[غريب]

هالكلام اللي بكتبه من القلب وبطلعه مثل ما هو ولا راح امنع حرف يعبر عن اللي بخاطري




انا دخلت الروح وكان غايتي اعبر عن الكلمات اللي بداخلي اللي كنت ارددها بيني وبين نفسي في الطريق في السفرفي الطيارة واحيان قبل انام انا مو شاعر ولا اشوف نفسي شاعر بالمره لكن الروح هو اللي عطاني هالصفه على الاقل من بعض الاعضاء

ما كان لي تواجد في مجلس الروح وسوالف الاعضاء مو تكبر او غرور اصلا وش عليه اتكبر اصلا محد درى عني لو تكبرت

لكن يمكن لاني احب الهدوء يمكن ماحب كثرة الكلام يمكن لاني فاشل في التواصل مع الاخرين يمكن لاني ابالغ في الوحدة




بس الحقيقة اللي لازم اقولها اني نادم




نادم اني قصرت في الروح كثير لاني اعطاني اكثر من اللي توقعته




نادم لاني بالفعل في اعضاء كثير كان لهم معزه وغلا في قلبي ومتاكد ما يدرون ولا حسو ولا قلت لهم ولا حتى حاولت المح لهم لاني يمكن كنت اخاف الفهم الخاطئ لاني يمكن مكتفي بغلاهم ومعزتهم بقلبي وادري انهم بخير ولا ابي شي وهذا اللي يهم. وبعد هالسنين يوم غابوا سالت نفسي ليه على الاقل ما قلت .. مدري انا على صح ولا مخطي.




نادم ان فيه اعضاء ما سالتهم عن ردود معينه عن مواضيع معينه وتناقشت معهم او حاولت افهم منهم او حتى بينت لهم ان هالرد او الموضوع يمكن مو في مكانه .. لاني ماحب الجدل بس عاد وش يضر لو حاولت ابين.




نادم لاني كنت هادئ وفي زوايتي اشاهد ومستمتع من بعيد

كانت فرصه اختلط بالكثير بموده واحترام

لكني كنت الابعد وراحت ايام كنا سوى ولا اظنها بتعود




نادم لان الروح كانت تستاهل مني اكثر وخذلتها كثير

ورغم اني اتواصل مع بعض الاعضاء برا الروح

الا اني ما قدرت اندمج معهم برا الروح لا زلت اغليهم في الروح اكثر عجزت اعزل مشاعري عن ذكراي.




ما راح انساكم مهما غبتوا وغبنا
عباث الحربي جود فيه امل عذبه اميرة الورد جوري مشاعل مون اكليل اسير الحيرة بنت الاصول روح المنتدى بحور المحمديه العنود الحربي فستان زيزوم المجروحه هدهود المسافر الخافي اعظم أبو نواف سعوود انثى المطر ساره تبعثر مشهور تاركه اثر هاويها حلاها مبتليها توليب الوسام موجة حزن مساعد الروحي

كتبت هالاسماء من الذاكرة

والسموحة لو نسيت احد

f