[ع ـذبة الروح]

[ع ـذبة الروح]

بسم الله الرحمن الرحيم وبه نستعين
اليوم بنبدأ حفلتنا بداية فعليه بوضح لكم الطريقه والتسجيل وكل شيء

:


الكل يركز معايا

أولاً : الكل يختار شخصية تنكرية لأحد الشخصيات المشهورة .. سواء تاريخية كرتونية فنية .. الخ
بعدين ترسلون لي رسالة خاصة بـ اسم الشخصية اللي اخترتوها .. وبنسجلها لكم في لوحة التحكم
بعدين تدخلون لوحة التحكم تغيرون الباسوورد لأنه بيكون موّحد للكل ..

بعد كذا تنطلقون وتشاركون بالردود والمواضيع عادي بس بـ اسلوب مناقض لـ شخصيتكم
بالعضوية الاساسية .. وتحاولون تلفون وتدورون وتموهون بأسآليب ملتويه علشان محد يتوقع مين انتو
مثلا اجي بشخصيتي التنكرية اكتب بـ أسلوب رسمي وثقيل او اقلد أسلوب احد الاعضاء واسوي تمويه
علشان محد يعرفني

بيكون فيه قسم مخصص لـ الحفلة التنكرية ..
اول مانبدا كل شخصيه بتكتب فهالقسم موضوع تعرف فيه عن نفسها وشخصيتها
ويستهبلون فيه ويلعبون فيه ويسوون اللي يبون .. وانا بنزل فيه موضوع لـ الاستفسارات ولكل شيء

:

ثانياً : بنبدا المشاركة بالشخصيات التنكرية ان شاء الله يوم السبت القادم ..
يوم الاربعاء بنعلن لكم انه خلاص اللي عرف احد يرسل برساله خاصه الناس اللي كشفهم
كل احد بيكون في رصيده ( 5 نقاط ) .. بجي انا عذبة بتوقع مثلاً ان مساعد هو سعاد عبدالله
وارسل توقعي , اذا صار صح يطرد مساعد من الحفله وتزيد نقاطي وتصير 6 , واذا صار غلط علي
تنقص نقاطي واصير 4 , علشان كذا لازم تفكرون زين وماتتهورون فالتوقعات

:

بعد اعلان التوقعات واللي بتكون ان شاء الله كل اربعاء - كلكم لازم تتوقعون اقل شيء شخص
واكثر شيء 5 لأن نقاطكم اساساً 5 , يعني كل واحد يتوقع حسب عدد نقاطه اللي يكسبها

النقاط بتكون مخصصه للتوقعات كل ماضبط معكم توقع تزيدون نقطه .. وتنقص بالمخالفات مثل التغشيش والتخريب والتوقع الغلط طبعاً

ثالثاً : نبي تفاعل مكثف بالشخصيتين لاتركزون عالتنكر وتنسون الاصلية او العكس .. والمتنكر لازم يشارك وينزل مواضيع ويتفاعل مو كل واحد يتنح ويهجد يخاف ينكشف ..
المتنكر النايم بنكرشه ونطلعه مع اللي ينكشفون لان وجوده مثل عدمه
فالله الله بالتفاعل اللي يبيض الوجه

رابعاً واهم شيء الهدايا :
المركز الأول هو اللي يبقى متنكر لآخر لحظه ومحد يجيبه
وهديته بتكون :

ميني ايباد +5000 نقطة + وسام أطلق متنكر

المركز الثاني من نصيب اذكى متنكر اللي يقدر يكفش اكبر عدد
ونقاطه تكون اعلى شيء هديته بتكون :

500 ريال سعودي + 3000 نقطة + وسام أذكى متنكر

المركز الثالث :
للمتنكر اللي يوصل لـ النهاية وهو متفاعل ونشيط بس ينكشف فالأخير
نقدر له جهوده وتعبه وحرقة اعصابه وهديته بتكون :
300 شحن سوا " واذا حب نستبدلها له كاش " + 1000 نقطة + وسام متنكر نشيط

ولجميع المتنكرين جوائز ترضيه على مشاركتهم وهدايا بالهبل

سارعوا بالتسجيل ولاتفوتوا هذه الفرصه < انفع اسوي اعلانات

اللي مسجلين معنا للحين :
1- الحزن الأنيق
2- عذبة الروح
3- موجة حزن
4- هدهود
5- إحتواء
6- مساعد
7- فيه أمل
8- أطياف
9- السنيورا
10- بحور
11- الموسيقار
12- ت ب ع ث ر
13 - تذكار
14 - فستان
15- فارس

بـ إنتظار البقيه

وكل من سجل معنا يرسل لي الشخصية اللي ناوي يتنكر فيها ع الخاص علشان نحجزها له
وقريباً نعلن عن تسجيل اليوزرات التنكريه واعطيكم الباسوورد تدخلون فيها ان شاء الله
بس عجلوا بالاختيار ..

واي استفسار انا جاهزه ,, وبكرا ان شاء الله بنفتح قسم خاص للحفله
يارب تكونون فهمتوا
ولاتنسون " ابو قلب " يسعد القلب

..

[مساعد]

:

عذبة الروح

ماشاء الله تبارك الرحمن موضوع رائع وجوائز مغرية وان شاء الله الآيباد لي
لا هنتي على الحفلة وجاري التفكير في اسم جميل

..

[موجة حزن]

والله ليه بقى

لازم دم جديد وفائزين جدد

[مساعد]

:

المفروض عذبة تعوضني كنت افوز ولا شفت لا ايباد ولا حتى ريموت تلفزيون
والحين فيها ايباد وفلوس وحركات

..

[موجة حزن]

ان شاء الله التوفيق للجميع

وتكون فعالية حلوة إن شاء الله

[هدهود]

جوائزي توصل للبحرين ولعند باب غرفتي
والي يكشفني من أول الفعالية راحت عليه
بمشي وبقيمه سالب
وللحين ما فكرت بشخصية وشكلي مطولة الين ما اختار
ويعطيكم العافية

[فستآن]

معليش ضاق صدري ..

مدري حسيت أنكم عرفتوني وأنا مابعد سويت شيء ..

/

أحس هالسنة فارس اللي بيفوز ..

وأول من بيطلع .. فيه أمل >>> تبي تضيق صدرها ..

[بحور]

طيب خوش جوايز


فرضا فزت بكرت سوا ابيه هلا لخط قطري فهل بيوصل

ولا يفتح الله

[مساعد]

:

بحور اللي يفوز مهما كانت دولته سهل توصل له الجائزه
يعني شدي حيلك واذا فزتي بتجيك الجائزه

..

[تذكااار]

يالله متحمسه مرة مدري وش عندي شكلي مع هالحماس بطلع أول وحدة <<معصصي إن شاء الله المركز الأول لي

يعطييك ألف عافيه يابطله ياعذبه عساكي على القوة دايم

بالتووفيق لـ الكل


..

[موجة حزن]

لو حتى فى مصر هاتوصل ماتخافى أبدا

[ع ـذبة الروح]

اكيد توصل لكل مكان وفي اي زمان

[بحور]

تحمست ابي ميني ايباد خلاص

[السنيورآ]

يعطييك العآآفيه عذبه على الشرح الوآآفي
ياارب تسمح لي ظروفي اشاارك بشخصيتي
و ماانكشف من اولها بسبب عدم مشآآركتي الفعااله

الله يقويكـ

امنياتي للكل بالتوفيق