نقاطي و موبايلي

[بــنـــ الأصول ـــت]

مساء الخير ,,


اختي عندها شريحة موبايلي ، وصلتها رسالة انها وصلت لـ800 في برنامج نقاطي
حاولنا نعرف كيف ممكن تستفيد من خدمة نقاطي لكن ماعرفنا

فـ يامشرفنا العزيز/زمن ,, شلون ممكن تستفيد من رصيد نقاطي ؟

هي تبي تستخدم 60 دقيقة مجانية

وسؤال ثاني
هل ممكن تستخدمها للرسايل ولا بس مكالمات فقط ؟

يعطيك الف عافية يارب

[مشاعل**]

على ماظن والله اعلم 800 من نقاطي موبايلي ماتبدل رصيد:pابد

ونستنــى زمن ()-()

[زمن]

مساء الانوار اخيتي

يامشرفتنا الغاليه هذا جدول يوضح عدد النقاط ويقابلها المكافئات اللي تقدرين تستبدلين النقاط فيها

http://www.alrooo7.net/vb/images/uploads/20272_207414931a5be43940.JPG

طريقة الاستبدال عن طريق خدمة العملاء 1100 او عن طريق الخدمه الذاتيه واللي يستيطع العميل ادارة كافة خدماته بإستخدام الرمز#11000*والضغط على زر الاتصال وبيطلع له على الشاشه الخدمات كل ماعليك انك بس تضغطين على رد ورقم القائمه

وعقبال 15000 نقطه :)


تحياتــــــــــــــي

[بــنـــ الأصول ـــت]

^^^^
طيب ومستوى رقم (1) اللي فيه عدد النقاط المكتسبة 750
ماتقدر تستفيد منه ؟


على فكرة هي مو فاتورة ,, بطاقات مسبقة الدفع

[زمن]

تقدر ليش لا تستبدل 750 نقطه

بـ 110 رساله قصيره محليه مجانيه
او
بـ 50 رساله قصير دوليه مجانيه
او
بـ 5 ميقا انترنت
او
بـ 60 دقيقه مجانيه طبعاً محليه

[حلاها مبتليها]

زمن

ممكن سؤال ؟

معليش بس مالقيتك الا هنا ^^1

[زمن]

تفضلي اختي حلاها امري

[بــنـــ الأصول ـــت]

مشاعل

ماقصرتي ياقمر (F)

زمن

الله يقويك ,, يوم عدلت ردك ، وكتبت طريقة الاستبدال فهمت
الحين بجربها وان شاءالله تضبط معها

لاهنت

[حلاها مبتليها]

بنت الاصول اعذريني تطفلت على استفسارك بس شفت زمن وقلت اغتنم فرصة تواجدهـ
اعذريني يالغلا



زمــــــن

طرحت مشكلتي قبل شوي بالديوانية وقالوا لي اسألي زمـــن

مشكلتي

قعدت ابحث بقوقل عن نغمات جوال بدون موسيقى
وطلعت لي مواقع كثيرهـ
فتحت كذا واحد

واحد منهم وبمجرد اني فتحته حتى ماحملت شي ابد بس انفتحت الصفحه الا صوت فايروس
المهم صار ذا الفايروس اسمه تروجان انا كأني قريت هالاسم في كاسبر
ودورت برامج تحذفه وحذفته
بس من يوم ماحذفته والصوت اختفى ماعاد لجهازي اي صوت ولا عاد اقدر اشغل اي مقطع :aa24:

للمعلومية

اذا ضغطت على جهاز الكمبيوتر خصائص ادارة الاجهزة تطلع لي علامة صفراء تعجب جنب خانة الـ audio

والبرنامج اللي حذف الفايروس حذفته من جهازي

معليش طولت عليك بس تحملني شوي

[الخافي أعظم]

غريبه اخوي زمن
انا نقاطي 1700 نقطه
تستفيد يقيمة 30 ريال مكالمات
احسه شويه

[زمن]

بنت الاصول

كفشتيني اجل بالتعديل :alrooo7}:
حياك اخيتي وتامريني امر

[زمن]

اختي حلاها

بسيطه اختي كل اللي عليك انك تحملين برنامج سبق ووضعته في قسم الكمبيوتر ووظيفته انه يبحث في تعريفات الجهاز ويحدثها ويجلب لك التعريف المفقود
البرنامج رائع جداً بعد مايخلص من البحث في جهازك راح تطلع لك قائمه بالتعريفات ومقابلها ايقونة التحميل اختاري التعريف المهم الان واللي هو الصوت واضغطي على تحميل وبعد مايخلص تحميل بتتغير الايقونه الا install وهي تنصيب التعريف وبعد ماينتهي اعيدي تشغيل الجهاز وبيرجع الصوت كما كان

وهذا رابط الموضوع

http://www.alrooo7.net/vb/showthread.php?t=40123

واي مشكلك تواجهك انا بالخدمه وتحت الامر


تحياتـــــي

[حلاها مبتليها]

يعطيك الف عافيه


الحين باحمله

[زمن]

الخافي اعظم

حياك اخوي من ناحية شويه فهي شويه يابعدي
بس مزية نقاطي انها ماتنتهي الا بعد مرور سنتين يعني ماانت مجبر انك تستبدلها الان تقدر تجمعها ودايم ماننصح العميل بتجميع النقاط ولو بيدي يالغالي زدت نقاطك صفر وخليتها 17000 تستاهل

تحياتي

[الخافي أعظم]

كفو يا ذيباااان :)

ما يجي منك اقصور اخوي زمن
يعطيك العافيه يا غالي

[بــنـــ الأصول ـــت]

حلاها معذورة ومسموحة ,, والموضوع حلالك

بالعكس سؤالك ممتاز واستفدت منه ,, معلومة جديدة

خدمتيني بدون قصد ..:.

الله يقويكِ

[فيه أمل!]

ليه يعني انت تشتغل في موبايلي؟!؟

ياخي ذبحوني ماغير اشحدهم يخلون برجنا 3جي ومطنشين:#

حسبي الله عليهم ما ندري نجيبها منين والا منين:(

من المصالات والا موصايلي:#

،

وانا قبل يمكن اسبوع كملت 800! واخترت رصيد60!

قالولي جاك 60 اون نت؟!؟ الموهم جربت ادق ودق

وخشيت نت فيها ومن بعد كم يوم جيت ادق ولقيت الـ60 صار صفر:(

او يمكن 60 صفر:(

الا حسبي الله عليهم:#

^

عاد الله لا يهينك انسخ معروضي وقدمه لهم بالحرف الواحد()-()

وقول لهم فيه أمل! ماراح تسامحكوم ابد:# ولو ان المسامح كريم

والدنيا مافيها خير بس للأسف ولسوء حظهم انا بخيله:#

ان شاء الله الامور مع زين تزين()-()

<ناوية عليهم الله لا يعوقها بشر..:.


























فيه أمل!(ورده بيضاء)

[الوسام]

8 8 8

هاللوح دبل كبدي بكل موضوع يبربر انجليزي ولا ادري وش يقول :alrooo7>:

يعطيك العافيه زمن على هالمعلومات الطيبه صراحه استفدنا جميع

من خبرتك في هالمجال مشششكور يا بعدي :alrooo7<:

[نجوود]

أصــوله ..زين انتي مير نقاط ..تتحكمين فيهن

بووه نااس يعطونهم ستين دقيقه مكالمه فيديو ..
كل مافاز الهلال .عاد احسبي ..يمكن الحين اخوي صار عنده فووق
120 دقيقه ..
والمسكين مايبغاهن ..:.

...............

الوســام ..
لو تدري وشهو قايل كان حذفته بكبره :brows:

هو يسأل ..
هل شركه الزيت العربي وشركه والسلطة الليتساوى سن كونان السلطة يتساوى
هم نفس بعض ؟؟
هذا ان كان ترجمتي صح ..اخاف اني موب حول ديره ..:.

[زمن]

فيه امل

ابشري ولا يهمك لو اعطيهم معروضك من ثاني يوم اصير سيكيورتي

وفي الخدمه اخيتي اهم شيء ماتزعلين علينا

[زمن]

الوسام

الله يعافيك يابعدي << مع انك سرقت الحاني :alrooo71:
في الخدمه يالغالي واذا رفعوا ضغطك علمني وابشر بسعدك

[زمن]

نجد بنت خالد

حتى اخوك عنده نقاط بالإضافه لمكالمات الفيديو لأن الباقه لرقمه هي الموج الأزرق وعملاء هالباقه يجيهم بعد كل فوز هلالي 30 دقيقه مكالمات فيديو مجاناً

تحياتــــي