدة محاولات بطت اذكر كنت ب السياره واضطريت اوقف على جنب على شان ما يصير شي طبعاً ماعرفت كل شي بسرعه .. شوي شوي لحد ما تعلمت اغلب الاشياء لأن فيه اشياء لا ازال اجهلها -اول شخص اضفته لقائمة جهاز الاتصال مين ؟ احد الاصدقاء واللي من خلاله تشجعت وشريت الجهاز - برنت لنكته حلوه + برنت لنكته سامجة ؟ هو الصراحه اغلب النكت سامجه لكن هذي نكتين وانتي عاد احكمي وين السامج من الحلو - وش رايك فالسماجات اللي كل فتره يطيحون فيها مره عزيزي مره النمله مره هندي يبيع .. الخ هل تحب هالنوع من البرودكاست وتحب ترسلهم او لا لا طبعاً اغلب هذي الامور ترفع الغط لكن للأسف لو تكلمنا قالوا حريه شخصيه , وانا في الغالب ما ارسل برودكاست الا ما ندر وعلى حسب حاجتي لكن الغريب اللي يرسل في اليوم الواحد فوق الـ 100 برودكاست - نوع البرودكاست اللي تفضل " اشعار , نكت , اختار من 1-10 , حكم , روابط , " ؟ طبعاً الاشعار والقصص القصيره واللي يكون فيها عبر - بما انك ايفوني وبلاك بيري وش تفضل اكثر ؟ وش الميزه اللي موجوده في البلآك ومالقيتها بالآيفون ؟ طبعاً افضل البلاك بيري , لأنه امتع ويفرق عن الآيفون ب البلاكبيري ماسنجر لأنه ب الفعل مميز واغلب وسائل الاتصال اللي في الآيفون سيئه وتعلق كثير وتعتمد اعتماد كلي على حالة الاتصال في الباقة الانترنت او الواي فاي عكس البلاك بيري واللي مستقل بباقة خاصه وهذي ميزه بصراحه - متى تكره البلاك بيري ؟ اذا كان معي واحد عله - شخص يومياً لازم تسولف معه بمسن البلاك بيري ؟ مافيه شخص معين اللي يفتح باب لسالفه معينه ممكن اسولف معه - محد ينكر أنه استفآد من الـ بي بي يعني أحتآج شي أو عرف شيء مآكآن يعرفـه .. وش الموقف اللي محد أسعفك فيه إلا البلآك وحمدت ربك أنه معك . فعلاً البلاك بيري مفيد جداً ويكفي انه خفف قيمة الفاتوره لأن اغلب اللي كنت اتصل عليهم اصبحوا من ضمن قائمة الاتصال وبالتالي خف اتصالي بهم مع العلم ان التواصل زاد الفائدة الكبيره اللي للقيتها من البلاك بيري ايام غرقة الرياض كانت تجيني تنبيهات لطرق المغلقه واذكر من ضمنها احد كباري مخرج 9 واللي كنت انا متجه له بعد ما جاني التنبيه مرفق ب الصورة غيرت مساري - فيه احد اقنعك تشتري بلآك بيري ؟ والا انت من نفسك فكرت فيه ؟ وليه اشتريت تورش وتركت الكيرف ؟ ما اقدر اقول انه اقنعني لكن تقدري تقولي اغراني , وحبيت اجرب والحمد لله كانت تجربه رائعه ,, وغيرت الكيرف الى التورش لسببين الاول لأن الكيرف كان ينقصه الجيل الثالث وخدماته والثاني لوجود عدد من النقاط الخاصه بشركة موبايلي وحبيت استفيد منها - ملف تعريف شخص من الروح سو له برنت عاد تصدقي مامعي احد من الروح شكلهم ما يبون يضيفوني او يمكن لأن نسبة الشباب اللي في الروح اللي معهم البلاك بيري قليل لكن هذا ملف ولد عمي واللي مسجل معنا في الروح - وش ردة فعلك لو حاكيت أحد في البي بي مسن وشفت حرف الاّر ولا رد عليك ابدن ...? ووش شعورك لو تكرر هالشي أكثر من مره .. ؟ < ياشين هالحركه اممممممم اذا مارد قبل كل شي اعطيه عذر يمكن علق معه البي بي خاصه اهل الكوره لكن اذا هو ما يبي يرد ف كان الاجدر ينبهني ان الحديث معه في الوقت هذا ممنوع او يحذفني ويريح راسه مني .. لكن الحمد لله ما بعد صارت معي لأن في الغالب اللي معي هم من يبادر ب الحديث - كيف ردة فعلك بعد مايحذفك شخص في البيبي بدون ما يقول لك ؟! ب النسبه لي عادي لأني اعتبرها حرية شخصيه - انت من النوع اللي يجلس يوم كامل مايفتح المحادثه ؟! لا طبعاً افتحها ب استمرار - ماتحس ب انك مششتت بين الجوالينَ , من ناحية الخدمات البرامج ؟ لا طبعاً لكل منهم احتياج خاص وكل ما احتجت لأحدهم لقيته في الوقت المناسب ولا احس ب اي شتات - أفضل شركة ل مستخدمين البي بي ب النسبة لك موبايلي او Stc ؟ انا جربت الشركتين ومالاحظت اي فرق يذكر الا ان موبايلي تو قيقا والاس تي سي ون قيقا فقط لا غير - وش كان شعورك يوم قرروا إيقاف خدمة البلاك بيري ..؟ طبعاً ايقاف الخدمة دليل على دكتاتورية صاحب القرار وسياسة المنع الدائم لها اثار سلبيه على الانسان , واكثر شي يقهر هو المنع ذاته لكن توقف الخدمه يمكن يكون في البداية مضر لأننا تعودنا عليها لكن مع الوقت بننساها بس حالياً من الصعب ان نستغني عن البلاك بيري - وش رايك فالعالم اللي يرسلون برودكاست بررب نووم بررب اكل , استراحه تايم , لعب تايم .. الخ لايكون انت تسوي مثلهم بس ! قلت لك فيما سبق انا من النادر ارسل كيف عاد ارسل مثل ذا الامور واغلب اللي يرسلونها ودي احذفهم لكن يمنعني الحيا - هل تعتبر نفسك مدمن بلاك بيري ؟ وهل مره طاح وجهك عند احد بسبب فهاوتك عالبلاك بيري ؟ يمكن البعض يعتبرني مدمن بلاك بيري لكن في الحقيقه انا لا اعتبر نفسي مدمن لأني من الممكن استغني عنه في اوقات معينه مثل لما اكون في مجلس او في مناسبه لأنه قد يسبب لي الفهاوة واللي احرجني مع الآخرين .. والحمد لله ما صار لي الموقف هذا الى الآن - وش رآيك باللي يرسل حملات استغفار واللي يكتب ان لم ترسلها سوف تموت ؟ مثل هذي احذفها وبدون تردد : الله يعطيك العافيه على الاسئله وان شاء الله اكون قد وفقت في الإجابه عليها بس عندي سؤال لك فيه سؤال طمرته ولا جاوبت عليه اتحداك تعرفينه |
|
|
شخص يومياً لازم تسولف معه بمسن البلاك بيري ؟
مساعد لو ماقلت والله محد لاحظ من كثر الاسئلة |
|
..
قولو معي : يارب وفق سحآب و أسعدها تذكروا الملآئكة ستقول ولك بالمثل .. |
|
انتهى وقت مساعد وانتظرو الضيف الثآني
مساعد بلا نصب مافيه ولا سؤال ماجاوبته << محد تحفرت عيونه وهو يدور السؤال |
|
الكلمات الدليلية |
blackberry, المجهر, بتآعك |
يتصفح الموضوع حالياً : 1 (0 عضو و 1 ضيف) | |
مشاعل**, مساعد |
أدوات الموضوع | |
انواع عرض الموضوع | |
أدوات / ملاحظات | |||
|
|