[abdulmoHsen ..~]

هههههههههههههههههههههههههههههههههههههههههههههههههه هههههه

مدرري ليش احس بيوم من الايام ابنجلد انا وخشتي ههههههههههههههههههههههههه

تراي منقهر انا

اييه اييه منقهر وش بكم تنحتوا

السسسلام علييكم وررحمة الله وبرركاته

اييه والله اني منقهر ومندبلتن تسبدي بعد :@

معليش ابقولكم سالفه همن ابحط الصور <~ عوايدك يا خالي ههههههههههههههههه

وشش إسسمه انا اللي قاهرن يا حبي لكم .. هالأبهات اللي يودون عيالهم لحديقة الحيوانات إذا صارت عند مرته عزيمه وولا تبي ازعاج

يجي اخينا بالله .. ويقاله هو اللي لاعبن على العالم كلهم

يجي يشوف التذكره بخمس طعش .. والاطفال ببلاش .. يقعد يتلاجج هو وراعي التذاكر ويقوله ان ولده صغير وتوه ما درس ومدري كيف عشان يدخل ببلاش

واول ما يدخل يروح ويزهم على مرته من الوناسه ويقول تراي لعبت عليهم .. ومرته مهوب فاضيتن له رافعتن كمومه وماسكتن الجوال بكتفه وما غير تعجن .. وتبداء تطاير برجله اييه هذا انت من عرفتك ما ينلعب عليك ( اصبري شوي ونشوف من اللي لاعب على الثاني )

طبعنا هذا هو وولده جايين من عقب صلاة العصر .. قاعد يقول الاذكار اللي بعد الصلاة عند شباك التذاكر

ويدخل هو وولده ومنبسسسطين اخر شي .. الابو ماخذ مقلب بحدايق الحيوانات اللي عندنا ويروح على طول لم الكشك حق المشروبات

ويشري ببسيين بسته ريال له هو وولده .. ويشري فيشار بخمسه .. ويجي ولده ويأشر على العسكريم عشان يجيبه له .. وطلع العسكريم باربعه .. وقبل يحركون من الكشك يجي الابو ويشري علبتين مويه بريالين

طلع الحساب ( 17 ريال )

وهمن تبداء جولتهم الجميله

" شششطحه "

الحين ليش السعوديين من اول ما يدخلون حديقة الحيوان يروحون لم القرود اول شي .. !؟


الموهم نرجع لخوينا الذهين هو وولده .. يروحون لم القرود ويتفرجون عليهم والولد منبسسسط اخر شي

ويبداء البزر يجدع فيشار على هالقرود ومنبسسط .. ولا بعد يقاله بيقهرهم ويحلتهن بعيد عن الشبك عشان ما يخذونهن

يوم خلص الفيشار وولا فيه شي يسوونه .. القرود راحوا لم ناس ثانين .. ويجي خوينا هو وولده ويتحركون ويروحون لم الاسد

وهو بالطريق يبداء يعلم ولده عن الاسد ووش يسوي ووش ما يسوي وانه ملك الغابه

ويوم وصلوا لمه ويشوفونه منسدح ويهش ذبان .. وحتى الزئره نسى وشلون يطلعه من قوة الإحباط اللي شافه هالاسد

ويتحركون ويروحون لم الغزلان .. اللي غاديات تقل غنم .. بس اللهم شكلهن من براء يوحي انهن غزلان .. عشان قرونهن مدري وشلون قايلات

وهمن يروحون لم الغوريلا .. ويتفرج عليهن البزر وهن ميتات تحت الششمس وولا لهن خلق يتحركن .. ويجي ويحلت عليهن قارورة المويه

وينهبل البزر لامن شاف الغوريلا يشرب الماء .. يجي ويحلت عليه قارورة ابوه .. ويشربه

وللحين منهبل البزر .. ويجي ويحلت علي الببسي .. لان البزر توه يحس ان الببسي مضر .. وقال اعطيه الغوريلا اصررف

ويلحقه ببسي ابوه .. ويجي يطلع العسكريم ويقاله مايع ويحلت الاثنين مع بعض

وخلاص ياكلهن الغوريلا ويشبع همن يروح ينسدح مره ثانيه .. وربعنا يتحركون .. وخلاص ما بقى شي .. إلى الفهد ويوم راحوا لمه ما لقوه .. اثرهم مطلعينه يتعالج .. وهمن يبداء يناظر صورته باللوحه

ويروح لم الديبان وكلهن داخلات بجحورهن وبررضوه يناظر صورهن .. بالحلقه الاخيره يوم فكروا يطلعون من الحديقه .. سمعوا البوري حق القيطار .. والبزر ابلش ابوه عشان يركبونه وراحوا يركبونه وكل واحد بخمسه ( طيب البزر تو داخل ببلاش ليش الحين بتاخذ عليه خمسه .. !؟ )

الزبده ركبوا القيطار وراحوا لنفس الاماكن اللي راحوا لهن قبل شوي .. بس ما فيه وقت يحلتون مويه وبباسي على الغوريلا والقرود

واخر شي قبل يطلعون .. يرجعون لنفس الكشك .. ويشرون نفس الاشياء اللي " شروهن للغوريلا "

وطلع حسابهم سبع طعش ريال

سبع طعش وسبع طعش مع العشره حقت ركوبهم للقيطار صار حسابهم 44 ريال

وما زال الابو مصمم انه لاعب على حق التذاكر ومدخل ولده ببلاش

عاد انتهت هالسالفه ..

نبداء بسالفتي انا هههههههههههههههههههه

امس يا حبي لكم جاء لرياض ولد خالة وواحد من اخوياي ومسكت معه يروح لم حديقة الحيوانات

وقلنا يالله والله ما نرردك .. ومششينا ثلاثتنا لهالحديقه .. وصورة لكم كذا صوره .. بس فيه كم صوره مهوب ذاك الوضوح بسبت الشبك اللي حاطينه

اخلييكم مع الصصصور انتم ووجيهكم :P

..
..






































شكلهن ما صدقن ان فيه حديقة حيوانات مسوره .. لان بكل شارع عندنا انواع الحيوانات ههههههههههههههههههههههههه







قسسسم بالله صاير تقل بسّ على هالحكحكه .. احسه نسى انه بحديقة حيوانات .. يحسبه مسجون بس ليش مسجون الله اعلم :S







هذي خوية سيمبا ههههههههههههههههههههههههههههههههه







مهوووب محبط اببببببببببببببببببببد













وبسسسسسسسسسس

وش إسسمه .. اسسف اسسف اسسف جدددداً على الإطاله قسسم بالله

وأتممممنى الصور جازت لكم