[الــ غلا ـــــروح]

آلسسَلآمَ عليّكمَ ورحممَه آلله وبركآتهَ ،

عندي مشكله بخصوص الخدمه



جهازي البلاك بيري اليوم اضطريت اغير شريحته موبايلي وركبت فيه شريحة سوا

بس لما اطلب الخدمه توصلني رساله نأسف لعدم تمكننا وكلم العميل بـ 902


اتمنى احد يفيدني....

[M a S h H o R]

اتصلي على 902 ومن ضمن الخيارات تفعيل الخدمه
اذا ماجاتك تفعيل الخدمه اضغطي الغاء الخدمه وبعد مايلغيها لك
ارجعي اتصلي عليهم وفعليها بنفس الطريقه باختيار رقم التفعيل الي يقوله لك



اما اذا الشريحه مافيها رصيد ماراح يفعلها لك
ف رجعي الشريحة الثانيه عشان تشتغل او اشحنيها ب 100

[الــ غلا ـــــروح]

الله يعافيك اخوي ,,

نفس المشكله بالاتصال يقول لايمكنني خدمتك
بالتفعيل وبالالغاء××

ورصيدي فيه اكثر من 100 مو مشكلته الرصيد

[M a S h H o R]

اجل شكلها شريحتك ماهي 3G
تأكدي من الشريحه نفسها

[اميرة الورد]

او ان الجهاز انتي جهاز عادي
ولا اشتريتيه من موبايلي !

بعض الاجهزة اذا كانت من موبايلي ماتركب الا على شريحه موبايلي

[الــ غلا ـــــروح]

لآ مو 3G

ممكن المشكله من كذا

بس سالت عنه قالوا عادي الجيل الثاني او الثالث ماتفرق

وجهازي ماشريته من موبايلي





























طلعت سوا ودخلت شريحة موبايلي جديده
ومو راضيه تشتغل بس ترسل لـ1100 لما اتصل يطلع لي خطا بالاتصال

مدري وش هالحظ مع الشرايح

مشكورين ويعطيكم العافيه

حسافه كل شريحه فيها 100 ريال راحت ع الفاضي
مافي الا لما اطلع بعد يومين للرياض اشوف لهم حل

[فيه أمل!]

الخدمه يآ جمآعآت مالهآ خص في جيل 3 او 2

،

غلآآآآآآآآآآآآآآآآآوي

يالله حي الزينه اخبآرك اخبآر اهلك وش مسوين

شوفي يالزينه

ورى ما تفرمتين الجهآز

اتوقع بعدهآ بتتشتغل ويآك الخدمه زي الحلآوه

او دقي عليهم وانشبي في حلق الموظف<السعودي لان فيه هنود تكرهين البلآك اذآ استلموك

ولا تخلينه الين تنحل مشكلتك

<نفعتك بقووووه


،

[الــ غلا ـــــروح]

ياهلا ومليوون غلا بالشيخه اموووووووووووول

الحمدلله انتي كيفك
واهلي بخير بس مثل مانتي عارفه اهلي بجهه وانا بجهه

والله تعبت منه الاتصالات من كثر ماتصل مايردون
ولاتهون موبايلي الي سحبت 350ريال من حسابي ع بالهم رصيد اضافي

بجرب اليوم اتصل واشوف

مشكووووره يالغلا ع هالطله القميييييييييله

[مساعد]

:

اذا كل الحلول ما نفعت مالك الا حل واحد
انك تآخذي شريحتك معك وتروحي اقرب مكتب اشتراكات وبحول الله ما تطلعي من عندهم الا والخدمة شغاله
اما اذا بتنتظري يردون عز الله بتبطين وانتي تنتظرين

اما موبايلي اذا ما يردون مالك الا تدقي من شريحة راقي اذا عندك احد من اقاربك مشترك فيها
لأنها ما يمديك تدقي الا و السماعه مرفوعه

..