[عباث الحربي]

”	المشاركة الأصلية كتبت بواسطة جود مساك شعر الهم من حبه لذاتي سكني=وبنا بوسط الصدر اكبر مدينه والصبر من همي راح وتركني=سنين ضحكي للبلاوي رهينه الفكرة حلوه لو تعتمدها في موضوع مستقل..

بسم الله الرحمن الرحيم

السلام على الاعضاء الكرام ..اهل الشعر وأعذب كلام ..

طبعاً المقدمه موضحه الموضوع

كل ما في الموضوع واحد يجيب بيتين ناقصه شطر

ويجي واحد بعده يكمل النقص كما هو في اعلاه

يالله ورونا همتكم

ترى الفكره لـ جود انه يكون موضوع مستقل..

.

[فيه أمل!]

^___^___^

والله انا كنت مصممه مسابقه تشبه هذي الفكره وكانت مراحل وبآخرها جوائز

بس كانت اجيب بيت وكلن يحاول يكمل البيت-في بيت او اكثر-على نفس المعنى والقافيه والوزن

اللي ياصل الاول ياخذ النوقطه

اذا تبونها موسابقه حلو

،

واذا تبونها مشاركات -ومافيه جوائز- زي كذا بعد حلو

والله يعطيكوم العوآفي على التفعيل

وان شاء الله بكون من المشاركيين الدائمييييين:mrmr2:

بس ليتك يا عباث حطيت ضوابط للمشاركات

يعني زي القوانين او شروط اللعبه فهمت علي

،

والحين يجي الواحد يشوف اذا هو دور التكميل يكمل

واذا هو مكمل ومخلص يجي يحط ابيات جديده ناقصه

والا كيف

،

خوذوا مشاركتي

وكملوها بما يرضي الله

يالله يا خالق البر والطير=يا خالقٍ روحي واروآح غيري
ياخالق الارزاق والشر والخير=.........................

وفمآن الله


،

[عباث الحربي]

فيه امل لك الضوء الاخضر

حطي الشروط اللحين احنا بعد في البدايه

جود طرحت الفكره وحطيت الفكره بدون شروط

والموضوع بين يديتك مادام طرت عليك الفكره

ولو جوائز يكون احسن يمكن نظفر بشي

يالله يا خالـق البـر والطيـر=يا خالقٍ روحي واروآح غيري
ياخالق الارزاق والشر والخير=تزقني الجنه وفيها اطيري

[لولا الأمل]

ما شاء الله مرررره حلوه الفكره

[فيه أمل!]

شوف ياخوي انا لو اضمن ان المرحله الجايه موب دراسه

كان فتحت مسابقة شعرية جديده الا وهي اللي طرحتها لكوم

وطبعا بيكون فيها جوائز

ولكن الموسابقه تبي متابعه مني لاني بكون المسئوله

وانا اللي بطرح البيت اللي يبي له تكميل!

والاعضاء يكملون في بيت او اكثر(يعني تختلف شوي عن طرحكوم)

ومشاركة من الاعضاء<يعني تواجد مني ومنهم

وانا ماضمن روحي لان بالديره اللي ادرس فيها موب ضروري احصل نت

والا فكرة مسابقة الروح الشعرية الثانيه تقريبا شبه جاهزه

بس انتظر تمدديد اجازة للمعلمين وان شاء الله فرج الله قريب

فلذلك انت اللي فتحت هذا الموضوع انت اللي تحط شروطه

يعني حددد لا اكثر

،

مثــــــــــــــــلا

- ان كل رد يحتوي على ابيات ناقصه او تكملة الابيات الناقصه

- التكمله تكون بنفس المعنى والوزن والقافيه

- عاد انت زد اللي تبي واللي تحسه مناسب واعتمده

وان شاء الله زي ماذكرت

انا بكون من مرتادي هالمطرح بحول الله وقوته

على حسب تواجدي لاني بصرآحه احب هالسوآلف

وعساكوم على القوه

،

وااذا ودك اعطيك الموصابقه ابشششر

بس تضمن لي تواجدك واهتمامك فيها لانها من بنات افكآري


،

[مطلق محمد]

اخوي عباث / اختي فيه امل
اسعد الله اوقات الجميع بخير
كلما اقترحتم جميل ولكن ارى ان التواجد بإستمرار يصعب علينا حبذا لو كانت اسبوعيه او شهريه
وأرى والراي لكم ان تكون الفكره عباره عن قصيده لشاعر معروف لم يسبق نشرها او من صياغة شاعر الروح اخوي مساعد
يستبعد منها بيت واشطر من ابيات وتصبح الفكره ناقصه بعض الشي ونحاول تكملتها
هذا ما اره ونحن في انتظاركم

ولكم اجمل تحيه

[فيه أمل!]

الله مير يسلمك ياخوي ويسعدك اليوم ودوم

وترا انا مثلي مثلك مشاركه في الموضوع هذا

ومالي حل ولا ربط فيه

،

بس فكرتك حلوووووووووووه حييييييييل

وياليت تخليها تكون مسابقة واسمها

[البيت المفقود]

روعه ومبتكره بعد

وهي تختلف عن الفكره اللي طرحت هوناء

ياليت انت بما انك طرحت الفكره هذي تنفذها

وان شاء الله نكون مشاركين

انت شاااعر وماااشاااء الله تبااارك الله نشييط طيط طيط

يعني تكتب لنا كل اسبوع او كل شهر قصيده وتنقص منها بيت

وحنا خلال الوقت المقدر -شهر/اسبوع- نحاول نصيغ البيت المفقود

واللي يصير حوله بالمعنى والوزن هو البطل واللي ياخذ نقطة الشهر وهكذا

وبالاخير يكون هوناك وسام او جائزه <اي شي يعني

لان الهدف هو المتعه والفائده وصقل المواهب واكتشاف المواهب الجديده

والله انها فكرة مبتكره وليتك انت من يتولى تصميمها وتنفيذها

وش قققققققققققلت

،

[كمّل الناقص]

تبقى زي ماهي مطرح لتكميل ابيات يطرحها كل من مر هوناء

وما تصير مسابقه

يعني زيها زي [اتحدى اذا كنت شاعر] والله كانت حلوه وفيها حماس

<تتكلم عن نفسها ترا

،

عاد علمونا وش يضبط وياكوم ونحنو حاضرون باللي تبون


،

[زينب الجزائرية]

سلام عباث، فيه أمل
هلا كتبتم بالفصحى
لأن لا أحسن النبطي
شكرا لكم
الفكرة رائعة
كثيرا ما ألعبها مع اختي لكن بالفصحى

[مطلق محمد]

مرحبا بأختنا الغاليه / ومشرفتنا القديره
فيه أمل
آمين يارب العالمين ويسعد قلبك بعد
انتِ الخير والبركه ومشرفة الشعر و نبض المشاعر والقرار اولاََ وآخراََ لك ومانحن الا اقلام تكتب للمفيد والجديد
ولا انسي صاحب الفكره الجميله اخوي عباث الله يسعد قلبه بعد
من الصعب ان افرغ نفسي شهر كل اسبوع قصيده .. الروح واعضاءه يستحقون اكثر من ذلك بلا شك
ولكن القصيده في هذه الحاله متعبه يجب ان تحبك جيدا فما بالك بأربع قصائد حتى وإن اسطعت كتابتها
انا لست الأكفأ بينكم شعراََ ولكن ارغب المشاركه للمتعه فقط وهذا حقا يشرفي مع شعراء الروح
ولإفاء وعداََ قطعته على نفسي في مسابقة الروح الشعريه
ارى ان نجعلها من بيتين الى اربعه ابيات يستقطع منها بيت او شطر لمدة اسبوع الأقرب الى البيت الحقيقي
يكتب الأبيات وهكذا لمرات معدوده انتم من يحددها ويكفي الفائز باكثر عدد من النقاط
شكر من ادارة الروح
وهذا هو المكسب الحقيقي لنا جميعاََ .. وياليت اخوي الشاعر عباث يبداها فهو صاحب الفكره .

المعذره على الإطاله وشكري للجميع

[فيه أمل!]

تراني عضوه يا اخوان:3thbh2:

ليه ماسكه وياكوم سالفة موشرفه

والا لآآآيق علي

عموما مشكورين على الثقه ورفع المعنويآت

،

زينه حبيبة آآآلبي

بعدي انتي انا مالي خص في الموضووع

انا مجرد مقترحه زيي زيييك

وانتي الحين اقترحتي وان شاء الله نشوف وش راي اخونا عباث

،

اخوي آسير

وهو كزلك موش عاوزين اكتر من تلات اربع خمس ابيات:smiley14:

وفكرتك حلووووه ولازآلت تنطبق على [البيت المفقود]

واذا تقدر تشرف لنا على المسابقه يكون زين

بحيث ان كل بعد طرح بضع ابيات

تُعطى فرصة -اسبوع- لبقية الشعراء للمشاركه

في ايجاد البيت المفقود:smiley16:

ومن يجده هو من يأخذ النقطه ويطرح للبقية ابيات جديده وهكذا!!!

اذا بتشررررف عليها يكون زين واذا ماتقدر بنلصقها في عباث<وش رايك:smiley2:؟؟

-والله ودي اشرف عليها خصوصا ان المشرف يشارك وهذا الشي يوسع صدري

بس اخاف اخذلكوم لان عندي دوام يوم السبت وبيصير عندي نقص حاد في فيتامين النت

والله لو اضمن وضعي لاشرفت على المسابقة -

وطبعا المشرف على المسابقه في هذي الحاله يستطيع المشاركه فيها

وكل ما على المشرف هو ان يحسب نقاط الاعضاء فقط وهو منهمطيب

وش قلتوااا


،

[مطلق محمد]

”	اذا بتشررررف عليها يكون زين واذا ماتقدر بنلصقها في عباث<وش رايك

من بدا المكارم فليتمها .. ومن جاب الفكره يتبناها

اما انا فالمعذره زي مانتِ شايفه اسبوع احضر وشهر اغيب وكمان مو اكيد احضر كل الحلقات لكن لو ماقدر اخوي عباث ولا حصلتي غيري حيل الله اقوى يامشرفتنا

تحياتي للجميع

[العنود الحربي]

الموضوع راح كله إقتراحات

الله يعين

[عباث الحربي]

فيه امل .. اسير الحيره

والله كل ماقترحتوه جيد لكن عني انا

عندي نقل عفش الحين ادعو لي

وبالنسبه على الاشراف على المسابقه ماعندي مانع

بس السؤال متى راح استقر في بيتي الجديد

شغله طويله عريضه انا الحين الله اعلم بحالي

حوســـــــــــــــــــــــــــه الله المستعان

شوفوا المناسب وانا اذا استقريت بوعدكم بكل خير

[عباث الحربي]

..

..

عفشي غدا كله تقاطيع واوصال=ماعاد ينفعني ولا بنتفعبه
يلي بلا منزل ترثي له الحال=.............................

..

..

[مطلق محمد]

مادام ماعنده سكن يرتفعبه