[روح المنتدى]

سلام عليكم...
هذي بعض الصور من رحلة اندنوسيا 10\2015
إن شاءالله تعجبكم ونتقبل نقدكم وملاحظاتكم واعجابكم اكيد

هذي الاطلاله من الفلة...منظر جميل ومنطقة هادئة


سفاري بونشاك...
تجربة ممتازة ...واحس اني فنان في التصوير خاصة الصورة الجايه


هذي الصورة ...مو مصدق اني انا اللي مصورها
بس جد خطيرة الصورة اولا بعيوني انا بس
كنت افكر احط لها حقوق عشان لاحد يسرقها
----

هذا الشلال في وسط سفاري او حديقة الحيوان -بونشاك..


الشلال..


حديقة الزهور...مادري ليش ودانا لهناك المرشد السياحي..
بس صورنا على خفيف ومشينا.


هذي اطلاله من احدى الخطوط السريعه
--------
ومن التجارب اللي سويناها هناك الغوص ...والتجذيف...
ورحلات خفيفه بالقوارب...
رحلة القارب...كانت جيده لكن على الضفتين اللي حولك في اطفال وعوائل فقيرة...
يقعدون يغنون ياطيبه...ولا مقادير او طلع البدر...عشان تعطف عليهم ...
لكن انصدمنا بــــ



وهذي صورة...حاولت احصل نخلة الحالها مع الشاطئ ما حصلت مشيت حالي بهذي

اتمنى عجبكم الموضوع ...

ومثل ماقلت لكم نتقبل ملاحظاتكم واعجباكم

اضغط على الصورة لمشاهدتها بحجمها الطبيعي

[هدهود]

وعليكم السلام ورحمة الله وبركاته
ماشاء الله تبارك الرحمن مناظر تشرح القلب والخاطر
وحلوة لكن انصدمنه بـ
والصورة الي فيها الزرافة بصراحة ابددداع ماشاء الله كلش عجبتني
اعرف وحده رايحه شهر العسل اندونسيا اقوليها من قلة الاماكن لكن لما شفت الصور غيرت راي فيها تماماً ورجعت بعد السنة راحت ..وانا يبيلي روحه بعد نغير جو بهالطبيعة الخلابة

[روح المنتدى]

على فكرة...اليوم اللي طلعنا فيه بالقارب...

كانت مباراه الهلال والاهلي الاماراتي اللي تجحفلنا فيها وطلعنا في آخر الدقايق

وكأنهم دارين اننا بنخرج

------
هدهود

اشكرك على الرد وانقاذ الموضوع ...له اربع ايام بأكياسه

بالنسبة لأندنوسيا ...اكيد فيها كثير من المناظر والاماكن الحلوه احتمال اضيف صور بعد

وفيه اماكن مارحناها ...وانصح الجميع بزياره لها

[فستآن]

الله يهنيك ويسعدك أخوي
ويارب أنها كانت رحلة سعيدة ومباركه ..


أندونسيا الوالد سافر لها لكن ماأستمتع فيها كثير
يمكن وأجزم أنه يحب الهدوء ( يقول يكفيني أجلس في الفندق وحولي الطبيعة ) ..


الشيء الجميل في أندونسيا ( أنها مو غالية أبد )
وتمنيت ماكان معكم مرشد سياحي
( المغامرة مطلوبه في السفر ) ..



/



والله يكتب لك سفرة ثانية في مدينة جديدة ..
وشكراً على الصور ..

[روح المنتدى]

هلا بك فستان..

بالنسبة للوالد...ممكن راح في وقت غير مناسب...او ماقدر يستكشفها مضبوط..

اما المرشد ...هو مو مرشد كان سواق ويختار لنا الاماكن فقط..ونحنا نشوف اللي يناسبنا...

مشكلة اندنوسيا انه صعب تتفاهم معاهم لا انجليزي ولا عربي

عشان كذا اخذنا سواق يعرف عربي يختصر علينا وقت طويل

وكل السفره كانت 10 ايام ...

اشكرك على حضورك

[مساعد]

:


السلام عليكم ورحمة الله وبركاته

ياهلا وغلا فيك اخوي روح
اندنوسيا بلد جميل وممتع ، لا تكاد تشعر بالوقت هناك ولا تشعل بالملل ابداً
انا زرتها مرتين وفي كل مره اتمنى ان اعود لها مرة اخرى لجمالها وشغفها ، وان شاء الله اذا الله عطاني عمر راح ازورها مرة اخرى

صورك اشعلت الحنين فأغلب الامكان التي ظهرت بالصور سبق ان زرتها
كانت ذكريات رائعه مع صديق لا يتكرر بهذا الزمان

تصوير جميل ورائع اخوي روح والله يسعدك ويهنيك ويجعل لك في كل رحله سعاده وفرح


..

[تاركة أثر]

:
روح
رعاك الله وجعل الجنه مثوالك

الاطلاله آسره في الصورة الاولى جدا رايقة ،، الشلال اليم منظر يشرح الصدر ..
حديقة الزهور ايضا جميلة بحق اندونيسيا رائعة وتصويرك اروع ..
سلمت اناملك وجزيت خيرا
شكرا لك ملء السماء

دمت بخير
..

[روح المنتدى]

مساعد...

هلا بك اخوي...

مثل ماقلت البلد جميل...وتتمنى تزوره مره ثانيه...لكن بنفس الوقت ممكن تسمع رأي يقولك

خلنا نشوف مكان ثاني

مرورك الاجمل اخوي...

[روح المنتدى]

تاركة اثر..

هلا بك اختي..

اندنوسيا اول سفره لخارج المملكة ...طبعا دبي والبحرين مايحسبون

وكانت رحلة موفقه

مرورك اروع اختي

[مضيع دليله]

عليكم السلام ورحمة الله وبركاته

حياك اخوي روح

أولاً الحمدلله على سلامة الوصول

ثانياً مجرد الخروج من السعودية تحس بالراحة

وأندونيسيا معروفة بجمال الطبيعة وإعتدال الأجواء بالإضافة إلى الرخص مقارنة ببعض المدن في السعودية أو بعض الدول .. ماشاء الله صور جميلة الله يهنيكم ويكتب لكم سفرة أحلى

[روح المنتدى]

مضيع دليله

ههههههه

احيانا اقول كذا هل الموضوع فقط الخروج من السعودية وان الأماكن عاديه جدا .

حتى وان كان على قولك فرق في السعر ...واجواء مختلفه

الله يسلمك اخوي وشكرا على مرورك الطيب

[إكليل الروح]

:

والله كنت حاطه في بالي إن أندونسيا مو حلوة ولا تستاهل زيارة لكن مؤخرًا غيرت فكرتي عنها
وتصويرك ماشاء الله يجنن أحس نفسي أخش ب الصور
بس غريبه ماجبت طاري الغنم بكلامك هههههههههههههههههه
كل اللي يسافرون هناك ويجون لازم يجيبون سيرة إن الذبيحة عندهم ب 200 ريال او شي زي كذا
لو احد سافر هناك وماجاب هالطاري ممكن يموت

ان شاء الله تكون رحلة استمتعتوا فيها وعقبال ماتروحون لها كمان مره وثنتين وثلاث وعشر

..

[روح المنتدى]

معقوله ولا تقييم ...شكل الصور ماهي احترافيه كثير..

-----
اكليل...

هههههههههههه

حبيت يكون الموضوع صور ولا حبيت اكثر سوالف....وتدرين حتى لو سولفت مااتوقع بجيب طاري الغنم هههههههه

هو فعلا ثاني يوم من وصولنا شرينا وحده بـ 200 وفطرنا وتعشينا عليها يومين والباقي وزعناه ههههههه

اندنوسيا ..

صاحبي هو اللي كان متحمس لها كثير ...ممكن لو الخيار لي اخترت ماليزيا مع ان بالي في بالي

اشكرك على المرور

[مشاعل**]

ماشاء الله جمال الطبيعة والجوو

الله يهينك ويسعدك


ويعطيك العآفيه ع الصورة الجميلة

[روح المنتدى]

الله يعافيك اخت مشاعل...

ومرورك الأجمل..