المساعد الشخصي الرقمي

مشاهدة النسخة كاملة : فطاير بالدجاج


هدوء الليل
11-18-2005, 08:06 AM
مرحبا بنات .. اليوم بسويلكم فطاير الدجاج إن شالله تعجبكم .. بصراحة طريقة حلوة...
اولا العجينه.. ممكن تستخدموا هذا الطريقة او عجينة شذاوي اللي سبق انها ذكرتها..
المقادير..للعجينه:
طريقة العجينه تتم على مرحلتين ... ويبيلها شغل شوي يعني الكسلانه لا تجي.. وطبعا مافيه احد كسلان.
1- 1وثلاث ارباع كاس ماء فاتر+ 2 ملعقة أكل خميرة فورية + 1 كوب حليب بودرة + نص كاس زيت + ملعقة صغيرة ملح + نص فنجان سكر
أخلطيها مع بعض بشكل تتدريجي يتكون عندك سائل اتركيه لمدة 5 دقايق حتى يتخمر.
2- 2 كاس طحين+ ملعقة شاي"او صغيره" بيكنج بودر Bp واخلطيها مع السائل.
3- اخيرا جيبي كمان 2 كأس طحين وحطيها علي الخليط السابق واعجنيها تمام علشان تتكون عندك عجينه طريه ومتماسكه... اتركيها تتخمر عن طريق تغليف الوعاء اللي فيه العجين بالتغليف النايلون علشان مايدخلها هوا. اتركيها لمدة ساعة ألا ربع.
في إثناء هذي الفتره تقدري تجهزي الحشو.. وهو الاهم.
المقادير:
اربع صدور دجاج مسحب.
اربع ملاعق زيت للقلي.
بصله مقطعة مكعبات
حبه وحده طماطم مقطعه مكعبات
ثلاث ملاعق كزبرا خضرا طازجه
فصين ثوم مبشورين
بهارات مشكله.
رشة زنجبيل.
الطريقة..
تقدري تجيبي أربع صدور دجاج مسحب
اسلقيها وقطعيها على شكل شرائح صغيرة
قطعي بصله واقليها بشويت زيت وحطي معها فصين ثوم مبشور مع كزبرة طازجه "طبعا احسن من الناشفه" علشان تعطي نكهه احلى.
حطي الطماطم المقطع معها وقلبيها على النار لمدة 3 دقايق.. بعدين واخيرا حطي عليها الدجاج المقطع وحطي البهارات عليها ملح, كزبرة ناشفه,كمون, فلفل اسود, فلفل احمر.. رشة زنجبيل.. وقرنفل"او مسمار" قلبيها شوي على النار .. تقدري تحطي عليها صلصة طماطم حسب الرغبة.
وبكذا تكون الحشوة جاهزة والعجينه جاهزة تقدري تشكلي الفطاير حسب ماتحبي.
وبالعافيه.

"بنات تقدرو تستخدموا العجينه لجميع انواع الفطاير والبيتزا كمان".

انين الروح
11-18-2005, 09:31 AM
شكرااااااا

يلسموووووووو