ادري انكم احبطتوا يوم شفتون ابقرق .. بس تحملون عاد *_^
يا طويلين العمر .. يوم رحت انا وابوي .. لقينا اثنين من اخوياه موجودين هناك .. وصرنا نطلع معهم كل يومين او ثلاث ايام .. نروح لسوق او نتعشى برا او زي هيك
المهم متعودين لامن رحنا لسوق .. خلاص كل واحد يروح بلحاله .. وبالساعه الفلانيه نجتمع بالمكان الفلاني
ويجي ذاك اليوم اللي رحنا اربعتنا لسوق شعبي .. وتفرقنا وحطينا وقت وقلنا الوعد بهالوقت
ويوم جاء الوقت الموعود اللي حاطينه .. ونجتمع واثر هالاثنين اخوياء ابوي كل واحد ماسك بيده صيخ كباب ويعرررمش بهاللحم
ويسالون بعض بكم شارينه .. قال الاول شريته بخمس طعش رانمينبي او بعشرين .. يعني تقريبا بثمانيه او بعشره ريال
ويجي الثاني ويضحك على خوينا .. ويقول انا شريته بثلاثه رانمينبي .. ويجي الاول ويرررتفع ضغطه ويولع
مشينا شوي ونلقى لبناني يبيع بقهوه عربيه .. وينط خوينا ويساله ليش الصيخ اللي معي اغلى من اللي مع الثاني
قاله اللي بعشرين هذا لحم غنم .. اما ابو ثلاثه لحم كلاب الله يعزكم :S
ويتسدح خوينا هاللي شاري بعشرين بالارض من الضحك وعجز يسكت
وهاللي ماكل لحم كلاب إنصدم وعيونه كل شوي يكبرن ههههههههههههههههههههههههههههههههه
والله ويجلس يوم كامل بالشقه وما يشرب إلى بيره بس هههههههههههههههههههههههههههه
وعقبه حرم ياكل من مطعم مهوب معروف .. وصرت انا وياه ما ناكل إلى من ماكدونالدز بس هههههههههههههههههههههههه
اييه ونررجع لصور :-)
طبعا لازم كل يوم اروح لسوق شارع بكين .. لانه ما يقفل إلى الساعه عشر بالليل .. اما الاسواق الثانيه تسكر الساعه سبع ونص تقريبا
ومره من المرارير .. شفت مشاري البلام .. ومير امسكه واصور معه هههههههههههههههههههههههه
وعقب كم يوم .. لقيت حامد زيد باللوبي حق فندقنا ..وولا كانت الكام معي .. وبررضوه لقيته بسوق شارع بكين وصورت معه
ونرجع الحين لقعر الموضوع حق سالفتنا مدري موضوعنا .. اللي هو يوم تتحدان جود اصور شناط <~ بدررررري يا خالي