-
أنـــــاااااا تخررررررررررررررجت 
.
.
.
السلام عليكم ورحمة الله وبركاته
صَبـآح الفرحِ وَ الرضـا
يــااه زمـآن عن هالحته ..
والنـآس الطيبه
كيف حـالكم جميعاً .. يـآ رب بأتم صحة وعافية
وسعادة (":
مممم .. أنـا تخرجت *
هههه مو مصدقه*
كانت أيـام التدريب الميداني .. أجمل أيـام عمري والله :"
بنـاتي اللي درستهم ..
صديقـاتي .. أجواء المعهد .. كلها أشيـآء سعيدة يـا رب يـا رب
تنعاد على خير :"""""(
فصلي كـان فيه 7 بنوتات .. أعمارهم الزمنيه بين 8 و 7 سنوات .. وأعمارهم العقليه بين 4 و 3 سنوات
والأجممل أنهم ينادوني مـامـا
وإذا جيت الصبـآح المعهد .. بناتي من يشوفوني ركـض
ويضمووني
حتى بنوتات المتوسط والثانوي .. يغارون إذا بناتي ضموني .. ويجون يسلمون علي ويضموني ههههه $:
هالفئة فيه حنـان وبراءة بشكل محد يتصوره
جد تدريسهم
متعب متعب متعب بشكل يخليني يالله أسحب النفس .. بس ممتع بشكل أكبر
شهد ونومهـا بنص الحصة .. والشخير اللي يقطع شرحي .. اضطر أني أقوم أسحبها للحمام وهي تصيح تبغى تنام
لولو وحركتها الزايده .. بشكل يخليني أشرح كلمتين .. وأقطع كلامي .. بس يالولو مكانكِ يالولو .. إنتبهي يـا لولو
سـارونه حبيبة روحي .. وهدوئها الفضيع وخجلها .. اللي أروح لمكانها وأمسكها مع يدها ع شان تطلع لسبورة .. وأرجع أرجعها مكانها
رحمة وعنـادهـآ .. *
طبعاً رحمة ما تتكلم بس تطلع أصوات مو مفهومه* هالبنت عنيده بشكل ودايم تناظر لي بنص عين
.. وإذا زعلت .. طلعت من الحصة ولا كأني واقفه اشرح .. أجلس اركض وراها بالساحة وهي متقطعه ضحك تحسبني ألعب معها
أقدار وسيسبان .. هاديات بشكل .. وشطورات
وألهـام .. دافورة الفصل .. أسم ربي عليهـا
بنـاتي .. يــا حبي لهم .. فقدتهم كثيرررر والله
ممممم .. بعدهآ بداء التقييم النهائي .. وأجواء البنات بلشانات يفكرون بوسائل وأفكـار .. والمعهد على رجل ونص :"""""
حصتي كـانت يوم الأثنين .. مرت الحصة على
سـلام .. وبناتي تفاعلوا معي الحمدلله ..
مع أن شهد كـانت بتنام أول الحصة .. وجلست تغفى .. وأنا تطير عيوني
: لا تكفين يـا شهد مو اليوم تنامين قدام الدكتورة
وهي مغمضة عيونها وتضحك الضحكة الشريرة
.. قالت الدكتورة : كل شي تمام ... شرحك ممتاز ما شاء الله .. بس ..... !
:
بس إيش يـا دكتورة 
؟
: بس صياغة الهدف العام عندك خطـأ !
:
خطــــأ !!!!!! .. لا تقولين يا دكتورة والله أنا اللي كل حصص البنات النموذجيات كتبت لهم الأهداف وقلتي صح .. اللحين كتبت الهدف لنفسي خطــأ ؟!
إجتمعت الدموع بعيوني .. ودخلوا صديقاتي .. وش فيه ميش ؟
قلت بصوت متقطع :
تقول الهدف خطــأ !!! .. ونزلت دموعي 
*
كل مـا اتذكر هالموقف أضحك على نفسي ههههههههه *
طبعاً الهدف اللي سويت عليه حفله .. عليه درجة وحدة بس !
وصديقاتي ما قصروا .. تكفين يـا دكتورة خوذي من درجاتنا وأعطيها والله هي دايم اللي تساعدنا بالأهداف وشلون أخطت أكيد عين و و و و و و *
ههههههههههه *
بعدهـآ .. بدا تجهيز ملف الأنجاز .. طبعاً الملف فيه كل شغلنا خلال 3 شهور
" خطة فردية / تعديل سلوك / تدريس جماعي / أنشطة .... ألخ "
وسلمته الحمدلله .. وطلع تمام .. مافيه ولا خطـأ يـآ رب لك الحمد
~
وهذي نتيجتي هالترم .. الحمدلله حمداً طيباً مباركاً
..
.
.
.
وحشوني البنات ..
فيه أمل .. عذبة الروح .. هدهود .. موجة حزن .. تاركة أثر .. فُستان .. تبعثر .. غزل .. جود .. سمر
آتمنى من كل قلبي .. إنهم يكونون بخير وصحة وسعادة وراحة
وكل مكان بهالمنتدى
الله يجمعنـا بأعالي جناته يــا رب