|
أدوات الموضوع | انواع عرض الموضوع |
|
=هذا ماهو شيب .. لا تبكين .. ماهو شيـب يمـّه =لا يهولك منظره في راسي وتبكيـن .. عـادي ! =لا يغـرّك لونـه الأبيـض .. ولا يفجعـك كَمّـه =صدقيني ماهو مـن الشيـب هـذا اللـون بـادي =تذكريـن .. أصابعـك لمـا تبعثـره وتلـمـّه ؟ =يوم كنت اوسده رجلك .. واروّض لـك عنـادي ؟ =كل ما مشّيتي اصبـع بيـن شعراتـي تشمّـه .. =لين صارن بيض من كبر الغلا و طُهـر الايـادي ! =شرّعي لي حضنـك الممطـور بالمسـك ابخمّـه =خمة ٍ تبرا بها روحي مـن جروحـي .. وانـادي =ما ابي مْن الناس : غير اذكـارك وريحتـك لَمّـه =ولا ابي مْن النور : غير سرآآجك العن به حـدادي =وما ابي مْن العز : غير اللي تحت رجليـك قمّـه =ولا ابي مْن الأرض : غير جلالك اعلن به بـلادي =ودي ارجع ( طفلك المغمور ) واللي كان همـّه .. =يصعد / اطول نخله .. ويشرب / من حثال العوادي =يغسل نعاسه .. بآذان الفجر ، واصـوات الأئمّـه =ويونْس الشيبان لا رتّل لهم : ( قُل يـا عبـادي ) =ويسرق اول ( خبزه لصاجك ) ويخفيهـا بفمّـه ! =قبل ما يصحى حدا اخوانـه .. ويحتـد التمـادي ! =طفلك : اللي ذنبه انه مـا غسـل بالدمـع كمّـه =لين صار الكم من بطا دموعه رمـادي ! =ودي ارجع طفل : بعض عيوبه أجمل من شيَمّـه =يوم كان أصغر رفاقه عمر .. وأكبرهـم مبـادي =ودي افتـش بتاريخـي عـن احلامـي المهمّـه =قبل ما تهزم جيوش اليـأس صبـري واجتهـادي =ودي اوشي بحزنـي الحاضـر لماضيّـي وانمّـه =يمكن انقذ جمرة سنينـي مـن المـوت برمـادي =بس وشلون اقدر ارجع ؟ ليه ما قلتي لي يمـّه ؟ =ليه ما قلتي لي ان الشيـب مشتـاق لسـوادي ؟! =ليه فهمتيني ان الخـوف مـن بكـره مذمّـه ؟؟ =ليه خليتيني اكبـر واحمـل ذنـوووب اعتـدادي ؟؟ =وين اعيّن خير يُمّه ؟؟ والأمل من غيـر يَمّـه !! =الحطب - يا ميّه - قليّـل وبـرد الليـل سـادي =كل ما غرست غصنـي سافـي الحرمـان دمّـه =واشعر اني وردة ٍ مزروعـة ٍ فـي بطـن وادي ! =وانا والله ، ما رضيت بهالعنـا مـن قـل همّـه =ولا كبا غير الدروب اما انت وافـي يـا جـوادي =احمـد الله جاعـوا الناس وانـا شبعـان ذمّـه =ما زرعت الا الوفا والناس تاكـل مـن حصـادي =ما عرفـت الاي خـال لخالـه وعـم ٍ لعمّـه !! =يوم ما ياسع هموم القـوم غيـرك يـا شـدادي =وانتي يُمه .. لو بكيتـي شيبـي وهوّلـك كَمّـه =قلت يُمه : ماهو من الشيب هـذا اللـون بـادي =تخبرين ( الثلج) لا منه تكدّس ( فوق قمّـه ) ؟؟ =هذا ثلج .. وراسي القمـه .. ولا تبكيـن عـادي ! =هذا ثلج .. وراسي القمـه .. ولا تبكيـن عـادي ! =هذا ثلج .. وراسي القمـه .. ولا تبكيـن عـادي ! من روائع... خلف الكريّع .. |
|
ربي احفظ لي ولدي
|
|
قصيدة مؤثرة ومعبره جداً فيها بلاغة ودقة في التعبير ورسم مشاعر نابعة من القلب لحنان الام ولمستها الوفية بارك الله فيك على هذا الاختيار الرائع |
|
|
درر
ما اجملك وما اجمل ماتنقلين لنا .. لاشلت يداك لا يغـرّك لونـه الأبيـض .. ولا يفجعـك كَمّـه صدقيني ماهو من الشيـب هـذا اللـون بـادي بيت تمنيت لو اني قائله ما بالك لوان هذه القصيده التقاط شاعره وليس شاعر لربما كانت بنفس التأثير إن لم تكن اكثر وخاصةََ هذا البيت تخبرين ( الثلج) لا منه تكدّس ( فوق قمّـه ) ؟؟ هذا ثلج .. وراسي القمه .. ولا تبكيـن عـادي ! صح لسان الشاعر خلف الكريع وفعلاََ هيا رائعه ولاشلت يداه لقد صاغ دره لا الام عندما عندما اختص بالبحث عن مشاركاتك اجمل تحياتي |
|
ياروح اسمي في خفياك منحوت=تفرح مع افراحي وفلأحزان تعيا
مافيه جسم تفارقينه ولا يموت=ولافيه ميت ماسكنتيه يحيا ياروح وصفك يشبه إلنبرة الصوت=وفيك الأسامي من سلامه لعليا |
|
هذآ ثلج
<ورآسي هو القمه!! قووويه الابيآت يا دررر سلمتي على هذآ الاختيآر الروعه وص الله لسآن الكريع على هذا الجمآل ،،، ، |
|
، ” اقتباس: الحياة مهزلة لمن يعيشها بعقلهـ ، ومأسآة لمن يعيشها بقلبهـ [!] ،
|
|
درر صح الله لسانك ولسان الشاعر
على هذه القصيده القيمه والنابعة كلماتها من القلب الى اطهر قلب كبيرة في معناها ولكنها قليلة جدا في حق الإم مها كتبنا من كلمات وسطرنا من احرف ونسقنا عبارات فلم نوفيها حقها دمتي غاليتي على النقل الرائع اختك ام الغالي |
|
|
ودي ارجع ( طفلك المغمور ) واللي كان همّه ..
يصعد / اطول نخله .. ويشرب / من حثال العوادي يغسل نعاسه .. بآذان الفجر ، واصـوات الأئمّـه ويونْس الشيبان لا رتّل لهم : ( قُل يـا عبـادي ) يوه تجنن هالبــيتين درر يعطيك العافيه يالغلا لاعدمناك يآآرب وديـ |
|
.
لن يبقى كُل شَيء على حآلِه .. حتى "( الشَمسْ ) سَـ تكسِر الرُوتين يَوماً مآ .. |
|
/ مُدهش الكريّع كثيراً بهذا النص نفس طويل وكل بيت بهِ إلتقاطة تجذبك لها . وهذا هو الفرق بين الشاعر الحقيقي و الهشْ ! شكراً على هكذا نقل ممزوج بِ الحنين للصاج والنخل وإشتياقٌ لحُضن أم وما أجمله من إشتياق. ولا ابي مْن النور : غير سرآآجك العن به حدادي ولا ابي مْن النور : غير سرآآجك العن به حدادي ولا ابي مْن النور : غير سرآآجك العن به حدادي |
|
لاشيء يستحق التعفن سوى الصبر !
|
|
طفلك : اللي ذنبه انه مـا غسـل بالدمـع كمّـه
لين صار الكـم مـن بطـا دموعـه رمـادي ! هنا صدق الشآعر :/ ودي ارجع طفل : بعض عيوبه أجمل من شيَمّـه يوم كان أصغر رفاقه عمر .. وأكبرهـم مبـادي درر.. قصيدة رووعة .. عجزت كل مااقتبس بيت ..يعجبني البيت الثااني.. شآعر مبدع جدآ.. .. درر.. تسلمين ع هالختيآر الرآئع .. لاهنتي .. |
|
|
|
درر
من الجد انتي انسانه تحسنين اختيار الكليمات والقصائد الجميله التي تحمل معاني جميله وهادفه ودائما احب أن اقرأ ماتنقلينه وسلمت يداك |
|
كثير من هو قال ياروح روحي=وقليل من هو جاد لروح بالجود
احدٍ يجي للروح كنه يروحـي=واحدٍ يروح وكنه الحين موجود نآس عطآهآ نبع صآفي قروحي=تبدع وتعطي بالخفا كل مجهود مثل الذي بالروح صمته يبوحي=على المسمى دايم(ن) فنه يسود |
|
يعطيكم العافية على مروركم الرائع... ربي يسعدكم أينما كنتم... لاعدمتكم.. درر.. |
|
الكلمات الدليلية |
هـــــذآ, تبكين, دمعـه, شيـــب |
يتصفح الموضوع حالياً : 1 (0 عضو و 1 ضيف) | |
لم تتم مشاهدة الموضوع |
أدوات / ملاحظات | |||
|
|