الرئيسية
المنتدى
القوانين
إحصائيات
الترتيب و التصنيف
الجوال
تحميل الصور|
|
أدوات الموضوع | انواع عرض الموضوع |
|
|
 يمر على تاريخنا الشعري ( النبطي ) العديد من القصائد الخالده والتي لا يمكن ان تنسى , خصوصاً تلك التي في مجال النصح والتي يعتبرها الكثير درر لا تتكرر لعظم مكانتها وفائدتها , وصايا من ذهب تنبية : الرد يجب ان يكون مرفق بقصيدة في النصح ليكون الموضوع مرجع للجميع .. |
|
وصايا من ذهب
|
|
قصيدة الشاعر سليمان بن شريم - رحمه الله - ينصح فيها ابنه
يا مل عين في محاجيرها شوك=والقلب به عن لذة النوم تكاك
لادك في قلبي من الهم داكوك=جاوبت طربات الحمايم على الراك عزي لحالك ياعزيز وانا ابوك=كان الزمان اللي وطاني توطاك افهم وصاتي ياعزيز وانا ابوك=دامك صغير وغاية العلم يقراك تراه ماينفعك خالك ولاخوك=لاصار ماتقضي لزومك بيمناك وربعك الى بان الخلل فيك عافوك=اقرب قريب لك من الناس يشناك ان كثر مالك اصدقولك وطاعوك=وان قل مابيدك شانت حلاياك لو تطلب الما عندهم كان ما اسقوك=ابعد مزارك عن وطنهم ومرباك وان طاب حظك اصدقولك وحبوك=وان بار بك كل مايبي غير فرقاك وهراجه المجلس الي جيت وروك=منازل تطرب نظريك بدنياك والي قضوا منك اللوازم وخلوك=تفرقوا وانت احتمل كل ماجاك كنك سراج البيت للنور شبوك=والي انقضي اللازم حدا الربع طفاك ولاكما ليمونه الحمض مصوك=والي قضي منها الطعم مزغو ذاك واللي يجي من رفقته ريب وشكوك=احذر عنه ليا ك تصحبه بمسراك والي جفوك اهل الوطن واستخفوك=قلع غريسك منه واهدم ركاياك تراك لو ترجع على الرجل صعلوك=احسن من اللي تلتجي به وياطاك وعطهم حقوقهم الي منهم جوك=واغلق ضميرك لاتعلم بقصاياك ان طبت ماحبوك وان عبت زلوك=تمضي حياتك ناقل داك برداك والي نفوك من الوظيفه وعافوك=خفت موازينك وكل تهقواك واصحي لخلان الرخا لو تغالوك=اعرف تري اطيبهم الي احتجت يجفاك كنك خوي امقيط دهووك واغووك=وحقك عطاك ارشاك واقفا وخلاك واحذر عن العيلة تري الحق مدروك=مثل العمل يدركك ما منه فكاك وان كان عدوانك علي الضيق حدوك=فاخصم طلابتهم بعجفاك وقداك وان كان هم لمشرف الحق ماشوك=ناظر مطاليع الفرج قبل مبداك وان طاوعوا شيطان الانفس وهانوك=فاصبر علي البلوي ودفنك رزاياك زرهم تراك الياتونيت زاروك=اما بديت لصاحب السو بيبداك مادامهم ماطاوعو لك وعرفوك=اضرب علي الكايد الي عمست ارياك لو هذبوك من المصاوب وضدوك=مايذبحونك قبل تدني مناياك واحلم علي الجاهل ترا الحلم مبروك=وقم للضعيف اللي من الظلم ينخاك وادمح خطا جيران بيتك ولو اوذوك=تري القصير وحرمه الجار بحماك عطهم رواتب حقهم لو تناسوك=في كل ما يصلح لدينك ودنياك وقم للضيوف اللي عنولك وضافوك=اغلا كرامتهم حجاجك وبشراك واعرف تري مالك من الضيف مشروك=لولاة يطلب حاجته منك ماجاك وقم للرجال ان رايعولك وحبوك=واحشم خويك واكرمه عند ملفاك ولاتبات بهم دنياك مضنوك=ماطاب لك مادام لك وافتهم ذاك لو يطلبون اخفايك الناس مااخفوك=الرجل مثل النجم في كل الافلاك وصلاة ربي عد الاوراق والشوك=او ماناض براق وماهل سفاك علي الذي مافيه ريب ولااشكوك=محمد مادك بالقلب دكاك |
|
|
|
قصيدة الشاعر بركات الشريف - رحمه الله - ينصح فيها ابنه
يامرقب بالصبح نطيت راقيك=ما واحد قبلى خبرته تعلاك
وليت ياذا الدهر ما أكثر بلاويك=الله يزودنا السلامه من اتلاك يللى على العربان عمت شكاويك=وليت يا دهر الشقا ول مقواك ولا يوم ها الكانون غاد شبابيك=تلعب به الأرياح من كل شباك يا مالك اسمع جابتى يوم أوصيك=واعرف ترى يابوك بآمرك وانهاك وصية من والد طامع فيك=تسبق على الساقه لسانه لعلياك أوصيك بالتقوى عسى الله يهديك=لها وتدركها بتوفيق مولاك الله بحق أجدادك الغر يعطيك=مرضاته مع ما تمنيته أمناك احفظ دبشك اللى عن الناس مغنيك=اللى إليا بأن الخلل فيك يرفاك واعرف ترى مكه ولاها بناخيك=لو تشحذه خمسة ملاليم معطاك اجعل دروب المرجلة من معانيك=واحذر تميل عن درجها بمرقاك لاتنسدح عنها وتبغينى أعطيك=جميع ما يكفيك ما حاصل ذاك أدب ولدك إن كان تبغيه يشفيك=واستسعفه من بعد مرباه بالاك اما سمج واستسمجك عند شانيك=ويفر من فعله صديقك وشرواك وإلا بعد جهله ترى هو بياذيك=لو زعلت أمه لا تخليه يالاك واحذر تضيع كل من هو ذخر فيك=معروفه لاتنساه وأوفه بعرفاك ترى الصنايع بين الأجواد تشريك=اليا طمعت بغرسها لا تعداك واحذر سرور بغبة البحر يرميك=ولاعنده أفلس من تشكيك وأبكاك واوف الرجال احقوقها قبل تاتيك=لا توفيه بالقول فالحق يقفاك وهرج النميمة والقفا لا يجى فيك=وإياك عرض الغافل إياى وإياك تبدى حديث للملا فيه تشكيك=وتهيم عند الناس بالكذب واشراك واليا نويت احذر تعلم بطاريك=كم واحد تبغى به العرف وأغواك واحذر شماتت صاحب لك مصافيك=واليا جرى لك جارى قال لولاك ولا تحسبن الله قطوع يخليك=ولاتفرح أن الله على الخلق بداك الضيف قدم له من حين يلفيك=مما تطوله يا فتى الجود يمناك أكرم اقباله فإنها من شواديك=وابذل له المجهود مادام يعناك احذر تلقى الضيف مرقن علابيك=خله محب لك صديق إذا جاك وأوصيك زلات الصديق إن عثا فيك=مازال يغطاها الشعر فاحتمل ذاك راعه ولو ما شفت انه يراعيك=عساك تكسر نيته عن معاداك واحذر عدوك لو ظهر بى يصافيك=خلك نبيه وراقبه وين ما جاك لاتأمنه واطلب من الله ينجيك=ويكفيك ربك شر ذولا وذولاك شفنى أنا يا أبوك بآمرك وانهيك=عن التعرض بين الاثنين حذراك إذا حضرت أطلابه مع شرابيك=اسع لهم بالصلح واللاش يفداك ابذل لهم بالطيب ربك ينجيك=ولاتجضع الميزان مع ذا ولاذاك أما الشهادة فأدها إن دعوا فيك=بين عمود الدين لاعميت أرياك بالك تماشى واحد لك يرديك=طالع بنى جنسك وفكر بممشاك رابع أصيل فى زمانك يشاكيك=لا شاف خملاتك عن الناس غطاك وأحذرك عن طرد المقفى حذاريك=عليك بالمقبل وترك إللى تعداك ثم العن الشيطان لياَّه يغويك=ترى إن تبعته للشرابيك وداك ووصيك لاتشكى علينا بلاويك=أنت السبب طرفك عيونك بيمناك واعرف ترى إلى واطي الفهر واطيك=ولا أنت أعز من الجماعة هذولاك المسك يا راسى عن الذل واخطيك=واحذر تكلم يا لسانى حذراك والطف بجارك وقم من دون عانيك=وافطن لما يعنيك عن ربعة أحواك يا ذيب وإن جتك الغنم فى مفاليك=فاكمن الين إن الرعايا تعداك من أول يا ذيب تفرس بياديك=واليوم جا ذيب عن الفرس عداك يا ذيب عاهدنى وأعاهدك مرميك=مرميك أنا يا ذيب لو زان مرماك والنفس خالف رأيها قبل ترميك=ترى لها الشيطان يرمى بالإهلاك ومن بعد ذا لا تصحب النذل يعديك=وعن صبحة الأنذال حاشاك حاشاك ترى العشير النذل يخلف طواريك=وأنا أرجى أنك ما تجى دون أباك والهفوة إنك ما تجى دون أهاليك=ولاظن عود الورد يثمر بتبناك والحر مثلك يستحي يصحب الديك=وأن صاحبه عاعا معاعات الأدياك لا تستمع قول الطرف يوم يلفيك=بالكذب يقضى حاجته كل ما جاك من نم لك نم بك ولا فيه تشكيك=وأيلاه قد أزرا رفيقك وأزراك عندك حكا فينا وعندي حكى فيك=وأصبحت كارهنا وحنا كرهناك ما اخطاك ما صابك ولو كان راميك=وإلي يصيبك لو تتقيت ما أخطاك مير استمع منى عسى الله يهديك=النصح يا مالك لك الله لمولاك عندى مظنة ما تمثلها فيك=واطلب لك التوفيق من عند مولاك |
|
|
|
نصيحة الشاعر رشيد بن مساعد القباني
أنا ببتـدي بمسيّـر النـوّ مـن منشـاه=ومن بعد ذكره باقتـرح زيـن الامثالـي
أبختار قـاف يعجـب المستمـع معنـاه=اصوغه من الياقـوت والجوهـر الغالـي وأصونه مـن المنقـود وأنزّهـه وأدراه=وأقـزّه وأعـدّل مايـلـه وإيتهيّـالـي أسوقه مع الطاروق ليـن أوصلـه مـداه=كما سوق لانظا مع جراهيـد الأسهالـي لامن جات مع دوّ قطـوع خـلا مضمـاه=يلحّونها الركّـاب مـع صحصـح خالـي مع فِرجة سِرحـان فيهـا يجـرّ عـواه=حداهم على سوق الركاب أشهب اللالـي ولانيب منهو لا ولى الشعـر سـلّ رِواه=يبـي مايبـون وقِلّـة العـرف غربالـي يحوسـه ردي الحـظ واقـول ياعـزّاه=وإلا من بغيت أنهاه معـه الجـدل طالـي لاشك الخطأ وشلـون نرضـاه لاشفنـاه=أناكيف برضى به وأنـا أشوفـه قبالـي وأقول إنتبـه ياحايـس الشعـر لاتبـلاه=موروث الشعوب اللي تناقلـه الاجيالـي وترى واجب إنّا ننصر الشعـر ونحمـاه=من نـاس تعبّـث بـه وتاطـاه بنعالـي هذا وإخذ مني يـا فتـى كلمـة مهـداه=نصيحة نوجههـا لكـم عبـر الإرسالـي تمسّك بعـروة خالقـك واطلـب النجـاه=ترى كلمـة الله ترفعـك منـزل عالـي ومن بعد الشهاده لاتكاسل عـن الصـلاه=تراهـا عمـود الديـن ياطيّـب الفالـي وعلى المال مهما يختلـف تاجـب زكـاه=وزكاتك لنفسك صاع عن نقص الأعمالي وترى الصوم رابع ركن والصوم هـو لله=صم شهر رمضان وأتبعه سـتّ شوالـي وترى الحج ركن لاقدرتـه فـلا تنسـاه=عسى تدركه من قبـل قصّـاف الآجالـي أركان الإسلام اللي عليهـا ثبـت مبنـاه=شِمخ صرحها من ليل الإسراء ولازالـي عسى الله يعزّ الديـن ويعـزّ مـن وآلاه=والأشـرار ربـي مايبقّـي لهـم تالـي وعندي بعد ياطيّـب الفـال لـك وصـاه=وصاةثميـنـة ماتـقـدّر بـالامـوالـي أوصّيك في ربعة هل المعروف واهل الجاه=هل المدح والنامـوس ذربيـن الأفعالـي إلا مـن بدالـك لازم عنـدهـم تلـقـاه=جمال التخوت اللـي يشيلـون الأثقالـي وحذور الردي لو إنك في الضيق لاتنخاه=لو حدّك زمانـك لاتحطّـه علـى البالـي لاترجيه كانـه حـي وإن مـات لاتنعـاه=عن قربه تبعّد لـو رفيـق لـك موالـي وإلا رحت منّه فإحمـد الله علـى فرقـاه=ترى معـك أمانـه لا تحـزّم بالأنذالـي ترى الطيب جبـل عالـي كايـد مرقـاه=ولاهـوب ياصـل قمّتـه كـل رجّـالـي يذبـه غـلام تكسـب الطايلـه يمـنـاه=عريب المجانـي طيّـب العـم والخالـي طليق الحجاج اللي هزال النضى تنصـاه=يرحّب بها لاجـات مـن البعـد هزّالـي ومن عاملك بالطيـب بالسـوء لاتجـزاه=وفي ردّ الجميل أشره على بعض الأزوالي لاعاملته بمعـروف صـدّ وعطـى قفـاه=نسى كل معروفـك وطيبـك بالأجمالـي عسى مايجي في المجتمع مثله وشـرواه=لافي وقتنـا القـادم ولا وقتنـا الحالـي أنا أشره وأنا مالي سبيل على مـن تـاه=ولانيـب مسئـول عـن الشـدّ لامالـي ونهاية كلامي بأطيـب المسـك ختّمنـاه=وأفكـر عسـى مافيـه للنقـد مدخالـي وأصلّي عدد ما أنشى سحاب ونثّـر مـاه=على المصطفى شفيعنـا يـوم الأهوالـي |
|
|
|
قصيدة الشاعر الكبير راشد الخلاوي رحمه الله
اوصيك ياولدي وصاة تضمها=الى عاد مالي من مدى العمر زايد
وصية عود ثالث رجيله العصا=وقصرت خطاه الي من اول بعايد لاتاخذ الهزلا علشان مالها=ولاتقتبس من نارها بالوكايد لاتاخذ الا بنت قوم حميده=عسى ولدها يجيب الحمايد يجزى عمل راعي الحساني بمثلها=ويجزى عمل راعي النكد بالنكايد ولاتتقي في خصلة مالها ذرا=ولاتنزل الا عند راعي الوكايد ولاتسفه المنيوب لاجاك عاني=اياك ياولدي ومطل الوعايد وياطول ماوسدت راسي كداده=من خوفتي يعتاد لين الوسايد فمن عود العين الرقاد تعودت=ومن عود العين المساري تعاود ومن عود الصبيان من زاد بيته- =عادوه في عسر الليال الشداد ومن عود الصبيان ضرب بالقنا=نخوه نهار الكون يابا العوايد ومن تابع المشراق والكن والذرا=يموت ماحاشت يديه فوايد الايام مابقى بها كثر مامضى=والأعمار ما اللي بقى منهابعايد نعد الليالي والليالي تعدنا= والأعمار تفنى والليالي بزايد الى دقت الوسطى بالأبهام تذكرت=زمان مضىماهو لمثلي بعايد فلابد ماسحم الضواري تحوفني=بليل ولالي عن لقاهن بزايد ومن سرته الأيام ينقاد حبله=وينقض في حبل اللذي ماتساعد قولوا لبيت الفقر لايامن الغنا=وبيت الغنى لايامن الفقر عايد ولايامن المضهود قوم تعزه=ولايامن الجمع العزيز الضهايد وواد جرى لابد يجري من الحيا=ان ماجرى عامه جرى عام عايد وصلوا على خير البرايا محمد= ماناح ورق فوق حدب الجرايد |
|
|
|
قصيدة "غنى النفس معروف" لـ الشآعر محسن الهزآني رحمه الله ... 
غنى النفس معروف بترك المطامع=وليس لمن لا يحمد الله جامع ،ولا للفتى أرجا من الدين والتقى=وحلم عن المجرم وحسن التواضع فهل تدفع البلوى وهل يمنع القضا=فما للذى يأتى من الله دافع سوى ان عشت دنياك أو مت واحد=ولا انت في غد لا حد بشافع ولا عز إلا في لقا كل متعب=بسمى القنا والمرهفات القواطع واحذرك عن درب الردا لا تبى الردا=فتصبح طريح بين واش وشافع فكم واحد يمدحك في حد حضره=وهو ربما في عرضك ان غبت راتع ياشيت مالى حيله غير اننى=على شاطىء الجرعا أمام الخراوع فقلت الركب شدوا اكوار كنس=عوجوا برابر سان روس الجراشع ارسوم لسلمى آنس البوم ربعها=وامست إخلاف الأنس قفز ابلاقع فلما حق العرف لى من منازل=أشارت بتسليمى إليه الأصابع خليلى قم لى دجى الليل بعد ما=جفا النوم عينى والبرايا هواجع فلا الوجد معدوم ولا الصبر موجد=ولا الهم عن وادي فؤادي بناجع سبعة اسابيع على دور ثامن=بنجم الثريا ثم بالصرف تابع لكن ربابه حين ما ينثر السدى=جنح الدجى ريلان صم المسامع إلى ما نشا عقب العشا بعدما غشى=صبا له من المشرق نسيم الذعاذع وزلزل وعزل به رباب ونزل=بسجر وزجر مثل ضرب المدافع فوق الغثا شروى أنابيش عنصل=على كل جزع فوقه السيل جارع ابسيح وتسكاب إلى حيث مايشا=يجى الحول والما في خباريه ناقع جنوبيها برك شمال يحدها=بنساح لها وادى ابريك مزارع سقاها الحيا في ليلة بعد ليله=من المزن هنان حقوق الروامع كم واحد تخشا الخميسين باسه=جعلناه قوت للنسور الهلايع وبالمن ما نتبع عطانا ولا بعد=على الغيض قلنا ذا به البر ضايع نهاره كما ليل يهيم وليله=نهار من ايضاح البروق اللوامع حبذا إلى هذا وهذا رفا لذا=وهذا لهذا بالموازين تابع وخيم كم الحندس وغيم وديم=إلى حيث ما يبقا بالاوطان جاضع وصكب وسكب ثم بالغيث ركب=وغطلس توطا امن الواطا والمرافع وثار اغبار الارض من ضرب ودقه=وأضحت منه الجازيات الرواتع فوق الغثا شروى أنابيش عنصل =على كل جزع فوقه السيل جارع سعا البطن والبطنان والعرض بعدم=من الوبل تخضر الغصون الرعارع لنا ديرة من حل في ربعها أمن=ولا بات في قلبه من الخوف رامع جنوبيها برك شمال يحدها=بنساح لها وادى ابريك مزارع إلى ما انقضى النيروز فيها وخوظت=مطافبل غزلان المها كل خايع ديرة شيوخ من عرانين وايل=لها باللقا يوم الملاقا وقايع باموالنا نشرى من الحمد ما غلا=وبارواحنا يوم التلاقى نبايع وبالمن ما نتبع عطانا ولا بعد=على الغيض قلنا ذا به البر ضايع ذا قول من لا هو براعى سفاهه=ولا داس يوم لابسات المقانع فيا نفس ريحى واطمإني جلاده=وكل ابن أنثى من لظى الموت جارع من الله مرتهب إلى الله راغب=وبالله معتصم والى الله راجع فيا الله ياعلام الاسرار والعلن=يالى لنا فى ما قف الحشر جامع يغنى عن الادنى والاقصى مدى البقا=وانت الذى للناس ترفع وتاضع عن عازة تقتادنى صوب مبغض=وعن ما ينازعنى رفيج منازع فبابك مقصود سيد البرايا محمد=عدد ما خفا نجم وما شيف طالع |
|
شكرآ جزيلآ يآ مسآعد على هذه الفكره الذهبيه المميزة والتنسيق الآنيق(y)
|
|
الكبيره فيه امل .. حضورك بحد ذاته داعم قوي لتقديم المزيد شكراً على هذه الدره الرائعه
قصيدة الشاعر مرشد البذال رحمه الله
يالله يارب الضعوف المساكين=اللي لك المخلوق يحسن صلاته
تستر على غوشن صغارن مكفين=أكبرهم العارف دليله عصاته لا يا عيالي كلبوكم حبيبين =عندي وعند الناس كلن وذاته عندي غلاكم يدفن الزين والشين=وعند العرب كلن تشاف اخملاته يا عبيد أنا خابرك ورعن لهالحين =داوي بغبات الجهل وظلماته لاشك علمي لك محبه وتفطين =تسمع الوالد وثبت وصاته وصاة مخلوقن يعرف القوانين =مافاة عمره بالجهل والهياته يا عبيد انا أوصيك مني بثنتين =ثنتين هن سؤ البشر وحسناته أوصيك لاتبحث سدود المغيبين =ولاتجهر اللي غارقن بغفلاته ترى النميمه تمحق الرزق والدين= والمنزل العالي تهدم اطبقاته لاتحسبن أهل الظليمه بخيتين =كلن يوافق ما عمل في وفاته وانذرك عن حق الضعيف المسيكين=اللي على حقه يهل اعبراته ترى الضعيف الليا غدى الليل ليلين=يدعي وعند الله توافق ادعاته الظلم فان الظلم يفنى السلاطين=ياويل راعي الظلم من مقبلاته وانذرك عن ربعة رخو من هياسين=اللي سوالفهم بوده وهاته ويا عبيد الأقشر لوصفا لك نهارين=نهار ثالث جاك يرفع عصاته والله عندي ربعة الناس الأقصين=ولا صديقا يبلشك في حياته ترى الرجال ابهم فهود وحياوين =جاك الكلام اللي صحيحا ثباته ان كان ما تدري ترى الناس دراين=الرجل مدحه بالمجالس طراته رجلن تعلق به رجالن مسمين=عز الرفيق ولابته والحماته ورجلن تشوفه جسم وعيون ويدين=ولولا الشعر ما تفرقه من خواته كم واحد بالبيت يضرب بسيفين=وأن جاء حزم كلاب قبع عبادته والحلم عن الغيض ينجي الشياطين=يكفيك شر إبليس هو و دحراته |
|
|
|
قصيدة الشاعر والمبدع محمد بن فطيس المري
إضحك وفلّ حجاجك اشفيك محزون=دنياك ماتسوى وخذها نصيحه
مادام مالك ميت ولا انت مديون=ارم الهموم وخل نفسك مريحه لو كانوا اصحابك يضاهون مليون=نق الكفو منهم وخل السطيحه ولا تشتكي للناس لوكنت مطعون=(والذم من بعض الخلايق مديحه) ولا تنحني للهم وتعيش مغبون=ترا المريح اهل العقول الصحيحه لاصرت صادق قالوا الناس مجنون=مايمدحون الا النفوس القبيحه وخلك صمود بوجه الايام و موزون=وما حرم الله إثم لا تستبيحه والكبر لو به فايده فاد فرعون=ومن ذاع سرّه بشّره بالفضيحه والله لو يعطون لك مال قارون=ماشفت نفسك بالغنى مستريحه انفض هموم القلب وابليس ملعون=وان ضاق صدرك ارض ربي فسيحه |
|
|
|
" لـ بديوي الوقداني رحمه الله أول استبـداي باسمـك ياحـنـون ياكريـم مـا تخالـفـه الظـنـون امرك المحفوظ فـي كـاف ونـون وانت لي فـي كـل مغـواة دليـل هيج اشواقي حمـام فـي الغصـون بات ساجع فـي بديعـات اللحـون بيـن تغريـد وترجيـع يـهـون مادرى اني في الهوى مثلـه عليـل ياحمـام الـدوح هيجـت الغـرام ما سبب نوحك ومالك مـن مـرام اعطني عهدك وخـذ منـي ذمـام بيعني شوقك وخـذ شوقـي بديـل ان فـي قلبـي جـروح ماتطيـب مابـدت حتـى يداويهـا طبـيـب من هواجس جات من فرق الحبيـب باح مكنونـي وصبـري مستحيـل كلمـا هـب الصبـا قلبـي صبـا من غزال في الحمـا فـاق الظبـا ظبي جازي يرتعـي نبـت الربـا يسلب العشـاق بالطـرف الكحيـل مـال عنـي بالتجافـي والصـدود مابقي غيـر الحسايـف والوجـود كم رعيـت النجـم والعالـم رقـود والمحاجر دمعهـا الصافـي يسيـل زارني طيفه كمـا طيـف النسيـم جـدد الاشـواق والعهـد القـديـم وانثنى فـي داجـي الليـل البهيـم قلت زدنـي قـال يكفيـك القليـل آه مـن هـم شـوى قلبـي بنـار وان طلبـت الصبرماالقالـه قـرار كيـف ابـا صبروالحشـا للهم دار صار مالكني وانـا عنـده نزيـل قمت ممـا حسنـي عنـد الهجـوع يـوم كـل نـام ولعـت الشمـوع والهواجس جاتني تمشـي جمـوع مثل ورد النحل فـي وادي طفيـل أو كما سيل تسايـل مـن مضيـق يقلـع الحيطـان والسـد الوثـيـق يأخـذ الاشجـار ويسـد الطريـق زاد عن حده وضاق بـه المسيـل طار نومي يوم نامـت كـل عيـن بت ساهـر مـع نجـوم الفرقديـن من هواجس من جفا من جور ديـن ما بقا الا البعـد عنهـا والرحيـل صوب ارض الشام أو ارض العراق عـل يـوم فيـه ينحـل الـوثـاق كم نقاسـي والقسـا مـر المـذاق ربما نلقـى عـن المنـزل بديـل دع بـلاد الـذل وارحـل يالبيـب واغتـرب فالكـل بالدنيـا غريـب القضا مكتـوب والداعـي نصيـب اركب الاخطـار والهـول المهيـل وان جفتك الدار أو مـال الزمـان لاتعيـش بــدار ذل أو هــوان لـو يظلـي نبتهـا مـن زعفـران صاحب الاخطـار واجعلهـا دليـل شد عن ارض الاعـادي والحسـود واطلـب العليـا وبالـغ بالجهـود لو يكون العز فـي غـاب الاسـود خير مـن دار تعيـش ابهـا ذليـل كـل مـن رام العـلا يرقـى لهـا سلـم الاخطـار فــي اهوالـهـا مـن تراخـى عزمتـه مانالـهـا دونهـا يقصـر البـاع الطـويـل اقطع البيـدا علـى عـوج النضـا لو يكن تمشي على جمـر الغضـا مـا يفـوت العمـر قـدام القضـا دين عنـدك ليـن ياتيـك العميـل عاشر الاحرار مـن اهـل الرتـب تستفيـد العـقـل منـهـم والادب حيث هم اهـل المـروة والنسـب واترك الانذال مـا منهـم حصيـل سل عـن الجيـران قـدام النـزول وان سمعت الناس تهـرج لاتقـول تكتسـي ثـوب المعـزة والقبـول والخلايـق يذكرونـك بالجمـيـل كم كـلام راح فـي نقلـه نفـوس وانت ماتاخـذ علـى نقلـه فلـوس لاتفتـش كـل حـب فيـه سـوس كم تخوض الناس في قـال وقيـل خذ عزيز البز من زيـن القمـاش والردي لو كان يعطونـك بـلاش ما يفيدك كيف تاخـذ شـي مـاش بيعـة المغبـون منهـا يستقـيـل دور الطيـب لـو وغـال الثمـن لو يكون القصد في صنعـا اليمـن لا تغرك صقلـة الوجـه الحسـن ابـذل المجهـود بالمـال الجزيـل الذهـب مـا يخلطونـه بالنحـاس غير بعض الناس ما عنـده قيـاس خذ نصايح ما حواهـا بـو نـواس مثل نظم الـدر واللولـو الأصيـل وان ملكت المال لاتغـدي شحـوح اطعم الجيعـان واكسـي كـل روح الدبـش والمـال لابـده يــروح والثنا والمجـد جيـل بعـد جيـل هم روحك واغتنم عصـر الشبـاب ان لـلأيـام مـيـل وانـقــلاب ونت فيها تنطـوي طـي الكتـاب لاتغـرك صحـة العمـر الطويـل اترك الدنيا ليـا جاتـك ضحـوك لا تغـرك بالملاعـب والشكـوك كم غرر فيها وكـم غـرت ملـوك ضحكها غرار ما اسرع مـا تميـل والعدو لا تأمنـه لـو بعـد حيـن لو حلف بالبيـت والركـن اليميـن الحقد والبغـض فـي قلبـه دفيـن وان ضحك بالوجه قلبه لـك غليـل خـل عنـك الكبـر فالله الكبـيـر لا تحاقـر عـاجـز والا فقـيـر واعلـم ان الأمــر لله الخبـيـر يقصـم الجبـار ويعـز الذلـيـل كم فقيـر مـات قـدام الممـات موت بعض الناس خيرمن الحيات ان بكن أو مـا بكـن النايحـات البكا خسران في بعض الهزيـل والف صلوا ماسجع با لاشتـراك ساجع القمري على غصن الاراك في رياض علها نـوء السمـاك كل يوم الركب لـه فيهـا مقيـل تبلغ المختار والصحـب النجـوم ما سعى أو طاف بالبيت القـدوم والمصاحف والمكاتـب والعلـوم والحصا والرمل ميل بعـد ميـل " مساعد سلمت على فكرك " |
|
|
|
قصيدة الشيخة لـ الشاعر محمد بن حسين الدسم رحمه الله ...
يا خوي لك عندي وصاة مصيبـــــــــــــــه=خذلك وصاة تلمس العقل وتصيـــــــــــــب ترى وصاة أخوك مابه معيبــــــــــــــــــــه=لا صار أخوك مكمل العقل ومنيــــــــــــــب أخاف اموت ولا ضلال تجيبــــــــــــــــــــه=توزي لضيقات الدروب الضنابيــــــــــــــب حيث الليالي ما تعلم بغيبـــــــــــــــــــــــــه=ولا يعلم الا صاحب العلم والغيـــــــــــــــب ودي تحرص عن بلاد كل ويبـــــــــــــــــه=ويصير بك عرف وكمال وتأديـــــــــــــــب والا المقدر صار ما ينحكيبـــــــــــــــــــــه=ولا ينمحي هذا من الله مكاتيـــــــــــــــــب افهم وصاتي كان قلبك يصيبــــــــــــــــــه=تطلعك من كل الامور الحراديــــــــــــــــب أول وصاتي بالفروض الاديبــــــــــــــــــه=صوم وصلاة وعدهم بالمواجيــــــــــــــب وثاني وصاتي للامور الصعيبـــــــــــــــــه=أحرص عليها قبل هون وتصعيـــــــــــــب جر عبيله ما يكلف طبيبـــــــــــــــــــــــــه=ولا شي الا ماضيا له تجاريـــــــــــــــــــب وثالث وصاتي تلعة ينعدى بـــــــــــــــــــه=تلقى عليها بينات المساريــــــــــــــــــــــب واللي عداية ذيب من بطن ذيبــــــــــــــــه=ولا واحد عدى بها غبر هو ذيـــــــــــــــب ترى هذاك العرف من غير ريبــــــــــــــــه=راعيه لايطلب ولا له مطاليــــــــــــــــــــب ورابع وصاتي كثرة الهرج خيبــــــــــــــه=هرج بلا معناه مسموج ويخيــــــــــــــــب لاصار ما عندك علوم غريبــــــــــــــــــــه=بين الرجال ترتب الهرج ترتيـــــــــــــــــب وخامس وصاتي خفة الرجل عيبــــــــــــه=من راكض الفرقان يركض له العيــــــــــب لا صار ما تنحر لزوم تجيبــــــــــــــــــــــه=تنحر غرضك ان كان ماجاك وتجيــــــــــب وساسد وصاتي لك معزة وهيبـــــــــــــــه=عليك بسفن البر حرش العراقيـــــــــــــــب ولا يعجبك الزبد هو والرويبـــــــــــــــــــه=ترغب لحوش الضان وتخلي النيــــــــــــب راعي الغنم يشيب من قبل شيبــــــــــــــــه=والبل معزه تجلي الهم والشيـــــــــــــــــب الى أشهلب الوقت لو هو حليبـــــــــــــــــه=يوصلك لديار الهناء والتعاجيـــــــــــــــــب وسابع وصاتي كان صابتك سيبــــــــــــــه=تقدر على كثر الثمن والمطاليـــــــــــــــــب بنت الحمولة والاصيل العريبـــــــــــــــــــه=اللي قناهن ذاق لذة وترغيـــــــــــــــــــــب واللي قنا بنت الردى والهليبــــــــــــــــــــه=أصبح بهم وجنب الربح تجنيــــــــــــــــــب والعجز يرث لك مذله وخيبــــــــــــــــــــــه=اردى الرجال اللي يذمونه السيـــــــــــــــب عليك بالسقمة ولو هي تعيبـــــــــــــــــــــه=ما دام بك حيل تنط المراقيــــــــــــــــــــــب ترى كثير المال كلن حبيبـــــــــــــــــــــــــه=ويقال له فت جاي لو مافعل طيـــــــــــــــب والا قليل المال شنا أرويبــــــــــــــــــــــــه=لو كان طيب يكثرن به عذاريــــــــــــــــــب وثامن وصاتي شرها ينحري بــــــــــــــــه=ترى الدروب الفاسدة ما بها طيــــــــــــــب درب الزنا والعايزة والقريبـــــــــــــــــــــه=أحذر هذيلن من كبار العذاريــــــــــــــــــب ثنتين من داخى عليهم احكي بــــــــــــــــه=مداخي على وجهه تعيبه معاييــــــــــــــب مداخي على عرضه مثل شق جيبـــــــــــه=علم يبين من أذان الاعاريــــــــــــــــــــــب وتاسع وصاتي عن مناقر شريبــــــــــــــه=الى صار ماهو من وساع المشاريـــــــــب خله ويلقى بالموارد لعيبــــــــــــــــــــــــه=عند الظوامي يكثرون الواعيـــــــــــــــــب ومن دور العيلات غربل نصيبــــــــــــــــه=أحسب حسابه من حساب المذاهيــــــــــب ومن جنّب الشيطان حقه غديبــــــــــــــــه=ومن هاب طبات الملاعب ما هيـــــــــــــب عن واحد يبلاك أو تبتلي بـــــــــــــــــــــه=ينهج حديكم يم دار الاجانيــــــــــــــــــــب وعاشر وصاتي الى صارت مصيبــــــــه=وبلاك ربك وابتلوك المغاضيـــــــــــــــــب أحذر تمضي ما تسمى غليبــــــــــــــــــه=امض وتبين عن الحاق المشاعيـــــــــــب وازبن على حصن الرجال الصليبــــــــــه=عدك بعيطا عن سموم اللواهيــــــــــــــب ومن غيرها عندي وصايا عجيبــــــــــــه=لافكر الفاهم يصيب المتاريـــــــــــــــــــب والكل منهن يوم تفطن صعيبــــــــــــــــه=والكل منهن يلحقنك مشاعيـــــــــــــــــب الضيف ضيف الله وصابه حبيبـــــــــــــه=استقبل ضيفك في تهل ٍ وترحيــــــــــــب قلط له الميسور وماهان جيبــــــــــــــــه=واحلف على الماجود دين المعازيــــــــب وخويك اللي بالخلا تبتلي بـــــــــــــــــــه=خيال والا فوق عوج المصاليـــــــــــــب أو راجلا حفيان ماله نجيبــــــــــــــــــــه=أو عورة يبلي بها عالم الغيــــــــــــــــب اصبر وراعي الصبر محمود طيبـــــــــه=عند الذي يبي الفخر والمراتيــــــــــــــب وقصيرك اللي مايصيبك يصيبــــــــــــــه=وصابه الله لا تحسف به الطيــــــــــــــب حقه عليك تزود القدر هيبــــــــــــــــــــه=الى مايروح بزود حشمة وتوجيـــــــــب وراعي الجدى حق الردى مايصيبــــــــه=ومن لاعرض جنبه على الطعن ما صيب الشيوخ والحكام زمل منيبـــــــــــــــــــه=فيهم عمار وقضي لازم وتخـــــــــــريب ما ينومن من شأن منهم حليبـــــــــــــــه=عقب الصداقة ينقلب كنه الذيــــــــــــــب أهل خفايا وغيبهم ما دري بــــــــــــــــه=يتحدرجون بدون عذر وتذنيـــــــــــــــب عشرانهم هل العلوم العجيبــــــــــــــــــه=وصدقانهم مروين حد المغاليــــــــــــــب الى صار ما حدا الثلاثة تجيبــــــــــــــــه=مالك بهم والدرب شرق وتغريــــــــــــب خوريهم ما يشتهي نفض جيبــــــــــــــه=حكاي وجهين يقص العراقيــــــــــــــــب هذي يودها وهاذي يجيبــــــــــــــــــــــه=وهاذي يسويها بصدق ٍ وتكذيــــــــــــب واللي حكي بين الصحيب وصحيبـــــــــه=مخرب ويخرب بين ناس ٍ اصاحيـــــــــب وسوالفه دايم نميمة وغيبـــــــــــــــــــه=ولا يستحي من كلمة الكذب والعيــــــــب راعي النقيلي لا توارد قليبـــــــــــــــــــه=اموارده ما يبهج القلب ويثيــــــــــــــــب هذاك لاتنزل جوانب شعيبــــــــــــــــــــه=بالك تحطه يابو زعزوع بالجيـــــــــــــب ، |
|
|
، ” اقتباس: الحياة مهزلة لمن يعيشها بعقلهـ ، ومأسآة لمن يعيشها بقلبهـ [!] ،
|
|
|
" لـ عابرة سبيل رحمها الله .. تـــرى الـذبـايـح وأهـلـهــا ماتسّـلـيـنـي
أنـا أدري إن الـمـرض لا يمـكـن عـلاجـه أدري تـبـي راحـتــي لا يـابـعـد عـيـنـي حــرام مــا قـصّـرت يـديـك فــي حـاجــه أخــــذ وصــاتــي وأمــانـــه لاتـبّـكـيـنـي لــو كــان لــك خـاطـرٍ مــا ودي أزعـاجـه أبيـك فـي يديـك تشهدنـي وتسقينـي أمـانـتـك لا يـجــي جـسـمـي بـثـلاجــه لـف الكفـن فـي يديـك وضـف رجليـنـي ما غيرك أحـدٍ كشـف حسنـاه واحراجـه أبــيــك بـالـخـيـر تـذكـرنــي وتـطـريـنــي يجيـرنـي خـالـقـي مـــن نـــار وهـاجــه سامح على اللي جرى ما بينك وبيني أيــام نمـشـي عـــدل وأيـــام منـعـاجـه همـي عيالـي وأنـا اللـي فـيْ كافينـي علـمـهـم الـديــن تفـسـيـره ومنـهـاجـه " |
|
|
|
لـ أبن فطيس المري لا ضاقت الدنيا عليك وتشاويت خلق الله اللي فالرخا كان واجد ومن العرب والصوت والثوب مليت وقامت عليك هموم بأقعا تراجد فارفع يديك لخالقك لا توضيت وادعو تراك أقرب إليا صرت ساجد وقت من أوقاتك للأوقات توقيت وسجل لنفسك في المساجد تواجد وأبشر بفزعة حامي الدين والبيت إليا هجدك من الهواجيس هاجد اللي يميت الحي ثم يحيي الميت لرضاه شف كثر البشر بالمساجد |
|
 |
|
|
يقول الشاعر الكبير مرشد سعد البذال يوصي ابنه عبيد:
يا عبيد انا أبوصيك مني بثنتين =ثنتين هن شر البشر وحسناته
اوصيك لا تبحث سدود المغيبين =لا تجهر اللي غارقٍ بغفلاته ترى النميميه تمحق الرزق والدين =والمنزل العالي تهد اطبقاته لاتحسبن اهل الظليمه بخيتين =كلٍ يوافق ماعمل في وفاته وانذرك عن حق الضعيف المسيكين =اللي على حقه تهل عبراته ترى الضعيف ليا غدا الليل ليلين =يدعي وعند الله توافق دعاته |
|
|
|
|
|
قصيدة "يآعين لآ تبكين" لـ الشآعر ابن شنآر رحمه الله ...
ياعين لا تبكين من لابكاني =لا تنثرين الدمع من غير ماجوب ،أبكي على اللي لي نخيته شفاني =حر ولد حر على الطيب مجذوب ترى المراجل للرجال امتحاني =يعرف بها الرجال لا حل ماجوب والعز يرفع مستوى المودماني=والذل ذل وموقف الذل عذروب واسمع وصاتي يا فصيح اللساني =ترى الردى في الضيف مايقضي النوب واحذر ترابع واحد قلَّباني =اللي يجيب الكذب والهرج مقلوب رابع شجاع في الكرم صيرماني =و الا الردي خله وبخله على صوب واحذر عن الكسلان والمشبهاني =ثوب الدنس مهوب لاهل الشرف ثوب ومن طاوع الدنيا وضحك الزماني =خسر وتندم وألحق الذنب بذنوب وبعض الرجال دويني قرقعاني =ما هوب لا حاسب ولا هوب محسوب وبعض العرب شيطاني لوذعاني =في حضرتك يمدحك و إن غبت شاذوب والحر ما ياقع مع الكرولاني =ينهض جناح العز عن كل زالوب ولا تخيب عاني جاك عاني =بعطف ورحمة والتواضع له اسلوب ومن قابل الضيفان بعطف وحناني =يرتاح بال الضيف بزاد ومشروب والضيف لي من زارني في مكاني =أقوم بالواجب بترحيب واسلوب اصفي مع الصافي بكل المعاني =والكدر مالي فيه مطمع ومشروب مانيب أخيل البارق اللي عداني =لوشفت مزنه فيه براق ونصوب ماخيل براقه وهو ماسقاني =برق سرى وانحى على شمسه غيوب وصلوا عدد من حج للبيت عاني =عد النجوم وعد ماهب دالوب |
|
|
، ” اقتباس: الحياة مهزلة لمن يعيشها بعقلهـ ، ومأسآة لمن يعيشها بقلبهـ [!] ،
|
| الكلمات الدليلية |
| وصايا |
| يتصفح الموضوع حالياً : 1 (0 عضو و 1 ضيف) | |
|
|
| تاركة أثر |
العرض العادي
| أدوات / ملاحظات | |||
|
|
||
-
Powered by vBulletin ® Version 3.8.9
Copyright ©2000 - 2024, Jelsoft Enterprises Ltd -
Copyright © 2010 alrooo7.net. All rights reserved