[مساعد]

:


السسلام عليكم و رحمة الله وبركاته

الله يسعد اوقاتكم بكل خير ()

موضوعي اليوم المطلوب فيه فقط العودة للخلف عشر سنوات وتحديداً بداية عام 2002 م
اين كنت !
و هل توقعت ان تكون ب وضعك الحالي !
كذلك حدثنا عن بدايتك مع الروح و وضعك الروحي الآن , و الى ماذا تطمح ان تصل ب الروح !

إجاباتكم تهمني كثيراً

اخوكم - مســاعد



..

[فيه أمل!]

امممممم

كنت في بيت آهلي اللي بالديره

ويمكن آكون توني متخرجه من كوليتي

بجمع افكآري وهذآ وبجي بعد شوي

،

اممممممم

حقيقة يوم فكرت بالعشر سنين اللي مرت

تحسفت فيهم مآدري ليه

والصرآحه

بهذآك الوقت كنت مجنونه

واللي بيقول وش الفرق عن الحين

بقول اني كنت اجن بمرآحل

الحين عآقله وش ملحي

مع آني أول املح وحيآتي لعب وضحك وونآسه

آهم شي عندي استآنس وآضحك مآكنت آشيل هم كبر الهم اللي الحين آشيله

قلبي انفضخ مع مع الكبر وصرت سهلة الكسر

وكل مآلي آتعلق باللي آحبهم آكثر

من نآحية المبآدئ اشبهني كثيييييييير حآليآ

ولكن من نآحية الاخلآق والفكر والاسلوب والعلآقآت الاجتمآعية تغيرت كثير

واذآ على النت

كنت رآعية تشآتآآت وهذر وسوآلفومهآوشآآآت تصل الى عنآن السماااااء

ولآ اعرف المنتديآت الآ بالاسم

حقيقة مآ كنت استفيد من النت غير بتقضية الوقت على مآلآ يفيد ولآ 2%

،

بدآيتي مع الروح كآنت بسيطه جدآ

والسبب الآول في جيتي له هو تبليكي في منتدآي اللي قبل الروح

كالعآده سآجنيني ظظظظظلم

الموهم آختي الكبيره كآنت توهآ مكتشفه انهآ مريضه بالسكر وكلنآ في حآلة صدمه

ونبي نهون عليهآ فحبيت اسأل احد يعطيني برنآمج غذآئي لمرضى السكري

منتدآي طآردني فرحت لقوقل ومآدري كيف حذفني على الروح

سجلت وانآ مآفي خآطري غير اسأل عن هالشي

الموهم

آذكر اني كتبت اسألهم وجآوبوني جزآهم ربي عني خير

خصوصآ مون سآيلنت

بعدين وبمآ آني مبلكه في منتدآي حبيت ادور في الروح وكذآ

عجبني مبدئيآ

حسيت برآحه وانشرآح ومآفيه زحمه وهذآ<التسجيل الظآهر في

رمضآن <العشر الآوآخر

رحت منتدى الصرقعه وعجبني وبعد كذآ جلست اتنقل واتفرج واشآرك هذآ

وارد على هذآك الين صرت جزء من الكل

طبعآ في البدآيه

جآني شغف وجنون وهبآل اسمه الروح

بس في الآخير بديت اعتدل في الموضوع وآصير مره

وكنت مآعرف الفوتوشوب غير بالاسم وايضآ كنت مبتدئه جدآ

مآعرف ارفق صووورهاي والله

كل اكثر امور المنتديآت تعلمتهآ بالروح

وكذلك الفوتوشوب خصوصآ الوسآئط اللي علمني بدآيتهآ مش مش معلمي الاول

حبيت الكل وصرت اتعود على النآس حتى الجدآد آهم شي آشوفهم بالمجلس

لآني كنت مجلسيه درجه أولى

والآن

مآقدر آترك الروح آو آبعد عنه لآني اعتبره بيتي الأول انترنتيآ

وآهل الروح آهلي الثآنين

وكل اللي آتمنآآآآه

ان ربي يحقق لكل اعضآءه الخير اللي يتمنونه

ويوفقهم لمآ يحب ويرضى

وان الروح يكبر ويزدهر بأعضآءه ويبقى لنآ الحضن اللي يضمنآ<موب كننه نهآية فيلم مصري

،

[M a S h H o R]

وعليكم السلام ورحمة الله وبركاته

^^
ذكرني مضيع
2002


كنت أعثو في الأرض وكنت مدمن كورة وكنت مهووس الكترونييات ولكن مادخلت النت بتعمق كان حدي مناقر خلق الله بالشاتات وماني متذكر وش كان وضعي وما كنت متوقع اني بكون كذا في يوم من الأيام كان تخطيطي اني اكون لاعب في أحد الأنديه وكنت قاب قوسين وادنى ولكن الوالد رحمة الله عليه رفض العرض المقدم لي وقالي كمل دراستك




وكنت من المفحطين في الحاره ومن المطلوبين امنياً في قسم شرطة جرول وذلك نظراً لبعض اللعانة المفرطة سراً وجهراً حتى جدار القسم كتبت عليه ذكريات باللون الأسود ولم يجدون المجني عليه الى ان انتقل القسم من مكانه لمكان آخر


ان شاء الله ما اكون انا السبب



-------
نسيت اكتب بدايتي بالروح



بدايتي بالروح كانت بطيئة جداً وكانت مقتصرة على همس المشاعر وكنت اكتب شعر مكسر ماله مكان من اللغه العربيه ولا اللغه العبريه وكنت العب بالالعاب وهيك شغلات بعدين عرفت انه فيه قسم اسمه ملتقى الاعضاء ويسولفون فيه وكذا ,, وفيه مره من المرات كنت العب في الألعاب وحسيت الموقع بدأ يختلف وما اذكر مين كان يلعب معي ف قلت احس ان الموقع بيجيه شي مادري حاس كذا

قفلت وطلعت بنام واليوم الثاني جيت لقيت الموقع مخترق وخفت الي كان معي ذاك يروح يقول لمساعد مشهور يقول كذا وكذا ويوقف عضويتي مساعد وصرت ما احتك بمساعد ابدا ههههههههههههه

[تاركة أثر]

:

... [ وين كنت ... !؟ ] ...

... | 2002 | ...

... يالله : هذه السنة بالذات ما أحب أتذكرها وماني قادرة أنساها صارت فيها تقلبات كثيرة ونقلات غريبة ...

... كنت وقتها في المتوسط أعتقد أولى ، ما كنت أعرف شيء إسمة منتديات ولا أصلا كان عندي نت ...

... كان أغلب شغلي في الرسم ، ما إكتشفت كتاباتي وقتها ...

... طبعاً ماتوقعت في يوم من الأيام إني أكون عضوة في أي منتدى ...

... بدايتي مع الروح عادية جداً الا أنه كسر ملل كان يطوقني من الشبكة العنكبوتية ...

... وضعي الروحي الأن جميل وسعيده بإنتمائي له ...

... أطمح أن [ أترك أثر ] إيجابي يبقى ذكراه خالداً لي بعد الممات ...

:

دمتم بخير

أثر ...!

[ع ـذبة الروح]

..

وش ذا حسيت اني بزر ,
- بعد التحسيب طلع عمري وقتها 12 سنه يعني سادس ابتدائي ,
كنت فالمدرسه الهو والعب ولاعندي اي شيء من هموم هالحياه يازينها من ايام ()
بس مابي ارجع لها وارجع ادرس من جديد ولاااعرف شيء فالنت لامنتديات ولاايميل ولااشيء ميح وقتها

- بدايتي مع الروح كانت عام 2006 , دخلته صدفه عن طريق حبيب القلب قوقل وكنت بداية الثانوي تقريبا
وكان قسمي المفضّل الصرقعه بس مسنتره فيه وماخليت احد من العائله الا وعزمته ونشبت لهم لما سجلو كلهم ,
ولاكنت ادري عن اللي يصير فالاقسام الثانيه ,, وكان الوسام مشرف الصرقعه بهذلته معي يمشي ويحذف مواضيعي واحقد عليه , ليته يرجع يكتب مواضيع الحين علشان انتقم

- وضعي الروحي الان الحمدالله جميل صرت اكثر فهم واكثر هدوء من البدايه .. مريت بمواقف كثيره مع ناس فالروح علموني دروس فالحياة استفدت منها كثير ومستحيل انساها ,
انا حاليا في فتره ركود جالسه احاول اصحي نفسي منها .. طبعا هالحاله مع النت عموماً ..
اطمح ان ارى الرُوح في يوم ما في قمة المنتديات واطلقها واحسنها وان شاء الله بيجي هاليوم قريب اذا كلنا حطينا يدنا بيد بعض واشتغلنا عليه سوا وكان هدفنا واحد بنوصل بإذن الله

شكراً مساعد خليتني اتذكر اشياء جميله

[ولد الديره]

اشكرك اخ مساعد على الدعوة والرجوع الى بيتنا الكبير منتديات الروح


ولي عودة ان شاء الله

[زغيليلي13]

كنت اعمل في اول وظيفة لي في ذلك الوقت وقد كانت بداية حياتي المهنية..

اما الروح فلم افهم مغزى السؤال.. اذا كانت الروح من منظور عام تلك التي تخرج من الجسد ويموت البشر على اثرها فأنا حتما لا أؤمن بها

تحياتي

[مضيع دليله]

^^^
^^^

مافيكم اللي ردّ السلام على مساعد

وعليكم السلام ورحمة الله وبركاته

هلا ومسهلا بالشيخ مساعد

والله ياطويل العمر بالنسبه لي كنت عام 2002 في ثاني ثانوي ولا أعرف في عالم النت شيء بتات البتّه

وبعدها بكم سنه صرت اسمع عن الروح كثير ولا ادري وشّو !!! طبعا اسمعه منك وسوالفك مع العيال

وفي السنه الرابعه في لجامعه عام 2006 دخلت الروح وكان بسبب اني ابغى اشوف هالمنتدى اللي صاروا يتكلمون عنه

الناس (اقصد ربعنا) المهم اني دخلت وكنت ماني فاضي له اصلا وبعد دخولي سحبت عليه وتخرجت من الجامعه

وكمّلت دراستي وانشغلت في العسكريه وصرت ما اطلع الا الخميس والجمعه لمدة سنتين ولا فيه وقت عندي يعني المنتدى

مو اكبر همّي وبعدين تفرّغت للروح في عام 2009 بدأت اتفاعل معه واعطيه من وقتي << خفّ علينا يالوزير

وبصراحه تعلّقت فيه وصرت ما اتخيّل يومي من دون دخول الروح والسبب هو حبّ الاعضاء

والله ماتوقعت ان وضعي بيكون بالشكل هذا بالروح ولا توقعت ان الاعضاء بيكونون على قلب واحد ويحبوني وأحبهم

وأتمنى اني اخدم الروح بالغالي والرخيص بس يبقى عالي وشامخ بين المنتديات

اتمنى ان الاعضاء يبقون على القلب الابيض اللي الناس تعرفهم عليه

مساعد شكرا لك على اعادتنا للماضي

تحياتي

تعديل بعد رد توليب

معليش فيه امل ردّت السلام بس مو واضح << فكّر انا خوف

[توليب]

وعليكم السلام ورحمة الله وبركاته

<< قريت رد مضيع وردت السلاام ولا كانت ناسيه بس امووله ردت

***

2002

كنت ادخل بعض الاوقات من جهاز اخويا الكبير واطق طق بقوقل واتفرج بالصور والعب بالالعاب
ماكنت اعرف للمنتديات ابداً

بدايتي مع الروح كانت عام 2008
كنت وقتها مشرفه لقسم الشعر بمنتدى >> مدري كيف حطوني بس الظاهر مالقو غيري واختاروني

والبدآيه كانت من صفحة مساعد بـ أبيات قرأت قصيدة ربيع الشوق وعجبتني مررا
ونقلتها بقسم المنقول ثم نقلت له كف الكفن ..

وكان وقتها المشرفيين عندنا وجهو دعوات لأكثر من شاعر للمنتدى ,, فقررت اني اوجه دعوه لمساعد وكنت براسله من موقع ابيات بس للأسف ماقدرت لازم تسجيل والتسجيل كان فيه طلبات وتعقيد ومدري ايش
المهم طفشت من الموقع وجلست ابحث بقوقل قلت أكيد الاقي موقع ثاني لمراسلته .. ومن النتائج اللي طلعت لي منتدى الرووح

طبعاً أول شي لفت نظري ان الاسماء كلها بلوون واحد ماني عارفه من المشرف ومن الاداري وماني مفرقتهم عن الاعضاء

ثاني شي لفت نظري قلة الاقساام

طبعاً وقتها قلت المنتدى شكلو تعبان مو شي
وجلست اطق طق فيه هنا وهنا وهنا ليين مالقيت رابط وداني لمدونة مساعد
ومن دخلتها عرفت انها للشاعر اللي بـ أبيات وراسلته وكنت خآيفه يكرشني ويخجلني
لكن جزاه الله خير قبل الدعوه وشرفنا بمنتدانا .

المهم كنت ذيك الفتره مشغوله بالمنتدى اللي انا مشرفه فيه وكنت اشيك ع الرووح واشارك بالقسم اللي احبه منتدى يافتاه
و كنت مررا عاجبيني البنات حبوبيين خصوصاً فيه أمل يالبييه

وبس مع الأياام والمشاركات لقيت اني كنت ظالمه الرووح لقيت الروووح فيه كمية مبدعيين وإبدااع كبييره ماشاءالله

وحسييت بترابط الاعضاء مع بعض كأنهم اسره وحده
مو زي المنتديات الكبيره اللي يحس الواحد فيها انه ضايع ومو عارف احد

وقلة اقسااامه بالعكس ميزه له وبمحلها
لأني اشوف منتدياات الاقساام فيها اكثرر من الاعضااء بالله كيف بيكون مستوى الاقساام !!
اكيد بتكون كلها منقوول وأي كلاام .. وبالفعل فيه منتديات كثيير بذا الشكل اقساام كثيير على قلة فايده


قرقررررررت كثييييير

وضعي الروحي الآن أسوء وضع لي من سجلت بالروووح من ناحية النشاط والعطااء
والعصر الذهبي لي بالرووح اللي أول ما أتوليت الاشراف على القسم وسويت دورة الفوتو


الي اتمنااه بالروووح ان محد من الموجوديين الآن يبتعد عن الروووح مهما كان لو كانت عنده ظروووف يحاول التفاعل على قد ظرووفه

واتمنى ازدياااد كبييير كمان بالاعضاء الدآئميين المتفاعليين عشان يزيد عدد أفرااد اسرتنا

مثل : تبعثر / أكليل / فستان / الحزن الانيق / تاركه أثر / الطائر الحزين / نادر .. يمكن نسيت احد غيرهم مدري والله
^^^^
اعضاء جدد بالنسبه لي جو بعدي والحمدلله كان ومازال تواجدهم رآئئئئئئئئئع ماشاء الله

في المقابل كان فيه اسماء قبل ما اجي الرووح جمييله جداً كنت اتمنى انها مازالت موجوده ولكن للأسف


شكراً مساعد على هذه المساحه الجمييله

[هدهود]

وعليكم السلام ورحمة الله وبركاته

2002

كنت 14 سنه يعني ثالث أعدادي ( المتوسطه )
طبعاً ماكانت مهوسه بالنت لأنه كان من الأشياء إلي يعتبرونها أهلي عالم خطير جداً وللكبار فقط

أخوي الكبير عمره 20 كان هو الوحيد إلي يستخدم الكمبيوتر على راحته وإذا بغينا نستخدم النت
أو الكمبيوتر لازم أذنه واذن أمي وأبوي

وكنت أغيب ساعات عن المدرسة ويكون أخوي بالشغل عشان افتح الكمبيوتر و ماعرف شي فيه
حدي اللعب ماريو
وكنت اقراء الأبراج

والكمبيوتر إبداع كل قطعه ماركة و لا الكيبورد طابوقة مو أزرار شكبره

وكان بالمجلس ويقفلون عليه أنا ما شاء الله ساعات اطلع فيها وهم غافلين أفتح
الدريشة وأخوي داخل المجلس واخليها ليوم ثاني عشان انط وادخل

هههههههههههه لو زين بعد أعرف شي بالنت ولا الكمبيوتر حتى بالمدرسة
ما علمونا كثير إلا بالثانوي والجامعة

المهم بعدها انتقلنا لطابق الثاني وخلو الجهاز بالصاله وصرنا نستخدمة بس بعد ماكنت اطول

بعدين سنة 2006 خذوا لنا جاهز غير خلو عند أختي الكبيرة والجهاز الأولي خدا أخوي بغرفته

وغربلنا أختي تقوم وحده وتقعد الثانية ونسهر للفجر وعاد إذا ابوي ولا أمي حسو فينا ياولي شمقعدكم
للحين وإذا اشتكينا من شي قالت أمي من النت حتى لو زكام تقول من النت خخخخ

و 2006 كنت بالثانوي كانت وحده تقولي أنها مسجله بالمنتدى الفلاني نسيت والله شنو اسمه
وكنت أقولها أني بس ادخل مسن وأدور صور بقوقل وبس وتقول لو أني منش كان أتملل

رحت أكتب بقوقل منتدى أبي أعرف شسالفة وطحت على الروح ودخلت وطلعت وسجلت من جديد 2007

وكنت بالجامعة أغلب وقتي على النت خاصة لحد تقريبا 2008 كان النت اشتراك
مع جيرانه يعني أغلب الأيام مقطوع بعدين خل أخوي له واي فاي وصار كل واحد بالبيت عنده للاب توب خاص له
و صرنا نستخدم الواي فاي ومن 2009 صرنا براحتنا ندخل ونسهر على النت لأنه أهلي صاروا أكثر انفتح وعلم بالنت

وصرت جل اهتمامي فقط الروح عادي يعلق المسن كل شي يعلق ويضل الروح موفقه

وكنت متوجهة بالروح في البداية لصرقعة
وكنت أظن لازم نكتب بروحنا ماعرف سالفة نقل وكذا ياولي على روحي ههههههه
بعدين صرت أنقل شوي شوي حسيت الكتابة له طعم ثاني صرت أجرب أكتب بالصرقعة
حلقات ويوميات جربت أكتب خواطر

وحالياً أحاول قد ما أقدر أكتب وانسق الموضوع ليكون أكثر جاذبيه وجمال

الروح تغير كثير من أول مادخلت للحين شخصيتي بعد فيه واجد تغيرت
طبعاً للأحسن

بس بعد في فترات صار الروح أكثر نشاط من السنتين إلي مضو

أتمنى الروح يأخذ من الماضي تواجد الاعضاء ومن الحاضر الفعاليات و المواضيع
ما توقعت وين بكون بعد سنوات بس راضيه عن الي وصلت له واتمنى لو
عرفت الروح من قبل 2006

ومن كل قلبي أتمنى يكون الروح وجهه الرئيسية للكل الشباب والبنات لانه يهمني أمر المنتدى كثير
ويحز بخاطري هالركود إلي فيه

وبس تعبت تكلمت واجد قصة مو رد

[دانة الخير]

كنت في المدينه
والان انتفلت لقرية

[تمنيت لقياك]

:


وعليكم السلام ورحمة الله وبركاته

آهلا حيـآك آلله .. آخوي \ مسـآعد




:


بدآيتي مع الروح .. (لقـآفـه)


آممممم ..

الي وصلني لـ هنـآ الغاليه فسـتآن
طبعـآ . كنت جايتهم وبعد الضحك وساعة الصدر شوي وكل وحده ع جهازها
وفسستآن لقيتهآ ع الروح وكنت ورآهآ وبعيده عنهـآ جـآلسه اناظر وش تسوي
المهم جيت جنبها هي متحمسه وتحمست معها لـكن انا كنت مفهيه ع خلفيت الروح واشوف
كني ماقد شفت منتدى بحياتي واسالها وش تسوين يعني آسأله حقت طفش ههههههههههههههه


وبـ آمـآنه لا تزعلون مني الصدق ترآ كنت اكره الروح
والله صدق اني اتحمس معها بس اقول الله يصبرها وش هذآ ماتسوى حماسها

وبعدين ذاك اليوم جتنا فستان وهي تشرب شاهي الي هو شاهينا
دخلت ع الروح وقلت الله يصبرها واجلس اناظر وش تسوي اراقب
واصلا صار لي فتتتتتتتتتره طويله طويله وانا اراقب مو ادخل
بس اذا شفتها داخلته اناظرها ..

يعني حطيت الروح في مخي حسيت انه عدوي

وبعدين ,, كنت اسولف معها عالمسن اقوله اني سجلت في منتدى
وتساعدني الله يجزاها خير
وبعد فتره جيتها اشتكي لها قلت اني الي دآخلته كله مصاريا ولا افهم كلامهم
وقالت ورا ماتجين في الروح انا قلت طيب دخليني وانا اقول في دآخلي لآلآلآ م ابيه
دخلت عشان خاطره .. واول دخله لي عندكم جالسه اتفرج ع بيتي الجديد
مادري قلت وش هذآ م حبيته .. وبعد فتره صرت فجاىه انزل مواضيع واشارك
وكانت تساعدني نزلي هذآ صغري كذآ كانت بدايه صعبه
واول موضع لي نزلته اني ترآني جيتكم كانت الساعه تقريبآ 11 الظهر والجمعه

وبعدين صصرت احب احب الروووح .. ومن الحماس الي فيني
اني اقولكم حبيته .. ادق احيانا عليها اسالها عن الروح يصلح كذآ ولا مايصلح يعني لازم بدايه
واول م اشوفها ياحياتي معاد صرت اسال عنها /$ .. ع (طول الرووح )

وشوفوني بعد اللقافه عندكم ..



وعسى الله يدوم الروح في شي يرضي الله ويرضيكم
وتدوم مودتكم لبعض .. ان شاءالله ...

:

فستـآن \ ترآني كنت اشوف معك رآضيه


:

[سَحآبْ]

بداية عام 2002 م

اين كنت !

ممم كان عمري 10 سنوات وين بكون غير بسيارة أبوي بين كل بقالة وبقالة
ومغاامرات جدا أحبها .. مغامرات الطفولة شي احبه جدا


و هل توقعت ان تكون ب وضعك الحالي !


أحمد الله إنه حقق كل آلأماني وخلاني أوصل للي أبي ..
كل شي بغيته ربي عطاني إياه واللي حرمني منه !! عوضني عنه بأشياء مرة حلوة
.. أحمده وأشكره
كذلك حدثنا عن بدايتك مع الروح و وضعك الروحي الآن , و الى ماذا تطمح ان تصل ب الروح !
كنت نشيطة ! وللاسف اللحين مع إني املك وقت فراغ مرة كبير !!!!!
تقريبا من 7 الصبآح للمغرب وحاطة يدي على خدي من الطفش وا فاضية لاشغل ولا مشغلة بس صايرة كسولة ! عكس النشاط اللي كنت فيه!
\ومن ناحية الطموح !!!
أول كانت من اكبر أمانيي إني اكون مشرفة بالروح كنت حابه اعطي واعطي ّ!
لإني والله أملك أفكار ! جدا كثيرة !! وكنت أحب انفذها وصرت مشرفة لكن سرعان
ما انشغلت وتركت الاشراف لإني ماعدت قد مسؤوليته !!

[أنثـــ المطر ـــى]

ياهلا يا مساعد ..
وياهلا بـ سؤالك اللي ذكرني بأشياء قديمه ..
..
..
عام 2002
كنت في بيت أهلي أدرس والله اتوقع أولى ثانوي ..
ولا كنت أعرف لنت أبدـًا .. وأصلا ً اخاف أقرب منه ..
وتجيني رهبه إذا أحد قالي أمسكي الماوس وحركيه
وأحس إن الجهاز بينفجر فيني إذا لعبت فيه ..
المهم إني كنت أخاف منه وبس ..
..
..
عام 2004
عمي جاب لي كمبيوتر مكتبي هديه ..
فرحت فيه وأنبسطت وبديت أتعلم شوي شوي عليه ..
طبعـًا وقتها ماكان في أتصال إنترنت ..
وبديت أتعلم بعض الأمور البسيطة في الجهاز ..
..
..
عام 2005
كنت أدخل الأنترنت دايل آب ..
بس ماطول عشان الفواتير و عشان أهلي كل مارفعوا الخط يسمعون صوت : طييط طوووط
ويهاوشوني ..
..
..
بدايتي مع الروح :
كنت داخله الأنترنت أبي أدخل اسجل بياناتي في موقع الجامعة عشان التسجيل ..
وبعد ماخصلت .. قلت خلني أكتب كلمة الروح يعني أبي أقرا عن الروح البشرية ومدري كيف ..
المهم إني طبيت في منتدى الروح / كيف ؟ شلون ؟ .. مدري
أتذكر وقتها كان لونه : ترابي .. أو برتقالي ..
وأقسامه قليله .. وهذا أكثر شي حببني فيه ..
بس في شغله ضحكتني بالروح قبل أسجل / كنت اتصفح المواضيع
وكانت تطلع حروف عليها استفهام ..
شكل المنتدى تخرب ولا تجدد وصارت المواضيع كذا ..
قلت بخاطري : ( وش يبي ذا المنتدى !! يتكلمون بأي لغه ؟؟ )
المهم حطيته بالمفضله ..
وبعد كم يوم سجلت على طول ..
بصراحه : حبيت الروح جدـًأ .. وبالفعل : وتبقى الروح روحـي
..
..
أتمنى لروح كل خير
وأتمنى للأعضاء أحلى حياهـ وأجمل الأوقات داخل زوايا الروح ..
لأن والله الكل يستاهل الخير
أعضاء جدـًا طيبين و أخلاقهم عاليه ..
وبالفعل أحس الكل أسرهـ وحدهـ ..
..
..
وضعي مع الروح الفترهـ هذي حلو ..
وخاصه بعد الإنقطاع الشبه طويل اللي صار مني ..
أسعدني جدـًا إني أشوف أسماء لهالحين موجودهـ ..
وأسماء جديدهـ سجلت وأثبتت وجودها ..
وأتمنـى عودة كثير من الأسماء و الأقلام اللي لها رأي و فكر جدـًا رائع ..
..
..
مساعد / شكرـًا لك جدـًا
الله يوفقك و يكتبلك كل خير

أنثـ المطر ـى

[مشاعر خجوله]

كنت في مكان يشبه الجنه كنت مثل الفراشــــــــــــــه اللهوا واللعب كانت الفرحه

والسعادة لاتفارقني ليل نهــــــــــــــــــار

أختلف الحـــــــــــــــــال وتبدل

فأنا الآن أعيش في جـــــــــــــــــــهنم

رحم الله أبي رحمة واسعه