صفة تضايقك في شخصيتك ؟ اذكرها و لا تخجل

[محيط المحبة]

صفة تضايقك في شخصيتك ؟ اذكرها و لا تخجل

السلام عليكم ورحمة الله وبركاته

كما خلق الله البشر باختلاف اشكالهم ولغاتهم وقومياتهم فقد وهب لكل واحد منهم

شخصيته المستقله التي تتميز بصفات وطباع ...فمنها الصفات والطباع الموروثه ومنها

المكتسبه ....وكذلك لكل شخصيه مميزات وعيوب ...

ولكن الكل يرى مميزات شخصيته ويفتخر بها امام الاخرين ...ولايرى عيوب هذه

الشخصيه واسواء صفاتها .

فهل لنا أن نقف وقفه صادقه مع انفسنا الان ونتخلص من اهم ما يعكر علينا

شخصيتنا ... ونطرح سؤال هام وهو

س- ماهي الصفه التى تعكر عليك شخصيتك وتتمنى ان تتخلص منها ؟

ارجو من الجميع المشاركة

[*مـــاســه*]

والله بالنسبه للصفه اللي ما احبها بنفسي
فهي مب صفه بل صفات<< متعوب عليها بل

بس صراحه ما ودي اتخلص منها لانها تفيدني دايما

اهم شي الصراحه الزايده
لاني ما استكت
بس الحين بديت اكبح جماحها << مدري وش فيني اليوم على الفصحى!!

طيب انتي علمينا وش هي الصفات اللي ما تحبينها بنفسك؟؟

[روح الأمل]

أنا عن نفسي
ودي أو في خاطري أتخلص من صفة الكتمان


التي دوما تضعني في مواقف لا أحسد عليها






روح الأمل

[محيط المحبة]

بالعكس كلكم صفاتكم ما تضايق الا ترفع الراس

اما انا عندي زيادة العاطفية والرحمة لو اشوف اي لقطة محزنة إنشاالله مسلسل ابكي لو اكلم اي احد من اهلي بعيد

عني مشفتة من فترة كذلك واحن لشفت الأطلال هذة الصفة تضايقني

[مشاعل**]

صفــــه ودي تفارقني الصرااااااحــــــه والحركه السريعـــه...
معقدااااااني هتاااان الصفتااااان

تسلمين على السؤال الجميل


‏مشــــــاعل

[moon silent]

لا أعرف إن كانت جيده أو لا

ولكنها في أغلب الأحيان مزعجه وحاولت التخلص منها ولم أفلح
حتى إني دخلت دورة للتخلص منها ولم أفلح

وهي عدم مقدرتي على قول كلمه ( لا )

يعطيك العافيه على موضوعك

[المهــــا]

الله يعطيج العافيه على هالمشاركه الرائعه

وبالنسبه لي الصفه اللي فيني وفعلا اتضايقني هي حساسيتي الزياده .. المشكله ان الكل ملاحظها والكل يقولي ان هالصفه غيريها ..

بس مالقيت لها حل .. واحس كل مالها واتزيد مادري ليه

اختج المهـــا

[محيط المحبة]

اختي moon واختي المها اشكركن على مروركن الطيب وتفاعلكن مع الموضوع

أخوكن محيط المحبة

[الامبراطوره]

يسلمووووووووووووووووا ع الموضوع

انا بصراحه شديدة الأنفعال والعصبيه
صفه لا احبه في نفسي 000000واحاول ان اغيرها

الامبراطوره

[محيط المحبة]

أختي الأمبراطورة والله لو تحسبينها زين الدنيا كلها متستاهل زعلك وإنك تتنرفزين كثري من الأستغفار

[رنيــــــــــم]

مشكور محيط على الموضوع
بس والله انا الصفه الي ماتعجبني فيني مو ماتعجبني بس مسببه لي مشاكل كثييييييييييير
اني صريحه زياده عن اللزوم واقطها في الوجه ماافكر فيهاااا

وبجد حاولت اتخلص منها لاكن للاسف ماقدررررت

[محيط المحبة]

بالعكس هذة نعم الصفة بل هذة الشجاعة بعينها يعني ما تخافي لومت لايم

[ع ـذبة الروح]

والله صفاتكم حليوه
مو مثلي ياكثر الصفات اللي ما احبها فيني
وأولها (( اللقافه )) ..:.

[محيط المحبة]

بعض القافات على سنع وبعضها يخلف الله الا بعد طفاقة لكن أتوقع حتى اللقافة الي تجي منك دلع يعني حلا

[شواطىء ذهبيه]

صريحة الى ابد الحدودوهي قد تقعني في مشاكل كثيرة

ذهبيه

[الغلا كله]

انا بالنسبه لي متردده مررررررررررررررره اقعد ساعه لو ابغى اخذ شي يعني اشتري وللمعلوميه هالصفه عرق فينا التردد بكل شي طبعا في صفات غيرها بس ذي اكثر وحده تضايق
مشكوره اختي

[M a S h H o R]

اولا شكرا لك اخي الغالي محيط المحبه على الموضوع الرائع


انا بالنسبه لي عندي صفه دائما احس انها تضايقني

وهي صفه اني اخجل من اي شي حتى اختي من ابي ولم استطع ان انضر اليها

ودائما اشعر بان الناس يتحفضون في التعامل معي لهذا السبب

وشكرا لك اخي الغالي على الموضوع الرائع

اخوك

هيشوو

[بنت الجمال]

مشكور أخوي عالموضوع


بس أنا الصفة اللي ما تعجبني بنفسي إنه اذا صار لي أي موقف أوأي شي غريب سواء انه حلو أو موحلو يعني مثلا

زعل .. حب .. فراق .. ......الخ

أقعد طول الوقت أفكر فيه وبالي يكون مشغول مررررررررررة

وكثير أحاول إني أسيطر على نفسي

بس للأسف أحيانا أقدر وأحيانا لا

عالعموم يعطيك العافية


بنت الجمال

[اميرة الورد]

مشكووووووورةع الموضوع..
صفااات مو صفه..

بالنسبه لي اللي يضاايقني فيني واتمنى اتخلص منها العصبيه..

الكتمااان مقدر اتكلم عن اللي بداخلي..واحيانا حتى لو احد غلط علي مقدر ارد اسكت ..اقول بقول كذا وبسوي كذا لكن لما يجي وقت الجد اسكت ومقدر اقول شي..

وووو وشو بعد الحساسيه شووي

يعطيك العاافيه ع الموضوع

[{سـاره}]

يسلموووو على الموضوع

بالنسبه لي كتومه كثيييير

واذا زعلت من احد ما اوضح هالشئ له الا اذا كان شيء كبير

اذا كنت متضايقه على طول على السرير وابكي ما اعرف اطلع اللي مضايقني ابد

كثيير حساسه

وصايره عصبيه بزوود:(

[آحسآسٌ]

بداية يسلمو على الموضوع ربي يخليك ويسعدك

وبصراحه انا عندي صفات موكثيرهـ اللي موعاجبتني لكن متضايقه منها

الصراحه واجرح بصراحتي كثير
العناد وبهذي ماحد يغلبني
طيبة القلب الي زياده عن اللزوم
العصبيه الي بزياده عن حدها

ارق التحايا
ريما

[فيه أمل!]

من يومي احب المزح وصنع المقالب (ولو وصل لحد اني اكذب لمجرد المزح)<<اتمنى انها تنقلع عني واطلب من الله المساعده



واحس ضميري يئنبني له اكثر من سنه خصوصا انه مايجوز:alrooo7|:



حالياً احس فيني شوية سذاجه وبيني وبينك احسها ماتليق علي اببببد اببد:alrooo7<: <مابيها



وبتم وراهن وراهن يا انا يا هن!!



ومثل ما طورت بعض صفاتي وكنسلت البعض الآخر راااح احطمهن بإذن الله



اييييييييييه فيني عدم احسسسسسسسساس ولله الحمد!


مهما يصير ومهما ينقال ما ازعل ابد(اذا صار الموضوع كبيييير


يمكن اتحسس حبتين بالبدايه لكن بعد فتره اصغر الموضوع الين يصير لا يرى بالعين المجرده واقول الوضع تمام)


<<هذي الصفه اهلي يكرهونها فيني كررررره ولكني احبها ومتمسكه فيها..:alrooo73:


وبصراحه اكيد فيه غيرهم ولو بسأل اهلي بيعطوني لسته طويله عريضه لها اول مالها آخر بس


نكتفي بهذا القدر..



تحياتي لك