[تاركة أثر]

:

... آل الروح الكرام ، طبتم وطابت لياليكم بالخير والسعد والمسرات ...

... اليوم سـ أفتح لكم نافذة بريئة من سياج الطفولة إقتطفتها ...

"

... مشكلة لما يكون أول حفيد في العائلة ولا كمان الوحيد ، إستقبال وترحيب ، حفلات وتصوير ...

... يعني لو يطلب القمر ينزل له ، من زود الغلا طبعا ...

... هذا المخلوق يحمل كل هذه الصفات ، غريب الأطوار ، يدعى / فارس < ولد أختي المصونة ...

... مافي حاجة في الكون ترضية غير الجوالات واللعب فيها خصوصا جوال خالته أثر ...

... عشان لعبة القطة الناطقة ماشاء الله من الجُمل الفصيحة اللي يقولها عشان القطة تنطقها صح ...

... ما يعرف غير " إخ / تعني أسلوب تخويف ،، ياااتي / أسم الخدامة ،، دده / أسلوب نداء يستخدمة لجميع الخلق ...

... صغير كان ام كبير ، ذكر أم أنثى المهم أنه يناديك بـ دده وإنت وإسمك مع ألف سلامة ...

... أبغض شيء عنده في الحياة النوم لازم تقوم حرب أهلية عشان ينام ومستحيل ينام قبل الفجر ...

... سهر منذ الصغر إذا كبر مدري متى ينام أحيانا أمه تاخذه عشان تنومه ، ينومها ويجي وكأن مافي شيء صار ...

... يعشق الببسي بالضرب نفك الكأس من ايده ولما يشوفه يرمي كل شيء بيده أول الضحايا الرضاعة [ الننه ] عدوته اللدودة في الحياة ...

... آخر شيء يفكر فيه او يهتم له الأكل تصير أفلام وقصص عشان يأكل لكن تنتهي بخيبة أمل ...!!

... أي شيء بيدك لازم يقول ( هاتيه هاتيه ) حتى لو شيء مايخصه المهم أنه يلقي نظرة عليه وما تمر الحاجة مرور الكرام من عنده ...

... بالقوة أقنعته بالتصوير أعطيته معقم يحط منه عشان أصوره ... !!

... توه صاحي من النوم يدور أمة ومستغرب تصويري في هالوقت كأن يقول إنتظري شوي ...!!

... هذه حكاية كنت فاتحه الفلاش في جوالي وهو يلعب قدامي .. وفجاءه الفلاش يطفي ويشتغل ...

... وإستغرب حضرته الشغلة وجا عشان يشوف المشكلة وتم التصوير بنجاح ...

... طبعا تخاصمت معاه عشان أصوره بالقوة جلس ، سمع صوت الكاميرا هرب وكأنه طالع من سجن ...

"

... مخلوق غريب ، أخر الخلق ينام وأولهم يصحى ، يتابع مباراه في سن مبكرة يلحق يتدرب ممكن يصير لاعب الله أعلم ...

... لكن قد ما أقول [ مجنون كورة ] ما أوفي في كل شيء كورة طبعاً ينطقها [ كوتي كوتي ] ...

... المهم أننا ما نستغني عن وجوده بـ الرغم من الأذى والإزعاج اللي محترف فيه .. لكن عسل على قلوبنا ...

... الله يحفظة ويخليه لوالديه ويقر عيونهم فيه .. ويجعله من حفظة كتابه الكريم .. اللهم أمين ...

... لكم من القلب أرقى تحية ...

... دمتم بخير لا ينضب ...

:

[( نادر )]

ما شاء الله
الله يصلحه ويحفظه ويجعله قرة عين لوالديه ولخالته

[موجة حزن]

ماشاء الله عليه ... الله يحفظة ويخليه لوالديه ويقر عيونهم فيه

تاركة ربى يحفظه لكم صور جميله ...




سكر.....

[توليب]

ماشاءالله عليه ربي يحميه
بالصوره الاولى والثالثه طالع كأنه بنوته بسم الله عليه

الله يحميه ويخليه لكم احلى مافي الاطفال برآئتهم وعفويتهم

دمتي بسعاده تاركه اثر لقلبك

[ت ب ع ث ر]

"
:
ما شاء الله تباركـ الرحمن على فارس
الله يحفظه لكم وينبته نبات حَسَن ()

الحفيد الأوّل يكون له غلا خاص، وتتقبلين منه البثارة والصياح ومهما يسوي عسل على القلب.

:


وه وه يا زين الملح


مبيّن حاقد عليكـ

:

تاركة أثر
أبهجني حضوركـ الأول بقسم العدسة، أتمنى أن يكون فاتحة خير لأثركـ فيه

دمتِ كما أحببتِ :")

[هدهود]

ما شاء الله تبارك الرحمن ربي يخليه ويحفظه

وجد اول حفيد له مكانه وحب سبشل


وكل الاطفال الحين يحبون السهر وتعلموا على هالاشباس و البيبسي وربك يعين

[فيه أمل!]

هووووون يجنننننننننننننننننننن بسم الله عليه ماشااء الله

ترتر

الله يصلحه ويخليه لآهله ويجعله قرة عين لهم دنيآ وآخره

وفعلآ اول حفيد طعممممه مختلللللللللف

وغير كذآ يصير دلوع مخقوق ومآصل ومع ذلك محببووب

وذكرني في ولد اخوي يومه صغير بس الله يعينكوم اللي عندكوم دلوع بقوووه

مآدري وش مصبركوم على وضعه للحين مآ قومتوه

<<مأثر عليهآ التعليم والتربيه والتقويم

ترتر تسلم ايديك على اللقطآت الحلوين

وفي انتظآر الحبيب القآآآدم وجديدك الآجممممل


،

[Rose paris]

شيء طبيعي الحفيد الأول بالعيلة له جو غير وحضور غير وكل الحب لعيونه غير
ربي يحفظه لأمه وابوه ويسعده طول العمر


التقاطات مميزة والأخيره غير مستسلم ومعصب بنفس الوقت







يسعدك ربي

[العامري]

اختي العزيزة

بارك الله لكم فيه وصانه من عين الحسود

واكرمكم الله به وجعله الله زخرا لكم في الدنيا

والاخرة

[فستآن]

بسم الله عليه

الله يحفظه يــــارب ..

”	... مافي حاجة في الكون ترضية غير الجوالات واللعب فيها خصوصا جوال خالته أثر ... ... عشان لعبة القطة الناطقة ماشاء الله من الجُمل الفصيحة اللي يقولها عشان القطة تنطقها صح ...

متى أكون خاله ..


/


هذا طلالي .. يطاق أختي على الأيباد علشان لعبة القطة ولعبه ثانيه مدري وش أسمها ..

وأنا ماأدري إلا منحاش وفاض في جوالي ..

عاد جوالي جديد يعني بدايه كنت مهتمه فيه ماخليته يلمسه ..

فجأة وبدون سابق إنذار ..

ألقاه معه مقص وماسك جوالي وحايس شاشة جوالي ..

طبعًا الصمت وقتها يكون أبلغ من الكلام ..


جد عيال تكنولوجيا .. الله يخلف على ماضينا بس ..

”	... آخر شيء يفكر فيه او يهتم له الأكل تصير أفلام وقصص عشان يأكل لكن تنتهي بخيبة أمل ...!!

تصير أفلام وقت الأكل ..

كأننا بزران .. وماننسى ( جت الطيارة الطيارة ) ..

”	... أي شيء بيدك لازم يقول ( هاتيه هاتيه ) حتى لو شيء مايخصه المهم أنه يلقي نظرة عليه وما تمر الحاجة مرور الكرام من عنده ...

ياليل المشاركة بس ..

أنا صرت لاشريت لي شيء ولارحت أجيب شيء من المطبخ ..

أجيب اثنين .. واحد لي وله ..

حتى فنجال القهوة .. صرت احسبه ..

عاد هذا الشيء معودته أنا ومو صحي ..

بس لاجلست أنا واياه اقهويه معي علشان ماأكون لحالي ..

”	... لكن قد ما أقول [ مجنون كورة ] ما أوفي في كل شيء كورة طبعاً ينطقها [ كوتي كوتي ] ... ... المهم أننا ما نستغني عن وجوده بـ الرغم من الأذى والإزعاج اللي محترف فيه .. لكن عسل على قلوبنا

واحلى من العسل يكونون ..

جنة البيت .. ضحكة البيت ..

هم الوحيدين اللي يجبرونك

على أنك تبتسمين لو كان عندك ضغوط الدنيا كلها ..




/




والله يخليه لك ولأهله .. ويحفظه ..

وتشوفينه لاكبر في أحسن حظ ..

[درر]

ماشاء الله تبارك الرحمن..
الله يحفظه ويخليه لكم
ويعين أهله على تربيته..
....

[مساعد]

:

بسم الله ماشاء الله تبارك الرحمن



الله يصلح قلبه ويخليه لكم ويقر عيونكم فيه
اول حفيد شي ثاني اذكر مشول بهذلناه من كثر ما ندلعه احس حامت كبده منا

فارس
ان شاء الله يكون اسم على مسمى , وعقبال ما نشوفه في الروح ويحوس مشاركات خالته كلها


الف شكر اختي تاركة اثر على هـ الطلة الرائعة من فارس

..

[نهر الوفاء]

ما شاء الله تبارك الرحمن
الله يصلحة يارب ويخليه لاهله ويحميه من كل مكرووه

التقاطات جميله
استمري وننتظر كل جديدك

[إحتواء]

-

السلام عليكم ورحمة الله وبركاته

مآ شآء الله ، تبآرك الله
يجنن .. ربي يسعده وَيحفظه وَ يبلغه حفظ كتآبه

والشقآوه .. محد سآلم منهآ
عندنآ وآحد آسمه أورنس .. مو بس شقي
الآ مجــــررررم
الله يصلحه .. ويخليه لأمه

أثر
ربي يسعدكِ .. عقبآل مآ نشوف آولآدك =)

-

[M a S h H o R]

ماشاء الله تبارك الرحمن



احس هالاسم مرتبط بالشيطنه عندي ولد اخوي اسمه فارس الله يحفظه محترف تكسير
التقاطات جميلة تاركة اثر الله يحفظه ويوفقه ويصير اتحادي