[مساعد]

:


اللقاء حلم
والغياب جرح
والدواء روح
والارواح لا تعاني العطش، لترتي ثوب الغياب وتتحلى بجمال الرحيل


،

ــــــــــ


غبت وصار الحلم يسألني عليك
ورحت وصار (الآه) يسكني وراك

مرّت الايام وعيوني تبيك
هاضت الاحزان والسبّه جفاك

كنت معطيني مكانة (والديك)
يوم (غيري) مالقى الا ضماك

ارتشف قهوة حضورك واحتسيك
وامنّع الخافق يغنّي في سواك

وأرخص الغالي بقلبي واشتريك
وأنطق أحساسي على حمرة شفاك

من عرفتك ما عرفني لك شريك
كل ما فيني ينادي يا (غلاك)

في عروقي نبض يسبقني إليك
وفي حروفي شوق يتمنى دفاك

كنت قبل العام تطلبني اجيك
وصرت هذا العام تحرمني لقاك

ما هقيت الظلم يستوطن يديك!!
ولا هقيت الجرح تاليته معاك!!

لين شفت الصد مبدا يحتويك
شايلك في موضته لقصى مداك

ترتدي (ثوب الغياب) ويرتديك
هايمٍ في حلته بأحلى مساك

والنهايه!! مايهمك وش عليك؟
ماخذ الدنيا على رغبة هواك


اخوكم - مســاعد


..