[هدهود]

السلام عليكم ورحمة الله وبركاته

كل مافي الموضوع اني سويت تقرير لجامعة باللغة انجليزية على الورد
وحفظته في الفلاش لما فتحته بالشغل طلع لي بلغه غير مفهومة
حاولت كذا مرة ماقاعد يفتح يطلع للغه غريبة ومربعات ..

بس ابي اعرف اشلون اعلاج النص ويصير ارجعه مثل ماكان من الورد ولا كيف

انا الحمدالله حصلت التقرير محفوظ بجهازي

بس ابي اعرف اذا صادني نفس الموقف الانه بغيت اموت تاعبه عليه وبالاخير يخترب

والورد الي عندي 2003 اكس بي حتى الي في الشغل نفس الشي

قلت يمكن من الجهاز غيرت الجهاز فتحت مواضيع غير تفتح بس التقرير لا


وسلامتكم

[زمن]

هـدهود


وعليكم السلام ورحمة الله وبركاته


تأكدي أن الخطوط اللي بجهازك نفسها موجوده في جهاز العمل .

وتقدرين تصلحين الملف عن طريق خيارات الووورد من ادوات واختاري خيارات التصحيح التلقائي


تحياتــــي

[هدهود]

مشكور اخوي زمن

يمكن صح الخطوط مو نفس الشي

يعطيك العافية

[فيه أمل!]

ويمكن الفلآش تعبآن!!

اي والله دايم تصادفني حالات زي كذا

<يا شين اللي تسوي نفسها فآهمه

،

[هدهود]

لا الفلاش مو تعبان شغال لا تطقينه بعين خخخخ

بس التقرير مخرف شوي والحمدالله محفوظ بالجهاز طلع والله تعبت عليه فوق اسبوعبن وانا اعدله شوي واصيح لو ماشفته

[زمن]

هدهود

الله يعافيك تحصل دائماً بإختلاف الخطوط من جهاز لجهاز .

وممكن مثل ماقالت اختي فيه امل ترى يجي منها

الفلاش او الهاردسك الخارجي مع كثرة فصله من الجهاز بدون الإزالة الآمنه تتلف السيكتورات الموجوده في الفلاش او في الهاردسك وممكن تتفاجئين انك فقدتي مجلدات كثيرة او ملفات وسبق وصارت معي من زمان وضاع علي اكثر من ثلاث مجلدات مليانه برامج .


تحياتــي