|
أدوات الموضوع | انواع عرض الموضوع |
|
وكبرت أختي .. وعجزوا أبوي وأمي والحمد لله تخرجت أختي مع أني ماش ماأحس أني مصدقة لأن باقي أشوفها صغيرة .. وفي نفس الوقت ضاق صدري أنها بتكبر وبنصير ننافس بعض صدق أول معطينها وضعية الشفاف >>> يارب أنها ماتقرأ .. واللي مضيق صدري صدق الهدايا اللي جتها .. أنا وبنت عمي نطالع هدايها ثمن نناظر بعض .. كانت التجهيزات في وقت دراستي .. لأن وقت الأختبارات مايمدي نسوي شيء وأنا أقول ترى مالي دخل في شيء أهم شيء دراستي .. وطبعا خراط كل شيء رحت معهم فيه .. إلا مرة كنت نايمه وساحبه عليهم .. أول يوم رحنا للسويلم .. قلنا يمكن نلقى أشياء أو أفكار جديدة .. وللأسف مالقينا شيء مبتكر .. وطبعًا الطقاق يكون كثير .. لكثر أختلاف رأينا " أنا وأمي وبنت عمي " .. ياأنا وأمي نتفق .. وياأنا وبنت عمي نتفق .. ويا هم يتفقون علي .. بس الصدق التعااااون شيء جميل .. وكل وحده تعطي رأي الثانية عجبها ولا ماعجبها بس الأهم في النهاية نتفق .. في وقت أجازتي اللي قبل الاختبارات أشتغلت على الثيم حقها .. بعد الطباعة .. بس اللي تعبنا الأوراق الصغيرة اللي تكون على الملاعق أو الموية .. ماعرفنا محل يطبعها لنا زين .. يطبعونها لنا على ورق عادي .. ولا يطبعونها وتكون الخلفية سوداء .. مع أن التصميم كان بدون خلفية .. بس حاولنا في محل ثاني طبع لنا كذا ورقة لما نجحت على ورق مقوى .. وهو ماقصر تعاون معنا .. وكانت فيه فكرة عاجبتني .. غصب طيب إلا تكون في حفلة أختي .. أمي ماأهتمت فيها كثير .. وأنا أقول ترى إذا ماحطيتوها ترى مافي الحفلة شيء مميز >>> لازم احطمهم علشان احط اللي في رأسي .. شرينا أكياس بنية " حقت المطبق " .. الحجم الوسط لقيناه لكن الكبير طلبناه من مطعم ووفره لنا .. الأكياس علطول تنشق بمجرد أن أشتغل عليها .. حاولت أني ألين " أضغط عليه " ثمن أسوي الشكل اللي أبيه .. كانوا ثنتين من بنات عمي معي يقصون الأوراق لأني ماأعرف أقص .. صمغت الأوراق على الأكياس .. وحطيت السكر والملاعق والقهوة في وسطها .. وهذي حوستنا .. وفي نفس الوقت كنا نبي لوحة علشان البنات يكتبون عليها .. والحفلة اليوم الثاني .. ماعندنا أوراق ولاشيء يجمل اللوحة .. فجبت الورق وحطيته على شكل وردة وصمغته في طرف اللوحة .. وبنت عمي الأكياس البنية قصصتها وخلتها على شكل أوراق .. ونجحت فكرتنا الحمد لله .. وهذ غزل البنات صلحته قبل بيوم علشان ماأنضغط وحطيته في كيس .. بس خرب اليوم الثاني .. ربي عاقبني لأن أمي كانت تبي المظلات للايس كريم وانا أقول حقاتي لأحد يجيها .. وهذا الصوص حق الشبسات .. نوع واحد بس أغريناهم وحطينا عليه صبغ .. لاسألني أحد أي نوع أفضل .. أقول كلها واحد .. والشبسات حطيتها في نفس فكرة القهوة .. وتورطت الأكياس طلعت كبيرة مرة .. حطيت وسطها ورق علشان يرتفع الشبس فوق .. يوم جت الساعة 9 الصباح تقريبا رحت لغرفتي على أني بنوم .. وجتني بنت عمي قالت الطاولات جت .. وأقول في نفسي ماراح أنزل خليني أنوم علشان أقوم نشيطة .. لكن مادريت إلا وأنا عندهم .. وطلالي رجالنا .. صاحي حاسب الرجال .. وماشاء الله رتبوا الأغراض .. والبالونات جاء الظهر .. بس ماكنت معهم .. صحيت العصر .. وطلعت أجيب الكيكة والكوب كيك وحلا القهوة وورق العنب والملفوف .. ورجعت مامعي إلا الكوكب الكيك والحلا .. الباقي مابعد خلصوا .. وجت وحده من بنات عمي مبكر .. يوم دخلت المطبخ .. لاقيتها جالسه تتدهر الفرن حار والصحن في مكان وهي تحوس في أكلة .. سلمت عليها .. وعلى المغرب بدينا نضغط .. رحت لأمي قلت ماودك نقول أنا هونا .. عاد ماعندنا شغالة تساعدنا في الشغل .. بس طلبنا شغالة خالتي ونظفت البيت وألقي نظرة عليه .. ماش يبي له تنظيف من جديد .. وأجلس أكنس البيت من أول وجديد .. وبعدها جاء طلبيه ساندوتش جدا جدا جدا لذيذة اللي حاب يطلب منها يعلمني أعطيه رقمها .. " بنات " بس .. عاد قبل أقول لبنات عمي .. إذا صار أكلنا شوي والبنات كثيرين بالله لاتأكلون .. وفي نفس الوقت قلنا بيبقى أكل كثير .. لأن أوقات نظام الاتكيت يخلي الواحد يفطس جوع بس أنه مايخرب برستيجه .. وكنا مخططين ومرتبين إذا راحوا جبنا كل شيء وكلنا على راحتنا .. حتى وحده من الوثوق ماكلت شيء ابد ابد على أنه بيبقى أكل .. وللأسف ولاشــــــــيء بقى .. صرنا كأننا فيران نتطاق لو لقينا شيء .. مابقى إلا الحلويات والشبسات .. هنا جوا الضيوف وبدينا نصف الأكل .. هذا فلين غلفته بنت عمي بورق وحطت عليه البسكوت والفواكة .. وهذي الكيكة ماجت إلا بعد العشاء .. هنا الايس كريمات .. شرينا علب صغار ووديناها لسعد الدين .. قلنا شكل لنا وحطها لنا في هذي العلب .. ( لونها اصفر وأزرق ) .. والقوارير الصغار هذي شطة وكاتشب .. عبيتها قبل بيوم .. هنا حطينا المشروبات .. مع التوت وعصير الليمون وشيء ثالث مدري وش اسمه .. بعدها راحوا الضيوف وعلى الفجر .. جت جدتي وخالاتي الكبار وجلسوا إلى 5 ونص .. عاد بنات عمي صايرة ماأستحي معهم .. قلت كل وحده تنظف شيء .. جت وحده تقول تصلحين خالة .. وماقصروا كل وحده نظفت .. تقريبا نظفنا البيت مرتين .. لأننا أصلا حوسة .. صلحت لهم القهوة .. وأختي جمعت الهدايا وجلست تفك .. وأنا نضحك من تعليقات بنت عمي .. منقهرين .. ونتريق .. فيه هدايا جدا جدا جدا مميزة .. حتى أني صورتها .. أول هدية سلسال الماس من خالي .. السلسال حلو لكن اللي حلواه خالي .. ودي أتخرج بكره علشان أشوف وش بيجيب لي .. ولد خالتي حلاو غندور .. مع أنها بسيطة بس حابتها .. وزوجة عمي الكبير .. بعض الهدايا يكون حجمها كبير نتحمس وش بيكون فيها .. وآخر شيء يكون شيء عادي .. واللي مانعطيها أهمية تكون مميزة .. وصديقتي جايبه لها هدية قلت ترى إذا كبيرة عليك باخذها >>> نتفناها .. وهذي كل ابو ابو هدايها ولا قش عروس >>> لايهمكم غيرة غيرة .. |
|
|
السلام عليكم ورحمة الله وبركاته
ما شاء الله ألف مبرووووووووووك التخرج لأختك وعقبال طلال .. ماشاء الله حفل حلووووووووووو ومرتب ربى يديم أفراحكم ... |
|
|
:
حيـآك الله .. شخبارك عقب الهدايا تسخنتي نفسسي ؟! .. والله ماقصرتو حفل مميز جدا جدا .. وترتيب وحركـاات بس الهدايـا الي جلطتني يعني صدق ؟ لو السرقه حلال كان في نصف الحفل قاشه نصهم بس اكثر شىء اضحكني حماسنا للهدايا الكبار تجيك وش كبرها وتغريك حجمها وفخامتها يالله نشليها واذا فتحتيها تلقين كلها قش وبعدين صندوق صغير مره مره وعطر هنا صدق قلت معاد تهمني المظاهر .. اما الي معطينها اقل من حجمها وتغليفها عادي تلقين كاميره ولا ذهب .. بس اهم شىء مو بالقيمه ع حسب قدر الي مهديك < وش عقبه؟ عقب التنتيف واكثر اضحكني انها تفك وكنا ماقد شفنا شىء نصارخ ونفتح فوامتنا .. منصدمين .. والحمدلله تمت الحفله على خير ووعقبال م افرح فيها بالجامعه وترى قلت لابوي وش حطيتو .. امهد له لبعدين وانصدم من الحط ماشاءالله متوقع حفل بسيط وعادي جدا .. مادرى ان فيها علوووووووم وحركااااات وقالي ابشري بـ البوفيه < اشهههدي .. وعلى اخر شىء ترااااااني تعبت كله من اختك وهداياها امرضتني !! رااايح صوتي وخشمي رايح فيها وزكااام وعيوني تدمع وعلى هالتعب حسيتني مسويه شىء عظيم!!! , مع انه تقريبـا ماتكلفت زيكم عادي مررره ... ناكل وننظف نتقهوا ونظف ..يمكن راح كل الوقت فرم لاإله الا الله لا وبعد ترى مانمت زيكم سحبتو علي جلست مع امك من الظهر تقريبا الى العصر ويوم جت الساعه اربع ونص رحت للمجلس اتفرج ع هالي نايمين صحصحوا ونمت المغرب وقمتو انتو .. .. |
|
آخر تعديل بواسطة تمنيت لقياك ، 06-10-2013 الساعة 03:05 PM
متفاىله : هيّ عصآإفيرٌ المغيبٌ .. موقنه بأن صبأإح آلغد آجمّل |
|
:
ماشاء الله تبارك الرحمن اول شي الف الف الف الف مبروك تخرج اختك والله يوفقها في حياتها العلميه و العمليه وقولي لها الآن بدأ المشوار اللي راح كله مجرد تسخين عسى ربي يكتب لها اللي فيه الخير , وماشاء الله عليكم حفل مرتب ومتعوب عليه والثيم جميل جداً وتوزيعه رائع عسى ربي يعطيك الف عافيه وعقبال ما نشوف حفل تخرجك وتخرج كل تلاميذ الروح باركي لأختك بالنيابه عنا وعن منتديات الروح .. |
|
|
موجة حزن .. وعليكم السلام ورحمة الله وبركاته الله يبارك في حياتك .. اللهم آميــن .. طلال أتوقع بحط حفلته في السماء من الفرح .. ويديم ربي عليك السعادة .. ... تمنيت لقياك .. إلى اليوم ماتشافيت .. جالسه ترتبها في الغرفة .. وصادقة قيمة الهدية بقيمة الشخص نفسه .. مع أن مالي دخل .. فيه هدايا فرحة بأصحابها وفيه هدايا قيمة بس أصحابها عادي ومافرحت كثير فيها >>> لقافة مشاعر .. وشوفي ترى تعبنا مو تعب جسدي تعب نفسي علشان الهدايا والله قبل أقول ترى لاتحطين في بالك أن بيجيك هدايا .. مير جاها وأنشلخت قلوبنا شلخ .. والنوم والله رقيت أنا وماأدري وش صار على الباقي .. بس يبقى يوم ممتع وماراح يتكرر .. وعقبال ماتتخرجين أنتي وخواتك .. |
|
|
ماشاء الله تبارك الرحمن
ع البركة تخرج اختك .. الله يوفقها ويكتب لنا ولها الخير خليها تكبر وتساعدك على شغل البيت ماشاء الله حفلة متعوب عليها وشغل عدل الله يعطيكم العافية |
|
|
|
ماشاء الله تبارك الرحمن ويش هالزين كله روعة بكل معنى الكلمة
الف مبروك لعهوووووده وعقبال الجامعة طيب مالي كم هدية على الطاير ماشاء الله حفل عدل مدل مرتب والفال لك فستااااااااااااان |
|
|
الف الف مبررروك
حبيت الثيم جداا والجرايد حركه جميله اضفت لمسه جميله عقبال ماتجيك هدايا اكثر |
|
|
يااااااااااااااااااااااااااي محلى الاشياء
يعطيكم العافيه حبيبتي فستان بعد هالشغل لازمكم اسبوع نقاهه..هع حفلتكم بتجنــــــــــــــــــــــــــــــــــــــــــــــ ــــن... والف الف مبااااااااااااااارك للخريجه ربي يبعتلها الحظ الحلو... اهم شي تكونوا نتّفتوها واخدتو اشي من الهدايا |
|
.................................................. ............................................
|
|
ماشاء الله تبآرك الرحمن
شغل مرتتتتتب ومتعوب عليه ماشاء الله تسلم يمينكم بجد ابدعتو الله يحفظكم حض 1 أهم شي الهدآيااا واحلى مافي التخرج الهدايا واساليني انا وعقبآآالك يآرب ياحي ياقيوم ونفرح فيك |
|
.
لن يبقى كُل شَيء على حآلِه .. حتى "( الشَمسْ ) سَـ تكسِر الرُوتين يَوماً مآ .. |
|
حلوووووووووووووووووووووو
|
|
|
ماشاء الله حفلة جداً مميزة
والله استفدت أفكار كثير منها !! أشياء بسيطة لكن تعطي منظر جميل ألف مبروك على تخرج أختك وإن شاء الله ربي يوفقها بباقي مشوارها الهدايا شكلها مغري بصراحة يمكن جلست أسبوع تشوفهمً" ماشاء الله " |
|
|
بالتوافيق ان شاء الله
|
|
|
ماشاء الله تبارك الله
افكارك تجننن فستآن وآنيقه بعد الله يوفق اختك يارب ويسهل امورها وعقبال تخرجك من الجامعة يعطيك العافية يارب |
|
|
الكلمات الدليلية |
......... |
يتصفح الموضوع حالياً : 1 (0 عضو و 1 ضيف) | |
*غـــــــزل*, مشاعل**, مساعد, منتدى الو, موجة حزن, تاركة أثر, Green Paper, storyeg, هدهود, إكليل الروح |
أدوات الموضوع | |
انواع عرض الموضوع | |
أدوات / ملاحظات | |||
|
|