المساعد الشخصي الرقمي

مشاهدة النسخة كاملة : أسئلة


بــنـــ الأصول ـــت
10-21-2009, 11:37 AM
حيـــــــالله الشيخ زمن

نغيب ونعود ومعنا كومة من الاسئلة والاستفسارات ..:.
الله يعينك علينا ^^1

اسئلتي هي :

1/ بخصوص الـInternet Explorer
عندي هالاصدار
http://www.alrooo7.net/vb/images/uploads/8_221294adec6b4f1b60.jpg
لكنه جدا متعبني ، كل شوي تعلق الصفحات ويقفل علي كل شي ,, جيت ابحدثه الى IE 8 beta
بس ماوافق ينزلي لي اياه ,, عندك فكرة عن السبب ؟

2/ ايش رايك بنظام التشغيل الجديد Windows 7 ??
جربته ؟ هل هو احسن من فيستا واسرع وماياخذ مساحة كبيرة ؟
باختصار هل تنصح بتحميله ؟

3/ اذا طلع عندي بالصفحة تحت Java Script Error
ايش المفروض اني اسوي ؟ احدث الجافا ؟


الله يعطيك الف عافية على طولة بالك
ربي يقويك
(F)

زمن
10-21-2009, 08:46 PM
بنت الأصــول (F)


الله يحييك يالغالية والله يعافي هالأسئلة اللي خلتنا نشوفك (F)

بالنسبه لسؤالك الأول يالغالية .

الأكسبلورر 7 من أفضل الإصدارات ومافيه اي مشاكل وانا استخدم نفس الإصدار اللي تستخدمينه واعتقد سبب التعليق اللي تعانين منه هي الإضافات الموجوده في متصفحك وبإمكانك تعطلينها .

طريقة تعطيلها :

أدوات --> خيارات أنترنت --> البرامج --> وفي اسفل النافذة بتحصلين إدارة الوظائف الإضافية
Tools --> Internet Options --> Programs --> Management snap-ins

وبتظهر لك نافذه فيها الادوات المضافه للمتصفح وفي اعلى النافذه مستطيل فيه اقسام الاضافات تنقلي بينها وعطلي الإضافات الغير مهمه مثل التولبار وغيره .
وفيه في البرامج الملحقه انترنت اكسبلورر بدون الاضافات جربيه .

والإصدار الـ 8 بداية ظهوره كان كله مشاكل وجربته وحذفته حتى انتي اذكر انك جربتيه وسبب لك مشاكل وانا مثبته في جهاز العمل صار لي شهر تقريباً صراحه اختلف اختلاف كلي عن الاصدار Beta اغلب المشاكل اختفت لكن الى الان موجود فيه بعض المشاكل الصغيره ومنها ماذكره اخوي مساعد عدم توافق اغلب المواقع مع الويب 2 وطبعاً هذي المشكله من المواقع وماهي من المتصفح .

نجي للويندوز 7 وما أدراك ما ويندوز 7
صراحه قبل ينزل كان له دعايات قويه وانه بيكون افضل ويندوز من ناحية السرعة والحماية وكان الجميع ينتظر اصدار النسخه ونزلت نسخ تجريبيه ونسخ اصلية لعام 2010 .
فيها كذا نوع من الويندوز 7 وجربته في جهاز واحد من زملائي لكن اشك انه ويندوز 7 لأن متطلبات تثبيت النسخه ماكانت متوفره في الجهاز اللي شفته .
من ناحية ماياخذ مساحه لا والله ياخذ مساحه يكفيك ان احد متطلبات تشغيل ان الرام لازم يكون اقل شيء 2 قيقا والفيستا 512 ميقا وهنا تقدرين تحكمين على المساحه .
النسخه اللي جربتها ماتختلف عن الفيستا في اي شيء الا في الشعار وبعض طرق عرض الملفات .
ونفس بطء الفيستا وتهنيقاته .
ومثل ماذكرت لك اشك انه ويندوز 7 ولو كانت هي فعلاً الله يخلي لنا XP .

وعلى فكره فيه أداة تحملينها من نفس موقع مايكروسوفت تثبتينها بجهازك وهي تفحص جهازك وتفيدك بمتطلبات تشغيل النسخة حجمها اتوقع 15 ميقا هذا حجم الأداة فما بالك بالنسخه :p
واذا كنت ناويه تشترين النسخه لا تستعجلين الحين لأنها اكيد بيكون فيها اخطاء وثغرات كثيره انتظري لين تكتمل تحديثات السيرفس باك 1 مثل عادة مايكروسوفت .


وبخصوص استفسارك عن الـ JAVA وسبب الخطأ اللي يظهر في اسفل المتصفح هو نسخة الجافا حملي النسخة الكامله من موقع الجافا واسمحي بالتحديث دائماً
وهذا رابط نسخة JAVA SUN
http://javadl.sun.com/webapps/download/AutoDL?BundleId=34064

بتنحل مشكلة الجافا لكن <<< ياشين هالكلمه :p تنحل مشكلة وتطلع مشكلة ثانيه
النسخه هذي بتحل مشكلة الجافا لكن بتواجهين مشاكل في بعض المواقع في شكل الخطوط واحجامها بس اكيد بينزل تحديث للمتصفح يحل هالمشكله طبعاً المشكله في انترنت اكسبلورر 8 .

اتمنى أفدتك بردي ولا تشرهين علي من كثر العمل وكبر السن ماعاد صرت اجمع يبغى لي سوفت وير جديد او فورمات :p

واسف على تأخري بالرد كنت داخل المنتدى الصباح بس يشوف مساعد كان عند لاب توبين فيها مشاكل وجالس ازينها وماطلعت من الدوام الا قبل اذان المغرب بربع ساعه .

وفي الخدمه وتحت الأمر يالغالية في أي وقت .


تحياتـــي

بــنـــ الأصول ـــت
10-21-2009, 09:13 PM
الله يجزاك الف خير اخوي زمن ,, ماتقصر جعل والديك بالجنة

بخصوص اكسبلورر 7

فعلا ,, سويت مثل ماقلت ولقيت بلاوي من الـAdd-ons
بصراحة مو عارفة وش المهم وايش اللي مومهم
صورت لك اياهم كلهم

http://bintalrooo7.jeeran.com/alrooo7/p1.jpg

http://bintalrooo7.jeeran.com/alrooo7/p2.jpg

http://bintalrooo7.jeeran.com/alrooo7/p3.jpg

ياليت تقولي وش اللي اعطله وش اللي لأ
وهم ايش فائدتهم بالضبط ؟ في ايش يفيدوني ؟

اذا مالهم فايدة تذكر ، خلاص اجل احمل النسخة اللي بدون اضافات واريح نفسي ,, او اعطلها كلها مرة وحدة واريح نفسي ,,

=======

بخصوص ويندوز 7

والله في اللي جربوها ويمدحوها كثير ,, لذلك حبيت اسال اكثر من احد جربها وبعدها اشوف
لكن على قولتك ننتظر لعل تنزل نسخة صافية بدون مشاكل وتهنيقات

=========

بخصوص الجافا
حملت البرنامج ,, وان شاءالله تنحل المشكلة ,, وبردلك خبر باذن الله

الله يكون في عونك والله :(
<<<<<<كسرت خاطري :(
تصليح مشاكل بالعمل وبالمنتدى ,, الله لايحرمك الاجر يارب
والله يعطيك على قد نيتك ,,
والله لايحرمك قبول دعواتنا (h1)

على فكرة
يوم اقول لعذبة قولي لكرتون النذالة يشوف مشكلتي ، ماكنت اقصدها
بس لانك انت الوحيد اللي تستخدم هالمصطلح ، يعني مميز فيه ..:.
فلا تزعل مني ,, بالعكس والله شهادتي فيك مجروحة ,, ورايتك بيضا وحنا اللي مقصرين معاك والله
فسامحني ان فهمتني غلط (F)

لاخلا ولاعدم

زمن
10-21-2009, 10:50 PM
بنــت الأصـــول (F)


اللهم آمين وياك وكل مسلم ومسلمه والله يتقبل دعاك (F)

وبالنسبه للكراتين حقت النذاله :p عادي وانا اخوك وش دعوى الزعل ماله وجود عندي وتمونين يالغالية حتى لو بغيت ازعل ما أظن اني بزعل من اخت عزيزه وغاليه خذي راحتك (F)

عندك كراتين اضافات :p

قبل اشرح لك اشرح لك المهم في قائمة الإضافات .

مايحتاج تحملين نسخه بدون اضافات هي موجوده اساساً في الويندوز

إبد --> البرامج --> البرامج الملحقة --> أدوات النظام --> Internet Explorer (بدون وظائف إضافية)


http://www.alrooo7.net/vb/images/uploads/7_166614adf628b45893.JPG

جربي وعطيني خبر

اما بالنسبه للويندوز 7 مثل ماقلت لك انا اشك ان اللي شفتها هي النسخه 7 وهي عندي من قبل رمضان بس الى الحين وانا انقل ملفاتي من الجهاز وماخلصت الى الان اكثر من عفش المطلقه بس ان شاء الله قريباً بثبتها وبعطيكم تقرير كامل .

بالنسبله للتصليح والمشاكل ماتتصورين فرحتي اذا قدرت احل مشكلة جهاز او اصلحه واحمد ربي واشكر فضله يكفيني دعاكم والناس للناس والكل بالله .

تحياتـــي

بــنـــ الأصول ـــت
10-22-2009, 10:12 PM
الله يجزاك الف خير ويكثر من امثالك ,,

جربت الويندوز اكسبلورر اللي بدون اضافات ، حلوة لكن !
مثلا انا استخدم موقع ترجمة ينطق الكلمات ، فما اشتغل معي ، فاضطريت ارجع للعادي ، يعني شكله في اضافات مهمة

بخصوص الجافا
حملته وكل شي ولاتزال مشكلة الـJavaScript قائمة في موقعي :( عجزت اعرف شلون حلها:(


الله يسعدك ويفرحك دوم يارب
لاهنت
(h1)

زمن
10-23-2009, 02:27 AM
اللهم آمين وياك وكل مسلم ومسلمة (F)

ابشري بسعدك اخيتي انا بنسخ الصور اللي نزلتيها وبأشر لك على الغير مهم وإن شاء الله يضبط معك .

وبخصوص الجافا ماعليك من الخطأ اللي يطلع لك في شريط معلومات المتصفح اهم شيء هل هو مسبب لك مشكله في الموقع وعادة وهذي نسيت اقولك عنها لازم تخلين الصفحه تكتمل من حيث التحميل يعني بعض المواقع مثل الهوتميل والفيس بوك اذا اول مافتحت الصفحه معك وضغطي على اي اختيار ماتفتح معاك ولازم تسوين تحديث .

تحياتــــي

بــنـــ الأصول ـــت
10-25-2009, 01:44 PM
الله يقويك اخوي زمن

بخصوص الجافا ، جربت متصفح ثاني (الجوجل كروم) وزالت مشكلة الجافا !
شكل الجافا والانترنت اكسبلورر متزاعلين ..:. ولا ادري كيف اراضيهم :)

وفي انتظار شرحك
الله يحرم هالايدين من النار
(F)

زمن
10-25-2009, 03:15 PM
بنت الأصــول (F)

اللهم آمين اخيتي وياك وكل مسلم ومسلمة .

لي يومين صراحه كل ماجيت احدد على المهم والغير مهم اوقف لأني ما أدري وش الإضافات اللي تستفيدين منها او تهمك في تصفحك للمواقع لأني فيه اشياء مثل pdf انا اشوف انها غير مهمه لكن ممكن تكون بالنسبه لك مهمه .

عشان كذا بقترح عليك انك تعطلين كل الاضافات واي موقع متعوده انك تدخلينه بإستمرار ولاحظتي ان فيه خدمات كانت تشتغل ومااشتغلت بعد التعطيل حاولي تسوين تمكين للإضافه الخاصة بالموقع وبكذا وبالطريقه هذي راح تعطلين اغلب الاضافات الغير مفيده بالنسبه لك .

صحيح الطريقه متعبه شوي لكن والله الى اليوم الصباح حاولت اني اشرح لك بس اوقف من اول صورة للإضافات .

انتي امري وابشري بسعدك اختي .

بــنـــ الأصول ـــت
10-26-2009, 09:22 AM
يعطيك الف عافية يارب ,,

وفعلا كلامك منطقي ومعك كل الحق ,,

الله يجزيك عني وعن الجميع الف خير يارب

وسوري تعبتك معي كثير :(

زمن
10-26-2009, 10:22 AM
الله يعافيك أخيتي

وتعبك راحة يالغالية ماسويت الا الواجب وتامرين أمر .