|
أدوات الموضوع | انواع عرض الموضوع |
|
. . . صباحكم ..مساءكم مسرات امس كان عدنا القرقاعون والي مايعرفه يدخل قوقل يبحث قبل لا احط الصور بخبركم بعض المواقف المضحكه بهالليلة بالبحرين نسميها ناصفه لانها تكون بنص شعبان وبنص رمضان في لليل من بعد الصلاة يدورون الاطفال على بيوت ياخذون الناصفه يعني الاكلات (( مكسرات - حلاوة - اشباس - كيك - فلوس بعد)) وبعض البيوت خاصة الي عندهم بنوته صغيرة او ولد صغنون توه شهور يسون له شي خاص مثلا صندوق في فلوس او فخاره فيها مكسرات ويكتبون عليها ناصفة فلان او فلانه ويوزعونها على الاطفال في اغاني يغنونها بنص شعبان يغنون كذا ناصفة حلاوة على النبي صلاوه اعطونا من مالكم الله يخلي عيالكم اعطونا شحنت جيسه الله يخلي ولدكم عيسى جيسه = كيس بنص رمضان يغنون كذا قرقاعون عادت عليكم اوه ياصيام الله يخلي ولدكم يالحباب يالحباب وسيفه يرقع الباب يرقع الباب بالكويت يغنون غير قرقيعان وقرقيعان بيت قصير ورمضان عادت عليكم صيام كل سنة وكل عام طبعاً الامور الي تضحك بهاللية اني اطفش الجهال قبل لا اعطيهم الحلاوة والمكسرات اقولهم غنوا يغنون لالا ماسمعت عدل ارفعوا صوتكم اكثر يغنون ..واصورهم واذا كملت اعطيهم ابوي الله يحفظه السنة صار من يشوف جاهل يدخل بيتنا يغني له ناصفه حلاوة الجاهل يقعد يضحك وانا استغلها فرصه اصوره نسمي الاطفال جهال ولا راح اخوي المطبخ بجيب صحن او باديه نغرف به المكسرات الجهال اللتموا على كيس المكسرات وخذوا على كيفهم لانه محد صوب الكيس ابوي عند الباب راح شوي يشوف الجهال بالطريق رحت انا عشان اعطيهم الجهال يوم شافوني جيت هربوا ولا واحد منهم يقول حمووووود بس بس جات الحاجيه وقف لا تاخذ زود ويلي صرت حاجيه شافني طالعه لهم بملفع نفس مال الصلاة الغطاة ماعرف انتو شسمونه نحن نسمي مشمر او ملفع هذرت واجد براويكم الصور في واجد بس اخترت كم وحده واي بعد اذا الاطفال صغار 3 سنوات او 4 يخلون الخدامة تدور بهم على البيوت ويناصفون اذا اكبر يناصفون بروحهم المكسرات الي نوزعها على الاطفال فيها بعد حلاوة قلت خله اتفنن شوي قبل لا يجون البالونات ونفخنهم كانوا 250 عندي اياهم من سنة تقريبا بس الله يسلمها بنت اختي كل ماجات بيتنا تبي بالوانه واذا انبطت جت تبي غيرها الحين مايجون 100 وفتحنا الفناره كيس الجاهل عجبني صورته عاد ابوي ايده كل ما بصور صارت بالصورة فديته هنا الجهال يضحكون ابوي يغني لهم بصوت يضحكهم ويحط لهم الوالد بكيستهم المكسرات عاد في منهم مايحبون اصورهم ويش اصور شعركم مثلاً وركض واحد منهم والثاني حارررررررررررررسني حارسني = انتظرني وبس مع السلامة |
|
الكلمات الدليلية |
قرقاعونا |
يتصفح الموضوع حالياً : 1 (0 عضو و 1 ضيف) | |
تاركة أثر |
أدوات الموضوع | |
انواع عرض الموضوع | |
أدوات / ملاحظات | |||
|
|