[أبـو أصيـل]

الـــسلام عليكم

عندي بعض الملاحظات على المنتدى
دورت بوابة اقتراحات واستفسارات لكن ما لقيت غير هالبوابة
المفروض يكون فيه بوابـة خاصة للتواصل بين العضو والإدارة ...
وإلا شرايكم ؟

عموماً موضوعي هذا حبيت أستفسر منه عن سبب عدم تواجد بوابات اخبارية ؟!
معظم الأعضاء يجلسون بالمنتديات وقت طويـل ويحتاجون قراءة آخر أخبار العالم السياسية والرياضية
والأخبار المنوّعة الأخرى ..

فأتمنـى تواجد هذي البوابات لأن المنتدى كل ما قلّت بواباته كل ما قل نشاطه وانحصر في بوابات معينة ..

وإلا شــــرايكم ؟

[مساعد]

:

وعليكم السلام ورحمة الله وبركاته

ياهلا وغلا فيك اخوي الغالي ابواصيل
بخصوص قسم للآخبار فيه موضوع مثبت في المفتوح وعن طريقه يتم طرح المستجدات
وعلى العموم انا رايي انه من الصعب نفتح قسم خاص للآخبار اول شي اخبارنا كلها شينه وتسد النفس
حروب ومشاكل وحاله عسى الله يعدلها ثاني شي ما قصرت مواقع الأخبار تجيب كل شي اول بأول حتى جوالاتنا ماسلمت منها غزتها

ف احنا ناس نحب الهدوء ومانبي المشاكل السياسيه تغزانا هنا بعد

وطرحك في المكان المناسب لأن هذا القسم مخصص لطرح الأقتراحات و الشكاوي لو صار فيه شكاوي
والف شكر على حرصك وتفاعل اخوي الغالي

..

[أبـو أصيـل]

هلا فيك أخوي مساعد

ما نختلف على إننا نبي الهدوء وراحة البال

لكن الأحداث من حولنا متسارعة ومتجددة والموازين تتقلب كل ثانية

لذلك نحتاج لمتابعة آخر الأخبار أول بأول ..

وأكيد للأخبار مواقعها الخاصة
لكن لو فكر كل منتدى بهالشي وإن للأخبار مواقعها الخاصة
وللتصاميم مواقعها الخاصة وللخواطر مواقعها الخاصة وللرياضة مواقعها الخاصة
والجوال مواقعه الخاصة وإلخ .. ما كان شفنا منتدى واحد !!

لذلك جمال المنتديات الشاملة أن تكون شاملة فعلاً ..
والهدوء موجود بمنتدى الروح ما راح يأثر عليه وجود بوابات اخبارية وغيرها

وبخصوص بوابة الشكاوي .. لو عندي شكوى ضدك لا سمح الله أرفعها إلى من
لازم فيه خصوصية بما يطرح بين العضو والادارة ..

وأتمنى ما يضايقك رأيي لكن تأكد إنه من حرص ..