المساعد الشخصي الرقمي

مشاهدة النسخة كاملة : [. رحلة في ربوع بلادي .]


مساعد
11-29-2011, 10:13 AM
:

السلام عليكم ورحمة الله وبركاته

الله يسعد ايامكم ب الخير و المسرات احبائي اعضاء منتديات الروح الكرام
اليوم اقدم لكم نبذة مختصره من رحلتي الأخيرة في ربوع بلادي ومن اكثر من منطقة , واعتذر لأن الصور ماكانت بذاك الجودة لأنها صور تم وضعها ك تقرير وان شاء الله الصور الأفضل و اللي نقدر نقول عنها ( احترافية ) بتكون مستقلة العرض

الرحلة شملت ( حائل - تبوك - الديسة - ضباء - حقل - دومة الجندل - سكاكا - عرعر - جده - الخبر - الجبيل )
وحاولت اصور من كل منطقة كم صورة وبسم الله نبدأ

مدينة حائل معروفه ب الاماكن الجميله لكن للأسف الوقت ما اسعفنا لأنا وصلناها ب الليل ونمنا في ( بودل ) و الصباح تحركنا وعلى طريقنا شفنا المسجد هذا واعجبني تصميمه وصورته و المسجد اعتقد مازال طور الانشاء لأني اشوف فيه عماله كثير . لكن بجد المسجد رائع
http://www.alrooo7.net/vb/images/uploads/2_228504ed4762728314.jpg
وكمان صورنا المسجد هذا
http://www.alrooo7.net/vb/images/uploads/2_261294ed47fa02c42c.jpg
بعد ذلك كانت الوجهه مدينة تبوك و لأني انا اللي اسوق للأسف ما التقطنا صور تستحق النشر و العرض و المدينة نفسها مافيها شي يستحق التصوير سوى هذا المسجد او تقدروا تقولوا انا مابحثت كثيراً عن اماكن لأني اجهل المدينة
http://www.alrooo7.net/vb/images/uploads/2_228504ed476272e491.jpg

وللأمانه يكفيني فخراً اني قابلت اخوي الرائع و المميز ( السندباد ) و اعتذر منه لأني لم انسق معه , وللأسف وافق وصولي سفره لكن الحمد لله لحقت عليه على آخر لحظه وشوفته وشوفة اخوانه تكفيني .. وبحول الله لي رحلة خاصة له وبتكون افضل من هذي
http://www.alrooo7.net/vb/images/uploads/2_230184ed4767f38e82.jpg

اخوي السندباد ما قصر سوى لنا برنامج مختصر وجميل ومشينا عليه وكان بحمد الله برنامج موفق
من تبوك طلعنا الى محافظة ضباء , و ضباء محافظة صغيره وهادية تتميز بشواطيء جميله وهاديه وقليلة الازدحام وهذا اللي يميزها لكن عيبها السكن نادر للعزاب يعني لازم تدوخ على شان تلاقي سكن ..:.

وهذي صورتين من محافظة ضباء , وطبعاً فيه صور جميله سيتم عرضها لاحقاً
http://www.alrooo7.net/vb/images/uploads/2_230184ed4767f39268.jpg http://www.alrooo7.net/vb/images/uploads/2_259294ed47e7b86afe.jpg

اذا جيت المنطقة هذي لابد من زيارة وادي الديسة و للأمانه وادي اقل ما يقال عنه رائع , انا شفته قبل عامين في برنامج على قناة الصحراء يقدمه المتميز ابن سبيل وكان البرنامح بعنوان ( الطرقي )
لكن المنطقة تحتاج الى امرين مهمين الأول قارمن لأن طريقها ومفرقها داخل جبال و اللي ما يعرف المنطقة بيضيع وهذي الإحداثيات الخاصة فيها
قرية الديسة
N27.36.364
E36.25.900
وادى الديسة
N27.38.123
E36.32.263
الشي الثاني تحتاج الى سيارة دفع رباعي لأنه وبكل اسف سيارتنا ما ساعدتنا للوصل الى لبداية الوادي , وفيه نقطة مهمه حاول تجيه في وقت مناسب يعني خميس وجمعه لا تروح لأنها بتكون زحمه

http://www.alrooo7.net/vb/images/uploads/2_232174ed476a42c9d1.jpg http://www.alrooo7.net/vb/images/uploads/2_232174ed476a42d1a2.jpg
http://www.alrooo7.net/vb/images/uploads/2_258054ed47e4b88669.jpg http://www.alrooo7.net/vb/images/uploads/2_258054ed47e4b8a57e.jpg

للأسف صور الديسه ما كانت ب الشكل المطلوب لأن العدسة كان فيها مشكلة وسببت اهتزاز اثر على الصور بشكل كبير . وحتى في جده نرفزتني كثير ولأن العدسة رفعت ضغطي تخلصت منها اول ما جيت الرياض واقتنيت عدسة ان شاء الله تعوضني في قادم الايام

جلسنا في ضباء ليلتين وبعدها قررنا نروح لشرما و حقل . لكن المقرود مقرود ..:. واحنا في الطريق قلب الجو وصار كتام على شان كذا ما وقفنا في شرما مشينا على طول لحقل .. وسمعنا عن سفينه غرقانه

وحسب الاقاويل انها غرقانه قبل 25 سنه ويقال انها سفينه يونانيه , وماني متأكد من المعلومه لكن هذا اللي سمعته
http://www.alrooo7.net/vb/images/uploads/2_259294ed47e7b872cc.jpg http://www.alrooo7.net/vb/images/uploads/2_257554ed47ea3afcfb.jpg

وهذي احداثيات السفينة
N28.52.622
E34.49.943
طبعاً اول ما تدخل حقل تطلع يسار وتمشي تقريباً 50 ك
شرينا بخاخ وكتنبا منتديات الروح ..:..

( اكذب تراها فوتوشوب ) بس بجد حقين البخاخات يقهرون حتى في روس الجبال تلاقيهم كاتبين ):
http://www.alrooo7.net/vb/images/uploads/2_264254ed4800681d9c.jpg

دخلنا حقل نفسها و مالقينا شي يستاهل ولا صورت فيها الا صورة وحده بيتم عرضها وقت ثاني ان شاء الله
وعلى فكره وانا في حقل شبك جوالي على الاتصالات المصريه وجتني رسالة من موبايلي يتمنون لي رحلة سعيده في مصر ..:. لأن حقل قريبه من مصر

المهم طلعنا من حقل و اتجهنا الى تبوك رحنا مع طريق ثاني اسهل مه انه مسار واحد بس اهون من الأول و اللي يروع جبال وحاله :D
بس للأسف الجو غبر وهذي الصورة من الطريق
http://www.alrooo7.net/vb/images/uploads/2_261324ed47fb75cfa9.jpg

نمنا في تبوك و اليوم الثاني دقينا سلف ورحنا للجوف وكانت وجهتنا ل دومة الجندل
وبجد محافظة صغيره لكن رائعه و اهلها طيبين ومتعاونين ويشجعون على السياحة و اذا عرفوا انك غريب عن المنطقة ساعدوك سوى على إجاد السكن او على التعريف ب المنطقة و دومة الجندل مدينة اثريه فيها القلعه الشهيره ( مارد ) و اللي صار فيها معركة الدومة بين المسلمين و اليهود وسميت دومة الجندل نسبة لحجر الجندل

http://www.alrooo7.net/vb/images/uploads/2_257554ed47ea3b00e0.jpg http://www.alrooo7.net/vb/images/uploads/2_259884ed47eb82d9f5.jpg
مسجد عمر بن الخطاب من أهم المعالم الأثرية امر ببناءة خليفة المؤمنين عمر بن الخطاب وبقي على ماهو عليه الى وقتنا الحالي في رمضان الماضي إقيمة فيه صلاة التراويح و القيام و بالفعل المسجد رائع و مميز وهذي صورتين وحده ب النهار و الثانية ب الليل

وهذي قلة مارد
http://www.alrooo7.net/vb/images/uploads/2_258984ed47eea4e892.jpg http://www.alrooo7.net/vb/images/uploads/2_258984ed47eea4e0c3.jpg
وهذي الصورة من أعلى القلعة
http://www.alrooo7.net/vb/images/uploads/2_259884ed47eb82d229.jpg

عندهم بحيره حلوه وماشاء الله كبيره وتكونت من السيول , لكن تحتاج الى عناية اكثر خاصة من ناحية النظافة و اتوقع لو اهتموا فيها اكثر بتطلع مميزة ورائعه
http://www.alrooo7.net/vb/images/uploads/2_258984ed47f0561e4f.jpg http://www.alrooo7.net/vb/images/uploads/2_261294ed47fa02bc5c.jpg

عاد و احنا طالعين من دومة الجندل لقينا ذا الكوخ في الطريق وسفطنا عنده وتقهوينا قهوة حجريه :D
http://www.alrooo7.net/vb/images/uploads/2_258984ed47f0566c7a.jpg

هههههههه الجد عاد اكذب هذي مجسم من منتحف عندهم وماشاء الله عليهم فاتحين متاحفهم ومن دخلنا وهم يرحبون ويهلون فينا عسى ربي يجزاهم الف خير
http://www.alrooo7.net/vb/images/uploads/2_261464ed47f3f0921b.jpg
مو مثل اهل جده متحف ولازم تذاكر وممنوع التصوير ع5

طلعنا من دومة الجندل و اتجهنا الى سكاكا و الأخت الحزن الأنيق ذكرت لي قلعة اسمها زعبل وبحثنا عنها وفعلاً قلعه حلوه وموقعها مميز
http://www.alrooo7.net/vb/images/uploads/2_261214ed47f85d07c2.jpg http://www.alrooo7.net/vb/images/uploads/2_264254ed48006815d2.jpg
http://www.alrooo7.net/vb/images/uploads/2_261214ed47f85d0f9b.jpg

بس على كبرها و ارتفاعها مافيها الا غرفتين ..:.
ما طولنا في سكاكا بس رحنا السوق وشرينا زيت زيتون و زيتون :D

ثم اتجهنا الى عرعر
وبجد دورت شي يستحق التصوير لكن مالقيت .. مدينة تفتقر للكثير و الكثير واعتقد السبب الأول جشع اميرها و الله المستعان
http://www.alrooo7.net/vb/images/uploads/2_263474ed47ff3dbbdd.jpg
صورت هذا الدوار وكان الجو بااااارد مره

طلعنا من عرعر و كانت النيه الرياض ووصلنا الرياض الساعه 12 بالليل مع العلم اننا ماشين الساعه 11 الظهر
http://www.alrooo7.net/vb/images/uploads/2_261324ed47fb75d776.jpg http://www.alrooo7.net/vb/images/uploads/2_263474ed47ff3d716a.jpg
وهذي الصورتين من الطريق مابين حائل و الجوف

و اليوم الثاني اقلعت لجده وكان في استقبالي اخوي مضيع دليله عسى ربي يجزاه الف خير قضيت معه اوقات ما تنسى ابد والحمد لله كانت الحصيله صور كثيره ومميزه

http://www.alrooo7.net/vb/images/uploads/2_261464ed47f3f099e8.jpg
هذي الصورة من احد شوارع جده مدري ايش اسمه ..:.

http://www.alrooo7.net/vb/images/uploads/2_150504eadc401a79ae.jpg http://www.alrooo7.net/vb/images/uploads/2_263434ed480173a0fd.jpg

وهذي على الكورنيش واعتقد اغلبكم شاف الصورة هذي لأني سبق و ان عرضتها و الثانية كانت وقت تضبيط الكام و اختيار المكان المناسب ,, وفيه صور عرضها اخوي مضيع في يومه الروحي
وان شاء الله الصور المميزه بتكون في موضوع خاص لها

بعد محطة جده كان لابد من زيارة حبيب القلب ( الخبر ) (h)
والحمد لله توقيت زيارتي له كانت حلوه و الاجواء مميزه وهذي صورتين الأولى من الكورنيش و الثانيه من احد شوارعها الجميله
http://www.alrooo7.net/vb/images/uploads/2_263434ed480173a8c9.jpg http://www.alrooo7.net/vb/images/uploads/2_264424ed480286773f.jpg

اللي يروح للمنطقة الشرقية ولا يزور الجبيل الصناعية بصراحه ماعنده سالفه , ماشاء الله بحرها رائع ومافيها زحمات مثل الخبر و الدمام وميزة بحرها تلاقيه على شروق و تلاقيه على غروب وهذي الصوره من المكان المحبب عندي في الجبيل
http://www.alrooo7.net/vb/images/uploads/2_264424ed4802867f0c.jpg
طبعاً هذي مجرد صورة عرض و الصور الأحلى بتجي بعدين

وانا اصور جاني 3 شباب ومعهم كاميرا وعدة تصوير كامله واحد منهم قال لي تتحدى ب التصوير قلت اوكي واتفقنا يكون الحكم واحد منهم و بالفعل كل منا اختار مكانه وبدينا ب التصوير
والحمد لله انا اللي فزت ..:. لأن اخونا المصور ما يسوي لا اعدادات ولا شي ماشي على شغلنا القديم يعني طق زر الكام وبس تطلع اللي تطلع به :D

اخيراً كانت العودة الى الرياض ومن بعده الدومات ولأن الجو جميل وقفت اصلي المغرب فوق كبري ..:. وصورت بعد الصلاة الصورة هذي وبعدها توكلت على الله
http://www.alrooo7.net/vb/images/uploads/2_264594ed480349b806.jpg

الحمد لله كانت إجازه ممتعه قضيتها ب الشكل اللي يرضيني في ربوع بلادي
و الحمد لله بلادنا مليانه ب الخيرات و الاماكن المميزه لكن فقط تحتاج الى اهتمام من دولتنت خاصة الاماكن الأثريه

و ان شاء الله اذا الله عطانا عمر بتكون الرحلة القادمة الى المنطقة الجنوبية بعد ما انتيهنا من الغربية و الشمالية و الشرقية


اتمنى ان اكون وفقت بهذا التقرير البسيط و بحول الله الصور المميزه بيتم عرضها وقت آخر
اعتذر على التأخير و اعدكم بقادم أجمل

تحياتي وحبي للجميع
اخوكم - مســاعد

(h1)

..

ع ـذبة الروح
11-29-2011, 11:54 AM
ماشاء الله تبارك الله بنظره سريعه شفت كمية ابداع ف التصوير مجنونه سيكو1
برجع بعد مااتمقل فالصور زين بس نحجز اولي ^^2

:

تستهبل صح م0 هذي صور عادية م0 !!
تحمست اشوف الاحترافيه <3<3
ماشاء الله تبارك الرحمن رحلة جميلة وتصوير اجمل (h) ..
فيه مناطق اول مره اسمع بـ اسمها منك ض1

..

http://www.alrooo7.net/vb/images/uploads/2_264254ed4800681d9c.jpg

هذي الصورة رهيبه رهيبه عجبتني مره (h) .. شلون الناس يكتبون عليها يسبحون م0 !
بسم الله تلقى كلها وشسمه خوف2

http://www.alrooo7.net/vb/images/uploads/2_258984ed47f0566c7a.jpg

ههههههههههههههه صدقت جايه بقول خطير المكان تحس انك من هذوليك القديمين ض1
خاصة يوم جبت طاري دومة الجندل تذكرت حصة التاريخ خ15
لاعاد تنصب علينا عاد لو مكمل نصبتك وساكت محد درا خ8
..

http://www.alrooo7.net/vb/images/uploads/2_261464ed47f3f099e8.jpg

(h) (h)
(h) (h)
(h) (h)

هذي ماشاء الله رووووووووووووووووووعة سيكو1 (h)
شكل النافورة والشارع وكل شيء خطير .. عجبتني اقوا شيء تجنن (h)

:

والجبيل الصناعية من جد جميلة ومرتبة ماكأنها من السعودية (h) ..
زين انك فزت ع الولد وماخليته يفوز عليك وفشلتنا عنده < طسي بس ..:..
..

ابداع حتى عزوز اخوي يتفرج معي ويقول واو عجبه مره تصويرك م6 وتحمس يشتري كام يقول تقطين معي نشتري وحده ض1 ونجيب ذاكرتين لي وحده ولك وحده .. وادري لو طاوعته بياخذها ويسحب علي ..:..


http://www.alrooo7.net/vb/images/uploads/2_264594ed480349b806.jpg
هذي جلسنا نتناقش كيف صورتها يقول اكيد سيارته جمس ض1 كيف كذا صاير كأنك مصور من فوق نعم1
انا قلت يمكن فوق مخرج :g:
او واقف فوق سيارته ..:..

اخر شيء انتبهت لـ تعليقك وانها فوق كبري وقلت له صح علي ^^2
..

http://www.alrooo7.net/vb/images/uploads/2_77804ed4a590d52e6.jpg

http://www.alrooo7.net/vb/images/uploads/2_77804ed4a590d4efd.jpg
الصمت في حرم الجمالِ جمآلُ .. (h) من جد والله تصويرك خطير لاتحسب اننا نجاملك وكذا ض1
يعني الواحد من جد يخونه التعبير لل3
:


ماشاء الله عليك ي مساعد من جد الصور عجيبه وهي على قولتك صور تقرير .. عجل علينا بالصور الباقية نبي نشوف الابداعات .. والحمدالله على سلامتك استمتعنا من جد وعرفتنا على مناطق مانعرفها الله يعطيك العافية ..
تستاهل احلى تقييم .. (F)(F)

ت ب ع ث ر
11-29-2011, 12:01 PM
"
:
عُدنا :D

:

وعليكم السلام والرحمة
أو شي الحمد لله على سلامة الأسفار، وما أبطى بالسيل إلإ كبره.
ما شاء الله تباركـ الرحمن تقرير متميز والتقاطات رائعة
إذا هذه الصور على قولتكـ عادية ما شاء الله الإحترافية وش تصير م0

http://www.alrooo7.net/vb/images/uploads/2_261294ed47fa02c42c.jpg
ذكّرني هالمسجد بجامع الإمام تركي بن عبد الله

http://www.alrooo7.net/vb/images/uploads/2_264254ed4800681d9c.jpg
عجبتنب حركتكـ هنا :D ، سؤال راودني اللي كتبوا هنا وشلون كتبوا م0

http://www.alrooo7.net/vb/images/uploads/2_259884ed47eb82d9f5.jpg
هذه ذكّرتني بذاكـ المسلسل القديم اللي يمثل فيه سمير ناصر وكأنّهم حيوانات لل3

http://www.alrooo7.net/vb/images/uploads/2_259884ed47eb82d229.jpg
الألوان جداً رايقة (h)

http://www.alrooo7.net/vb/images/uploads/2_77804ed4a590d52e6.jpg
جداً جميلة
هالنوع من التصوير جرّبته بالبيت وعجزت أطلع بنتائج مُرضية، أتوقع يبي له مكان مفتوج مثل كذا.
:

مساعد
بدون مُجاملة أنتَ مُبدع ودائماً ما تتحفنا بإبداعكـ
الله يزيدكـ من عنده وإن شاء الله نشوفكـ مصوّر معروف يُشار لإبداعه بالبنان :")
ولا زلنا متعطّشين للمزيد من عدستكـ
مودتي(F)

بــنـــ الأصول ـــت
11-29-2011, 12:06 PM
ماشاءالله تبارك الرحمن !

رحلة رااااااااااائعه ، غطيت على ابن بطوطة ..:.
تصويرك اكثر من رائع ، سواء للبحر ، للمعالم الاثرية ، المساجد ، كلهم رووووعه بمعنى الكلمة

القلعه روووعه ، والمتحف ماشاءالله شكله مرتب
السفينه خطييرة حتى ميلانها معطي الصورة جمال اكثر

كثير من المعلومات اللي ذكرتها اول مرة اسمع فيها

الف حمدالله ع سلامتك ، وماشاءالله استمعتنا معك وكانا في الرحلة ..:.

يعطيك الف عافية يارب
(F)

مساعد
11-29-2011, 12:32 PM
صور من نوع ( Panorama )

الأولى في الديسة و الثانية في قلعة زعبل ب سكاكا
وعلى فكره جميع الصور بدون حامل يعني اعتمدت فيها على مسكة اليد بس للأسف نسيت لا اشيل الفلتر من العدسة :doh: والشي هذا خربها علي لكن عدلت اللي اقدر عليه ب الفوتوشوب

..

http://www.alrooo7.net/vb/images/uploads/2_77804ed4a590d52e6.jpg

http://www.alrooo7.net/vb/images/uploads/2_77804ed4a590d4efd.jpg

..

بــنـــ الأصول ـــت
11-29-2011, 12:38 PM
ماشاءالله طالعين روووووعه

ابداع تبارك الرحمن

الله يقويك
(F)

هدهود
11-29-2011, 02:35 PM
وعليكم السلام ورحمة الله وبركاته

الحمدلله على سلامتك

وماشاء الله رحلة موفقه وجميلة

وللامانة كل الصور جميلة وقمة في الابداع والوضوح

وهذول كثير عجبوني ويصلحون خلفية للجهاز شيل اسمك وارسلهم لي بخيلهم خلفية للاب توب والبيبي ز3 ..:.

http://www.alrooo7.net/vb/images/uploads/13248_191984ed4c37528a70.jpg

http://www.alrooo7.net/vb/images/uploads/13248_191984ed4c37528e57.jpg


وسلمت يمناك و2

سَمَر
11-29-2011, 03:05 PM
و مضيت وحدي.. في الطريق

قد جئت أبحث عن رفيق

ضاع مني.. من سنين..

قد ضاع في هذا الطريق

لكنني

ما زلت أبحث عنه..

ما زلت أبحث عنه..

http://www.alrooo7.net/vb/images/uploads/2_263474ed47ff3d716a.jpg

http://www.alrooo7.net/vb/images/uploads/2_228504ed476272e491.jpg

أحب هالنوع من الصور ولما شفت صورك أفتكرت قصيدة فاروق جويدة لـ الدرب الطويل ’’

:

:

http://www.alrooo7.net/vb/images/uploads/2_261464ed47f3f099e8.jpg

هنا إذا ماخاب ظني مركز الجمجوم اللي على يمين الصورة في الحمراء :sweatdrop

:

:

http://www.alrooo7.net/vb/images/uploads/2_150504eadc401a79ae.jpg

يــابحر جدة يـا <3


:


مساعد

ماشاء الله تبارك الرحمن ’’
تقرير رائع وقوي وممتع وكامل ’’
واللي محلي جو التقرير تصويرك وفن الأحتراف في التقاط الصور ماشاء الله عليك ’’

( كثير أماكن كنت أسمعها من اللي زرتها وماكنت أدري أنها تحتضن هالجمال تبارك الرحمن )


الله يجعلها ويديمها عليك دوم هالوناسه ’’

أكرر شكري على موضعك في قائمة التميز ’’


(F)

مضيع دليله
11-29-2011, 03:09 PM
ماشاء الله تبارك الرحمن

والله ما عندي أي تعليق يامساعد لأني أعجز عنه :sweatdrop

اللي راح أقوله الله يعطيك العافيه على هالابداع

مضيع دليله
11-29-2011, 03:11 PM
سمر

فعلا هذا شارع فلسطين وعلى اليمين مركز الجمجوم

فيه أمل!
11-29-2011, 04:36 PM
هذآ بسييييط:aa3:

وبآقي مميزآت:aa25:

مآشآء الله لآ قوة الآ بالله(=|

انآ فهيت ومعذوره نعم1 <اللي عنده مآنع يعلمني:dry:

الموضوع كبير يآ مسآعد رجه1

والمعلومآت غفييييييييييييره :aa2:

يبي له جلسه مطوووله وقرأءه بتركيز وبعد ذلك بيجي تعليقي المؤزرخ15

بس الآكيد

انه الله يسلم هالايدين ويحرمهآ عن النآآآآآآآر:yeah:

:ward22:
،

جود
11-29-2011, 07:20 PM
الله الله


صور رائعه


ماشاء الله عليك محترف



http://www.alrooo7.net/vb/images/uploads/2_264254ed4800681d9c.jpg

حسيت برحمة لهالسفينة

تصلح لتصميم



http://www.alrooo7.net/vb/images/uploads/2_261214ed47f85d0f9b.jpg
وهذي بعد خطيييييييييره





http://www.alrooo7.net/vb/images/uploads/2_77804ed4a590d52e6.jpg


والبانوراما عاد شي ثاني



تسلم الايادي ابو مشل



بجد انت مبدع




أطيب تحية

البندري
11-30-2011, 12:21 AM
..

ماشاء الله عليك التقاطك من زآويا رآ آ آئعه
وتغطيه مميزه للآمانه
والله يعطيك آلعافيه

شرفتنا بحظورك
..

إكليل الروح
11-30-2011, 01:25 PM
:

محد يقدر يعلق ويعطيك حقك ..
كل الصور روعة .. وتعليقاتك وطريقة عرضك خلونا نتشوّق نقرأ الكلَام أكثر من مرّه ..
ماشاء الله تبارك الله .. الله يزيدك من هالِإبداع (F)


بصراحة حرام هالتقرير يكون مجرد موضوع بـ المنتدى وبس ..
والله حرام .. !
المفروض إنك تصدر مطبوعة وتوزعه على انحاء العالم عشان يشوفون إن عندنا أماكن حلوة ..
وعشان يعرفون إن السعودية تضم مصّور محترف يستاهل إن الناس كلها تشوف وش عنده من إبداع ..
وعشان تصير أشهر من آنسل آدمز ض1

تسلم يدينك ي مساعد (F)

..

( نادر )
11-30-2011, 02:50 PM
ذكرتني ببرنامج ربوع بلادي زمان
تقرير جميل وصور رائعة
الله يعطيك العافيه

جروح الوفا
12-02-2011, 01:55 AM
[/URL]
[URL="http://www.alrooo7.net/vb/images/uploads/2_264424ed4802867f0c.jpg"] (http://www.alrooo7.net/vb/images/uploads/2_261324ed47fb75cfa9.jpg)

مآشآء الله تبآرك الله
صور جدآ رآئع
جولة سيآحية رهيبه
تسلم يمينك وعسآك ع القوة
و2

بـطـة نـونـي
12-02-2011, 02:18 AM
ماشاء الله وش نوع كمرتك؟؟
احب التصوير..
ان شاء اللله اوريك تصوويري...
سلآم

توليب
12-02-2011, 01:21 PM
وعليكم السلام ورحمة الله وبركاته

ماشاء الله تبارك الرحمن تقرير بطلللللللل

صراااحه ماكنت اتوقع ان عندنا ذي المناطق الأثريه القديمه الرائعه

http://www.alrooo7.net/vb/images/uploads/2_259884ed47eb82d229.jpg (http://www.alrooo7.net/vb/images/uploads/2_259884ed47eb82d229.jpg)
^
تجننننن الصوره

http://www.alrooo7.net/vb/images/uploads/2_261214ed47f85d07c2.jpg (http://www.alrooo7.net/vb/images/uploads/2_261214ed47f85d07c2.jpg)
^
خطيييييييييييييييره

ماشاءالله تبارك الرحمن بجد اعجز عن التعبيير عن مدى ابداعك ومهما قلت ماراح اوفيك حقك

الالتقاطات عجيييييييييبه ابهرتنا بجد يامساعد

وصادقه جود صورة السفينه الغرقانه تنفع للتصميم
سوي عليها تصميم بطلل يابطل واتحفنا فيه ض1


الحمدلله على سلامتك أخوي

وطبعاً متشوقيين لرؤية المزييد المزييد من إبداعك و2

أنثـــ المطر ـــى
12-05-2011, 07:38 AM
ماشاء الله تبارك الله ..
رحله شامله يا مساعد .. زرت كثير من مناطق المملكه .. و صورتها ..
والصور كانت شي خرافي .. @6@و2
إنت تقول في أحسن منها .. وانا اقولك .. هذي في عيني والله حلوهـ ..
عندي كذـأ تعليق على كذـأ صورهـ ..
..
..
http://www.alrooo7.net/vb/images/uploads/2_230184ed4767f38e82.jpg
هذا المسجد .. يشبه المسجد الكبير في الكويت ..
أو يمكن الإضائه توحي بهالشي ..
..
..
http://www.alrooo7.net/vb/images/uploads/2_232174ed476a42d1a2.jpg
هذي الصوره ذكرتني بـ أفلام كرتون : بيب بيب
..
..
http://www.alrooo7.net/vb/images/uploads/2_264254ed4800681d9c.jpg
ماشاء الله عليهم الشعب ..
مايخلي شي مايكتب عليه ذكريات وحركات .. بس صدق شلون وصلوا للسفينه ؟؟
هذولي سمك ؟ ولا حيتان ؟ مدري1
..
..
http://www.alrooo7.net/vb/images/uploads/2_264424ed480286773f.jpg (http://www.alrooo7.net/vb/images/uploads/2_264424ed480286773f.jpg)
الصورهـ هذي طالع إنها قديمه ..
يعني عام 1975 شي مثل كذـأ .. بس بجد ررروعه ..
..
..
الله يوفقك .. يا مساعد
وعقبال ماتسوي جولات وصولات خليجيه وعربيه و عالميه :D



أنثـ المطر ـى

تاركة أثر
12-05-2011, 09:41 AM
:

... ماشاء الله تباركـ الله ...
... بحق تقرير أقل مايقال عنه رائع أعدت القراءة وإستمتعت بالمشاهده ...
... الصور جميلة جميعها والاجمل إحترافية الإلتقاطة زادت المكان بهاء ...

http://up3.neilshare.com/2011-12/3sa66534.jpg

... هذه أرغمتني على التعليق بحق تحمل جمالية مذهله ...
... زاوية المبنى وموازاتها للنخيل تتوسطها النافورة إلتقاطة مبهرة ...
... أعجز عن وصفها [ إسمح لي إحتفظت بها ] ...

http://up3.neilshare.com/2011-12/ssu66536.jpg

... هذه لا أعلم كيف أصفها بل ماذا أقول ...
... لا يسعني القول الا انها فاقت حدود الجمال والبقيه لا تقل قدرا عنها ...
... تملك إبداع وإحترافية في التصوير أنت بها أجدر ...
... بحق مصـــــــــــور [ مبدع ومتقن ] ...
... سلمت أناملك وجزيت خيرا ...
... شكراً لك ملء السماء ...

... دمت بخير لا ينتهي ...


:

مساعد
12-19-2011, 01:37 PM
:
اهلين عذبة
لا والله ما استهبل ولا شي بجد لو عرضتي الصور هذي على اي مصور راح يقولك صور عاديه , وبكل الاحوال انا اعتبرها عادية يمكن لأني اطمح للأفضل
و الأحترافية راح انزلها ب التدريج مع الوقت اذا الله عطانا عمر

السفينه قريبة من الشاطيء ف الكتابة سهله عليها واقدر اصل لها مشي بس لأني خفت على الكاميره خاصة ان ارضية الشاطيء تزحلق ف قلت الأرض و النعمة ابرك لي :s3oodi:
بس تدرين غلطتي الوقت المفروض جيتها وقت غروب مو الصباح

مدري ليه كثير اذا قلت له دومة الجندل قال ذكرتني بحصة التاريخ :D مدري ايش الرابط بينهم ..:.
الصورة اللي اعجبتك هذي صورة مجسم حلو بس عيبه بيني وبينه زجاج وخرب الصورة ):

ابشرك فزت عليه من فضل ربي واهم شي ما فشلتكم :s3oodi:

اما الصورة اللي ناقشك اخوك فعلاً كانت في مخرج بس تخيليني لو كنت على جمس وش ذا الجمس العملاق ..:.

الله يجزاك الف خير على الرد الأكثر من رائع (h1)

..

مساعد
12-19-2011, 01:44 PM
:

تبعثر

الله يسلمك من كل شر
انتي ماشاء الله مصورة وتقدري تميزي الصور العادية من الاحترافية يمكن اقولك هذي افضل من صور التقرير لكن تبقى عادية

اللي يكتبون على السفينه مثل ماقلت لعذبة مستوى البحر ما كان عالي كثير يعني تقدري توصلي لها مشي

بخصوص التصوير البانورامي . انا افضله في الاماكن المغلقة عن المفتوحة لأنها تبين فيه اكثر وتصير اجمل يعني لو ركزتي على الصورتين اللي عرضتها ماراح تحسي ان فيها ابداع كأنها صور عادية و السبب لأن المكان مفتوح
طبعاً انا ما استخدمت حامل استخدمت مسكة اليد و التركيز العالي في مستوى الصورة الاولى و الثاني وكذا وبعدها تجي مهمة الفوتوشوب
في البيت انتي استخدمي الحامل وجربي تصوري اربع صور مثلاً الصورة الثانية تبدأ بجزء بسيط من الاولى وهكذا كل صورة تبدأ بجزء من اللي سبقتها
بس بشرط تكون نفس الاعدادات
وبعدها بقولك اسهل طريقة لدمجها وجعلها في صورة واحده

والله يوفقك ياوخيتي ..

(h1)

..

سعود بن عبدالله
12-19-2011, 11:50 PM
آختيارك رائع جداً ...


سلمت يمينك على هالطرح يابطل ...

مساعد
12-20-2011, 08:58 AM
:

بنت الأصول

ياهلا فيك , والله يسلمك من كل شر
يا كثر اللي يقولون عني ابن بطوطه :D الا ابن بطوطه وش جنسيته ..:.
اللي يميز التقرير عن باقي التقارير هي المعلومة الجديدة لأن التقرير اذا ماجاب جديد ايش الفايده منه
حاولت بقدر المستطاع اجيب الشي النادر , واتمنى اني وفقت

يمكن اكون ركزت على المساجد اكثر شي لأنه من الواجب علينا ابرازها وان شاء الله في القادم عندي فكرة موضوع خاص ب المساجد اتمنى ان استطيع تنفيذة في وقت قريب

لا هنتي على التواجد و الحضور الجميل

دمتي (h1)

..

مساعد
12-20-2011, 09:02 AM
:

هدهود

الله يسلمك من كل شر

الله يجزاك الف خير , بس ما ينفع تحطينها خلفية واسمي فيها :g:
التوقيع عندي من الاشياء المقدسة عندي ..:. يعني انسي اني اشيله مهما كان

الله يسعدك على الكلام الطيب

..

مساعد
12-20-2011, 09:10 AM
:

سمر

ياهلا فيك وياهلا بكلمات فاروق جويدة
وانا احب مثل هذه الصور وفي الغالب اسوي عليها عزل لوني لكن لأني اعتبرتها صور تقرير ما حبيت اعدل عليها , صورة الطريق الطويل تعطي بعد مميز في معنى الصورة وتصنع خيال لا يتقنة الا المبدعين امثالك

والله ما ادري عن الشارع لكن اتوقع اخوي مضيع جاوبك انا زين اني اذا طلعت من البيت اقدر ارجع :D لأني ما ادل زين في جده

انا مثلك كنت اسمع عن الاماكن هذي وبعضها شفت لها تقارير لكن فضلت اروح لها واشوف بنفسي ووقت الرحله كنت حاط في بالي جميع الأحتمالات يعني ممكن تكون الاماكن حلوه وممكن تكون العكس , وبالفعل كان فيها كذا و كذا والحمدلله الاغلبيه كانت حلوه وب المجمل كانت رحله جميله وموفقه

لا هنتي على التواجد الجميل
..

مساعد
12-20-2011, 09:12 AM
:

مضيع دليله

حضورك وتوقيعك في متصفحي اكبر و اجمل تعليق .. (h1)

الله يعافيك ويرضى عليك

..

مساعد
12-20-2011, 09:15 AM
:

فيه امل

ياهلا فيك , ايه بسيط والباقي ان شاء الله انها احلى و أجمل بس عاد لا تتعشمي كثير اخاف تكون احلى بالنسبه لي وبالنسبه لكم لا :D

المهم ترى ماصارت مخمخه وجلسه مو كنك طولتي :g:

وحيـــــــــاك ربي بكل وقت

..

مساعد
12-20-2011, 09:27 AM
:

جود

ياهلا فيك , اي احتراف الله يخلف ):
نطقطق وعلى الله

فعلاً السفينه تحسينها وحيده ومسكينه :D بس ترى اذا قربتي منها تخوف خاصه مع تلاطم الامواج فيها تطلع اصوات تخوف .. والله من سكني ساكنها ..:.

الله يسلمك ويطول بعمرك ..
..

مساعد
12-20-2011, 09:30 AM
:

الحزن الأنيق

الله يزيدك شرف ويرضى عليك وانا اللي تشرفت بزيارة الجوف وبالفعل كانت من اجمل المحطات اللي توقفت فيها
وان شاء الله لنا زيارة قادمه خاصه في موسم الزيتون :D

لا هنتي

..

مساعد
12-20-2011, 10:07 AM
:

اكليل

حيـــــــاك الله

الله يجزاك الف خير على الكلام الطيب واللي يدل على كرمك , وان شاء الله اكون استحق كل ما ذكرتي بحقي
بالعكس انا كل اعمالي افضل تكون حكر على الروح لأن الروح يهمني في المقام الأول
وان شاء الله اذا ربك وفق ممكن تصير في مطبوعه مافيه شي يمنع , لكن ما تكون خاصة للأماكن ممكن تكون لصوري بشكل عام طبعاً هذا اذا قدرت اقنع نفسي اني صرت محترف وصوري تستاهل العرض :D

الا من هو آنسل آدمز :g:

لا هنتي اكليل على الرد والراي

..

مساعد
12-20-2011, 10:10 AM
:

ياهلا فيك اخوي نادر
الأجمل حضورك وردك , عسى ربي يعافيك من كل شر

..

مساعد
12-20-2011, 10:17 AM
:

جروح الوفا

الله يسلمك من كل شر اختي ويرضى عليك
اسعدني تواجدك

..

مساعد
12-20-2011, 10:27 AM
:

بطة نوني

حياك الله
نوع كاميراتي Canon EOS 60D
http://www.alrooo7.net/vb/images/uploads/2_15424ef038a955cf3.jpg

وان شاء الله نشوف صورك وابداعاتك

..

مساعد
12-20-2011, 10:51 AM
:

توليب

تصدقي مشكلتنا نحب نروح برا ولا نركز على الاماكن اللي عندنا , وطبعاً عندنا اماكن روعه مثل عسير وجازان وغيرها من الاماكن سوى اثريه او طبيعه بس مشكلتنا دائماً نتبع مقولة ( مزمار الحي لا يطرب ) ..:..

وان شاء الله قريب بتشوفين الصور الباقية اما التصميم ان شاء الله بسويه بس عاد متى مدري :D
احس راسي متخم من كثر اللي فيه ..:.


الله يجزاك خير على الرد ..

..

مساعد
12-20-2011, 10:56 AM
:

انثى المطر

ان شاء الله الرحلة القادمة بكمل على باقي المناطق بس اعتقد الجايه بتكون الجنوب او جازان وجزره الرائعه

مسجد الكويت ما اعرفه لكن اتوقع يشبه له وعلى العموم الإضاءه ما غيرت كثير في شكل المسجد صح عطته منظر اكثر لكن المسجد بحق كان افضل مافي مدينة تبوك نفسها

اما اللي يكتبون خليها على ربك بدون مبالغه حتى في روس الجبال فيه كتابه وحاله ): وبعض الاحيان الفاظ قبيحه وكلام بذيئ لكن العتب على هيئة السياحة لأنها مقصره كثير في المحافظة على مثل هذه الاماكن

ان شاء الله يارب بيكون لي جولات اكثر و اكثر وبحول الله بيكون فيه صور اجمل

لا هنتي ..

..

مساعد
12-20-2011, 11:00 AM
:

تاركة اثر

ياهلا و غلا فيك

اشكرك على الكلام الجميل و اتمنى بحق ان اصل الى مرحلة يقال عنها احترافية وبحول الله مع الوقت سأصل الى ذلك .. دعواتك
صورة النافورة و الشارع كان فيها خطأ بسيط لأن المفروض تقدمنا اكثر الى قبل نهاية الشارع على الأقل 300 متر حتى تبرز النافورة اكثر لكن زحمة الشارع ما خدمتنا كثير واعتقد لو كان الوقت بعد المغرب مباشرة بتكون الألوان اجمل واحلى لكن اعدك اتداركها في القادم

الله يسلمك من كل شر واتمنى ان اكون قد هذه الثقة وهذه الكلمات الجميله
دمتي

..

مساعد
12-20-2011, 11:01 AM
:

سعود بن عبدالله

حيـــــــاك الله اخوي , والله يسلمك على الحضور الجميل
دمت

..

فيه أمل!
03-09-2012, 04:45 AM
حضور ثاني بعد التأمل :|

http://www.alrooo7.net/vb/images/uploads/2_228504ed4762728314.jpg

http://www.alrooo7.net/vb/images/uploads/2_230184ed4767f38e82.jpg

روعه المسآجد:aa25:

http://www.alrooo7.net/vb/images/uploads/2_259294ed47e7b86afe.jpg

عجيييييييييبه الصور اللي من هالنوع :aa2:

تحس ان فيه طبقة من الدخان فوق الماء مباشرة :aa3:

http://www.alrooo7.net/vb/images/uploads/2_264254ed4800681d9c.jpg

ضباننا في في سبيل الشخبطه يصيرون اسماااك..:..

http://www.alrooo7.net/vb/images/uploads/2_261324ed47fb75cfa9.jpg

لقطه جميله بس توحي في حر فضيييييييييييييييييييييييييع :| وكمية لا بأس بهآ من العجآج :|

http://www.alrooo7.net/vb/images/uploads/2_259884ed47eb82d9f5.jpg

حلوه الجلسه هووون:aa25:

http://www.alrooo7.net/vb/images/uploads/2_261214ed47f85d07c2.jpg

القلعة منظرهآ يفتتتتن(h)

http://www.alrooo7.net/vb/images/uploads/2_261214ed47f85d0f9b.jpg

حلوه فكرة الصوره(y)

http://www.alrooo7.net/vb/images/uploads/2_150504eadc401a79ae.jpg

(h):aa25:

،

مسآعد|(F)

ابدددعت في نقل صورة جميله عن مسآحآت شآسعه كنآ نعرفهآ بس بالاسسسم(y)..:..

وبعضهآ مآسمعت فيهآ الآ منك:$

حقيقة صور روعه وملتقطه بحرفيه رآآئعه :ra3eeha:

الله يعطيك العوآفي على هذا الجهد الطيب والمعلومآت المنتآآآزه:yeah:

جد جد تقرير طيب جدآ وكبيييييير جدآآآ هع2

مآنتحرمشي من ابدآعك يآ مسآعد وفي انتظآر رحلتك الى الجنوب :yahoo:

<بيستقعدون لك نآآآآآس هون ح15

:ward22:
،

مساعد
03-10-2012, 12:14 PM
:

فيه امل

ياهلا و غلا فيك .. نورتي الموضوع من جديد
بس ورى كنك تأخرتي شوي :g:

بخصوص صورة البحر هو مو دخان هو فعلاً ماء لكن لأني مبطيء حركة الغالق صار كنه دخان , اما باقي الصور ف كانت عباره عن تقرير تعريفي لهذه المناطق الجميلة و التي تحتاج الكثير و الكثير من الاهتمام و العناية من دولتنا الكريمه

بحول الله الترتيب لرحلة القادمة بيكون جاهز خلال الايام القادمه خاصه ان زميل الرحلة تم تحديدة و الاتفاق معه :D

لا هنتي على الحضور و التأمل (h1)

..