[فيه أمل!]

بسم الله الرحمن الرحيم

السلامو عليكوم

صباحكم ومساكم اسعد من بعض ان شاء الله

كيف الحال ايها الروووح؟

(انا حطيت الموضوع هنا ومادري اذا هو بالملتقى!!)

في موضوع سابق علمتكم عن تصوير جهازي انه خايس وما الى ذلك!!

لكن تراه طيب وحبيب وابن حلال...ظليمته قشرا...تحمّل طيحاتٍ ما يتحملها اقدع جهاز من نوكيا

(المفروض ان الاجهزه اللي زيه(الاي ميتات)حساسه فلذلك تعامل معاملة اجهزة الكمبيوتر)

لكن هذا الكلام ما يمشي علي طبعاً <<حركات مراهقات!

جهازي:

نوعهi-mate اسمهjam

ويلقب بـ i-mate jam...جهاز يستخدم بلمس الشاشه بواسطة

قلمه الخاص...كاميرته1.3ميقا بيكسلز...وذاكرته58ميقابايت...

(معلومه ترى طلع بعده سوبرجام وذاكرته 128ميقابايت)

وعندي له سنتين او اكثر كنت شاريته بـ2700دولار اكذب الصدق2700ريال

بس الحين اكيد بيصير نزل سعره...واحتمال اذا شريتوا قلم أي ميت

يعطونكم نفس جهازي هديه

طبعا العابه قويه...وبرامجه شيء...الصراحه شهادتي فيه مجروحه

اخليكم ويا الصور...

لا يفوتكم ثيمي القطيوه...


















والحين خلصنا من جهازي الفقير نروح لجهاز اخوي...

7
7

[فيه أمل!]

نفس الشي هذا الجهاز من اي ميت...

اسمه jasjam من i-mate...له فتره قصيره نازل باسواقنا...

وهو تقريبا وعلى حد علمي احدث مانزل من الايميت

واحتمال يكون نازل غيره تراي موب متأكده!

ولكن ترا الايمت موب سلق بيض زي النوكيا...كل ربع ساعه

يطبخون جهاز...

الـjasjam جيل ثالث...(والعياذ بالله)<<فاهمه خطأ

كاميرته 2ميقا بيكسلز تقريبا...

ذاكرته موب كبيره حووول ذاكره جهازي...

(بالرغم من ان فيه اي ميتات نزلت قبله اكبر ذاكره منه)

ويقولون ان استخدام النت فيه طيب

وسعره ناسيته(ومستحيه ادق هالوقت على اخوي وأسأله

"الساعه2فجراً يوم اجهز المودوع"!!alrooo7}:

المهم هذي الصور بين ايديكم




8
ترى الـcoverموب لجهازه تراه لجهازي...بس انا حاطته عشان
يثبت الجاس لا يطيح(الدووب )




وهنا اذا بغيت تستخدم الكيبورد الخارجي...من تفتحه...

تتحول الشاشه عرضيه مباشرة...والله فــــن

وبعدين تستخدمه زي كيبورد الكمبيوتر وبدون القلم...


8
هذا يوم بغيت اخلص من كلش...واتذكر اقلام الاجهزه...طبعا في هاللحظه هذا الجهاز ويا صاحبه

فلذلك مامداني اصور غير قلم جهازي(تراه هذا تجاري لان الاصل ضايع

والسبير ضاع يوم شريت هذا وانا القى السبير عاد انا استخدمه الين يضيعalrooo71:

طبعا قلم الجاس ترا احلى واكشخ(تطلعونه صغنطون بس تقدرون تطولونه)...عموما اذا

ضاع القلم ترا المسأله عادي تقدرون تستخدمون الاظافر زيي<<قطوه

واللي ماعندهم اظافر..عليكم بعيدان الاسنان...والا سكينه بالشنطه للبنت والا بالجيب للولد

ملاحظه: (صور الاي ميت jam صورتها بجهاز الايميت jasjam والعكس)

لاحظو الفرق بين الصور...!

اللي مصوره بجهازي خايسه اما اللي بجهاز اخوي احسن بواجد منهن <<غيرانه




ملاحظه2:تراي حطيت جهازي قبل جهازي اخوي الحبيب موب عشان سالفة ليديز آر فيرست
بس عشان تشوفون جهازي ويعجبكم...واذا شفتوا الثاني تقولون هذا احسن...
اهون على

اتمنى يعجبكم...وترا عادي اذا ما اعجبكم ماراح ازعل

سطروا اراؤكم اياً كانت فهي جميله








فيه أمل!(ورده بيضاء)

[بــنـــ الأصول ـــت]

ماشاءالله ,,, موضوع متعوب عليه


بس ليه اخترتي آي ميت بالذات ؟

احس ينفع حق رجال الاعمال و البيزنس وومن

بعدين حجمه كبير و موعملي انك تستخدميه لكل يوم ؟ ولا وانتي وش رايك ؟

[مساعد]

ماشاء الله تبارك الرحمن اختي فيه امل ,, صور رائعه من جهاز اروع عسى الله يعطيك الف عافيه
وصور الروح محلية الصور اكثر واكثر ...


جهازك مثل جهاز مديري ,, وفيه ناس يسمونه جوال كبار الشخصيات ( انبسطي ياعمه طلعتي شخصيه )

[هاويها]

ماشاء الله رووعه الله يكفيه شر عين مساعد
بس انا اوافق الاصيله احس ماهو عملي
وخاصه للي تعود على الجوال العادي
المهم .. ماتسلفيني هالجهاز
بكشخ فيه كم يوم هع هع
يعطيك العافيه يالغلا





هاويها كان هنا ... ( بقايا حطام )

[مشاعل**]

ماشـــــاء الله..
حلــــوهـ الصور يعطيك العافيه.

.

.

[روح العين]

ما شاء الله
تسلمين على الصور الغاوية

[فيه أمل!]

صوصو

اختي يعطيك العافيه على مرورك الذوق

اما عن ليه اخترته بالذات؟

فهذي سالفه اطول من سالفة الشنانة!!!(الله يعينك)

... بداية ...

انا موب من النوع اللي كل يوم والثاني اجيب

جهاز ... <<ماحب هالاسلوب او بالاحرى ماعرف اكون كذا!!!

المهم ... قبل هذا الجهاز كان جهازي نوكيا(برج العرب)اول جهاز ملون

وجايني هديه(وهذا اهم شي)<<امووووت فيه

وكنت ماراح أأفل فيه لو وش مايكون ... هو عندي من يوم نزل

طلع بعده اشششششكال والوااااان نوكياويه بس مافيه شي قدر

يخليني اترك قديمي<<طبعا هاتي يا تعليقات من الاهل والاصدقاء على

برجي الحبييب ... بس اذنٍ صمخى واذنٍ ماتوحي

المسكين تحمل اكثر من جهازي الحالي ... طاح في ماء وعاش

طاح في ماء وصابون!!!ثم غسلته بماء ونشفته وعطيته دورين إسشوار

ونفخوه لي...وتخيلي عاااش <طبعا كل بعد طيحه يكبر في عيني اكثر

(بغض النظر عن الطيحات الساده اللي بدون ماء او صابون)

جاء اليوم الموعود وطاح برجي الطيحه اللي قسمته الى اجزاء

لا ترى بالعين المجرده بالرغم من هذا ركبته واشتغل...

بسس الابراج ماتشتغل

هنا جاء وقت الجد ... كنت من قبل مافكر بشراء شي

عاجبني هالجوال ويا اخواني ... النوكيا اشوفه ويا خواتي

وصديقاتي والبنقاليه والافغانيه وكل المخلوقات الحيه ...

احس اني ماله من وجييهه (عايفته) ... قلت انا شاريه

غير النوكيا ... أي-ميت ، موتوريلا<<كان عندي واحد من قبل منه

، سامسونج اي شييي ان شاء الله نيسااااناهم شي موب نوكيا

بعد البحث والتردد استقر الاختيار على اي-ميت ... وطبعا جبته ...

ذاك اليوم بالتحديد حسيت اني اغبى كائن حي

من الحوسه ماعرفت آآآآصل للأستوديو(مافيه حاجه اسمها استوديو)

كم يوم عرفت امشي حالي وياااه ... (وطبعا اخوي موجود تحسبا لاي ظرف طارئ)

بالبدايه قلت لا يكون موب عملي في الاستخدام <<زي ماتفضلتي

(لكني سكت من باب انا اللي اخترت لازم اتحمل يمكن الوضع يتحسن)

بعد فتتتره بسسسيطه حسيت انه احلى جهاز وحبيته ...

واحس انه رهيب واستخدامه عملي-بالنسبه لي-

وحجمه ترا موب كبير ... زي ماتتوقعين بس لا تقارنينه

بالاجهزه اللي حجمها صغير حيل ... قارنيه باN70وانتي طالعه

ترا شاشته اكبر من شاشات اجهزة نوكيا

وهو اكيد جيد جدا في حال اني صرت سيدة اعمال ...

ولكن هو موب خاص في اصحاب العمل فقط ... هو يناسب جميع

مجالات الحياة ... العابه من احلى الالعاب واغربها ... برامجه شي ...

عموما انا اعرف ناس جربوه وماحبوا استخدامه ...!



ادري طالت ومصصخت

بس عشان تتوبين ماتسأليني ابد ابد

تراي امززح يالغلا وصدقيني يو آر ولكم في اي

سؤال واي وقتومن جديد يعطيك العافيه

على المرور الاموررر

على فكره ورا ماتهدين صديقتك جهاز جوال!!<<خطمه!!





فيه أمل!(ورده بيضاء)

[رنيــــــــــم]

يعطيك العاااافيه
في امل جد شكله روووعه

[اسرار القلوووب]

واااااااااااااو
ياخطيره يااموله
روووعه جهازك ماعليه كلام
يعطيك العااافيه على الصور ياالغلا
اسراااار

[عد الروح يل]

ماشاء الله

جوالك وجوال اخوك روعه بس انا احب اللون الاسود اكثر شي

زين انك كان معك برج العرب انا معي جوال الرهيب وهذي صوره

وطبعا كان معي الدمعه بس انسرق

7
7




المشكله انه طافي مافيه بطاريه والتصوير من جوال ابوي

[فيه أمل!]

مساعد

الله مير يسلمك...والصور النقيه هي من جهاز جاس جام...موب

جهازي للاسف<<بدت بالحسد

”	( انبسطي ياعمه طلعتي شخصيه )

<<وانا وش كنت قبل طعميه

مساعد

يعطيك العافيه على مررورك الطيب











فيه أمل!(ورده بيضاء)

[فيه أمل!]

هاويها

الله يكفيني عيونه

واكيد دامك ماجربته وماحبيته بيكون هذا

رأيك...لان فيه ناس يجربونه ومايحبون استخدامه

ويقولون النوكيا اسهل...بس انا ساعدني

اني من برج العرب للآي ميت على طول...ماجربت اي

جهاز نوكياوي بكاميرا...يعني مادري كيف تستخدم هالنوعيه...

وجهازي يحليه انه له سطح مكتب وله قائمة ابدأ

يعني يذكرني بالكمبيوتر

هاويها

يعطيك العافيه على مرورك الطيب اخوي












فيه أمل!(ورده بيضاء)

[فيه أمل!]

شعوووله

يسلمووو يالغلا على مررورك الطيييب









فيه أمل!(ورده بيضاء)

[{سـاره}]

واااااااااااااااااااو

هذا الجهاز (حقك)اشتريته اول ما طلع .. ومستانسة يقالي فيه

بس فتحته وما قعد حوالي ساعتين الا واخوي ماخذه مني ومعطيني الفارس

عصبت بالبدايه بعدين قلت يالله .. يفدى رجوله خل يوسع صدره


يعطيك العافيه فيه امل