عرض مشاركة واحدة
روحاني متمرس
الصورة الرمزية حلاها مبتليها
  • الــمـســتـوى:
    المستوى: 31المستوى: 31المستوى: 31
    31
  • رقم العـضـويـة:12431
  • تاريخ التسجيل:Nov 2006
  • الـــنـــــقـــــاط:2,644
  • الـســـمـــعــة:حلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهدحلاها مبتليها روحاني مجتهد
  • الــتــفـــاعـــل:
    النشاط: 0%النشاط: 0%النشاط: 0%
    0%
  • الـمــشــاركات:4,041
افتراضي رحلتي الى ماليزيا .. آسيا الحقيقيه .. الجزء الاول ( كوالالمبور)
( 05-13-2009, 09:53 PM ) #1
السلام عليكم ورحمة الله

التوقيت : 9 مساء
يوم : الثلاثاء 21 ابريل 2009

اقلعنا من مطار الرياض الى مطار دبي
مطار غاااية بالروعة مقارنة مع مطارنا الموقر الاشهب وكذلك ارووع من مطار ماليزيا مع ان مطار ماليزيا ايضا رااائع جدا ولا يمكن مقارنته مع مطارنا الدولي وحطو تحت الدولي 70 الف خط

وصلنا تقريبا الساعه 10 ونص او 11
وطيارتنا لماليزيا الساعه 3 بتوقيت دبي يعني 2 بتوقيتنا صباحاً ..
اخذنا لفة بالسوق الحرة نقضي وقتنا الطوويل






مطار ماليزيا
وصلنا بعد رحلة مدتها 6 ساعات وربع
الساعه 1 الظهر
طبعا ماصورت كثيير لاننا كنا مستعجلين من كثر الارهاق والتعب





تعرضنا لمضايقات من بعض الاشخاص في المطار مدري وش تسمونهم < ماتعرف تعبر
ابلشونا الا يوصلونا للعاصمة
طبعا استغلاليين قالو بنوصلكم ب 250 رنجيت مايعادل 300 سعودي
قلنا ليه بترجعونا السعوديه ترا كلها 70 كيلو
ومن هنا ومن هنا لين اخذنا تاكسي ب90 رنجت حوالي 100 سعودي
بعدين عرفنا ان فيه بدروم تحت باص يودي للعاصمه يمكن 15 رنجت اذا ارتفع سعرهـ
بس ماكنا نعرف
ومصممين يحجزون فندقنا من المطار مع اننا كنا حريصين مانطيح بهالمقالب بس عاد ربي كتب هالشي
ورضخنا لهم لانهم بصراحة نشبو بحلوقنا وحجزوا لنا بفندق اسمه راديوس للاسف ماصورته نسييييت
تقريبا هو 3 نجووم بس حلووو جدا نظافه حلوة واهتمام وافطار على كيف كيفك وغيره من المميزات للعلم سعرهـ 230 رنجت ماليزي لليله يعني يا بلاش

وسيده على العاصمة كوالالمبور
على فندق راديوس



هذي اطلالة غرفتنا من الفندق








المهم نزلنا عفوشنا وبدلنا وطلعنا نتغدا في برج كوالا يسمونها المنارة



قصينا تذاكر تشمل برج المشاهده + حديقة الحيوان + ركوب الخيل + مدينة الثلج

طبعا استخدمنا برج المشاهده وحديقة الحيوان لان ركوب الخيل مايستهوينا ومدينة الثلج تصلح للي معه اطفال كبار شووي

طلعنا برج المشاهده



وهذي صور من برج المشاهده للعاصمه كوالا







لقيت لكم صورة لفندقنا من خلال البرج
شوفوهـ ذاااك اللي فيه حوض سباحة فوووووق
شفتووهـ؟



بعدين نزلنا لحديقة الحيوان تراها مو كبيره صغيره بس فيها ثعابين وطيور وزواحف وبرمائيات وقرود وارانب < وش بقى !

ذي مدري وش اسمها !





ابو جنيب مدري ام جنيب يقول بعلي انها معروفه عندنا يالسعوديين
كاتبين عليها انها ماخوذه من الصحاري قلت ايه قصدهم سعوديا عريبيا
ترا زوجي مصورها بطريقه احترافيه باستخدام الماكرو لايفوتكم



ضفدع وعوووهـ بس من شكله



بعدين طلعنا للتوين تاور او بتروناس
وبالعربي البرجين التوأم
اطول ناطحات سحاب على مستوى العالم



رحنا للسنتر حقه اسمه klcc
اختصار لـ كوالا لمبور ستي سنتر
سنتر عجيب وفخم
عندهم اشياء عجيبه وخاصه كشكاتهم شي جنان







واللي يبي يرووق يطلع برا من ورا السنتر نافورة عليها حركات خبااااال تستهبل
اللي يبي يجلس ويتفرج ويشم هواء






اليوم الثاني

طلعنا لشارع العرب اسمه عندهم بوكيت بنتانج او عرب ستريت بس الاول معروف اكثر
شارع حلو وعجقه على قولت اخواانا اللبنانيين
فيه حركات غريبه واستعراضيه يعني واحد معاه ثعبان واللي يبي يصور يجي حياه الله
والثاني يرسم عالحجر واللي يرسم اشكال تضحك بطريقه كاريكاتوريه
ومحلات تبيع اشياء غريبه ومطاعم عربيه ومولات صغيره بس حلوة





اخر المشوار رحنا سوينا مساااج رجووول
شي ماينتفوت عندهم

هذي هي اللي سوت لي اللي عاليمين وطلعت ماتسمع ولاتتكلم وانا راح وقتي وانا اشرح وين رجولي توجعني معه
الله يشفيها قولوا امين



عندهم مساج سمك
حط رجولك والسمك ياكل الجلد الميت
بس صراحة ماجازفنا ننوكل وحنا احياء !!



وهذا محلهم من برا



ياكثر محلات المساج عندهم
زي مطاعم الشاورما عندنا

اليوم الثالث توجهنا الى جزيرة ( بيننـــج )
انتظروني في الجزء القادم .. رحلتي الى ماليزيا ( جزيرة بيننج ) ..



اختكم/ ام عبدالعزيز
آخر تعديل بواسطة حلاها مبتليها ، 05-14-2009 الساعة 12:13 AM